貴麻橋咖喱屋

Open Now

Now Closed

雖然它們的生咖喱味道不錯, 但份量很小,兩人吃了碟生咖喱羊腩($70)及咖喱雞球(43),跟餐己包括法包一個,可分五片,加3元叫弓卬度薄餅,但吃完還是肚仔空空,因為羊腩只有數件,不太值還有法包燒焦了,幸好要求更換,他們也肯,這才挽回少少分.

中午去食,佢地係咁叫我地試地獄湯麵,咁好啦,試下啦,除左辣之外....乜咪都食唔到(我食得辣的),有同2個女仔去,佢地唔食得辣,想叫野飲又超貴...........環境迫到呢.............

同朋友去對面麗新商業中心篤波篤之前醫下肚兩人點了:咖哩羊腩 $50 +$2 凍甘筍雪梨汁羊少少蘇, 非常嫩滑而且入味, 對比來說較鴨肉為好最正真是個汁自製的, 由多種材料製成少少辣, 唔甜的, 但很開謂一早叫侍應添多飯若另叫一碟好像要十二元座位較窄, 裝修倒算不錯咖哩鴨 $43鴨味被咖哩蓋過肉輕微鞋左少少

諗住聽個名食米線應該好食 原來係超普通囉...我叫左牛肉+枝竹 米線 +小辣...加多杯檸樂 已經37$諗住收咁貴 應該腕米線 d料 十足 到頭來原來唔係囉牛肉又肥又原 枝竹好薄 又硬 米線又硬.. 個麻辣湯地又冇咩麻辣又擺左好多明星相係到 我心諗咁都有明星係到食野感覺上好似呃人錢... 寧願去譚仔食米線好過....食到一半已經唔想食 又好嬲 都唔知咩黎....

又來了貴麻橋其實一早想拜會其地獄拉麵；上次被其咖喱引走，今次也想來一試其米線！不過，又是未能成功挑戰地獄 - 蓋因太公實在太喜歡「麻辣」這感覺，是晚忽然麻辣癮起，而此店的地獄米線又只辣不麻，唯有要了個非地獄的中辣麻辣魚蛋豆腐筒米線嘗嘗。可惜 - 湯頭不夠鮮甜，辣得也不夠香，那麻辣感太單調；猶幸米線夠爽滑有咬口，而配料也不錯，尤其是豆腐筒豆香頗豐，還可以接受。當然也要叫令人吃過翻尋味的生炒咖喱牛腩配法包 - 咖喱一如上次光顧時的，的確炒得很香，大辣剛剛好有剌激感也不過頭，與這濃香之味非常合拍；可惜上次驚為天人的法包，今次卻大為失色 - 頂層微焦了，而底部烤得不夠脆，反而是很韌實，相當難吃，與上次差天共地。那杯甘筍雪梨蘋果汁是鮮打的，不過也只那小小的一杯，跟餐都比單叫貴7、8蚊，不抵飲。服務方面，上次光顧是老闆親自招待，介紹菜式都很中肯，教人舒服；今次換了位阿姐，不斷要你加餸和加錢跟餐 (正確點說，是將本來可以不用跟餐的米線，說成是一個餐，要收你跟餐價，卻完全沒有提及可以單叫！) 務求要做多十幾蚊生意，太令人有壓迫感.....為了做多了十幾蚊生意，卻令我對貴麻橋的印象由天堂，幾近變成了地獄

今日lunch去試試貴麻橋, 點知一肚氣離開, 真真激氣以後都唔會再去, 冇下次我們入去坐低左唔夠一分鐘個伙計係咁追問我地:食乜啊我地初黎步到, 好聲好氣咁講要睇下先, 點知佢好似唔明咁, 過左一陣又走埋黎問:食咩 ?我幫你地寫之後又再重覆: 我地都講左要睇下先, 之後女伙伙計好好心咁講, 我怕你地遲左番工.. (心諗我唔該曬你WOR, 你廚師煮野煮好耐咩?)當我們開始叫野食個時就出事喇....我order : 女伙計: 我: 女伙計個樣好不滿咁 .....因我叫得太平佢冇水食我另一朋友叫單拚, 佢態度仲差....不停我朋友加多個(送)又叫佢加餐飲, 最後我地當然冇就範啦, 女伙計係面黑黑最後d野食到左, 我地發現2碗麵既(送)調轉左, 同個老細講, 佢係咁死撐話冇錯仲係咁用隻筷子(撩)我地碗麵, 比佢撩過我地真係唔想食, 之後再帶番個放大鏡(撩)清楚我地碗麵, 真係火都黎最後攪左一大輪終於有得食, 不過佢都冇換, 係我地自己攪點, 都唔知咩服務態度 so so so　難形容碗麵個味真係非常普通, 個咖哩又咸...食食下仲有d苦味添我個朋友個碗麵, 佢講明明雞肉 (雪左九千年,有嗅味)

突然好回味這裡的咖喱，星期日打算過吃一頓，怎料星期日只開夜晚，激鬼死。上次摸門釘，今次就找個平日的晚上放工來吃。這裡出名咖喱和米線，最憎食米線既我當然是選擇咖喱，考慮一會，要個咖喱雞球。可以配法包、薄餅或白飯，而我是日想食飯。咖喱汁既香且濃，辣度適中，夠晒惹味，相當的出色。單是這個汁，不用任何餸也可以送一碟飯。雞球是起了骨的，啖啖肉，岩晒我。肉質嫩滑彈牙，雞皮更加正斗，名不虛傳。飲品是凍檸茶，普普通通，不作多提。坐了近一個鐘，全場只有我一個客，咁好味的咖喱為何沒有人前來品嚐?

今次係第二次去食,只不過係學校放lunch同朋友去食。呢間鋪雖然寫住「貴麻橋麻辣米線」,但絕對唔係食米線,因為又貴,又唔夠對面譚仔咁好名氣,最重要係唔夠包。返到正題,我同朋友都點左個咖哩魚柳飯,原本我地都揀中辣,不過老闆係咁勸我地中辣好辣,不過我地都堅持要中辣。只不過,廚房個師傅就話黎左個小辣比我地試下先,唔夠辣先整返個中辣,夠哂好服務!!其實小辣都已經o岩o岩好適合哂鐘意食咖哩又鐘意食辣既人,因為小辣食食下真係會幾辣下,不過咖哩唔辣唔好食都係辣既咖哩最好!!講到d咖哩咁正,但點解只去過兩次?未係因為個價錢囉!!我o個o個咖哩魚柳都要$45,真係好貴下o架!!凍飲仲要加$5......不過唔夠飽可以添飯!!

特登上網睇過先黎．一向都好支持小店，睇完食評覺得ok有誠意．午飯時間，推開門，入面十幾張台先得一台客，唔通隱閉累事？＊＊＊＊＊【唔抵食】打正旗號賣米線，差極有譜啦心諗．點了雞肉，煙鴨胸，秀珍菇酸辣米線．一般到極，份量好少（譚仔一半），湯稀稀的，一味酸，唔辣，冇乜配菜，係得酸菜．煙鴨胸ok，但百佳熟食貨色個種囉只係，唔特別雞肉明顯冇飛水，一陣雪味．＊＊＊＊＊【一肚氣】埋單：$35張紙寫住 $19單送，每加一個送$3蚊，旁邊寫住「凍飲加兩蚊」，咁我叫三送，加熱飲，即係＝$25啦？下？下？下？咁點解係：＄３５呢請問？我諗我當時都下得幾誇張．個阿姐話係餐黎架喎．我睇晒成台餐牌都冇話有餐，而個餐係$35喎！！！唔係依據我剔個張紙架咩？好唔順氣，但都冇法子，無奈地走人．最諷刺係，甫出門口，頂，原來對面有譚仔囉，d人圍攻城牆咁等位．（心諗，又洗唔洗多人得咁緊要？）＊＊＊＊＊＊【建議】我對呢間食店既建議係：一，改善食物質素，一個女仔米線都冇八成飽，可想以知幾細份二，Mark up唔好咁恐怖，咁既質素，點值＄３５呀?唔係點同對面平靚正兼大大碗既譚仔鬥？三，最好大開道門啦，門面封閉式黑媽媽，唔係上網睇過都

新年假到星期五，因此特登跟女朋友到此，希望可以試試宣傳海報上的三級勁辣地獄米線。老實說，我倆都應該算是吃得辣的人，平常"別府"的甚麼八椒都是絕對沒有問題的。今天，坐下以後，店員再三建議我們不要吃，因為從來沒有人吃到，我們又再三要求下，老闆才給我們試試二級的辣，結果是.....我們克服了，都能完成它，不過可能是較辣的關係，基本上你是吃不到其他味道的，而且米線太硬，好像有一點點不熟的感覺，因此應該不會再試三級勁辣的了~~可是，這裡的咖哩真是一絕(有5分)，我敢斷言是香港的前列水平，值得一試再試..

前陣子電視台介紹過這裡的無間道地獄米線，平常吃慣普通中、大辣米線的我終於嘗試挑戰（因以前見過客人點地獄米線只吃了幾口就放棄）老闆建議我吃半級辣度，但我還是點了一級辣度的地獄鴨胸米線。開始時還可勉強應付，吃到三分一就出汗頭脹，結果吃一半就放棄了！　事後老闆告訴我一級地獄米線大約相等於三倍普通米線大辣，亦即是三級地獄米線等於九個大辣！那你就自行衡量好了。

據說這裏有全港最辣的米線吃，吸引了兩個辣鬼千里迢迢，夜麻麻深入工廠區覓食。不過，甫坐下，魂魄就給咖喱攝走了。這裏的咖喱分「咖喱」和「生咖喱」兩種；前者是早就煮落的，後者是即炒出來的，也是此店的招牌菜，比前著貴約二十元。才不過六十多元，都不算大貴，而且生咖喱較少見；我們就點了個「生咖喱牛肉」，配上法包試試。另外，這裏有也有很多新彊食品，我們也就叫了一個孜然豬頸肉嘗嘗。 「生咖喱牛肉」配法包 ($65) ：這生咖喱確是新鮮炒出來的，比一般已煮好的咖喱香口很多；而當中的牛肉也後鬆軟，牛肉本身的鮮味也足，沒有完全被香口的咖喱蓋過，肉質也夠嫩滑；法包雖然是翻焗，但翻焗得法，皮脆內軟，點生咖喱吃，精彩非常，我們還忍不住要另外多叫一客法包($10)呢！另外，這裏的咖喱可選辣度，我們今次只叫了小辣先試牛刀，稍為差了一點，若選中辣，應該夠辣之餘又不會蓋過食物本身的鮮味。孜然豬頸肉 ($45)：孜然，就是用了一些新彊的香料炒成，豬頸肉炒得很嫩滑，配上香料效果很好；只是豬頸肉太油了點，怎辦呢？伴碟的蕃茄此時發揮了作用：他們夠新鮮可口，吃下去可中和一下豬頸肉的油膩，剛好。而跟隨生咖喱牛肉送上的那杯甘荀 + 雪

　　幾年來都是吃米線的我，昨晚終於點了生咖喱羊肉飯。老闆炒咖喱時已香氣滿店，食味是香、濃、辣不搶羊肉味！（我點了小辣）實在值得一試，這裡還有賣德國 Erdinger 麥啤酒，很喜愛它幼滑的泡沬。當然二者價錢要貴一點、人多時要有耐性等等老闆呢！

其實都黎左好幾次了午餐晚餐都試過~~有繁忙同寧靜的用餐~~每次黎我都會叫3至5個同事同朋友黎食因為可以試到每一道菜同咖哩,服務下午就差少少因為太多人做唔切不過咖哩都係有水準的我就覺得羊係最好食第2就係魚~~不過我最盡都係食少辣因為我怕食唔到而浪費因為老闆都話真係好辣同埋真係自己睇到有人食唔到而浪費~~最得意係叫果時要叫原味0甘先唔辣如果你叫少辣都係好辣~~有2種咖哩選擇2種都有唔同既水準值得去試~果度特飲我都覺得係咖啡係最好飲不妨一試~~ps:晚上食比較好好多~~服務一流老闆會親自出黎問客人意見同一齊傾計~~

本人與同事一起食晏共2人, 由原本座4人A枱, 轉到2人B枱都沒大問題.因它的地方有限,再次要求我倆再轉2人C枱. 其實已經不太想, 心諗食晏食到轉3次枱你話煩唔煩, 店員又不是太好禮貌. 我地都好心轉了枱. 就坐下來不久剛點好菜, 突然"砰"一聲,店員手上放滿咖哩的碗碟打倒在地上, 不幸的我全身背後都是咖哩. "簡直想剎死佢". 竟然果個不知所謂的店員,簡直孚顯了兩句的"對不起"就了事. 我簡直火燒上心,又忍不住都要丙佢兩句, 佢先拿了濕紙巾給我抹,心想下午還要返工, 攪到我成餐飯簡直一肚氣. 估不到一個午飯可以另我有這慘痛經歷. 由一身清潔粉藍外套變成一個充滿咖哩的咖哩人.這間店舖我發誓一世都唔會再幫襯. 況且佢d食物質數都係一般貨. 唔去都唔會有選失!