L1fe Café (Closed)

今日約左好耐無見既朋友黎食lunch, 朋友之前食過推介。bk 左一點鐘上到黎，只有幾枱客，環境唔算大仲要好鬼静，三個女人真係驚嘈親人🤪，不過去到兩點幾又居然差唔多full 晒。假日lunch 無set只有單點，價錢唔算平。menu d 名又係走過癮路線，不過我開始唔係好buy 呢d 野xD, 可能上次食左類近既餐廳，個名打卡過癮，但野食好一般，真心味道先係主角。✨人見人愛明帶子$128: 隻帶子真係最吸睛，大大粒鮮甜刺身級數幾鮮甜。個意粉幾掛汁有淡淡既明太子味，但身為明太子fans 既我覺得佢個味唔夠勁，無左明太子既辣勁，不過其實都好食既，意粉煙韌度都啱啱好。✨啖啖解圍住你$108: 啖啖飯都食到蟹肉，個飯好濕潤索晒醬汁，仲有d 咬口， 加埋d 蔥花真係好香，又食到蟹味。✨膠牛嘴邊肉$188: 價錢都幾貴，不過真係好好好好食。未食過d 牛係軟綿綿得黎充滿膠質，真係好特別。薯蓉都好滑，點埋個汁超好味。 ✨我雖醜但我好食$78: 面頭帶點焦香，入邊既cheese非常軟滑濃郁，就算飽都會想食落去。

好耐冇出過去食晚飯，今晚同d friend揾間樓上cafe hea下傾下計，揾揾下新餐廳揾到呢度。估唔到d 野食都唔錯，環境坐得舒服。我哋叫左小食- 水牛城雞翼，炸魷魚，主菜pork belly, 蝦意粉，carbonara同甜品心太軟& Crème Brûlée性價比幾高，d配菜又幾好味，有西餐廳嘅高質素。餐牌d 菜名好得意，幾有驚喜。其中最鐘意佢個果茶，用新鮮鳯梨同蘋果整！ 仲有個晚廚師推薦菜式牛肩膀，好有牛味，有咬口，好高質素。值得再encore!

47人黑暗的一天，與朋友farewell，本想去一日三餐撐撐機師一家，誰不知停咗電。臨時搵到呢一間似係新開嘅小店，即管試一試。七點幾上到去，我哋係第一枱客，心中有啲驚，還好後來陸續再有其他人入座😅點了一份春雞同豬腩，等了一陣子，食物送過來的時候，喜出望外！除了賣相好靚、份量非常足之外，脆皮豬腩，外面嘅香料彷彿是一朵朵花。爆開咗皮，脆卜卜；下面嘅肉和脂肪，比例剛好，不多不少，一啲都唔油膩，肉質仲非常之淋！春雞無咁wow, 但亦做到唔鞋。整體而言，絕對對得住個價錢，可以再去。希望小店做得住！食飽飽再看電話，繼續傳來壞消息。香港人，加油！

今日悶悶地去自己一個😺去左一間油麻地與旺角交界既cafe☕️入到去環境乾淨，舒適。員工見到面時，服務態度非常親切👍🏻因為自己一個關係。只係想嘆杯咖啡休閑休息下。但竟然發現不單有一般餐廳飲到既飲品。仲有本身cafe既coffee ，每杯咖啡都有獨特既專屬名😹而且職員介紹飲品時，介紹果茶。最終我選擇左一杯果茶。最岩善變既我😺。可以有唔同選擇。同職員閒談間發現果茶，真係想像中好飲🤭有青蘋果，菠蘿。最特別係職員介紹果茶有新鮮既人手調制既菠蘿果醬😳一路食一路飲。幾特別。係一個唔錯既地方。同選擇。

🔹Three eggs omelette 💰$98👅🌕🌕🌕🌖🌑7.5/10奄列我要左芝士、蘑菇、火腿做餡，啲蛋都幾滑唔會老，配料都落得幾多；下面嗰塊包應該係sourdough / artisan bread, 有烘過，所以食落麵包外皮微脆香口，嚼下就會食到麥味，我覺得咁樣嘅combination 幾有心思同幾match 😚🔹Crab meat and crab paste risotto 💰$108👅🌕🌕🌕🌖🌑7.5/10個汁幾香，食到一絲絲蟹肉，飯都煮得幾好，個人都幾鍾意呢個risotto😋🔹Cream Brûlée 💰$78👅🌕🌕🌕🌗🌑7/10布甸幾有蛋味同埋好滑，面頭嘅焦糖幾脆同埋唔會苦，雖然係幾大份，不過都係覺得有少少偏貴🤏🏻🔹Iced fruit tea💰$36👅🌕🌕🌕🌗🌑7/10呢個好似係sognature 之一，飲落的確有啲驚喜，唔係完全得熱情果味，同出面飲嘅有啲唔一樣，幾好😝 不過有啲細杯🙈🔙回頭指數: 7/10🔅呢間新開嘅cafe 坐得幾舒服，食物都feel 到有心機同幾高質，不過定價算進取👀─────────────────────• 店舖資訊 •#L1fe👉🏻 @

第二次黎食野環境好好，衛生好好職員態度好，有禮貌今次去呢間cafe食左佢個全隻烤雞🐤加Americano，雞好好味，d肉好滑，個條香草味都好正，會再食🤣🤣仲有最重點系配菜好好食（尤其係d菇），第一次食牛牛時已覺配菜唔錯，呢個雞雞加埋d配菜真系好味😋😋😋我諗我會成日黎食配菜🤣🤣下次再黎會叫佢加配菜杯Americano都保持到唔錯😋聽老闆講朱古力🍫🍫都好好飲，諗住下次會上黎黎試下!

去油麻地發現這間店，好像平平無奇，但竟然有驚喜，咖啡真心不錯。食物也有驚喜! 一定要試佢哋Braised Beef Cheek!同埋帶子明太子Linguine ! 真心不錯！

環境舒適，以淺啡色warm tone為主題，好休閒，店員服務態度都一流！👍🏼食物方面：獨家果茶好新鮮，有新鮮水果比足料，聽聞係廚師用新鮮菠蘿煮左四個鐘嘅果醬。超級有心👍🏼

今次經朋友介紹第一次黎呢間新開既cafe🍴睇完玩具近近地就去試下🥳地點方便就腳，就信和對面環境好，清潔👍🏻👍🏻大約兩點黎到，可能新開+疫情關系人唔算多，唔洗等位！今次試左佢個Risotto +杯Americano，味道幾好，同我以前食開既Risotto有d唔同，佢相比一般既比較多汁，食落感覺都幾特別！基本上我日日都會飲齋啡，杯Americano就都算幾高分，可以再飲平時我都唔寫食評，但見到呢間cafe班年青人逆市開業，又感覺到佢地好有heart !我會再黎試下其他野，不過重點都系睇到其他台既菜好似都幾正🤣🤣🤣

見到旺角開左新西餐cafe，我一向最鐘意食西餐，即刻狗衝去試試先😛而家呢個時候，冇得堂食晚餐最麻煩😡不過L1fe Cafe唔錯，叫左2個外賣，用環保紙盒裝好，比埋紙袋方便拎走，返到屋企食都仲熱，包裝做得唔錯😊食物方面，叫左佢menu上2個意粉試吓，一個Carbonara，一個Chili and Garlic Prawn Linguini。Carbonara認真出色，調味夠，肉肉足料😋Chili and Garlic Prawn Linguini一樣足料，蝦大隻，唔會太辣，唔食辣人士都啱食😋一句講曬，L1fe Cafe值得encore，我會再試試其他食品，希望會一直保持水準啦🥳

帶住兩個小朋友出街，食飯想搵間舒服乾淨嘅地方，咁啱見到呢間新開張嘅餐廳，決定一試。餐廳地方唔大，但座位闊落開揚。光顧時為午餐時間，有套餐提供，價錢亦只係$80左右。原本想試午餐之一嘅牛舌，後來見到主餐牌有比較特別嘅慢煮牛面肉，於是叫咗一客，我仲叫咗杯Mocha。小朋友想食意粉，於是叫咗香蒜大蝦意粉，店家仲好貼心，可以走辣。大蝦意粉好香蒜味，有4隻新鮮爽甜嘅大蝦，小朋友好快就食晒😋而牛面肉份量十足，香濃野味又肉質嫩滑，連埋薯蓉一齊食味道啱啱好，淨食的話會有少許咸。食飽心思思想食埋甜品，餐牌有心太軟同焦糖燉蛋，最後都係揀咗小朋友鐘意嘅朱古力心太軟，自己就揀咗店家推介期間限定嘅巴斯克芝士蛋糕。心太軟裡面係暖暖嘅香濃朱古力流心，配埋雲尼拿雪糕一齊食，一冷一暖味道非常配合！特別嘅係雪糕係有真雲尼拿籽，唔係香精油造，清香唔會好假嘅味👍🏻巴斯克芝士蛋糕就好軟滑好creamy，口感仲有啲似燉蛋，加上微微焦香，連伴碟嘅藍莓都又大粒又甜，十個讚👍🏻👍🏻👍🏻👍🏻店家話係用咗日本同法國嘅忌廉芝士做，誠意十足！唔怪得咁好味🤤其實杯咖啡都特別，朱古力同咖啡味完美混合，仲完全無糖，充分飲到兩種味！最後大人細佬都十分

今日去支持這家旺角新開小黃店。餐廳佈置明亮簡潔，舒服，清靜。由於客少（只有兩枱）可以坐在大玻璃前慢慢嘆（不過擔心可唔可以頂住）。叫咗個午餐嘅牛脷飯同蜆肉意粉。牛脷飯可以（冇驚喜），意粉味道同趙口都喜歡。加埋兩杯咖啡，$190。正！推薦、撐！👍✊

今日經過旺角街多人諗唔到食乜喺潮特望到對面有個大大招牌L1fe Cafe就拱在上黎試下上到黎見黑板啲嘢食幾吸引有lamb curry, slow cooked pork jelly但見lunch menu有牛舌！（仲要lunch menu!)就叫試咗先紅酒燴牛舌好多地方都有夷度做得唔錯 汁嘅味道好好而牛舌腍度適中尤其個配菜紅蘿蔔好好味想食多兩粒 🤤份量係意想不到嘅大 （對我黎講）咖啡叫左flat white 雖然個拉花...普普通通啦但咖啡個味道係好嘅 唔係咖啡達人我只識分鐘意定唔鐘意咋😂今日人流都幾多 不過好在cafe樓底勁高 唔會好嘈 大落地玻璃啲陽光照入黎幾舒服 夷個lunch...勁抵💚🤍

約咗朋友下晝就唯有早啲出黎食晏。就上咗呢間新開嘅黃店。成間舖都幾細，但有梳化位幾舒服，不過見佢都冇客咁濟，可能因為咁所以環境都算幾好😂叫咗個南瓜雜菌(?)Risotto。一睇已經覺得太多汁，正常risotto係冇咁多。仲要冇擺碟，risotto本身已經係杰撻撻，仲要多汁，就睇落一pat pat 。已經咁靜冇客，既然咁多時間係咪至少要花啲心思擺呢？（其實even忙嘅餐廳都唔會咁擺...）🤔味道就一般，唔係特別好食都唔係特別難食。不過係新開嘅餐廳，相信仲有好大嘅進步空間。見佢有牛脷食，有機會都想再試嘅...反而杯mocha幾好飲，朱古力都幾出。雖然飲得出啲豆係深焙(個人鍾意淺焙🤣)，但夾埋朱古力又幾好飲😋

同朋友約咗去旺角，發現呢間樓上cafe，就決定上去食lunchLunch有四款，或者都可以嗌其他main dishes同小食Risotto好香好creamy，仲有好多我好鍾意食嘅菇😛另外仲嗌咗紅酒燴牛脷，都好香(但掛住食 唔記得影相🤣另外因為我同朋友都係呢排生日，特登加咗個甜品蛋味好濃 又好滑😛其實仲想試雞翼 但同朋友都細食 唯有下次再試🥲