LA FAMILLE

Open Now

Now Closed

爸爸生日，梗係要買個蛋糕啦～ apm開咗個角落有la famille. 戚風蛋糕靚到爆燈，每個細細咁好精緻，唔駛老老土土咁又要整一大個，食死一隻口味～ 意頭好要揀三個～ 企喺冰櫃前都諗咗陣，款式多，選擇困難症突襲🤔️ 到底爸爸鐘意咩口味呢～ ... 揀生果味最穩陣⋯⋯但生果款都多到暈🤣最後揀咗皇牌士多啤梨🍓、日本香印提子🍇、焦糖完熟香蕉🍌 三個蛋糕唔同色，七彩繽紛好開心🥳皇牌士多啤梨最耀眼，加錢加多塊朱古力生日皇牌～ 寫返祝爸爸生日快樂🎂 cashier姐姐好勁，即刻幫我寫，仲寫得好靚添❣️生日party梗係拎晒啲蛋糕出嚟～ 真係好睇又好食又可以大派場～ 😂皇牌士多啤梨🍓除咗士多啤梨大大粒又甜又多汁，軟熟嘅蛋糕都充滿濃郁嘅士多啤梨味，真係超好食～ 焦糖完熟香蕉蛋糕上嘅chocolate brownie, 媽咪話脆脆哋，同香蕉戚風蛋糕嘅味道好夾～ 爸爸就話所有蛋糕嘅cream好香滑～ 😋日本香印提子味道亦香甜，提子好新鮮，連蛋糕都混有香味，又香又軟～ 揀自己同爸爸都鐘意嘅生果口味，果然係明智之選😊

一直都好中意食la famille既蛋糕🥰見到新出香印提子同蜜瓜即刻想試🤤💕.📍La Famille (觀塘)觀塘觀塘道418號創紀之城五期apmUC層UC-SP14號舖.一齊開心share happy tea time😙🤪 蜜瓜同提子都好甜 生果味好fresh 清甜💕💕💕.伯爵茶味我今年食得最多🤪 兩個生日蛋糕都係 不過真係好香茶味 中意 無限encore可以的😆.開心果我本身一般般🤪好多粒粒開心果 d fd話好味🤤每個蛋糕造型都幾靚，顏色又奪目！最前：開心果中間(左至右): 伯爵茶、蜜瓜後：香印提子生果新鮮，甜！海甜蛋糕鬆軟，中間有滑身低糖忌廉夾心。哩個蛋糕好靚咁，下次有人生日訂一個先！包裝衛生又整潔！

法國玫瑰蛋糕⭐️⭐️⭐️蛋糕有陣陣玫瑰花香細細個蛋糕都有4-5粒紅莓水果酸酸甜甜可以中和忌廉和蛋糕既甜味朵花係朱古力 仲可以食埋😹而且性價比又超級高 三個人食絕對啱啱好

衝著期間限定的日本蜜瓜戚風蛋糕而來，最後忍唔住試多幾款。之前買過伯爵同士多啤梨，今次試下其他口味。另外建議最好買完當日食，始終雪左一晚口感會唔同。日本完熟蜜瓜 $62印象中第一次食蜜瓜味戚風蛋糕，最頂鋪滿香甜熟透的日本赤肉蜜瓜粒，都幾多汁，唔係死甜，有啲驚喜。蛋糕亦有淡淡的蜜瓜香味，配埋忌廉一齊食幾好味。法國玫瑰 $54最初揀呢款係覺得媽咪會中意個賣相，估唔到味道好有驚喜！戚風蛋糕的玫瑰味非常出衆，花香清幽濃郁，加埋酸酸甜甜的Raspberry係出奇地夾，值得回購。香濃開心果 $65呢個係最貴一款，我估係因爲本身開心果定價唔平。先講口味選材幾特別，入口有淡淡的開心果香味，仲食到唔少開心果碎粒，上面亦有不少士多啤梨粒，可以一試。榛子咖啡朱古力 $54唔知大家有無一種買蛋糕點都要試下朱古力味既想法LOL仲刻意沖左杯咖啡黎襯呢件蛋糕。最上有榛子同朱古力忌廉，蛋糕的咖啡同朱古力味道同樣突出，可能係咖啡中和左甜膩感，所以濃郁得黎唔會越食越Heavy。日本柚子 $54清新柚子香，蛋糕混合柚子碎，食落少少甜，整體感覺幾輕盈，完全無負擔。

有無人同我一樣係蛋糕控 🥰除咗生日外,我平時都成日搵嘢慶祝🤣因為太愛食蛋糕！今次想推介La Famille皇牌士多啤梨比大家😋如果係莓類愛好者,慢慢不能錯過!勝在不會太甜,而好多士多啤梨同紅莓等,酸酸甜甜到宜家我都回味三分😋其實佢仲有好多唔同口味,如果要食一定要預早訂購！因為好受歡迎，仲有小戚風蛋糕，價錢同勝價比高！而且仲多區帶分店，總有一間係附近！大家不妨都去試試包有驚喜！😍😍😍😍😍

朋友生日🥳 想2個人慶祝生日又好難食得曬好大件嘅蛋糕🎂所以就買哩一間試試啦😆粟子黑糖戚風蛋糕🍰🌰迷你版好適合2個人食👭 粟子入口滑而且厚實，不過就唔係食到黑糖味，而蛋糕體軟綿、鬆軟👍🏻期待下次試吓其他味道！

七月份係媽媽嘅生日，做女嘅當然要買啲特別啲嘅蛋糕俾佢食啦！因為媽媽好鍾意食忌廉蛋糕，而且對於蛋糕嘅質感亦有要求，所以買咗呢款法國香梨無花果蛋糕。呢款蛋糕嘅外型都幾吸引㗎 ！我們夾白色忌廉包着，雖然望落去蛋糕嘅款式比較簡單，不過勝在味道出色，連媽媽都鍾意食La famille 出名嘅一定係佢哋嘅戚風蛋糕，呢款蛋糕除咗包含戚風蛋糕嘅質感，滿滿嘅忌廉口感同戚風蛋糕兩者相輔相成，食落超級鬆軟！鬆軟嘅口感真係完勝！棉密鬆軟，個質感好好！而且有別於一般嘅戚風蛋糕口味，呢一款用上果花果做主，而且蛋糕入邊夾雜着香梨同無花果食蛋糕最鍾意就係有一層口口嘅忌廉包住，呢一款真係滿足晒我嘅願望！比起平時嘅蛋糕佢呢一款相對冇咁甜，感覺上冇咁邪惡

La Famille 已經成為左我每季必食既蛋糕店⠀戚風蛋糕價錢相宜 賣相靚 口味多 之前食完柚子同開心果口味 已經念念不忘⠀La Famille戚風蛋糕 篷鬆濕潤 回彈力超高 富空氣感 個人超鍾意中間既北海道鮮忌廉 香濃軟滑 入口又唔會太甜膩⁣⠀▪️英國伯爵茶 $54戚風蛋糕伯爵茶味突岀 面層既伯爵茶cream加有粒粒茶葉 質感厚身富茶香 而白色既cream相對輕盈富空氣感⠀▪️清森蘋果吉士紅茶 $54期間限定既口味！蛋糕面層舖有清森蘋果 味道香甜 比想像中爽脆得多 蛋糕帶淡淡紅茶香 中間既鮮忌廉換上吉士醬 質地厚身 口感不失幼滑 唔會太甜膩⠀▪️意式香草奶凍 $54被粒粒藍莓圍繞既香草奶凍 有粒粒雲呢嗱籽 質感幼滑 啖啖香草味 中間既鮮忌廉亦富雲呢拿香 輕盈軟滑 蛋糕同樣有粒粒雲呢拿籽 不過味道就比較低調⠀▪️法國香梨無花果 $54蛋糕面層舖有一片片既香梨 入口清新 無花果消失得無所遁形 粉紅色既蛋糕體食落比較似原味 整體走輕盈清爽嘅路線⠀⁣整體而言 La Famille既戚風蛋糕 輕盈唔太甜膩 食完無乜罪惡感 私心推薦伯爵茶 開心果同柚子

今次同friend gathering, 就買㨂左4款細cake 黎試下，apm分店沒有座位，所以都只是take away. 佢地有大cake同細cake可以點，今次因為想試唔同味，所以就order 左細cake.英國伯爵茶（$54)日本白桃（$60)香濃開心果（$65)焦糖完熟香蕉（$54)戚風蛋糕夠哂鬆軟，而蛋糕入面用左來自北海道的Nakazawa鮮忌廉，食落係同普通蛋糕既cream完全唔同level, 超香濃奶味，你試過就明！而值得一讚係上面嘅水果好新鮮，佢地唔同款嘅蛋糕上面都有唔同嘅配料，例如係伯爵茶上面就有伯爵茶味嘅cream同馬卡龍，而焦糖原宿香蕉味上面就有朱古力，製作同配搭真係好有心機❤️👍💡有不同size的蛋糕 有大cake可訂購 如果想試多d 味道/唔太多人食 可以好似我咁揀細cake💡港島同九龍都有分店

收工逛完amp，想食啲甜野。醒起呢間野係apm都有上次個frd生日食過，覺得唔錯，可以再encore現貨有5, 6隻口味可以揀。偏愛茶味的我，揀左伯爵茶同紅茶細細個一件，可以試多幾隻味左邊伯爵茶: 面頭個macaron 唔係太甜，但都唔多吸引。蛋糕幾soft，有茶味。中間包住最好味cream。似鮮忌廉cream，唔太甜，又唔膩。好好味丫右邊紅茶:紅茶味唔濃，個cream同伯爵茶的有啲唔同，甜左少少。中間除左cream仲有啲果肉。唔知係梨定桃。呢個唔推介喇！不過都可以再encore,因為有好多味等緊我去試丫

呢款蛋糕阿叔👨🏾見過好多次，不過從來都唔知佢有個專名，今次係網上💻搵資料先知，原來佢叫巴伐利亞Bavarois，原產於德國南部嘅巴伐利亞地區因此而得名😌。.呢個品牌以精心挑選多款日本食材研製唔同口味嘅戚風蛋糕而聞名，阿叔上年都買過日本柚子芝士戚風蛋糕($390/15cm) 🎂慶祝屋企人生日，今次就食埋佢嘅巴伐利亞先！😙.#英國伯爵茶巴伐利亞 ($320/13cm)，賣相非常吸引嘅蛋糕😍，上層係晶瑩剔透嘅啫喱，入邊有食用花🌼同埋士多啤梨🍓、藍莓、橙🍊等唔同生果，色彩繽紛，十足十一個花環咁，令人賞心悅目😙。蛋糕下層係伯爵茶奶凍慕絲，淡淡嘅伯爵茶味，唔會太甜，配埋Q彈啫喱一齊食，口感清新，好啱呢排熱屎辣辣嘅天氣食。👍🏽👍🏽👍🏽

隻佬訂左個蛋糕慶祝我舊曆生日 🤣 我在唔知情既情況下！係有驚喜既！最叻係咩？選左個好食既蛋糕！佢話行過 APM 見到佢新開左間 pop up store，行埋去睇下！好多都來試，佢選左個香梨無花果！隔日拎 👍🏻我仲要番到屋企都唔知，收埋哂都算驚喜！個蛋糕好鬆軟，個cream 好輕！難得屋企兩老都讚👍🏻個蛋糕仲好重蛋味 😋 其中一層有薄片既無花果，另外兩層就係香梨，兩隻生果都好夾，甜酸度剛剛好！個cream 除左輕，仲唔甜，好難得我會食 cream，我成日都覺得會好漏！但呢個唔會，仲可以追住食！連屋企兩老都話要 Encore 

話說我係La Famille嘅粉絲，經常會選購呢到嘅迷你蛋糕同朋友慶祝生日。唔知係咪我不斷向大家教育嘅關係😂，呢次輪到我朋友買番呢度嘅蛋糕同我慶祝。我朋友都廢事俾驚喜我，直頭帶埋我去拎蛋糕🤣，搞錯咁都得。佢預早訂咗喺APM店到拎，觀塘分店係新開的！一個小小嘅Kiosk舖被唔少途人圍住，皆因被靚靚蛋糕深深吸引住😍。由於第一次食原個裝大蛋糕，而家先知原來會奉送大冰袋一個👍，既保溫又得體。我嘅生日蛋糕係雙重朱古力Double Chocolate Chiffon Cake($350/一磅1 lb)，朋友果然知我心意，我覺得佢係云云大蛋糕中最靚嘅頭三位🎂。朱古力係大路口味，但呢度嘅朱古力味蛋糕我都係首嚐，佢無令我失望，愈簡單嘅味道要整得好食，愈難！蛋糕造型好澎湃✨✨，因為佢營造到啲🍫朱古力多到滴哂、溶哂嘅效果，而且佢好有心思地將部份朱古力餅放喺蛋糕腳位，而唔係單單放哂喺面。蛋糕名叫雙重朱古力，但我認為係三重朱古力先啱。首先，蛋糕上面放咗多種朱古力餅／糖果🍬，當中包括KitKat、Oreo、Snickers、麥提莎、三角朱古力同馬卡龍等。感覺真係好繽紛，不過個別威化類就淋咗啲啲🙈。第二就係朱古力蛋