饗和民 (萬宜大廈)

Open Now

Now Closed

當中環區遇上午餐時間～平日去中環搵食真係要等好耐，我哋大約等咗二十分鐘終於可以入座啦！好彩餐廳算多座位所以唔算等太耐！睇見餐牌其實同和民差唔多，我哋都係睇lunch set ，已經包括麵豉湯、前菜、飲品，分別叫咗三個午餐：原隻蒜味雞腿燒定食、滑蛋豬柳鍋定食、鯖魚燒定食！味道方面中規中矩，不過朋友份鯖魚燒定食等到我哋差唔多食完都未到⋯⋯通知咗職員仲未到～佢幫我哋追咗幾次終於到啦！

平時同公司同事每星期都會至少食一次雞腿燒定食，基本上一大班同事每次坐底，都會係叫同一set lunch , 連上星期都係水準很高，雞脾整體燒烤味十足，又唔會太乾身，好入味。但宜家嘅雞腿燒定食，俾我感覺係連普通連鎖快餐店都不如，變咗食加汁嘅雪藏雞脾。。。真心唔得。。。本身平時滑蛋飯系列，本身都唔係咁好食，一係無味，一係煮嘅時間唔夠，中午壽司定食嘅分量又係算少，女士可能先岩岩夠分量食到，男士嘅分量就一定唔夠了。。。總括來講，似係換咗廚師，整個雞腿燒定食完全唔值那個價。。。

很久沒有來和民吃飯, 今次來試試晚餐套餐, 估唔到價錢唔貴, 而且份量好多, 有 10樣食物, 感覺最好食係雞扒同埋牛肉鍋, 當然食得日本野就一有魚生, 雖然只係三款, 每款一件, 但真係好新鮮, 另外仲有份三文魚牛油果卷物, 清酒煮蜆, 沙律等等, 呢個價錢呢 D 食物, 真係一個字 - 抵可能中環夜市一向都人流不多, 加上呢度係二樓, 就會覺得更寧靜, 唔會太嘈, 好舒服 ! 要傾下計, 慢慢享用晚餐既話, 呢度真係一個好選擇 ! 而且招呼唔錯, 員工都好細心先解釋一下個 menu 入面既套餐,  每樣食物來到都會講聲係咩, 而且都係面帶笑容 ! 

喺中環唔知食咩好，好彩朋友張信用卡食和民有九折，所以揀咗呢間。天婦羅盛盒$198。有蝦，軟殼蟹，番薯，野菜，同埋一舊好似龍利柳嘅魚塊。冇咩特別，食到最後嗰幾嚿覺得好油。😥而且食天婦羅冇冬菇硬係覺得爭啲野。🤣鹽燒”魚師”魚骹$98。個皮幾脆幾香口👍🏻。但又係都係越食越油，唔落檸檬汁唔得😥特上壽司盛盒$168。正常既款，都係冇乜特別，而且唔係特別新鮮。埋單兩個人$500度。我地都有少少後悔食咗呢一餐。😥

饗和民位於中環萬宜大廈，周末晚上中環人流少，晚餐時段都不用輪候，爽。二人晚餐，牛肉鍋壽喜燒，$88，肥牛豆腐蔬菜一隻雞蛋，標準壽喜燒湯底，無失望亦無驚喜。炸雞軟骨熱辣辣上菜反而有少少驚喜。其餘牛肉鰻魚飯，$138，鰻魚份量較少，味道可以。和民沙律，和民標準。總括來說，和民快靚正，一餐飯45分鐘內完成。

響和民前身係和民，兩間嘅餐牌都差唔多，價格定位都差唔多。喺中環返工想lunch去食，記得用the gulu拎定飛，或者12:00左右去到，咁就避免在等候時間耐。今次食lunch叫咗個星期一嘅定食，係滑蛋豬扒定食，只係$78，個滑蛋有少少偏鹹，但係攞嚟送飯到可以嘅，肉就唔係太嫩。個定食仲有個蒸蛋麵豉湯同埋一杯嘢飲，$100來食到個定食喺中環來講性價比算高，而且服務員都唔會因為你食得耐而趕你走，兩個人坐咗四個人座位坐左個半鐘都幾舒服。

太耐冇去過日本啦，所以今日決定咗同老婆去食間靚日本餐廳，饗和民，唔經唔覺原來和民已經有20年嘅歷史，所以佢哋推出左一個晚市套餐，首先我講一講入面嘅環境，裝修超級靚，仲要有勁多日本人喺裏面，唔講以為自己去咗日本，我心諗日本人去食得一定有返咁上下，我同我老婆叫咗個六道菜套餐，頭盤有個沙律上面有啲刺身，有三文魚，帶子，北寄貝，超級鮮甜！第二道菜係壽司，總共有六款唔同嘅壽司，有海膽， A4和牛，三文魚，蟹子，甜蝦同埋我最鍾意嘅鰻魚壽司，鰻魚壽司上面個鰻魚好似手掌咁大，超肥美！第三道菜有爐端燒珍寶帶子配蘑菇，帶子正大隻！第四道菜就有壽喜燒，佢哋用咗九州和牛，油脂分佈一流，再配埋個讚岐烏冬！再配埋個甜品，最尾飽到捧住個肚走！

好想去日本玩啊～～疫情緩解前只能吃美味的日本料理過過癮了😂今天造訪了和民集團的#饗和民，剛好遇到20週年有豐富的雙人套餐❤️❤️➡️前菜是#雜錦刺身沙拉爽口開胃➡️握壽司有多款，最愛九州A4和牛與海膽入口即化的鮮嫩口感😋➡️還有份量十足的烤帆立貝及和牛壽喜燒，生雞蛋🥚和牛🐂一秒來日本🇯🇵 ➡️最後是甜品雨滴餅💧沾滿黑糖和花生粉很解膩爽口，完美句點❤️🥰🥰🥰開心滿足心靈和肚子的一天👍

【#饗和民】"尊尚季節限定“ 2人前6道菜 ($280/位) 包括▪️九州A4和牛炙燒壽司▪️日本直送鮮味油甘魚壽司▪️三文魚壽司▪️三文魚籽軍艦▪️甜蝦壽司▪️日本產海膽軍艦/炙燒原條星鰻壽司▪️爐端燒北海道珍寶帆立貝▪️九州A4和牛壽喜燒▪️雨滴餅～前菜(1份) - 《雜錦刺身沙律》沙律菜有冰菜、昆布、蕃茄、黃椒等等～夠新鮮又colourful~刺身有三文魚、吞拿魚同油甘魚，每件厚切又肥美～加埋沙律醬同青檸好開胃～尊尚壽司六貫◽️《九州產和牛炙燒壽司》- 肉質半熟嫰紅，入口有脂香及牛肉濃香～◽️《日本產油甘魚壽司》、《甜蝦壽司》同《三文魚壽司》大件又新鮮～◽️《三文魚籽軍艦》- 晶瑩又鮮甜～◽️《炙燒原條星鰻魚壽司(2份)》- 賣相吸睛～香甜又夠飽肚～《北海道產珍寶帆立貝殼燒(2份)》鮮嫩彈牙，入口豐厚牛油香～《九州和牛壽喜燒鍋(小)(1份)》牛色澤嫰紅，入口牛香濃郁有肉汁～湯底香甜濃郁，再配讚岐烏冬(火鍋用)的確好味～《雨敵餅(2份) 》**每月每店只限預定50份**晶瑩剔透～味道微甜，加埋黑蜜同黃豆粉就會好好味～**套餐內容會因應當天食材略作調整**

今日中環收工，想食日本野，近近地就去萬宜的"饗和民"吧，來到餐廳，原來是香港和民集團20週年慶 ，在推廣"尊尚二人前六道菜.季節限定6-DISH SET"，一於試下先。前菜(1份)Appetiser刺身沙律尊尚壽司六貫包括九州產和牛炙燒及日本產油甘魚及炙燒原條星鰻魚壽司、三文魚子、三文魚、甜蝦(各2份)壽司質素都幾不錯，最吸引係原條星鰻魚，份量十足。北海道產珍寶帆立貝殼燒(2份)醬汁汁香味濃，帆立貝鮮味嫩滑。九州和牛壽喜燒鍋(小)(1份)讚岐烏冬(火鍋用)Sukiyaki用上和牛，牛味香濃，質感腍軟，配上鮮日本蛋一流，另上一份讚岐烏冬，很滿足。雨敵餅(2份)晶瑩剔透，十分漂亮，口感清爽。

今晚約了女朋友去中環食日本菜，由地鐵站去餐廳，大約10分鍾，非常方便。入到餐廳，見到餐廳中間有一個竹林作為裝飾，非常吸睛。我們點了尊尚二人前六道菜，頭盤先來一個沙律。沙律入面有不同刺身，例如三文魚，北寄貝，而且非常新鮮。加入沙律醋，味道更好，酸酸的，作為前菜，非常開胃。尊尚壽司，包括有三文魚，海膽，九州產和牛炙燒及油甘魚壽司。全部刺身都是厚切，非常鮮味。三文魚壽司整個放入口內，三文魚的味道非常濃，好像食厚切刺身一樣，很滿足。特別想介紹九州產和牛炙燒壽司，件和牛好大塊，入口即溶，而且牛味非道濃，一食就知是高質素的和牛👍🏻北海道帆立貝殼燒，帆立貝很大粒，一啖都食唔晒，需要用刀切開，但竟然一點也不韌，很鮮甜。九州和牛壽喜燒鍋及讚岐烏冬，和牛也是高質素的，湯一熱，等一下就要將和牛夾起，否則會煮到過火。和牛不但牛味香濃，入口即溶，還吸收了壽起燒的甜味，勁好食。食完和牛，重可以將讚岐烏冬放入去湯入面煮，讚岐烏冬非常有咬口，不會發脹變淋，配上甜甜的壽喜燒，令我食到停唔到口。最後來一個甜品，雨滴餅。雨滴餅晶凝通透，好似水晶一樣咁靚。食之前要加上蜜糖，口感比較爽口，這個雨滴餅為咁好味既晚餐畫上完美的句號

我對和民既認識真係好淺，淨係知道佢係食日本料理今次食饗和民令我幾有驚喜今次朋友帶我黎食呢個尊上二人六道菜套餐，有前菜，壽司，燒帆立貝同埋壽喜燒鍋今日既前前菜係雜錦刺身沙律，雜錦令到個沙律色彩繽紛沙律菜配埋麻醬一齊食係最佳配搭之後就係尊尚壽司，有6款唔同分別係三文魚籽、海膽、珍寶甜蝦、三文魚，油甘魚同九州和牛炙燒我最鍾意既就係九州和牛炙燒，入口即溶，牛味香濃另外就係海膽，夠哂鮮甜燒帆立貝，帆立貝好大粒，用牛油煮再加少少醬油鮮甜又帶有牛油香跟住就係和牛壽喜燒，食和牛我最鍾意就係配壽喜燒食成個鍋好豐富，好似去左日本既感覺，配埋個烏冬就非常完美最後甜品就係雨滴餅，晶瑩剔透，配埋少少黑糖醬食滑溜溜既口感為晚餐劃上完美句號

唔講真係唔知和民已經20周年，而家仲推出期間限定極平 Omakase 晚市套餐特典訂購優惠，$280 就食到和牛海膽入饌升級版Omakase
其實饗和民我都係第一次食呢度環境好靚，日式風味濃厚，連我哋隔離枱錯嘅都係日本人，一邊聽住日文真係以為自己去咗日本今日食套餐，包括：日本直送鮮味 油甘魚、日本帆立貝、及日本海膽壽司、九州A4和牛等首先嚟嘅係開胃刺身沙律🥗日本直送新鮮蔬菜壽司6貫，脂香四溢既九州A4和牛炙燒壽司、有手掌咁長既星鰻壽司，仲有三文魚甜蝦同帶子壽司，全部都好新鮮主食有九州和牛壽喜燒，選用牛中極品九州A4和牛，油花細緻均勻，配埋讚岐烏冬，好好味而我最鍾意嘅係爐端燒北海道珍寶帆立貝，非常大隻，爽口鮮甜每月每店只限預訂50份，想食嘅真係要快手啲book

饗 和民 勁高質日本料理豪華二人套餐太耐無去日本，真係好掛住日本野食呀, 今次去左饗 和民，解下旅遊癮先！呢個豪華二人套餐, 好有驚喜, 我以為自己去左日本!!!!! 好高質!!成個SET野食都幾多, 2人份量, 都飽到食唔曬!! 固定商品:1.凱撒沙律（半份）：爽脆嘅蔬菜加上煙肉脆麵包，淋上沙拉醬，爽脆可口。2.精選5品刺身組合：油甘魚，三文魚，帶子，甜蝦等, 擺盤超美, 打卡一流, 仲好新鮮！3. 天婦羅爽脆彈牙天婦羅，裡面海鮮材料豐富，食到唔停口4.雨滴餅（2個）：靚到唔捨得食呀, 口感好特別！甜甜地, 飯後食岩曬~可選擇商品1.鍋物（2選1）「壽喜鍋」一邊煮一邊食，裡面有各種蔬菜蘑菇，豆腐，牛肉，仲有日本蛋可以當作醬料。豆腐好嫩滑，牛肉都肥瘦相間，煮幾秒就可以食，千祈唔好煮過頭，肉質會變老。2.主食（4選1）特盛燒牛井：牛肉飯裡面淋左特製醬料，飯上面鋪滿左牛肉，再打上一個生蛋，趁熱攪拌均勻，咸咸甜甜嘅醬汁加上軟糯嘅飯，大大嘅滿足感，好好食！3.飲品15款選2款，基本飲咩都有饗和民（中環）地址：中環德輔道中60-68號萬宜大廈2樓213號鋪（香港站C出口）營業時間：星期一至日11

年尾食返餐好，lunch 同同事去和民食，同事叫左壽喜燒鍋，我就叫左滑蛋鰻魚豆腐鍋，本身以前都會同壽喜燒一樣，有gas爐係到燒，但係原來冇😢其實賣相唔錯，但係冇gas爐係有d失望，滑蛋唔錯，鰻魚都好食，但唔係好食到豆腐，重點係個湯底好鹹，一定要撈飯先得🙈 $98再加一，都要$107.8，唔係咁抵食，反而同事食個款壽喜燒鍋就正，下次唔好簡呢個鰻魚豆腐😂