La Postre (Closed)

2 ppl order 2 set lunch + waffle to share慢煮豬扒好yum外型似伏（似梅菜肉餅咁）食落好香軟 （唔似發粉果種）薯條都幾香雲吞就有d溜 味正常 cova好食d野飲叫左mojito 酒就應該無咖啦 因為加$15 就有特飲前菜叫左湯 正常但幾貼心既係湯都有兩款選擇good goodwaffle 少貴$158入面有少少麻薯 多d會開心d但成個package 係okwaffle : dizzling正d薯條就正過唔少西餐好多呢間店位置偏遠/ d食客唔識黎 人流唔多裝修少舊 尖沙咀分店靚d 但店員都helpful

假日一家大細喺銅鑼灣選購完禮物之後，就到附近晚膳。六點鐘左右我們來到一間位於耀華街的樓上餐廳。這裏環境非常舒暢，燈光暗淡，環境寜靜。我們點了一個二人set dinner 再另加一碟意粉。蜜瓜黑毛豬頭盤是蜜瓜黑毛豬，這裏的黑毛豬來自西班牙，黑毛豬肥瘦適中，薄可見光，吃時肥油溶於口中，黑毛豬的鹹再配上鮮甜的蜜瓜，簡直是絕配。西班牙豬手主菜是西班牙豬手，德國豬手就食得多，西班牙豬手確是第一次試。豬手簡直皮脆肉嫩，皮層脆卜卜，肉質幼滑，入口肉汁豐盈，再配上秘製的醬汁，味道一流。碟旁邊搬有一小杯蜜糖，可以加少少蜜糖，令豬手味道更特出。黑毛豬意粉意粉內黑毛豬肉頗多，囡囡亦十分喜歡，將整碟意粉吃光。雜果麻糬窩夫賣相非常吸引的甜品，窩夫上灑上了各式各樣新鮮生果，其中一款水果頗特別的，這就是新鮮無花果，配搭得非常好。窩夫外脆內軟，值得一試。

放工想找個地方舒服的餐廳食飯relax下，揀了銅鑼灣一棟食肆的其中一間西餐。有一半環境像清吧，有高枱。另一半像特色西餐廳。我們點了無花果煙三文魚沙律。材料用了較高檔的無花果，沙律醬是煙熏香味，沙律新鮮很惹味！啤酒海鮮火鍋，選了蕃茄啤梨湯底，十分特別而濃郁，海鮮有扇貝，虎蝦，鮑魚片，海螺，放入湯煮後，湯底更多了海鮮味，更加鮮美，還配上小啤酒杯品嘗。甜品選了無花果脆批，原來我是無花果控，不自覺地又選了無花果，果香清甜，批底很有口感，酥脆可口。另外做了問卷，送了一個焦糖燉蛋，好吃！飲品點了芒果mojito，薄荷葉清清的，消滯。另外點了熱鮮果茶，健康養生。

同朋友食飯搵左間西班牙餐廳，呢間餐廳之前就一直想試，但有次去到已經滿座所以食唔到。今次一早就book定位啦~餐廳既環境好舒服，牆上既裝飾又漂亮。餐牌好吸引搞到好多野都想食呀仲夏水果茶，入面有好多既生果。鮮製什果沙冰，岩哂夏天飲，飲完成個人都涼哂呀芝士煎蟹餅，即叫即整既蟹餅，送到上黎仲要熱辣辣， 面層放上大量既芝士同木魚碎，蛋餅混合鮮味蟹肉同蘑菇。熱食真係好美味西班牙豬仔骨，燒得岩岩好，食落口完全唔會覺得肉質乾，而且肉汁鎖住左肉入面，配上醬汁一齊食仲惹味雜果麻糬窩夫，滿滿既新鮮生果，加上雪糕，食前再將糖漿淋係面一齊食，而窩夫用左麻糬製作比平時既窩夫增加左煙韌感

好鍾意呢間西班牙餐廳，去到邊食到邊，尖沙咀上環都食過，今日放工黎銅鑼灣買野，就可以試下銅鑼灣分店！無酒精的莫希扎也不錯，水果好鮮甜！黎到La Postre，一定要食無花果，所以一黎就叫左新鮮無花果煙三文魚沙律，有數片煙三文魚，而無花果就有好多顆，咸咸的三文魚，加甜甜的無花果，再配少少酸的沙律醬味道超級豐富，好好吃！豬手香脆，配蜜糖芥末醬，豬手大大隻，廚師超級貼心地起左骨，上菜時已經切開切好細細舊，可以就咁用叉拮黎食。次次甜品都叫雜果窩夫，除左因為有無花果，仲因爲麻糬夾心真係好好味，好香濃雞蛋味，配埋煙韌麻糬口感一流，好似食到天堂嘅甜品一樣，好幸福的感覺。

今晚約了老公外出食晚飯，去了百樂中心覓食，整幢大廈超多不同的選擇，我選了一間在尖沙咀食過，覺得很不錯的餐廳。此餐廳燈光頗昏暗，以綠色為主調，不是很大，但很雅緻。要了個西班牙青豆煮蜆，除了漲卜卜的蜆，還有煙肉和青豆，而且充滿酒香。另外要了個最愛的西班牙海鮮炒飯，份量十足，材料豐富，少少辣，有洋蔥和櫻花蝦的香氣，令人吃完一口又一口。飲品要了鮮雜果莫希托，有薄荷的清香，又有切粒水果，十分清新。甜品要了雜果麻薯窩夫，軟軟的雪糕，淋上甜甜的蜜糖，配上煙煙韌韌的麻薯窩夫，加上粒粒雜果，好喜歡。做問卷還送燉蛋呢！

鐘情西班牙菜嘅朋友又約我食飯啦今次佢介紹呢一間佢話食過好好食我記得好多年之前同朋友食過上環嗰間La Postre印象食物質素相當唔錯同埋賣相都好靚朋友今日早收工我地5⃣️點左右來食晚飯貪呢個時間唔多人可以坐得舒服d（有1⃣️間房-房內環境）來到呢度環場相當relax**All day menu**Honeydew Melon with Jamon $198成個presentation擺得好靚火腿切得好好四塊都好平均脂肪分佈適中鹹香味道相當夠味蜜瓜口感好爽口兩者味道相當夾Paella de Marisco $298西班牙海鮮炒飯份量比想像中多d飯口感有咬口得來唔會太乾身飯本身已經落左超多料再加埋面頭滿滿嘅海鮮真係超級豐富面頭d蝦擺得好有心思認真睇原來擺咗兩個心心呀蝦除咗入味之外肉質仲相當彈牙朋友食完話好想衝入廚房度偷師笑死我不過真係好驚喜Green Tea Latte $39拉花超得意啊Caramel Coffee （Hot） $38朋友叫左呢個焦糖味好香但係飲落唔會太甜Mix Fruit Monchi Waffle $138呢個甜品用左超多種新鮮生果最特別係個窩夫入面加左麻薯口感多層次！材料豐

玫瑰草莓牛奶($58)，又玫瑰又草莓成杯飲品都好粉紅色，好少女心啊。飲落奶味比草莓味濃，仲有淡淡玫瑰香味。烤棉花糖朱古力($58)，呢杯係朋友既，佢話朱古力味濃又唔太甜。btw餐廳d餐具造型好搞鬼，除左有印左美金既紙巾，仲有好似condom既濕紙巾哈哈。芝士煎蟹餅($168)，其實係蛋餅黎，蟹鉗已經好細心拆左殼，入面仲有蛋、芝士、薯仔同木魚絲，味道香濃，記得要趁熱食呀。西班牙海鮮炒飯($298)，呢個係二人份，一上枱都嚇親，海鮮份量超多，有青口、大蝦、蜆仲有辣肉腸，個飯底炒得乾身好惹味，有少少辣。抹茶麻糬窩夫($108)，雖然已經好飽，但係點可以錯過甜品，呢度個窩夫入邊仲有麻糬，口感煙煙韌韌，配料仲有紅豆蓉、吉士醬、抹茶忌廉、抹茶雪糕、抹茶brownie同糖漿，可以自己隨意加上去。

放工了和老婆去銅鑼灣百樂中心吃飯，現在百樂中心內有很多各種的食店，剛接到la postre的宣傳單，就上去吃飯。地方不算大，環境很舒服，燈光也好柔和，啱三五知己和情人去的好地方先來叫一個小食：crab cake with cheese $168,這個蟹餅混合雞蛋和cheese 一起焗，又香又好味還有菇做餡，提升了不少，而且份量也不少主菜：Roasted Pork Knuckle $388我第一次吃有汁的西班牙豬手，底部還有沙律菜和酸瓜解油膩，旁邊還有一個蜜糖，沙律醬再點蜜糖，好正豬手皮脆肉嫩，也有肉汁甜品：Fresh Fruit Mojito$138不是一個簡單的窩夫，裡面加入了麻糬令窩夫更煙韌有嚼口非常完美的一餐，看到他們細心的製作，令我食得好開心好滿足

又食La Postre 之銅鑼灣分店如果要係香港選一間最好食最驚喜既西餐 我會毫不猶豫選La Postre今年已經encore了第三次 每次試的種類都好唔同今期推廣既係龍蝦主題之料理 上次小編食既係蟹料理仲有呢個啤酒海鮮火鍋完全未試過呢種配搭 當然二話不說就order呢個1/ 海鮮火鍋配蕃茄忌廉啤酒湯整個擺盤就寫著豐盛兩個字有虎蝦 帶子 蟹鉗 蜆 跟 螺肉！ 根本就是海鮮大雜燴而且它的份量也是不少 每種類型的海鮮也4份以上！ 整個大滿足！火鍋是用水壺形的鍋子 有夠創意的！而且備有夾子夾海鮮 十分方便！以上是錯誤示範之小酒杯伸進去我們根本忘記了它是一個茶壺 直接倒出來就好了不考慮我們的蠢事 海鮮湯也是十級贊！我覺得三個人分享也是可以的！2/ 芝士蟹肉蛋餅 （HKD 168)這個蛋餅內有滿滿的蟹肉和流心芝士而且面頭的木魚絲也是畫龍點睛 絕配！3/無花果批 （HKD79)最後來個甜品作一個完美的結束

好少行呢頭。如果吾係有同事食過話正，我都吾識去：呢杯鮮雜果莫希托好清新。生果又新鮮。冇酒精，越飲越濃喎！頭盤係西班牙青豆煮蜆。個湯好好味又鮮味。蜆肉彈牙，吾錯。西班牙海鮮炒飯係主菜。夠兩個人食！蝦肉又係超彈牙。個汁夠thick，食吾停口。青口好飽滿，個賣相已經好吸引！雜果麻糬窩夫做甜品真係冇死錯人！啱啱煮就上枱，非常香脆。生果種類絶對吾係一般甜品舖俾到你嗰啲！！仲要吾係罐頭野！個雪糕都好滑！仲吾止，佢係用蜜糖，吾係糖漿！除咗食物質素好，裝修同座位都有心思！加上服務好，冇得輸！！

是日約左個舊同學食晚飯，由於好即興所以來不及訂座，本來想吃little vegas，但walk in的話要等半小時，我們都是不願意等位的人HAHA 剛好樓下有人派傳單，search open rice見到食評不錯，就直接衝上19/F。完全不用排隊，即時安排入座，正合我們心意。我們點了3樣東西，黑松露蘑菇湯，黑松露薯條，仲有一個有蠔有粟米既意大利焗飯 (對唔住，實在記唔起個飯叫咩名= = ）首先送上既係黑松露蘑菇湯，佢份量都幾多，而且好足料，入面有幾種唔同既菇。我地兩個人share岩岩好一人分到一碗。飲第一啖我同朋友都忍唔住即刻講好好味。個湯味道好濃郁而且口感好rich。我好快就清哂成碗喇。 飲完個湯都已經飽左一半。係飲湯既途中，黑松露薯條亦都送上喇。一桶薯條伴住2兜一樣既醬，咁就可以咬完一啖再沾醬又避免左怕口水交流既問題喇。其實呢個冇乜特別，只係我好想食薯條，所以至嗌。個醬食得出係MAYO加黑松露醬，口感同味道算是不過不失啦。最後係個焗飯喇，個飯既味道都係好好味既。係好香既忌簾同芝士味，汁算係濃味的，但唔會太咸，而且入面有粟米，咸香既醬汁加香甜既粟米係幾好口感同幾夾的。而且帶有蠔既海水

是日免媽媽一天煮飯，兩個人到La Postre撐枱腳。被安排坐於角落梳化位，自成一角，甚為自在。要了一個無花果煙三文魚沙律，無花果雪得冰涼，入口香甜，煙三文魚大大一片，沙律菜新鮮爽脆，不錯。西班牙海鮮飯相當鼎盛，有青口、魷魚、大蝦等，飯中伴有辣椒、紅椒、黃椒、蝦皮等，甜椒粉的味道頗為突出，十分惹味。怕太飽了，甜品點了半份什果麻糬窩夫上碟方式甚美！溫熱的窩夫裏有麻糬，配上蜜糖和雪糕，是個完美的句號。鮮雜果莫希托清爽解渴仲夏水果茶有濃濃果香，相當不錯！

Mix fruit mochi waffle $138加入麻糬既窩夫！外身脆脆，加入麻糬增加綿綿口感😋😋煙煙韌韌蠻正！上邊仲有不同水果，夠清身Roasted Pork Knuckle $388評分： 7.5/10以為原隻上，原來係碎上！加埋醬汁一齊食，又唔洗白己拆肉！夠方便，個汁食落甜甜地，令整體食落無咁滯～食落幾特別Crab cake with cheese $168評分： 7/10好多芝士！芝士味好重，入邊綿綿的，蟹肉都幾多

平時食開任食嘅，可能質素差會冇咁好，而且服務都唔係咁周到。而呢間單點嘅「金金日式燒肉」，就真係有返啲保證。環境方面，真係夠晒寬敞，完全唔會大髀貼大髀，裝修都好日式風格，而員工都非常之足夠，你一叫佢都差唔多即刻嚟。比較特別嘅係，叫咗個18cm五色胡椒牛胸腹，顧名思義真係有18 cm咁長，除咗燒嘅時候比較麻煩之外，佢嘅味道亦都非常之足夠，肉質食落都幾有咬口，唔會話好似落咗鬆肉粉咁，調味過後，都非常之惹味，仲幾多汁添！當然仲叫咗啲比較貴嘅牛，就係佐賀A4和牛里肌肉，油脂分布非常之平均，而且少一陣就得，千祈唔好燒到熟曬會浪費左隻牛。佢嘅油脂非常之多，食落非常之香，搞到你會想一舊接一舊。"