蓉玥 (Closed)

好多中環返工嘅朋友都介紹話呢間嘅酸菜魚同四川菜幾好食，但晚市因為限聚只可以外賣，就試吓外賣酸菜魚。今次叫了酸菜魚給一個炸墨魚餅，酸菜魚另外加咗配菜（加咗窩筍，魚腐等）拎外賣嘅時候熱辣辣，但返屋企路程遙遠，我自己都在有煲返熱嚟食。魚片嘅份量算多，但配菜一個+10幾蚊份量就唔算好多，兩個人叫做夠食，酸菜魚嘅湯底比較青，個人口味來講覺得可以再酸d，但嗌小辣來講辣嘅程度對我來講啱啱好。唔知係咪個墨魚餅拎到返屋企林左唔好食，份量少，可能叫其他餸會抵啲。整體來講覺得都OK，下次可以試吓堂食， 佢其他四川菜都好似幾吸引。不過值得一提嘅係佢每個外賣盒都要收錢，我今次外賣就一共用咗五個盒收咗我$5 ，我覺得可以用個大啲嘅盒一來環保啲，二來唔使夾硬要人俾錢，依家限聚唔可以堂食大家都局住要外賣，要收外賣錢仲要一蚊一個覺得唔係幾抵。

此店由米之蓮3星中廚主理，賣點唔只食物質素高，價錢亦都相當親民，店鋪位置唔算就腳，內裹空間亦都唔大，有小許擠迫。 招牌老壇酸菜魚酸菜魚係招牌菜,湯底用自家醃酸菜和魚骨熬煮，鮮味方邊做得好出色，味道應該改良左小小，比較粵式，因為對比其他酸菜魚，辣度同酸度比較淡，岩唔食得辣的人士。魚片就非常之嫩滑，不過魚骨比較多，食的時候要注意一下。 爽清麻辣魚皮香港好小地方食到麻辣魚皮，魚皮非常之爽脆,完全無魚腥味，值得一試。 鬼馬鳳梨咕嚕肉咕嚕肉都係依度推薦菜之一，看似普通，但醬汁甜酸度適中，肉質外脆內嫩，相當開胃。 臘味煲仔飯煲仔飯要提前預訂，一煲大概4-6人份量，材料有臘肉、臘鴨、臘腸同膶腸鋪滿曬飯面，非常之足料，飯粒分明同夠乾身，臘味的油香完全滲透曬入飯粒當中，煲邊的飯焦卜卜脆，十分惹味。四人光顧，點餐如下：魚香汁臭豆腐爽清麻辣魚皮招牌老壇酸菜魚（3-4人）古法干鍋豬大腸啫啫時菜煲紅糖糍粑Hoegaarden x3Corona凍咖啡 x3四位用臘味煲仔飯鬼馬鳳梨咕嚕肉無加一，合共HK$1,351。

好耐冇叫過這間外賣，因為新開的時候比較混亂，現在過了一排，終於又再叫返。今次試了麻辣魚皮($56) 及酸湯手切崩沙牛坑腩。都算OK，麻辣魚皮都算爽口，但是不是好辣。午餐叫了酸湯手切崩沙牛坑腩配薯粉($109),都算幾貴。崩沙牛坑腩一點也不像牛坑腩，只是一般的牛腩。湯都有酸辣味，不錯。轉做薯粉另加$9.9. 薯粉的湯底是魚的湯底，變相有兩碗不同的湯底給你吃。Total: $215 連運費，湯粉午餐中算係貴的午餐。

这个酸菜鱼有点甜酸菜的独特酸甜味道是整道菜的核心，再次来吃肯定是为了酸菜不是为了鱼。味道之独特下次你不会是想起酸菜鱼而来，而是想起蓉玥而来。简直是酸菜鱼界的周黑鸭。不过我说有点甜，是真的有点甜。虽然很好吃，不过下次我可能还是会买有机元素的66元酸菜鱼。外卖91实在是太贵啦

朋友突然之間好想食酸菜魚 所以我哋特登搵吓邊間酸菜魚好食 見到依間網上有人推介所以就特登去中環食佢午市時段會有套餐 所以我哋嗌左一個酸菜魚套餐 轉左土豆粉 另外我哋見到有炸大腸食所以即使佢唔係套餐入邊我哋都嗌左嚟食我哋仲嗌左一個涼拌海蜇同紅糖麻糬做甜品佢個酸菜魚的確唔錯 魚片好滑 但個人認為可以再酸少少 純粹個人喜好😂我哋轉左土豆粉 佢個湯底係魚湯 都幾好味我覺得餐嘅重點係個炸大腸 唔知係咪太耐冇食過炸大腸 朋友同我都覺得好好食 佢有啲麻辣味 重點係佢炸得好脆 好香口朋友同我都覺得海蛰麻麻 我哋覺得可以再濃味少少😂 因為我哋都好重口味最後個麻糬好chewy好有咬口 整體都覺得好正 應該會再去 試下其他小菜

中上環有呢個價錢食到咁L正嘅中菜，你話俾我知去邊度搵？酸菜魚：招牌，有料道，開胃，魚好滑龍崗雞：滑、好食，但感覺似甜嘅口水雞桂花蜜脆骨：10分，太正啦，我食過最好味嘅排骨，肉地彈牙，肥瘦均勻，香甜可口耗油肉末茄子：送飯一流，唔會好似出邊餐廳啲魚香茄子一樣咁油膩湯又正，有杏仁霜！落足料而且午市套餐都包沙律+湯+茶（有啲似涼茶，下火清甜，唔係茶餐廳啲頹茶餐廳唔算大，星期日中午行過，呢排武漢肺炎關係中午唔多客，環境肆肆正正，人均100出頭，我唔知係中環可以去邊度搵咁嘅級數嘅餐廳

聽聞此處是米之連的廚師主理，最出名是招牌老壇酸菜魚，所以叫了兩位用的款，並且加12元加入薯粉，要求少少辣。從外藐上同一般酸菜魚很不同，沒有一層油在面。魚身片得較厚及大片。用的是生魚雖厚身，但魚肉仍然很滑嫩，只是有幾片有些碎骨但味道十分好吃，湯底沒完沒肥膩感覺。至於薯粉很特別很有咬感，同一般的較厚身。另一款是古法干鍋豬大腸，曾吃過的多數是煎大腸的制法，但此店就是油泡方法，有些肥膩些，但味道十分惹味並且，豬大腸很厚身雖有咬感但完全不韌尤其薯仔很入味及香身。最後想清下口腔，叫了一款甜品，紅糖冰粉，陫紅糖外還加上了花生及葡提乾。入座時有兩杯飲品給我們，一杯紅棗，一杯紅棗加山楂，還有黑木耳小食。

今日諗住放lunch食下堂食, 見都唔係好多人入去食下 坐低左一陣就同我同事叫左兩樣野, 一個炒飯一個蜜脆骨點知等左好耐都無黎, 前後催左三次第一次催左係同我講整緊 但事實上連睇下廚房有無煮到都無第二次催 竟然同我講 不如比碗飯你先我心諗 你比碗白飯我做乜?之後催第三次 見到廚房有出到個密脆骨 但竟比左遲黎既人而唔係比我 到最後完全無野落肚同侍應同經理講無時間食 取消左張單 竟然到同我同事埋單既時候 張單係無同我取消 一心諗住出左碟野就無問題 完全一d歉意都無 我等左45分鍾都無出到碟野比我, 而係一句sorry都無 以後唔會再去

因為想食酸菜魚，所以上網搵左蓉玥，見d人話酸菜魚幾好食，就早5日book枱，4個人黎食。Book左星期五晚19:30，放工後7點半準時到，到後講返Book左枱，個侍應好似好驚訝咁，但張booking紙又確實有我個booking，侍應同我地講汁緊枱......到19:45入去問，竟然話買緊單.......結果一買就買左差唔多半個鐘😭到19:58終於有位入得😓😓😓其實4個人又book左枱，真係唔expect要係門口等半個鐘講返野食先，由於我地比較大食，今日4個人叫左6個送+3個甜品，同埋蘋果醋同3支細支Corona，另外賣多1個送！酸菜魚鮮香爽脆海哲自信口水雞清爽麻辣魚皮香煎蠔仔烙風沙脆皮豬手杞子桂花酒釀丸子紅糖糍粑紅豆蓉雙皮奶酸菜魚同預期中比較，有點兒失色，雖然湯幾甜，但魚無乜味😖同埋加左薯粉好粗，所以都唔入味！當中比較特別同推薦係豬手、蠔餅、麻辣魚皮同紅豆蓉雙皮奶，豬手好香好脆，蠔餅好足料又大隻，魚皮口感爽，紅豆蓉雙皮奶脆得黎唔太甜👍🏻不過買單時有少插曲，令到餐飯開始同結尾都不太愉快😔我地發現單收左2個餐前小食，但我地等左接近半個鐘後入面，根本無送過小食，問侍應先知係青瓜同木耳，根本無

四川菜，酸菜魚好吃到不得了，大部分菜都是辣的，對著不吃辣的朋友有點過意不去。可是等了好久才等到限聚令放鬆，才有機會再來吃過。 午餐也有酸菜魚套餐，抵食夾好食。 嚐過他們的糖醋麵，魚香茄子，樟茶鴨，好大份量，非常抵食。好好味

中秋節正日夜晚嚟食 好彩早兩人book咗枱 唔係就要摸門釘 Book咗夜晚6點鐘 入去已經有幾枱坐低咗 唔知關唔關做節事店面唔大 8圍枱左右 不過有大圓枱for成家人建議想食最好book定枱老壇酸菜魚$198 for 1-2 pp個魚彈牙有咬口 可以連埋皮食 唔係平時食開嗰啲一咬就會散嘅魚 讚個湯唔算好辣 你當譚仔4小辣個湯唔會比其他配料香料搶咗 飲得出魚湯鮮甜味我覺得啲酸菜幾送飯份量都算多外加 萵筍&寬粉 （配料 加$12 ）萵筍都算爽口 但係份量唔多寬粉基本上係必加 份量夠二人份 乾坤麻辣手撕雞 $58個麻辣醬有麻！ 正終於唔係紅油拌菜嘅朋友 辣到都算辣 不過送飯我覺得啱啱好墊低嘅青瓜絲拌埋雞絲一齊食都唔錯我會推呢款小食檸檬薏米水 & 桂圓紅棗茶 $18自家製嘅飲品 好足料 有d意外唔會太甜 我覺得幾抵加 感覺唔heavy 又幾健康 有機會lunch 嚟食 好似好抵咁 呢間會再嚟

紅黑黃雨夜，由地鐵站行上九如坊，要越過幾條河川，令人想放棄，不過係朋友生日飯，所以都係上到去，一開門，侍應迎來，接過我把遮，安排好坐位，遞上熱茶紙巾，服務感覺良好。整理完自己一輪先睇餐牌，樣樣看似都好好食（因為我真係好鐘意食辣），最後叫左兩樣常見食物及招牌菜酸菜魚。1. 涼拌麻辣雲耳 味道唔錯，有麻辣味，適合不喜歡太辣嘅朋友2。自信口水雞睇到個名，衣個餸應該都係招牌菜，咁自信。係好食嘅咸辣適中，都係啱不喜歡太辣嘅朋友，還有重點係佢去左骨，下面有青瓜絲一齊食好爽口。3。酸菜魚（1-2人）價錢198，望個樣真係幾抵食。味道方面我自己覺得酸味可以再多少少，辣道👍🏻，可惜朋友話太辣（我可以食得比較辣），都好味。不過我最唔鐘意係佢魚片有太多細骨，食得唔係太𣈱快。朋友話可以揀辣度會好啲（侍應無問我地大中小辣）。整體感覺良好，價錢亦合宜，可以再食😚如果酸菜魚無細骨就perfect。

去到中環吃咩好，原來小店都可以搵到好味道。主打酸菜魚小店，午市套餐好抵吃，而且味道有驚喜。招牌老壇酸菜魚$88🐟🌶️🌶️🌶️🌶️魚肉嫩滑，湯底有齊酸、辣、麻、香，辣得來夠野味。自信口水雞$62🐔🌶️🌶️🌶️🌶️餐廳推介菜之一，自家醬料香辣味十足，咬落去吃到辣椒幹嘅香脆，撈飯一流，雞肉肉夠嫩滑。清爽麻辣魚皮$40🐟🌶️🌶️吃一口，花椒油嘅麻味已經滲入口腔，魚皮爽滑，好味。加$8可以轉土豆🥔粉，口感我好鐘意，唔似番薯粉咁韌，滑嘟嘟好特別，配埋濃濃魚湯，正！

呢間餐廳6月先開張主理人係曾經幫中菜館拎過米芝蓮三星嘅主廚🤯意外地環境幾靚同乾淨樓底好高同埋好多幾得意嘅燈籠裝飾坐得幾舒服👍🏻重點係星期六去食都有得揀午市套餐😆-午市套餐(11:55-16:50)-🥢招牌老壇酸菜魚 $88🆙呢到主打嘅就係呢道酸菜魚首先個湯底黎講本身已經夠香好足料食得辣嘅朋友可以叫佢辣啲會再惹味啲個湯底如果酸多少少就仲開胃魚嘅肉質非常之滑個人認為佢做得好過唔少同類型嘅酸菜魚👍🏻仲有啲酸菜都好好食好開胃拎黎餸飯真係一流Lunch黎講呢個價錢呢個份量夠哂頂引唔駛北上或者去藍店先有得食好食嘅酸菜魚啱晒鍾意食酸菜魚嘅朋友🤫-🥢金爺手撕家鄉咸雞 $52 (+$8轉土豆粉)🆗套餐跟咗沙律、白飯同茶我自己就+$8轉咗土豆粉個粉都幾彈牙，湯底食落都唔油膩雞肉方面都幾嫩滑，下面仲有層青瓜食落有陣陣咸香😆-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10整體 𝗢𝘃𝗲𝗿𝗮𝗹𝗹 7.75/10

去過一次食午餐,好多人，加上冷氣唔係好夠，依家有得外賣，所以就即管試吓。一客酸菜魚午餐要百幾蚊，好似貴咗少少。唔知係唔係魚片比較多，所以價錢就要貴一些。他們的湯底算好飲，是用魚湯煲的。外賣的話他們會把魚湯和辣湯分開，你可以就咁飲魚湯又話你可以加起一齊食。魚片有些小骨，食時要小心。寛粉有點兒硬及份量小，如果霖d就好食些。總括來說，算是OK。試了羅漢果山楂茶，他們是自己煲的，不是太甜，都OK。