冠泰海南雞飯泰國菜館 (Closed)

午餐同朋友同往，我叫了豬脾海南雞飯及紅毛丹冰，朋友叫了黄咖哩雞飯及凍檸樂，上餐好快，唔使3分鐘。 首先海南雞飯啲飯暖暖哋，唔熱嘅; 啲雞唔滑又少， 無湯，得碟好似係點豬頸肉嘅醬，無薑蓉、黑油同辣醬，杯紅毛丹冰好甜。 朋友啲黄咖哩唔香唔辣，雞係仲有雪味嘅雞柳條，好似無比咖哩煮過咁，凍檸樂無可樂味又無檸檬味，淡到好似飲冰水咁。 以後食泰國菜，都係去九龍城好啲。