冠泰海南雞飯泰國菜館 (Closed)

下午到龍脊行山過後便順道到筲箕灣找吃的。早幾星期在東大街食過西餐，今次找些別的試試。整條街行了兩遍後，見冠泰屹立近10年，應該不會太差吧，拍板食泰菜！我和男朋友二人吃得不多，叫些小食沙律再加份炒粉已經到頂。＊青木瓜沙律＊清新的青木瓜令人胃口大開！酸酸辣辣，不錯。＊串燒＊四串起，我們叫了2雞1牛1豬。燒得非常香口又不太焦，尤其是雞串！＊冬蔭功＊細的。並非突出。酸度比辣度強。正常。＊醉貓炒河＊一問之下，原來是香葉肉碎炒河。亦屬正常之作。＊總結＊正正常常～

家住筲箕灣..明明樓下有好多選擇 母親大人卻愛留在comfort zone(其實我都係😛）好多時如果晚飯出街食，都係食果幾間酒樓...冠泰係酒樓以外既第一priority這晚5人來到吃晚餐...隨餐附送一個例湯 但湯充滿味精...喝了一口，不想被水填飽肚子便讓店員收走了...（唔想飲味精水嘅話下次乾脆叫佢唔使送來）媽媽最愛的海南雞飯，要了油飯白飯各一，雞件份量唔算多，肉量也偏少，不過肉質尚算滑。重點我反而放在旁邊的汁料，沾雞後微酸有醒胃效果煎蠔餅 略腥，邊位較脆、香口 ，但中心較厚，蛋汁未完全凝固，感覺像普通炒蛋，若煎香脆一點會更吸引青咖喱豬肉炒飯，帶點辣、肉過火，有點「鞋」普通炒飯海鮮金邊粉..酸酸甜甜，雖然一人嗌個飯，呢個係我點的，不過食落..😰唔係我杯茶仲有個細小食拼盤，五個人4個麵食+1個小食..飽飽...

這天同友人行山後返到東大街經已差不多20:30大夥兒都疲倦了, 心裡想盡可能快一點找間菜館食完就散水, 由於吃飯時間有點名氣的門口一早已大排人龍, 想快唯有找些不用排隊的, 這條街唯一的一間泰式食肆, 入內所見都算幾滿下, 不過因為有樓上有閣樓都係可以坐的, 即刻可以坐低叫野食, 先來:椰青兩個$68, Garlic Bread $34柚子蝦仁沙拉, $62柚子份量算多, 蝦子當然係唔多啦, 海南雞半隻$102 唔太出色嘅浸雪雞, 不過未算難食! Oil Rice$12泰式小食拼盤$68 (小)每樣炸物大概兩件, 但點解春卷要一開二咁小家呢?泰式蝦膏炒飯$62無咩料, 靠片蛋皮遮一遮, 此上面放兩片臘腸同幾粒腰果濛混過關,馬拉盞炒通菜$58就一般ok但綠咖哩就唔太出色, 呢個只是中規中舉, 另外一個小炒(牛肉粒之類的)都唔知點解個師傅好似中菜師傅咁, 落重生粉水獻汁, 個獻汁差d一舊舊, 要食中餐我們會上酒樓啦!師傅!Green Curry $82又一個中菜師傅上身的青咖哩總體表演唔理想, 屬於無下次的餐廳之一

家附近的泰國餐廳。樹立了八年以上了吧到會也推出了。多元化呢，但未有機會try。最愛吃正宗無骨海南雞飯配合雞油飯，秘制醬汁。滿足呢炸蛋必叫的，外面魚肉。內在皮蛋。新鮮炸起，配合泰色辣醬。煙un加皮蛋心。好溫馨。哈哈蠔仔蛋餅，蠔仔飽滿，但底有點油油呢炒貴刁。配豬肉，有獲气加點炸蒜，正宗，不是用河粉炒成。

午餐同朋友同往，我叫了豬脾海南雞飯及紅毛丹冰，朋友叫了黄咖哩雞飯及凍檸樂，上餐好快，唔使3分鐘。 首先海南雞飯啲飯暖暖哋，唔熱嘅; 啲雞唔滑又少， 無湯，得碟好似係點豬頸肉嘅醬，無薑蓉、黑油同辣醬，杯紅毛丹冰好甜。 朋友啲黄咖哩唔香唔辣，雞係仲有雪味嘅雞柳條，好似無比咖哩煮過咁，凍檸樂無可樂味又無檸檬味，淡到好似飲冰水咁。 以後食泰國菜，都係去九龍城好啲。

呢日收工行過, 心諗又係一個人去食下午茶既時間喇, 然後就行左入去.叫左個柚子沙律 (HK$62), 份量正常除咗柚子仲有1-2隻蝦, 味道也不錯, 柚子頗新鮮, 味道甜又多汁, 唔會太苦同澀, 個汁酸酸甜甜好開胃, 但系相比正常麵飯類既價錢而言就較貴啲, 始終只系柚唔系咩貴野.

好耐都冇食過咁難食的一餐。。食到反胃喇沙個味好怪， 好似咖哩加甜， 米線又太淋個青咖哩豬頸肉炒飯... 我真係好想問下個厨做緊咩？ 可以唔記得下豬頸肉。。。。 要叫佢返落。。。。 味又淡淡叫做正常的係個frd叫的冬陰功米線， 味ok. 但都同一問題， 米線太淋3杯飲品，唉！通病， 太太太甜。。 杯三色冰， 又想問下咩事?? 點解全都係jelly???? 不同色的冇味jelly.... 一杯正常的三色冰用的食材有冇咁難買呢???

和朋友滿懷好奇心來傳說中的東大街覓食，看到店門口排隊，就默認值得一試。原來東大街+派對no=好吃。點了經典的碎肉生菜包，結果是便粵式口味的肥瘦相宜豬肉粒⋯雖然口感說不上差，但是完全不覺得在吃泰國菜，那些香草的氣味酸爽也無處尋覓。馬拉盞椰菜苗偏老，口味居然類似蒜蓉炒菜心。蝦膏炒飯有微弱海鮮味，份量極大。本來想要繼續加送，冬陰功湯加海鮮青咖哩，也只好作罷。要吃泰國菜還是回九龍城比較好，應該是我的自己選擇錯誤。

好明顯這是很多餐廳的通病，入到去，看見旁邊又送椰汁糕，又有杯水，因為我只系食個海南雞飯，所以就洗杯水都無杯。加上我不是點海南雞脾飯，所以更加歧視我。這個海南雞飯60蚊，不過只有一種醬汁，我問有沒有姜融，他們說沒有，我再問黑油呢？他們說有，於是就換了“黑油”給我，這“黑油”稀稀的，和我食開的不一樣，可能系我唔識嘢，咁先系正宗掛，不料他們馬上把之前那碟泰式醬汁收起了。雞的味道其實還不錯，不過絕對不值這個價錢，講真，我覺得美X好食得多，可能因為又係我唔識食啦！我食野其實都好快，10分鐘內食完，因為都唔想阻住人做生意，最後我都系想搵張紙巾出黎抹下嘴飲埋最後一啖湯，他們就想收走我的東西了（這又是很多店鋪的通病）。最後，我擺低60蚊，默默離開。

午市時間成條東大街好多食店都現人龍，見到呢間無人排已經覺得奇怪，不過好熱好肚餓，又見佢個海南雞好似幾吸引就入左去食。入到去間野唔算大，不過成個場都係坐咗10個人左右。之後店員安排我同女友坐張4人台。女友叫左碗冬蔭公蝦豬頸肉粉絲。湯底夠味粉絲入味但豬頸肉味道淡又唔夠嫩滑。我就叫左海南雞豬脾飯。質素一般但份量略嫌細左d。其實呢度本身都無乜服務，但食到最後先經典。女友杯野一半都未飲到，個染金髮ge肥男店員竟然企喺我哋面前大大聲叫出面三個客坐我哋果檯，果三個客入到嚟見我哋仲食緊大家都有D尷尬。女友唯有嗱嗱聲飲完，但埋單時發覺門口大圓檯仲有位而出面根本無其他人等!咁ge服務質素唔怪得午市繁忙時段都無乜人。間野無下次

My friends CF and M went to beach and we planned to meet here for a late dinner.We arrived at around 9pm and there were like 10 people waiting outside.After waiting for near 20 minutes, we got a table and ordered some quickies.The shop was not very big with not more than 50 seats.  The tables were quite close to each other so it was not really comfortable to sit in.Minced Pork with Lettuce was okay.  The taste of the minced pork was a bit too light and it could be spicier.  The lettuce pieces we

從舉起手等待侍應下單，侍應在下單電腦前久站也沒半點反應。當中走過的員工也有大概五至六人，直至十分鐘後才離開電腦，久久也不回應下單的要求。該名漂染金色曲髮馬尾個子不高而略胖的呀姐，終於來到桌子前。呀姐問我地：「食乜？」下單時，我說：「一碗冬蔭功蝦雞翼米線、一碗冬蔭功蝦雞絲米線」。呀姐略惡話：「講個NUMBER黎啦。」OK,我對照菜單上面的NUMBER講一次俾佢落單。再過10分鐘，其中一碗米線來到桌前。。。我問：「那碗是什麼米線?」呀姐說：「冬蔭功海鮮米線。」我們說：「不好意思，我們沒有點這個米線。」因為單看每碗米線表面的樣子，其實是分辦不到那是哪一碗米線。呀姐表示，「都係是旦其中一碗架啦！」我們再追問：「其實是不是來錯了呢？」呀姐極之悔氣表示：「咩唔係海鮮米線呀，你自己插隻筷子落去咪知係咩米線囉！唔通我幫哂你地每個客都插隻筷子落去睇呀？」對話完結後，呀姐每次走過依然用佢凌厲既眼神「啤」到我地行一行。向佢老細投訴，老細竟然係話：「碗野無黎錯就得啦，呀姐做番自己野，我地知道自己無做錯就得！」真係俾呢間服務態度咁垃圾既餐廳吹漲。

平安夜晚本來打算西餐廳2人世界, 點知老婆想食泰式野就唯有揀呢間特級食店 , 食物真的一般, 馬拉盞炒通菜炒不香而過辣 , 菜身太林一PAT PAT的; 串燒3串起每串11蚊算不過不失之作, 只是花生醬味道不出眾, 相比之下, 街邊串燒醬料更香更濃; 小食併盤唯一特色係炸皮蛋(蝦肉包裹) 、其餘春卷、豬頸肉一般貨色, 選擇不多, 價錢偏貴; 另點了泰式蝦膏炒飯, 因溜單而最後未能品嘗, 不知味道如何

又來東大街搵食, 今晚想食泰國野, 所以去左冠泰, 時間約晚上7時多, 一到達可以即入去, 人不算太多, 但都被安排坐在二樓的地方! 由於二樓是密室, 所以鄰座的聲浪比較嘈吵!!由於人小小, 只得2丁友, 只係叫左3個菜式泰式海南雞飯(HK$54)第一眼見到, 覺得很特別, 因為飯是裝成三角形的! 雞不是太肥, 但沒有太大的雞味, 肉質都算是嫩滑, 再加上清湯一碗(也是味道偏淡的)! 海南雞當然有專屬的醬汁吧, 其他也是一般, 海南雞沾上醬汁後, 有一種小辣小酸的味道。豬肉碎生菜包(HK$51)這個菜式, 絕對是可以係家中自己弄的, 味道十分十分普通! 生菜的份量, 應該有一大棵, 但豬肉碎, 只有一小份, 份量如小的茶樓碗仔!串燒豬雞牛(HK$66)算是三個菜式中比較好的一個吧, 串燒牛豬吃下去, 不是太乾, 而且有些肉汁, 但比較九龍城那些, 還是有一段距離吧! 雞, 竟然做得很香, 不太乾之如, 而且很嫩。小總結, 雖然食物不算十分出色, 但價錢方面是十分大眾化的。

是日午餐D：海南雞配泰式豬肶油飯。雞同豬都完全無味，一定要點醬汁至能入口；油飯一啲油香都無，而且乾嗔嗔，亦無味道。肉嘅份量少，仲菜都無條。有個有一舊冬瓜嘅湯，賣42蚊。