廣源燒味餐廳

Open Now

Now Closed

間唔中都會幫襯下, 以前燒肉係幾好味, 皮脆肉嫩 肥瘦適中, 入口鬆化, 不過最近都越黎越差, 大不如前。廚房倒醬油個呀伯態度惡劣, 經常甩漏, 唔知係咪食錯藥, 只提醒一句要加薑蓉, 反應極大, 言語和眼神表示不滿, 就因為你經常甩漏, 才要提醒一句, 這位員工倒醬油倒到咁巴閉, 真係佩服佩服。附近食物選擇多, 真係唔多你一間, 買個飯都要受你氣的話, 真係可一不可再, 不會再幫襯, 希望檢討下員工質素, 咁既服務態度真係影衰哂個香港。

因為喺屋企附近所以幫襯過好多次，唔知係我好彩定係咩原因次次幫襯都係熱辣辣出晒煙((我男朋友買都係一樣熱辣辣，唔知係咪佢哋多人買去流快，所以keep到))不過我有試過七點左右去係賣晒的。今日大約5:30pm去買外賣，仍然keep到仲係脆皮嘅燒腩仔~$80一斤~不過圖片入邊嘅係$89，師傅話斬多咗少少問我可唔可以要埋。整體黎講，價錢都合理而有質素有機會會試吓佢哋嘅燒味飯，希望都係一樣質素((不過見其他食評好似話叉燒麻麻哋，但係我就暫時未試過食佢哋嘅叉燒))

初來報到，對紅磡這一帶的飲食資料實在不足，中午一出到街，就先是無差別地找一間合眼緣的地方簡單食個飯仔。結果，就近公司，就選中了這一間名叫《廣源燒味餐廳》的燒臘店來一試。一坐低就有一碗濃濃的例湯了。味道濃郁，甜味比咸味更是突出，相信店方落了勁多的蜜棗，所以味道偏甜了。午餐的主食是叉油雞飯。可能我不是熟客，也沒有要求肥叉，所以來了一些純瘦肉的叉燒。油雞的質素普通，味道算好但肉質好鞋口，叉燒非常之瘦，而且味道很甜，是不是醃製時，糖落得太多了。我第一次食咁甜既叉燒，感覺十分之奇怪。跟餐來了一杯奶茶。味道是夠濃的，但口感完全不滑，奶味又唔夠，很失望的一杯。整體上很失望，覺得這兒，都是吃一次就夠。

馬頭圍哩條巷仔係紅磡極出名, 短短一條巷仔有成十間食巿, 有D質素普通, 有D味道偏淡, 有D就出色.近日新開咗哩間廣源燒味餐廳, 對於我哩D燒味愛好者當然開心啦!同旁邊嘅餐廳相比, 第一個感覺當然係光猛乾淨啦!再留心Ｄ睇吓Ｄ叉燒, 嘩! 有唔少黑邊喎! 燶哂邊喎! 睇到流哂口水!點咗碟肥叉油雞走翼多色, 凍O茶少冰.優點:1, 新開張, 冷氣當然夠凍!2, 我睇到廚房有好大個燒味爐, 而且不停有油雞, 燒肉出出入入, 品質絕對新鮮.3, 叉燒夠甜, 而且口感鬆軟, 滿分!4, 連埋杯凍飲, 都只係44蚊, 平過不少燒味店, 而且叉燒質素掂! 抵啦!缺點:1, 油雞口感唔夠嫩.2, 油雞又係假滿足, 即係望埋去好似份量充足, 但其實雞肉就唔多, 好似得個雞殼.3, 我最愛嘅蔥油, 完全唔得! 一來D蔥外相唔夠翠綠, 都算, 最慘味道過鹹呀! 天呀! ~~>_<~~44蚊未至於性價比高, 但價錢絕對合理!下次試叉鴨!

買左個燒鵝叉燒飯。同個老闆講話燒鵝要胸肉。佢就話俾個鵝俾 你。有好多肉㗎。我就話好啦咁。結果全部都是骨。想搵d肉食下都無。如果我冇特別講清楚我覺得問題不大。如果老闆話淨係得背脊咋。我都覺得冇問題。但係老闆要特登講話好多肉。咁樣就真係嬲咗。$48。自己看圖。今次第一次寫食評。因為受騙的感覺很強，覺得這樣做生意不是太好。所以想多一點人知道。希望佢見到呢個食評會改善一下。如果其他人都見到仲係咁嘅情況麻煩上嚟寫多幾篇。

Restaurant Review📋Food🍽Crispy Roasted Pork🐖Belly & Char Siu Rice Spaghetti脆皮燒肉叉燒湯瀨粉- One of the best Crispy Roasted Pork🐖Belly I've ever tasted. Crispy skin, even stay in the soup for a while, still crispy- Tender and juicy meat with strong pork lark aroma but not greasy at all. Fantastic😋- I've ordered the lean Char Siu, which is very tender and juicy with caramelized taste. What a mouthwatering masterpiece🎖- Usually, Chinese Barbecue Shop uses msg in their soup which makes the drinker feels th