LA FAMILLE

Open Now

Now Closed

La Famille (旺角) 真心好食！成日都經過朗豪坊見到呢間蛋糕店，都冇試過買來食，今日一口氣買咗四個！好有驚喜😍除咗精緻外，仲好好味，唔算好甜，外面係蛋糕，入面就好creamy ，有層次，蛋糕細細但口感豐富！平均$60 一個，同朋友慶祝生日買晒四款都係二百零蚊，仲試到唔同嘅口味。我會再食架！仲好想試埋其他！.🔻英國伯爵茶上面有個迷你馬卡龍，入邊有cream,食落真係唔會膩伯爵茶味都重，戚風蛋糕就咁食會乾，但係配埋佢入邊嘅材料就very good！.🔻日本柚子柚子日本直送，入邊個窿積滿cream，令到個蛋糕唔乾身夠濕潤，又好清新感覺！.🔻宇治抹茶椰香呢件我最鍾意食，上面抹左一層綠茶醬，上面唧左椰子味嘅cream，配送埋兩粒酸酸美味嘅果物，切開入邊有綠茶嘅cream，充滿茶香而不膩。.🔻皇牌士多啤梨都一樣咁好食，總括戚風蛋糕真係花多眼亂勁多口味總有一款啱你心水😍真心覺得正！.刺激味蕾指數：👍🏼👍🏼👍🏼👍🏼👍🏼👍🏼8.5/10環境服務：👍🏼👍🏼👍🏼👍🏼👍🏼👍🏼👍🏼👍🏼8/10

朋友生日，唔想只買一款味既蛋糕，所以買左各10cm 既戚風蛋糕，打卡一流可惜加生日牌、蠟燭、刀叉等，樣樣要收錢，計埋都幾貴。簡左以下味道:基本上，戚風蛋糕本身唔太食出有咩分別，都係海綿蛋糕味，分別只在於佢上面啲cream 同裝飾。蛋糕中央都有各自味道既cream，食落唔會dry。#日本柚子 (下)#雙重朱古力 (右) : 必試呢款 #英國伯爵茶 (左) #瀨戶內檸檬蜂蜜 (上) 因為個包裝盒幾靚，忍唔著影埋。

平時行入朗豪坊第一間蛋糕店就見到佢🎂 櫥櫃入面有好多各式各樣色彩繽紛的小蛋糕❤️的的式式好可愛😘而且蛋糕細細個，份量唔太多，我自己一個都可以當下午茶ko佢😎今日就買左幾款唔同口味，同幾個朋友一齊分享☺️太多款選擇困難症又出黎啦，因爲我地放工去，所以有d口味已經賣完，真係好受歡迎🙈除左經典招牌的戚風蛋糕， 店舖仲有供應瑪德蓮小蛋糕🧁。我地揀左三款戚風蛋糕，加一個巴伐利亞。 店鋪連外賣紙盒都做得好精緻， 比起平時的蛋糕店，呢個紙盒有兩層， 方便外賣而且蛋糕冇咁容易爛👍蜜瓜戚風蛋糕夏天係食蜜瓜嘅季節， 當然要食新鮮嘅蜜瓜戚風蛋糕啦🍈 甜甜的蜜瓜，輕盈的忌廉，加上鬆軟的戚風蛋糕，很好的配搭👍白桃戚風蛋糕白桃味嘅戚風蛋糕亦不遜色😋白桃香味出眾，淡淡的清香，令到食蛋糕都唔覺得膩😘玫瑰戚風蛋糕至於玫瑰味戚風蛋糕，外型最吸引🌹 玫瑰花造型係由朱古力片做成， 加上酸甜的紅桑子同埋忌廉，感覺一流👍👍巴伐利亞其實每一款蛋糕嘅造型都好靚好少女心💖💖如果要揀一款最吸引都唔知揀邊個好😂😂 呢款巴伐利亞面頭係由透明嘅啫喱組成入面仲有新鮮嘅生果同埋食用花， 感覺非常優雅💐味道亦都唔錯喔最欣賞la famille嘅蛋糕造型

星期六朝早出旺角朗豪坊嗰邊拎月餅，之後要趕返去同屋企人飲茶，途中經過呢間Cake shop，俾佢精美嘅外型吸引，最後都係買咗幾件返去同屋企人一齊分享。每個戚風蛋糕都有玻璃罩蓋住，除咗賣相高貴精美，仲有實際效用，可以令雪櫃內嘅蛋糕保持濕潤唔乾身。外賣盒實淨，每件蛋糕嘅墊底卡均貼有膠以作固定位置。🍓皇牌士多啤梨$54士多啤梨酸甜清新，味道天然，戚風蛋糕質感鬆軟綿綿，好有彈性，㩒落去有明顯嘅回彈效果😂蛋糕裡面嘅忌廉甜度適中，口感柔軟順滑，食咗成個都完全唔覺膩！🍑日本白桃$60季節限定嘅白桃口味，白桃香甜👍🏻🥭香芒熱情果$60好欣賞店家嘅心思，睇得出每款蛋糕都用心設計唔馬虎。芒果熱情果兩者味道平衡得宜，唔會互相掩蓋，味道清新，好有夏日氣息。🌸士多啤梨巴伐利亞 $49啫喱晶凝通透，裡面嘅食用花同鮮果色彩繽紛，外觀非常精美，猶如花環一樣，忍唔住買咗個嚟試試；下層嘅士多啤梨慕絲，口感軟滑，質感濕潤，果味香甜。🐚柚子味瑪德蓮蛋糕 $18瑪德蓮係傳統嘅法式甜點，貝殼外形可愛，柚子味清新，牛油味香濃，甜度適中，質感綿密有彈性。

最近壓力大心情總是悶悶的，決定買個甜點回家犒賞一自己。來到朗豪坊的分店，各款口味的戚風蛋糕令人目不暇給，這次選了一些未嚐過的新口味。店員細心的將甜點分隔好來包裝，盒子結實，拿到回家經歷一頓車程再拿岀來仍是完好的。戚風蛋糕選了法國玫瑰和香濃開心果，La Famille 家的戚風蛋糕口感就是輕柔鬆軟，入口蓬鬆，加上綿滑忌廉，真的會令人著迷呢法國玫瑰是經典的口味，帶有淡淡的玫瑰花香味，無論是賣相和味道都感覺浪漫這款是香濃開心果，開心果的味道鮮明，加上大顆的甜甜的草莓，很清雅脫俗的配撘另一款甜點選了 Edible Floral Bavarois，賣相十分透人，我點的這款是白桃口味層次分明像是藝術品般精緻，上層的是晶瑩剔透的果凍，色裹著動人的食用花及鮮果，下層是Bavarois，滑順可口。甜點甜度適中，很好吃呢

最近香港🇭🇰發生左好多事都令人唔開心😫 冇乜心情做其他野 總要搵啲嘢氹下自己開心 食係我最大嗜好 一於買幾個戚風小蛋糕 同朋友happy share🙆🏻‍♀️ 分享甜味分享喜悅💕嗌咗四款唔同口味小蛋糕 係未食之前梗係要相機食先 香芒熱情果係朋友最鍾意💃🏻 熱情果酸中帶甜 芒果係用咗台灣既愛文芒🥭 冇平日既芒果咁甜 但果香味十足 戚風蛋糕好鬆軟😚日式白桃係期間限定口味🍑 話明限定咁緊係要食喇 白桃好香好清甜 同樣帶果香 配埋蛋糕上既忌廉 絕對唔會失色 食完彷彿好似去咗日本食甜品🍮玫瑰紅桑莓荔枝口味 有少少花香 加埋荔枝 仲有紅桑莓 係四款蛋糕🧁入面口感最多層次既 絕對唔單調 幾清新幾特別🌹香濃開心果 平日好少有機會食到開心果味既蛋糕🍰 反而雪糕就食得多 見有得簡當然要簡返個 開心果味濃而不膩☺️ 係咁多個之中最令我驚喜既 因為口感係最好 唔會太甜又唔會太淡 食完之後有一陣開心果既香氣係個口腔度❤️四款蛋糕都各有特色 價錢都係幾大眾化 選擇幾多 我相信應該會繼續再買 食多幾款唔同既味✨

有時兩個人或者一班閨蜜慶祝，真係食唔晒咁大個蛋糕，尤其是食完生日飯之後，只想食少少甜點，La Famille既戚風蛋糕細細個就啱晒喇。.除左口味眾多，賣相重好吸引，每次經過都忍唔住望佢幾眼。今次試咗好多款，但綜合黎講蛋糕底好軟，cream既奶味幾重🔹法國玫瑰 $54未食已經聞到陣陣玫瑰幽香，食落更加係啖啖花味.朵玫瑰應該係蛋白黎，口感似薄蛋餅，真係食緊玫瑰花瓣🌹落肚咁🔹英國伯爵茶 $54茶味唔算好重，但都幾香，蛋糕食落有顆粒感🔹日本完熟蜜瓜 $60蜜瓜鮮甜多汁，同喺日本農場食過既絕對同級蛋糕反而成為配角🔹日本白桃 $60同蜜瓜唔同，白桃清甜得黎同蛋糕好配合整體味道好柔和🔹雙重朱古力 $54唔知對方啱食咩既話，揀朱古力一定無錯朱古力味微苦，味道香濃，加埋上面既朱古力脆脆，男女老幼都實鍾意食

—店員細心用膠紙將蛋糕底盤同紙盒痴實只要垂直盒子拎走 就可以減低移位機會完熟蜜瓜蛋糕($60)除咗面層鋪滿蜜瓜粒 蛋糕同鮮忌廉都混合果肉整個彌漫濃郁芳香嘅香甜蜜瓜味日本白桃蛋糕($60)亦都有馥郁多汁嘅白桃喺頂層有試到味 轉過頭已經畀人食晒日本柚子蛋糕($52)蛋糕加咗糖漬柚子皮醬 清新果香忌廉輕盈幼滑 食完都唔覺膩口英國伯爵茶($54)淡淡茶香配上濕潤鬆軟嘅蛋糕簡簡單單已經好滿足—————————————La Famille旺角亞皆老街8號朗豪坊商場B2層1A號舖

今日難得有朋友黎屋企玩，就買左幾個蛋糕一齊開心share🥳呢間蛋糕店近年越開越多分店，又有好多好評，終於有機會試下。蛋糕店主打戚風蛋糕，有好多味道可揀，仲會有期間限定，季季都有新款！每個蛋糕都有玻璃罩罩住，咁就唔驚蛋糕雪到好乾，好聰明既做法！除左戚風蛋糕，仲有售賣朱古力、曲奇餅同件裝蛋糕等。今次試左四款，兩層既蛋糕盒好得意，亦都方便攜帶。第一款係伯爵茶味，戚風蛋糕有淡淡伯爵茶味，加上面層伯爵茶忌廉，茶味剛好唔會太濃。估唔倒朱古力馬卡龍有驚喜，外皮脆身又帶點煙韌，仲唔會太甜。第二款係柚子味，蛋糕裡面有柚子皮架，令口感更有層次，好清爽！第三款係意大利奶凍，面層係雲呢拿味奶凍，好似食緊慕絲咁creamy，再加埋內裡既忌廉，口感順滑。最後一款係期間限定既白桃味！面層有原塊桃肉加上忌廉，桃肉鮮甜無比，配埋鬆軟既蛋糕，簡簡單單已經好美味。呢間蛋糕店最出色之處係戚風蛋糕保持濕潤同鬆軟！而且每個蛋糕都好精美，岩哂買黎慶祝生日🥰

每次穿過地鐵🚇經過朗豪坊底層總會被櫥窗所展示的甜品吸引住❤️ 今日再次經過就買了4個回家與家人好好品嚐La famille 主打戚風蛋糕及巴伐利亞蛋糕，賣相精緻到不行✋🏻光是看看就讓人心花怒放🥰 兩款蛋糕有分迷你版跟13cm或以上的大蛋糕，大蛋糕則需要提前3日訂購，而迷你版可以當場購買每個戚風蛋糕用上透明玻璃瓶罩著，像展示著一件件藝術品，顯得份外高貴神秘，原來店家用上的玻璃罩都大有學問，是「保濕玻璃罩」有防霧效果，目的是防止蛋糕在雪櫃入面被抽乾，令客人有最佳口感戚風蛋糕口味琳琅滿目，十多款口味，站在櫥窗的我都心大心小，挑了好一陣才下到決定買什麼口味☺️日本白桃口味🍑戚風蛋糕上面擠了大小勻一的小忌廉，而中間夾心同樣是香濃輕盈的日本北海道鮮忌廉，與「空氣感」十足的戚風蛋糕配合得天衣無縫，蛋糕頂層鋪上粒粒白桃果肉，整個蛋糕充滿香甜白桃果香，很推薦給愛桃之人品嚐這款新推出口味✨玫瑰紅桑莓荔枝口味🌹這個蛋糕完全是打中少女心❤️ 以法國🇫🇷玫瑰花入饌，混合清香的玫瑰果醬、清甜的荔枝果肉跟酸酸的紅桑莓，玫瑰花幽香撲撲，一口忌廉，一口入口即化的蛋糕🧁食落鬆軟而不膩，零負擔感🤪✨完全能撫慰一天的辛勞，大滿足🥰

MTR Exit 去朗豪坊商場會經過好多間靚靚 cake shop，呢間 la famille d cake 勁靚，mini size cake 細細個，上面既 topping design 得好靚好 colourful，最 like 水果味，茶味又夠香濃，試過佢幾款唔同口味既 mini cake，今次見到佢呢款 jelly round cake 仲有最後一件 mini size，雖然得 chocolate 都買黎試下，因為佢既花花 topping 實在太靚太吸引，啫喱同其他cake一樣唔太甜，d花花食得架，花花食落口口感似食菜無咩特別，鍾意花既朋友仔值得一試。

行過朗豪坊地鐵站，見到哩間cake shop既櫥窗入面每一個蛋糕都獨立用玻璃瓶密封好，感覺好高貴，色彩繽紛既蛋糕完全吸引到我過去望佢忍唔住買啲俾屋企人分享下，我買左「日本柚子」「雙重朱古力」「日式白桃」「意式香草奶凍」「英國伯爵紅茶」同「日本完熟蜜瓜」「日本柚子」唔會好濃味，一咬落去淡淡既柚子味即刻滲出黎，真係好清新，不愧係人氣推薦「雙重朱古力」既朱古力味好濃但又唔會好甜，喜歡朱古力既朋友真係要一試「日式白桃」係限定口味，桃味好甜，配合埋蛋糕真係好好味呀，果然係當做嘅生果，呢個一定要試「意式香草奶凍」口感獨特唔會好甜，奶凍食落去即刻溶化，好不錯既體驗「英國伯爵紅茶」食落去都好有茶味加埋甜甜既馬卡隆，估唔到可以咁夾「日本完熟蜜瓜」又係一個唔係常有既味道，蜜瓜既甜味同蛋糕完美咁配合，真係好快就清左佢喇總體黎講每個蛋糕都精緻，而且味道好特別，絕對係值呢個價錢既

有時嫌連鎖店出品嘅蛋糕味道普通，用黎打卡又唔掂，如果要搵間可以回訪嘅，La Famille係其中之一。今年都曾經以佢地嘅原個戚風作為另一半嘅生日蛋糕，口味夠多之餘，味道穩陣，賣相得體，價錢合理。旺角店位於朗豪坊B2層，由於比較近公司，所以好多時都選擇此分店。店面明亮，最吸引嘅當然係凍櫃入面色彩繽紛嘅蛋糕，好多人行過都忍唔住望兩眼，然後帶左佢地嘅蛋糕番屋企部份分店設堂食，約朋友下午茶食件cake，都不失為好地方。原個蛋糕18款，加上時令推出嘅期間限定水果蛋糕(而家係日本完熟蜜瓜)，口味眾多，例如法國玫瑰、蒙布朗栗子、檸檬北海道芝士、日本柚子、伯爵茶、芒果乳酪等。蛋糕分15cm/17cm/20cm/23cm，以15cm為例，定價$340-400，足夠4-6人分享。除左現場購買，仲可以喺網站預訂、付款。除左原個蛋糕，仲供應多款petit cake、巴伐利亞，今日我黎正正係為左迷你戚風，當日現場都見到有超過10款，好似有和茶三色、伯爵茶、檸檬蜂蜜、朱古力等，定價$54-65。款款都想試，花多眼亂，最終揀左6款唔同口味。蛋糕強調無添加防腐劑、香精，而且大部份選用食材由日本直送，例如高知縣柚子、北

朋友好有心思買左水果系統既蛋糕慶祝生日我地3個人分享分量岩岩好藍莓蛋糕上面有唔同水果，蛋糕第一層係藍莓cream 同奶油cream 下面就係藍莓海棉蛋糕好鬆軟 而且好有藍莓味大家都好鍾意！而且店內仲有唔同size, 口味既蛋糕好適合唔同人數既慶祝活動去分享位置方面都方便，搭地鐵都唔會太遠由於蛋糕都好新鮮，若想早一日買定，第二日一齊食都可以，一齊食都感覺到水果同蛋糕都好fresh and creamy!下次朋友生日都會買黎慶祝

平時經過店都見到d cake真係好精美🥰😍 但無奈一個人真係好難可以一次過試咁多味😣今次機會黎啦😜🤪!! 同事們一齊食一齊share唔同味🍰🎂😛😋今次我地就揀左抹茶，黑森林，伯爵茶，士多啤梨等等😋 本身自己麻麻地好creamy既cake 🙄 但La Famille既cake唔會話好多cream,同埋每種味有各自既特色☺️😍好似我自己就揀左抹茶黎食😋 本身見佢蛋糕上面個層抹茶都驚會唔會太甜，但出乎意外地唔會好甜，同埋個蛋糕好鬆軟，同埋個賣相真係好吸引好靚🥰🤩個cake細細地，我地每人都試左各自揀既蛋糕黎試，真係各有特色🤩🤤