La Bo La (Closed)

好耐之前食過一次呢間既beef noodles，一直念念不忘。咁岩今日去開灣仔附近，決定捉埋朋友一齊食。當然一定要點beef pho，我好鍾意佢地d面的質感，Q彈的口感好正，會忍唔住一口接著一口食。剛剛上枱碗入面的牛肉片大概6成熟，非常嫩滑，就算浸係湯裡面熟左都依然非常嫩，而且牛肉片份量都幾多，所以覺得好抵食呀☺️❤️另外點左個無骨雞翼小食，外層炸到脆脆地但係一d都唔覺得油膩，但係咬落去裡面好多汁好juicy，真係好好食！或者可以點埋佢附送的醬，辣辣地都好惹味！

餐廳地點其實有d隱蔽，係囍帖街盡頭的一個角落，入口並唔明顯，唔留意好容易會錯過左。Beef Pho $58 份量唔算好大大概會食到6分飽，但係我反而鍾意佢細細碗，因為咁就可以試下其他小食啦。雖然係細細碗，但係牛肉片數量都幾多，而且超級嫩，配合埋軟硬度剛剛好的麵，good👍🏻Boneless chicken wings $78呢個好推薦！雖然$78得四隻雞翼唔算平，但係雞翼外層炸到少少脆，咬落去雞肉唔止嫩滑，仲要超級juicy好多汁！想再惹味d可以點埋佢個辣醬都好好食。

今日同朋友去左喜帖街飲某專門店飲品之後，肚有少少餓，行勻成條街都搵唔到有咩想食。最後穿過橫街見到呢間小店，睇完menu係越南野，覺得都唔錯所以膽粗粗入去試！ 我同朋友都叫左碗mini越南牛河。一上台其實聞落非常之香，令我地非常大期望。不過！味道只係不過不失，湯底係深色但味道不算太濃。而生牛方面，亦未見非常嫩口。河粉方面，因為係幼河粉，夾上手唔算非常掛湯，所以都唔算太特別。而牛河送既芽菜份量都不錯，幾新鮮。加返香草有幫手為湯底提鮮，但加分不算太多！如果大家當佢係一個普通tea食一食都可以，但唔會有好大期望。 雖然店員服務唔錯，但味道一般，價錢亦比起出面既越南牛河貴，應該未必會再到訪。希望味道方面再改善～

米紙卷好食，值得1讚單骨雞翼超正。十分好味海鮮味既就無咩特別。用蝦球而5係大蝦。變左無咩驚喜。整體好味，但係d牛筋有毛處理得5乾淨，如圖睇哂。湯底可以，真係有進步空間

香港係美食天堂，真係食咩都有！朋友今次話想食越南嘢，無嘅因為我哋第一次去旅行就係去越南😂😂😂😂😂香港食越南嘢嘅唔少，但真係來來去去都係個啲。食越南嘢我覺得最緊要個湯底，湯底濃郁會差好遠，因為越南嘢都偏向重口味湯底好濃郁，但又保持到清徹唔油，因為我好怕太多油/化學嘢多嘅食物。牛肉味重，真係食到有牛味嫁！只能夠講貴可能貴啲，但係質素絕對首得住個價錢🤙🏻🤙🏻🤙🏻🤙🏻🤙🏻🤙🏻

很久之前食過，覺得不錯尤其是那個番茄蟹肉蝦湯檬，一心諗住嚟食，原來只有weekdays 才有，喺set lunch ，很失望😞所以嘗試那個招牌牛肉湯河，湯底很濃，但牛肉冇乜特別！

My friend dated me to have dinner at La Bo La on a wenesday night. It was located at the very end of a fancy street in WanChaiOrdered the beef pho and chicken wings. The pho was okay but definitely above average, however it is quite pricy comparatively.The portion is fine for lady but definitely not for man. Chicken wings was fried with garlic which I love it very much. They offer happy hour with buy one get on free for bottle wine which is very attractive. Will go back for the happy hour! 

Beef Pho: 係好好味既pho , 味好濃😋😋牛肉好滑， 唔會咬唔到😁薄片唔會太熟......唯一要挑剔既係...太細碗啦，唔夠嚨😂😂Beef 又係店子推介的👍🏻👍🏻 中意食牛既人真係一定要試試🤔*另外店子仲有冇骨雞翼，又係好好食，好香口，食起黎又方便，不防點一客

啱啱過咗個星期六同朋友喺灣仔食tea，經過呢間餐廳見裝修幾別緻，就入去試下。由於我之後買餸返屋企煮晚飯，所以只係叫咗個細生牛河同一杯白酒(Yarra Valley 嘅 chardonnay)。個生牛河＄58，Size對正常女仔來講等於1個lunch嘅份量，所以當tea食都咪話唔飽。牛肉好新鮮，食落有牛味，湯底就比較偏淡，對我來講濃多少少會好味啲，如果配菜好似芽菜、香葉有多少少會更加好。杯白酒nosing清淡，起初入口偏酸同dry，不過之後就無咁酸，味道有白桃味帶啲柑橘味。

閒日夜晚唔駛點book 位就有位，兩個人被安排坐高枱，去到已經八點幾，已經有幾枱係飲緊野，原來都有少少酒吧感覺。嗌左單骨雞翼，咖哩牛腩連蒜蓉包同越南牛河。單骨雞翼炸得岩岩好，又脆又多汁完全唔乾，濃味岩哂我呢個重口味既人。咖哩牛腩都好味，幾多料下，撈哂d 包我地再加多左個飯黎送飯，炆得夠淋又入味，如果可以多幾塊包就會更加好。最後既越南河我覺得不過不失，未至於話真係好正，比起另外兩樣我覺得呢個失色左啲。埋單價錢都偏貴，不過而家都無咩地方食野平💁🏻

呢間半酒吧式既餐廳都幾特別~ 話說當晚WALK IN 入去. WAITER問有冇BOOK 枱, 我話冇! 跟住佢就行開左, 我就以為佢去睇下有冇位啦 (雖然眼見係有位), 之後等左陣, 佢去左開椰青~好~ 就等完佢開完椰青會唔會覆/示意我地啦~ 點知佢繼續整野飲~ 其餘2名侍應就忙佢地既野冇理我地~其實講1句有冇位都唔係好難啫~ 點會問完之後當人冇到都有~!!

平安夜，原本想去嘅餐廳要關門，九點咁夜，好難搵餐廳，就決定再訪利東街的labola！呢間bar真係強烈推介，個牛油果米紙卷入面嘅蔬菜超爽脆超新鮮，係我食過最好味嘅越南米紙卷！另外，無骨雞翼都好推介，炸到外脆內軟、點乳豬醬，超驚喜！男朋友上次食過一次佢地嘅生牛肉河，一直念念不忘，今次再食，個湯依然濃郁唔過鹹、有微微胡椒辣味，非常暖胃，同埋食完喉嚨唔乾，相信無味精！越南包中間夾豬肝醬，加埋札肉，配酸蘿蔔絲，都做得出色，雞扒肉嫩、配酸甜醬，惹味！👍🏻👍🏻結論：廚師有料到！同埋唔貴，性價比高！尋日平安夜仲送咗一碟ham畀我地食！人情味、服務都滿分呀！☺️❤️ 呢杯cocktail好易入口好甜，啱女仔飲～

近節日時候，到灣仔這條街任何一間食肆用餐都會很有氣氛，但這星期的寒冷，真的不能在露天用餐區進食，所以今晚就情願坐得逼及比較嘈的情況下到餐廳室內晚飯。幸好，食物質素補償了。La Bo La 推出的粉是mini noodles, 較正常的小一點，所以可以每人叫自己喜爱的熱或凍粉，再加其他越式小食分享。食物來得很快，不須15分鐘已全枱食物，感覺非常幸福！Shrimp rice paper roll-全晚我最喜愛的食物，很多非常新鮮的菜，蝦是有“味”的。皮不會過硬或濕，食後感到滿足及健康了！Buttered chicken wings-充滿牛油香，但蒜香味遜色，食不出來。炸得乾脆不油膩。Shrimp toast-這個小食在happy hour時段只須$28. 炸得亦很多，沒有一口油的情況。讚！Mini Noodles - Beef Pho, Chicken cold Vermicelli 份量剛剛好，粉絲QQ的。只要食物好，嘈dd逼dd都可接受。會再來! 下次會多叫主菜，看見超近的隔離枱食客叫的主菜都很吸引，一定要試試！

有D人有一個習慣，就係去開一間餐廳，鍾意果到，就成日只係去果一間。不過呢個習慣其實係香港幾少見，因為香港變得太快，太多選擇，你好少會去死一個地方。 就算你想返去encore, 個地方都可能已經唔係到。 係另外一D地區, 我好少會（可以）去死一個地方，但係係灣仔，我只會去呢一間.  灣仔一直比我感覺都係麻麻地，特別係飲野既地方，成日覺得又嘈又雜，除左碼頭果一堆... 但係La bo la 坐得好舒服而且又唔嘈,非常喜歡他們的outdoor area, 見到有人帶狗仔坐外面,間鋪自成一角，感覺很cosy.  我最常黎既時間係happy hour, 特別要介紹既係佢地既cocktail, 好少cocktail 我飲完會記得個名，會想返去再飲，但係我especially 仲意飲佢地既Oolong rock, 真係會飲過一次之後會記得個味，想返去再飲~ 至於食物，甜野同咸野都有，感覺到佢地既食物係用心同認真制作.每次來到這間小店都很enjoy,都會抱著滿足的心情回家，希望這個灣仔的老地方會一直都在啦~ 

牛肉很讚，河粉的湯汁也好美味。不過份量就比較小。另外焦糖布丁也讚。下次會再來光顧的！（為什麼系統一定要輸入80字以上這個很不合理耶我還要想辦法湊數字為我腦細胞感到擔憂）