LA FAMILLE

Open Now

Now Closed

好精緻既小蛋糕價錢超平最岩小小人 兩至三個人食有好多款式大既就幾貴下但細既好recommend!食過茶味蛋糕唔多cream 唔漏 口感鬆化價錢都係$5x 仲要有d款有馬卡龍出面閒閒地一舊都$30 超抵

平日買蛋糕黎黎去去都係買大型連鎖既蛋糕店 貪佢周圍都有，好方便。今次臨急臨忙同男朋友慶生 咁岩行到去朗豪坊發現左La Famille 就決定左買佢!!一黎個蛋糕滴滴骰骰好可愛，二黎兩個人其實都食唔到好多份量既蛋糕，所以就諗都冇諗就firm左買。La Famille有好多唔同味既蛋糕，由普通水果味到茶味都有，最後我都係揀左士多啤梨味同加左生日牌同蠟燭，但好彩自己check一check，原來店員漏左放 但不過都好好service放之前會比你再睇一睇❤❤總體黎講都好滿意❤❤❤ 味道方便都ok值得一讚就係中間既cream整得好好食係La Famille買慶生蛋糕又唔洗太貴(先六十幾蚊) 又唔洗浪費 我覺得好好

第二次我試左士多啤梨乳酪同極上宇治抹茶，生果會偏酸，味道濃但相對較少驚喜。-我都係鐘意第一次食既英國伯爵茶同日本柚子多啲，真心正🤤一個人直接食左兩個都唔係問題🙈因爲佢個cream一啲都唔膩，之後睇返原來佢用既cream係由北海道直送既鮮忌廉，所以咁正係有原因的😏。-細蛋糕大概10cm大，$50-60都幾reasonable值得再食👍🏻

店鋪：La Famille (旺角)地址：旺角亞皆老街8號朗豪坊商場B2層1A號舖成日係地鐵站出入旺角朗豪坊嘅人，都一定唔會陌生朗豪坊B2層嘅Market place同眾多蛋糕甜品店，成日經過，都無時間停低去睇下揀下嘢食，今日時間多少少，終於忍唔住買返兩個蛋糕食下，而最吸引我嘅莫過於La Famille色彩繽紛嘅蛋糕，仲要有新款味道，一定要試下香芒熱情果蛋糕 $60清香芒果同熱情果嘅配搭，就好似森林同海洋嘅構圖，唔係話兩種起埋一齊先叫完整，而係無諗過佢地會咁夾，屬於夏天嘅水果，令蛋糕變得香甜，口感層次提升，蛋糕海綿鬆軟而唔鬆散，唔錯盛莓藍蝶蛋糕 $54紅莓藍莓同士多啤梨嘅組合，食落係開胃嘅，仲有cream夾雜係中間，令蛋糕柔軟嫩滑指數大幅提升，相信大部分人都會知道cream同海綿蛋糕一向都係至match嘅兩種食材，再加上藍莓酸酸甜甜嘅口味，就更為吸引呢間蛋糕甜品店嘅蛋糕無論係生日，定係興祝節日，再或者做散水餅，都一樣咁適合，有大有細同幾十款唔同口味，總有一款適合大家

一出朗豪坊地鐵站已被這間有玻璃蓋罩住, 細個而精緻, 有好多種口味的戚風蛋糕吸引住. 這間的蛋糕亦是低脂低卡路厘, 而且冇用防腐劑, 真係可以放心食多幾件都唔怕😎 ($54)🤤 ~ 整個蛋糕都有著淡淡的黑芝麻及竹炭味道, 蛋糕質地軟綿綿, 食落有淡淡的芝士香味, 咬上口很有口感和層次感. ($60)🤤 ~ 蛋糕入口軟熟, 特別軟綿幼滑, 上面鋪了鮮甜的士多啤梨及紅桑子, 食落有淡淡的荔枝香味

經過勞碌嘅一日，係旺角食完晚飯都仲係好想搵甜野食呀～～第一個諗到的地方朗豪坊B2呢層！LA FAMILLM一如既往都係見到有好多人⋯⋯比我想像中好味～上面的黑芝麻CREAM 好真係好有芝麻味！出面的蛋糕勁鬆軟，食到中間有CEARM ，滑嘟嘟～好味！開心果味呢個～食落去有淡淡的開心果味，再食一粒士多啤梨，好清新味道係夾嘅！其實買時都有啲怕粒士多啤梨，因為成日都食到好酸.由其是食完好甜嘅再食仲酸，即刻敏感牙齒都出埋嚟，不過呢個完全冇咁嘅問題～同樣中間都係有好幼滑的CREAM.一啖CREAM一啖開心果蛋糕一啖開心果咁，今日開心番晒推介

話說半年前喺中環店買過一次La Famille嘅戚風蛋糕, 一直令我念念不忘......但由於中環IFC呢啲咁high class嘅地方我又唔係成日去, 所以一直都未有機會食第二次,直至到今次俾我喺旺角嘅朗豪坊再遇上了呢個舖位先前都好似係賣蛋糕嘅,但應該已經轉咗手俾La Famille啦,對我嚟講簡直係一個好消息嚟呀~地點方便咗好多之餘,仲俾我見到佢出咗唔小新款式添,所以今次我又一次過買咗四款靚靚甜點番屋企同阿肥兩個慢慢嘆意式芝士Tiramisu($54蚊)：平時如果鍾意咖啡味嘅朋友,呢款口味真係唔可以錯過,淡淡嘅Tiramisu味道非常討好,亦唔過甜,外圍軟綿綿嘅戚風蛋糕用小叉切開一口一口咁食落去,仲會嚐到裡面La Famille特製嘅忌廉,鬆軟得嚟又有滑溜嘅感覺,老實講,我真係可以一個蛋糕當飯食北海道忌廉芝士巴伐利亞Hokkaido Cream Cheese Bavarois($42蚊)：呢一個冬甩型狀嘅水果啫喱,我係特登揀俾阿肥食㗎,心知道佢唔係太喜愛甜品,但係生果佢就唔會抗拒,呢一款仲有佢至愛嘅啫喱,所以呢件嘢對佢嚟講真係毫無抵抗能力...我本來都諗住可以分一杯羹,誰不知佢三爬

今日翻公司經過地鐵站朗豪坊出口既甜品天堂，一入朗豪坊就見到細細既蛋糕俾玻璃罩蓋住，好似溫室小花甘，好得意丫呢間 shop 竟然有蜜瓜味既小蛋糕，一開始有小小怕，因為怕係蜜瓜奶味(食落完全兩回事!!!) 但因為店員話呢個蛋糕係用日本完熟蜜瓜去整，蛋糕底同埋 CREAM 都有添入果肉，聽到呢句我就拎我個錢包仔出黎貢獻喇~翻到公司，對面同事已經拎定叉仔出黎(店員本身有一枝跟既, 木叉仔XD )我地切落D蛋糕道個陣，蛋糕真係會好似海綿甘回彈，真係好Q彈啊 !蛋糕真係好香蜜瓜味，而且係清新果香，唔係蜜瓜奶D FD, 都唔係東家/美家既水果蛋糕咯，人地La Famille 呢間係真係有蜜瓜味咯btw, 好似50幾60蚊，甘既價錢甘既質素我會再買既

其實呢間蛋糕我都試過幾次，因為價錢唔貴又好食，大概$50就有一件👍🏻所以我都不停咁樣再食🤣🤣試過嘅味例如有伯爵茶（茶味香濃），日本柚子（酸酸甜甜有柚子皮味道），玫瑰🌹，仲有好多唔記得啦，全部味道都幾好食！蛋糕鬆軟又唔會dry，加埋蛋糕中間既cream，非常軟綿綿，食落輕盈不會膩☺☺味道選擇又多，推薦！重點係顏值都不錯，送比人做生日蛋糕都開心呀，細細地啱曬兩個人食就啱啱好啦😁😁😁😆😆

發現新大陸，旺角站一出就見到呢間餅鋪蛋糕size手掌咁大🖐🏻，被靚靚嘅金鐘罩罩住🛎，就好似一件公主袍咁👗忍唔住就買咗四個返屋企🍰🌌京都竹炭黑芝麻芝士奶蓋 $54🌌黑芝麻味香濃， 食落淡淡嘅芝士香，最好食係上面黑芝麻嘅Cream，相當吸引🎇 香濃開心果 $62🎇蛋糕中間有粒粒開心果肉，食到好重嘅開心果味，而且不會太甜👍🏻🎆 雙重朱古力 $54🎆朱古力味屬於特濃， 蛋糕上面嘅朱古力脆脆好好食🎑英國伯爵茶 $54🎑伯爵茶味道吸引， 蛋糕面有馬卡龍， 而蛋糕cream牛奶味重，質感比平時嘅cream還要好得多總括而言， 呢間鋪嘅蛋糕仔每個都相當精緻， 唔單止可以當零食， 亦都可以買嚟當生日蛋糕都很有體面，通常一大班人都會出去食生日飯，食到咁飽又食唔落咁大個蛋糕，係呢個時候，呢個size就岩岩好，貴精不貴多👍🏻

每次行過總會俾佢蛋糕嘅外表吸引望多兩眼。戚風蛋糕面放上裝飾。的確即時提升唔少格調。加上每個蛋糕都用獨立蓋放喺蛋糕櫃入面。望落高雅。感覺衛生。少女心心眼即時浮現。今日就初嘗伯爵茶味。蛋糕底有茶味。不過略嫌冇咩蛋糕香味。對於向來追求蛋香味嘅人絕對會失望。蛋糕中央注入忌廉。希望會為蛋糕帶來多小小驚喜。可惜驚喜欠奉。平平無奇。冇咩期望嘅馬卡龍反而有少少驚喜。外表同味道落差頗大。一試無妨。再試就真係要諗諗。

繼早前晌旺角「粒粒果甜品」開心「些牙」甜點之後，再次開心「些牙」甜點，但今回喺戚風蛋糕，嚟自La Famille嘅出品。幾時都喺，一齊分享美食先會更加開心，尤其對住好嘢食，絕無排斥！旺角店就晌「朗豪坊」地庫層，駁住地鐵站，非常方便。而所有產品，就放晒晌鋪面嘅餅櫃。有散件裝嘅戚風蛋糕，有原個裝嘅戚風蛋糕，款式非常之多，更有朱古力禮盒及手工餅乾禮盒。店家印備一啲單張供取閱，可作為參考，但店員提醒，單張內喺慣常款式，佢哋不時推出新產品，而且，仲強調佢哋用嘅食材都喺靚料嚟！更有法式「瑪德蓮蛋糕」（Madeleine）作散賣，不過，我就鍾意稱佢為貝殼餅，因為外形如貝殼。包裝盒十分特別，採用直立式，易拎便攜。而每件蛋糕更以膠紙黐實於盒內，唔怕你左搖右擺，拎到返屋企都唔會撞花晒。日本柚子 $54La Famille嘅戚戚蛋糕款款都做得好精緻，就好似依個日本柚子，唧上唔同顏色嘅忌廉，放上新鮮嘅雜莓，視覺效果已好唔錯。蛋糕極之鬆軟，柚子味勁突出；蛋糕嘅中心喺中空，卻填滿鮮忌廉，軟滑輕盈，一啲都唔覺得有膩嘅感覺。桃香紅茶 $60茶味嘅蛋糕一向都甚有市場，不過，呢個就唔喺慣常所用嘅伯爵茶，而喺果茶味，並配以

一見到新出左藍莓芝士味就決定左要買佢比男朋友做生日蛋糕, 因為男友本身都好中意藍莓, 而其他蛋糕店嘅藍莓生日蛋糕都好大個, 我哋兩個人好難先食得晒成個蛋糕。呢個兩個人食就啱啱好, 享受到個蛋糕,又唔會太膩。個蛋糕好鬆軟, 又有淡淡嘅藍莓香, 芝士有淡淡嘅咸味, 有少少似芝士奶蓋嘅味😋😋 食完個蛋糕, 口腔仲有淡淡嘅藍莓香。男友係比較中意食重味嘅, 佢就覺得個味有啲淡, 多啲藍莓,多啲果香會更好。好中意呢間店嘅蛋糕, 佢小巧得嚟又好精緻, 賣相可愛, 又好味道。好期待再試佢嘅蛋糕😋😋

❣️昇華母親節💗La Famille紅石榴玫瑰紅桑莓戚風蛋糕盡顯心意❣️母親節大家會點樣同媽媽慶祝？💗食蛋糕就最好不過喔🥰La Famille為母親節特別推出一款全新的紅石榴玫瑰紅桑莓戚風蛋糕🎂以表達對所有媽媽的謝意💗以La Famille皇牌戚風蛋糕為基調💞蓋上淡淡的粉色鮮忌廉及可食用的法國玫瑰花瓣🌹像天下母親一樣美麗大方之餘又帶點俏麗可人🥰蛋糕內層特別加入酸酸甜甜、又具抗氧化抗衰老功用的紅石榴果凍及果香馥郁的鮮莓粒🍓圍繞著蛋糕邊有玫瑰花瓣及蝴蝶點綴🦋配上心形馬卡龍💗美麗大方之餘又帶點俏麗可人🥰每口蛋糕都甜而不膩❣️越食越甜蜜🥰限定紅石榴玫瑰紅桑莓戚風蛋糕只限 La Famille 門市預訂，網上不設預訂服務，敬請留意喔🥰

今年嘅生日，屋企人問我想要咩蛋糕，我諗都唔諗就話想要佢哋嘅戚風蛋糕。之前幾次都係買佢哋嘅小蛋糕，但今次終於有藉口可以試吓。原來旺角都有分店，地鐵站出口一出就係，真係好方便。日本柚子芝士戚風蛋糕今次生日揀咗一個15吋嘅柚子之士口味佢哋嘅戚風蛋糕真係好鬆軟好綿密蛋糕食落有淡淡的柚子味 仲會夾雜着柚子粒食落有口感之餘 柚子味仲好清新而外圍嘅忌廉奶味濃之餘唔會膩唯一就係唔係好食得出芝士味 呢款仲要有三粒馬卡龍同啲鮮花裝飾 睇得之餘又食得 真係好愛呢個多蛋糕少cream嘅蛋糕❤️