京都勝牛x TOKYO DOLCI (Closed)

呢到竟然比我見到有個雙味套餐 一次過可以試晒兩款吉列牛扒😌唔洗揀🥩菲力牛比起翼板牛更加軟腍 翼板就會煙韌啲 外層炸皮同樣金黃香脆🧡配埋九款唔同嘅醬汁 各有特色 味道即時昇華✨

京都勝牛，日式餐廳格局，主打日式吉列牛，也有豬或者海鮮選擇，不過我最初卻是被門口的甜品賣相所吸引。店子不大，而且枱子有點細，卡位四人枱放了四個定食，中間放多個火爐仔已好勉強（鐵板爐仔是給食客，可以將肉燒至喜好的熟度，或加熱，十分細心）試了幾款牛，分別是菲力牛，翼板牛，元祖牛排，個人食完都分不清食了邊一款……😅沙律菜絲，湯和飯也可無料添加，不過份量其實也很足夠。壓軸甜品，賣相吸引，可是隻鯛魚燒卻令我和朋友好失望，表面又唔香脆，好實，唔好食，雙色雪糕也食唔到有咩味道分別，只係覺得好甜。

荃灣廣場有新食店有吉列美食、壽喜燒仲有gelato 同軟雪糕呀！滿足～滿足⭐️🔸香脆炸里脊豬排套餐（$148）豬扒非常厚，但肉質一啲都唔會鞋，好鬆軟，好有肉香！建議點豬扒醬食會仲正。唔建議落檸檬汁，因為炸皮會變淋。🔸和牛壽喜燒套餐（$188）💟牛肉係向偏肉味濃，口感適中，唔會過油。湯底係一般嘅壽喜燒湯，內有唔少蔬菜同豆腐。🔸炸特選大海老（$52/一隻）💟隻蝦真係又大又爽甜，肉質好彈、又多肉，炸完都仲有鮮味，推介！🔸炸廣島蠔（$52/2隻）哩款都唔錯，但就唔算好有驚喜。🔸水果之味（$58）💟🔸Gelato 💟2款雪糕都好值得食！我大推！水果之味係黑糖軟雪糕+脆米+鯛魚燒，軟雪糕又滑又香，好正！Gelato 我揀咗海鹽焦糖、開心果，個人推介海鹽焦糖，好好味😋！.🔸芒果奇異果特飲（$36）🔸白桃蒟蒻冰茶（$32）夏日時令特飲，味道清新又唔會太甜。

再訪京都勝牛，係我好鐘意既炸牛排店😍今次去左荃灣廣場食，餐廳簡約木系日式裝修，都坐得好舒服。🔸炸特選大海老🍤炸廣島生蠔🦪非一般炸蝦❗️超大隻😱大蝦好爽口，生蠔都好飽滿👍🏻🔸京都勝牛雙味套餐🐮上次食元祖炸牛排，今次見到雙味套餐，即係一次過試到兩款炸牛排🥩分別係翼板牛同菲力牛，外層相當酥脆，餐廳本身預設炸牛扒係三成熟，可以叫店員俾塊熱板，再加熱塊炸牛排至自己喜歡的熟度。菲力牛比較軟腍，翼板牛就相對有嚼口，可以配上9種醬汁，分別有綠芥末、咖哩醬、七味唐辛子、招牌牛排醬、鰹魚和風露、玫瑰鹽、日式溫泉蛋、胡麻醬、和風沙律醬，試下唔同口味。🔸和牛壽喜燒套餐🐮唔想兩份都炸野，揀左個和牛壽喜燒食下，和牛份量都幾多，肉味濃郁。套餐都會附有麥飯，椰菜沙律同味噌湯，份量好足夠。椰菜沙律配芝麻醬同麻油食都好好味。🔸夢幻抹茶Matcha Dream🍵蜂巢脆脆Honey Crunch🍯荃灣店有TOKYO DOLCI 的雪糕櫃，揀左兩款甜品。超豐富😍有好多配料，例如厥餅、紅豆、粟米片、蜂巢脆脆等，好滿足😚🔸白桃蒟蒻冰茶、藍柑荔枝味有汽特飲🍹我就飲白桃冰茶，有粒粒蒟蒻好有咬口😋📍#京都勝牛x #TOKYODOLCI (

bookmark左呢間日本餐廳好耐啦，一直好想試佢嘅出名吉烈牛，難得搵到朋友有興趣，終於可以一試啦。雖然係午餐時間，但係都無set lunch，只有主餐牌加配小食同飲品。環境坐得幾舒服，足夠嘅自然光射入餐廳，加上日本風嘅裝飾，未食已經心情歡愉。我叫左基本嘅元祖炸吉列牛排。日本美食果然特別精緻，吉烈牛一上枱，即刻心心眼。除左有碗麵豉湯，仲有多款調味，包括岩鹽，玫瑰鹽，咖哩醬，燒烤醬等等。牛肉本身係三成熟，好嫰滑，如果嫌略生，可以放在熱石盤上燒一燒，燒到自己喜歡嘅熟度，呢個咁個人化嘅口味真係好正。温馨一提，如果嫌伴碟嘅椰菜絲太乾，可以淋上枱上嘅芝麻醬或者沙律醋一齊食，就唔會太dry la

見荃灣廣場開咗新的日本餐廳，價錢都唔平，放假一於食吓好嘢😌仲諗住食啲有質素的餐廳服務會好啲，點知職員都喺比個QR CODE客人自己落單，唔知以為自己去咗食元X….我叫咗和牛壽喜燒套餐🐮計埋加一都超過$200/餐…老實講，堅失望👎🏻所謂和牛同普通打邊爐舖頭的牛肉片真係無分別…又厚又（鞋口）..個湯底勁勁甜，食到最後連啲金菇蔬菜都擺唔入口，因為勁甜…珍珠米唔靚，無飯味。我最欣賞既係切得超薄片的沙律菜，清甜。另一半叫咗吉列豬扒咖喱套餐，食後感係豬扒比較乾，咖哩汁比較少。埋單$381，仲要自己行出去收銀比錢，既然下單同埋單都係自助，點解仲要收+1呢？不解。呢個價錢咁嘅質素就真係可一不可再啦。

原來呢間餐廳唔只得吉列牛可以食 仲有我最鍾意️嘅壽喜燒❤而且係配和牛🐮食落更加滋味✨和牛油花十足 入口嫩滑牛味濃 識食一定點埋生雞蛋🥚湯底好清甜 啲配菜同和牛都索晒啲汁 真係好正‼️

上一次應該係喺日本經過見到荃灣開咗即刻忍唔住試吓啲Package都唔平架我揀咗雙牛套餐$198兩款牛包括翼板牛同菲力牛仲連埋5款唔同嘅鹽同3款醬油每一舊肉點一種啱啱試晒椰菜沙律係無限添食同出面食炸豬扒嘅餐廳一樣牛嚟到時係三成熟 如果怕生可以request個爐再煎吓因為我食開三成 所以冇特別再煎不過聞到隔離檯煎咗又好似好香喎兩款牛比較 菲力牛好味好多下次可以直接叫菲力牛叫咗兩杯白桃烏龍（少冰）最後唔夠凍 建議唔使少冰另外由於同TOKYO DOLCI聯乘所以專登叫咗個甜品呢個蜂巢甜品都幾好味鯛魚燒好好味 其他嘅配料都好夾

京都勝牛🥩評分：🌕🌕🌕🌘🌑行經荃灣廣場，試試一間新開人氣日式料理 - 京都勝牛；特色在於吉列牛/豚肉/海鮮，而伴碟沙律菜 & Miso Soup 係任re-fill 既~ ✅·名物翼板拌鰻魚套餐翼板牛賣相不錯，擺盤豐富有唔同配料和汁，但預設3成熟(偏生)，建議再燒熟少少食；吉列鰻魚外脆內軟有汁係驚喜😃·香脆炸里脊豬排套餐吉列豬扒厚身有肉汁，正常發揮，預設配燒汁~如配沙律醬會更fresh更出色😇·東京風牛排鍋膳套餐牛排鍋有驚喜✅ 伴滑蛋漿汁煮，外皮吉列而又保留到牛排原味，伴飯一流，值得試下😊

好出色嘅吉列菲力牛呀😍由日本關西過江龍黎到香港唔怪之得咁多人去啦呢到裝修簡約得黎帶啲日本風坐得幾舒服元祖牛排炸串 📍$52好耐無食啦！外面脆得黎，入面嘅牛肉依然可以好嫩滑自家製豚肉餃子 📍$52帳卜卜嘅餃子，外層好薄好脆，唔會煎到好乾，點埋啲醋都幾開胃和牛壽喜燒套餐 📍$188好味好味 😋 湯底好香好濃郁，一黎到即刻拿拿聲影相，想快啲食落肚呀！和牛好嫩，簡單淥一淥，再點一點日本蛋已經好正京都勝牛雙味套餐 📍$198一次過食哂2個牛嘅部位 - 翼板 + 菲力 ☺️ 真正做列medium rare，個人比較鍾意菲力，肉質淋身啲，而且肉味濃啲 👍🏻 呢到嘅吉列牛仲有9種唔同配料，一份餐食列幾個味，多種美味。個set 仲包埋住任添嘅沙律菜&白飯架蜂蜜脆脆 📍$58呢到嘅雪糕同 @tokyodolci 合作，中間個軟雪糕我地揀咗香芋，好滑身，而且好香奶味 👍🏻 加埋啲配料有朱古力珍珠，粟米片，蜂蜜脆脆，仲有充滿住紅頭餡嘅即整鯛魚燒，好特別 😍 而且咁多嘢都只係$58，好抵食雙球意式雪糕 📍$54我地揀咗榛子&岩鹽焦糖味，各有特色，好香好滑

京都勝牛是日本過江龍，除了香噴噴的外，還有和牛壽喜燒，可以品嚐不同烹調手法下，呈現的和牛魅味！餐廳木系格調，加上紙燈籠和盆景的點綴，充滿和風特色。炸廣島蠔兩隻52炸蠔炸至脆卜卜，外酥內軟，咬下去是肥美的蠔肉，熱燙的肉汁鮮甜，配上蛋黃醬，滋味誘人!自家製豚肉餃子五件52每隻也脹卜卜，餃子底部脆皮可口，裏面填滿豚肉碎，入口充滿豐盈的肉汁，口感軟嫰，沾上特製醬汁後，更添惹味。京都勝牛雙味套餐198雙味是吉列菲力牛及翼板牛，上枱時預先炸至三成熟，被薄薄的麵包糠包裹著。特別備有燒爐，外層酥脆，中心仍然嫩紅，快燒5-10秒肉香更濃郁。香脆程度自己控制，燒香後入口脆卜卜，品嚐到油潤肉質，跟配多款醬牛排醬、咖啡醬、山椒鹽及黑松露鹽等，提升純樸的牛香，令人食指大動。套餐還有麵豉湯及米飯，豐富滿足。和牛壽喜燒套餐 188和牛迷人嫰紅，滾淥十多秒享用，肉質軟腍，吸收了壽喜燒鍋底，入口濃郁香甜，沾上温泉蛋後，入口更順滑，令人迷上。湯中的野菜豐富，鮮冬菇、蔬菜及豆腐蘿蔔等，吸收了牛肉汁精華，十分香稠，另有一番滋味！夢幻抹茶軟雪糕58濃郁的牛奶軟雪糕，淋上抹茶醬，賣相色彩繽紛，旁邊放上鯛魚燒、蕨餅、草莓、紅豆蓉和

上網見到買一送一優惠咁岩經過就黎試下啦！本來擔心要排隊🤣點知一個人都冇lol問左店員原來得兩款口味1. 牛奶2. 紫薯我地一行四心就叫左2 set，即係4個扭紋🍦賣相：4個有3個都吱得好肉酸😂已經降低左食慾味道：紫薯味根本唔係紫薯味，食落係芋頭味即係平時芋頭雪米糍嗰隻味😢唔係話難食，但係同想像中唔一樣囉～同埋佢雪糕嘅口感好奇怪唔係好順滑咁，而係係個口入邊漿住漿住咁😂😂😂唯一個優點（定唔知缺點啦）就係佢好大個$36兩個黎講，份量係好足嘅！

京都勝牛係荃灣廣場開咗啦!!店舖更特別聯乘TOKYO DOLCI，可以食完和牛再歎甜品～晚市時間座無虛席，好彩一早BOOK咗位，裝潢偏日式風格，兩人卡位好闊落，坐得舒適。元祖牛排炸串外層金黃鬆脆，咬落口感軟嫩，層次相當豐富～炸特選大海老超大隻海老，蝦肉好Q彈。Order套餐可以無限添加麥飯、椰菜沙律同味噌湯，好抵食～椰菜沙律淋上柚子汁，酸酸甜甜特別開胃清爽。京都勝牛雙味套餐一次過可以試哂翼板同菲力！牛肉上枱時係三成熟，想熟啲職員會再提供鐵板再燒～兩款牛肉味都好濃郁，尤其推薦翼板牛，嫩度適中，油花分布均勻，口感Q彈帶勁。和牛壽喜燒套餐放滿食材，賣相非常吸引～有芋絲、豆腐、野菌、黃芽白等等，和牛肉質細嫩，油花細緻，肉味香濃，蘸以日本生雞蛋同吃，特別滋味！！入口更加嫩滑，提升和牛味道層次。甜品揀咗兩款夢幻抹茶牛奶軟雪糕香滑濃郁，配鯛魚燒、蕨餅、粟米片、紅豆蓉、柚子，再淋上抹茶醬，口感豐富，賣相一流！蜂巢脆脆同樣配上香滑牛奶軟雪糕，配料有鯛魚燒、蕨餅、粟米片、蜂巢糖片、朱古力珍珠，淋上黑糖醬，甜度適中，咬開鯛魚燒有滿滿紅豆餡，正~白桃蒟蒻冰茶冰茶清新舒爽，配QQ蒟蒻，好有咬口。紅豆宇治冰抹茶清

荃灣開左🇯🇵過江龍京都勝牛 門口有gelato賣😛直至11/6都有買一送一 $36有2球 真係好平😍尋日有9隻味: 伯爵茶 焦糖 花生醬 雲呢拿 番石榴 火龍果 香蕉😉✨京都宇治抹茶 開心果抹茶味嘅雪糕食得多 gelato都真係第一次食☺️兩者都好順滑 好濃味 旁邊仲有d醬/粉 免費比你加😆$36/2球真係無得輸 行過口痕可以食下😋

幾年前去京都既時候食過一次價錢抵食兼好味估唔到香港都開左分店仲要係荃灣啱曬我之前新開業果排都想試但無奈去既時候都好多人隔左一段時間再去雖然假日晚上都多人要等位可能唔算太晚既關係，等6張枱就入座了(大約半小時)不過店員安排左近門口位其實唔太鐘意坐門口位不過如果要轉位又唔知等幾耐唯有將就坐住先不過坐得有d逼，有種壓逼感唔太舒服落單用QR自助落單我地揀左元祖炸牛排同豚牛兩味(麵豉湯、飯同沙律菜可無限次添加)另叫左一份小食+飲品套餐及淨飲品炸牛排上枱set左3成熟如果覺得太生可以問店員拎個煎pan自已煎返熟另配9款醬料(個人覺得沾咖喱汁係最好味)食物質素還可以，不過我覺得豚肉仲好味過牛排可能牛排既部位太多筋，有D韌豚肉就好鬆脆，又唔厚粉不過飲品方面就有待改善飲品價錢貴但一d都唔掂熱情果鮮桃味有氣特飲$36成杯只有熱情果既酸味，其他乜野味都飲唔到仲要比較細杯，冰又多，飲幾啖就無！宇治紅豆冰抹茶$32飲落得奶味，完全無抹茶味小食叫左炸廣島生蠔2隻炸蠔，咬落都Juicy，不過層炸粉偏厚埋單每人都$250左右，價錢偏貴試完一次就唔要有想食第二次既感覺