La Postre (永樂街) (Closed)

聖誕節來這間西班牙餐廳食晚餐，食物質素和味道都好，服務員會幫你換碟十分體貼，整體十分滿意。因為是聖誕節，所以期望有聖誕節氣氛，但餐廳無乜聖誕裝飾，也無聖誕氣氛，只有聖誕餐是有關聯的，有些失望！希望餐廳可以考慮節日因素，把環境裝飾一下

搵個坐得舒服d既地方食個簡單Birthday Lunch,由於上環lunch hour真係好迫,所以我地book左2pm,岩岩好人潮散去,叫咗一個蘆筍雞肉忌廉意粉同埋黑松露西班牙黑毛豬lunch set忌廉意粉都ok ge,幾creamy,唔會好濃味既小清新至於西班牙黑毛豬,我就覺得比較推介,雖然伴碟個三粒帶子完全無味但係黑毛豬好林好嫩,個汁都好食, 比意粉出色如果係上環lunch hour之後想搵個地方好好傾計,坐得舒舒服服嘅話,呢度都唔錯。]]]]]]]

與舊同事兼好友好耐無聚，揀咗個大家工作點的中間位上環，食飯傾餐飽！上OpenRice 搜尋了這間食西班牙菜的餐廳，見評分幾高，朋友又說相片好吸引，就決定一試！並透過OpenRice 訂位！餐廳入口，搭lift按3次。3樓一出lift看到的餐廳外貌我們未夠6點就到達，是當晚的第一檯客，襯未有客人就影下餐廳環境，幾靚！幾吸睛！餐牌都好似雜誌一樣😍我地叫咗個牛油果沙律，本身唔係想叫依個，但嚟咗依個，都照食啦！依個叫牛油果蝦肉胡麻沙律塔，有小小辣，幾好食！好開胃！再嚟青醬牛肉意粉，好好味！👍🏼👍🏼👍🏼由於我唔想飲凍嘢，叫咗壺熱水果茶少甜，好飲！👍🏼係Openrice訂位，order依個西班牙海鮮飯可減$100，減後$198，抵食！由於其中一位友人很喜歡牛油果，故我哋再叫多一個牛油果沙律，依個係我哋原本想叫嗰個，但反而麻麻地，沙律菜切得太碎了！！！醬汁又做得麻麻！什果麻薯窩夫，食食下我以為個窩夫未熟透，之後友人提醒應該係麻薯，我好白痴！🤣🤣🤣依個甜品係幫餐廳做問卷送嘅整體嚟講，我對依餐好滿意，無論環境、服務、食物都好高分。值得再幫襯！

一入到餐廳，已經覺得個環境好舒服、好休閒，再睇埋餐牌，覺得啲菜式好特別，明明係甜品，但又可以當 main course。揀咗個 Parma Ham cheese waffle with salad 賣相好靚，成個過程覺得自己似食緊甜品，但係好飽肚。整體來講食物幾高汁 - Parma ham 香、waffle鬆脆、連餐的melon好清甜。服務好好，我坐咗喺個風口位，話比服務員知，即刻幫我轉另一張枱，而且態度好樂意，此點應該嘉許。成個餐$120 ，頭盤可選湯或沙律，一個主餐，仲有甜品及咖啡，最後填左張問卷，送Creme Brûlée 甜品，好好味。

Staff: very nice! Try their best to serve everyone as limited staffFood: very good! Paellabeer hotpot with seafoodsaladCelebration: highly recommendexcellent serviceDessert with birthday message and Polaroid with a birthday card for the guestspecial memoriesEnvironment: nice but with a open kitchenstill ok if you don't mindPrice: 1200 for 3 without alcohol only one beerreasonable and acceptable

之前聽過朋友說上環La Postre 的西班牙菜不錯，所以我和老公特意到來晚餐。店內裝修設計尚算不錯，洗手間也算整潔。本人較喜歡牆上的大笨鐘裝飾，蠻特別的。我們點了一道前菜、一道主菜、兩杯飲品和一個甜品。蜜瓜黑毛豬(24個月)($198)如果有去西班牙旅遊的香港人應該會知道，蜜瓜黑毛豬是西班牙必食之選。這店提供的是風乾醃製了24個月的黑毛豬，雖然風乾的時間不太長，但仍可食得出它的甘香和油香的味道，再配上鮮甜的蜜瓜，以這個價錢來說，性價比很高。西班牙海鮮炒飯（$298)它的份量蠻多，而且味道也不錯，兩人絕對夠食。鮮雜果麻糬窩夫($138)賣相精美，食落外脆內軟。藍莓芒果莫吉托($68)以及鮮果莫吉托($78)本人較喜歡鮮果莫吉托，不太甜，有梳打口感，加上青檸及薄荷，很適合近日熱不可耐的天氣哦!

放工回到了La postre吃豬手，這個豬手上次食過一次便念念不忘。想不到閒日放工，顧客比失上次來的還多。   坐低很有目標的點了豬手和蟹餅，我這次點了桂花荔枝茶，好便養生養生。至於朋友就點了Mojito。   飲品先上，我的桂花荔枝茶很香桂花味，酸酸甜甜，熱飲入口好舒服，暖暖胃。然後我最喜愛的蟹餅都到了。這也是食過但想encore的，說它是蟹餅其實不太正確，因為它蛋的食份更多一點。    入面有滿滿的芝士、薯仔粒和蟹肉，材料很平常，但味道卻很好，加上是熱辣辣上枱，好好食。說它是這裏必食項目，我覺得一點也不過份。   可能因為人多，所以今次豬手等的時間比較耐，但一如上次咁好食，外皮焦脆香口，卜卜脆。被一大堆酸酸甜甜的配菜包著，有種好物尋歸底的感覺。   那些酸酸甜甜的配菜紀對有去膩的作用，再加上蜜糖，多了份香甜。這種製法這個味道的豬手，只有在這裏先食到。這隻豬手肉感不算太強，但每件豬手都連著脆的皮，所以口感都能兼顧。   最後點埋個什果麻糬窩夫，這個窩夫有賣相，入面有層厚厚的吉士醬，所以甜度很夠，麻糬煙煙韌韌，窩夫烤得脆身，蘸雲呢嗱雪糕食，有奶香又有麵粉香，

【中環CP高西餐廳】今日有嘢要出去中環做，所以大約四點出到去，咁岩遇着下午茶睇一睇餐牌下午茶都幾抵食😍以下兩個為下午茶餐包飲品！🍝卡邦尼意粉 💰$48hkdCarbonara 汁夠濃掛麵條😋$48份量不會太少，夠女生吃。真係好抵食😍良心🍟🐠Fish and chips 💰$98 hkd 下午茶來說會貴少少，但係食落又會覺得呢個價係正常😂 炸魚和薯條夠熱夠酥脆(唔知有冇落啤酒係麵糊中)，因為好驚啲炸漿會係硬過石頭咁樣，魚不會乾還保持濕潤感👍🏻薯條夠粗，配上黑松露沙律醬😋正！(散叫)🍕巴馬風乾火腿蘑菇薄餅💰$148hkd本身好驚食唔晒，但係知道呢個係薄脆餅底就ok 😂呢款紙咁薄嘅底我通常會捲住嚟食，好似Burrito。薄餅烤得非常脆，Parma ham亦算多👍🏻good 今天過着休閒的下午😁P.S 須加10% service charge 📍Espuma (中環)中環威靈頓街2-8號威靈頓廣場M88 17樓

友人last day 諗住同佢食返餐farewell飯苦思食咩好 忽然諗起食西班牙菜 二話不說帶左友人去試下呢間餐廳上環呢間分店 黎幾多次都好都會覺得餐廳內內外外佈置都很精緻(1) 蜜瓜黑毛豬 (24個月) Honeydrew melon with Jamon Iberico大大片切到又薄的黑毛豬鋪係蜜瓜上伴有黑莓同nuts偏咸的黑毛豬配上清甜蜜瓜爽脆中帶有幾分油香味 可能蜜瓜唔係當造 蜜瓜食落無上次咁juicy ?_?(2) 龍蝦燉飯 Lobster Paella對於細食既我地 雖然話就話係2人份量但呢個燉飯都相當大份原隻龍蝦放係飯的表面 係烹調的過程中龍蝦的精華慢慢滲入米飯中初時都會擔心燉飯搞不好會唔會好濕 食落只係比平時d飯濕少少而言燉飯入面除左有帶子仲有蝦米青豆食落口感豐富 加埋彈牙龍蝦肉 大大的滿足(3) 抹茶麻糬窩夫 Matcha Mochi Waffle 見到甜品有抹茶 當然要試一試話明係抹茶窩夫 所以上至waffle 下至周邊的雪糕同brownie都係抹茶味xd窩夫焗到外脆內軟 入面有麻糬關係 食落帶有點點煙韌抹茶味brownie食落帶有少少earl grey味 ?_?

難得午餐想食好啲，就搵左間西班牙菜試試佢！一入到去就覺得好光猛，有小清新既感覺，環境好舒服，同外面既氣氛截然不同😌叫左兩款set lunch，包蜆肉湯、蒜蓉包、主菜同埋甜品燒汁蠔肉華倫西亞炒飯好足料，有五隻大大隻既蠔，燒汁調得好，唔會覺得好油膩或太濃味，剛到好處南瓜蟹鉗忌廉飯好食，忌廉味好濃，好快就覺得好濟，好飽肚加$15就可以叫special drinks，好抵食，我地都叫左fruit mojito，入面都係新鮮既水果，好足料不過上菜有啲慢，如果lunch黎食就要預留多啲時間喇

今晚約左媽咪食飯，去左上環一間頗有格調的西班牙餐廳。上環晚市晚間的確好寧靜，街道人明顯少左好多，反而有種浪漫街頭氣氛。我地地上到餐廳，環境好復古又不失時尚設計。我地叫左一個主菜、一個小食、一個甜品。小食叫左芝士煎蟹餅。雞蛋和芝士焗得剛剛好，上枱時芝士半溶拉絲度高，芝士味道突出。雞蛋香嫩蛋味濃厚。蟹鉗焗得唔會乾身。主菜叫左西班牙海鮮炒飯。炒飯味道濃香，少少辣，海鮮好豐富啊！甜品叫左雜果麻糬窩夫，生果好新鮮。窩夫充滿蛋香。

和朋友聚舊她帶我食西班牙菜，聽說這裡不單止西班牙菜出名，甜品更是誇啦啦 ! 餐廳內環境舒適，坐得舒服，是三五知己傾計的好地方。 先來個無花果芝士黑醋沙律， 附上兩條特長麵包條很有特色，所有材料均很足料及新鮮，再加上油醋沙律汁十分醒胃。西班牙海鮮炒飯奉熱辣辣，原材料十分豐富。有青口，大蝦，蜆，帶子，飯粒煙韌 每粒飯也被湯汁包圍著， 份量十足兩個人都食到飽飽。聽說這裡的窩夫很好味，無花果，雪糕再加奇異果，燈，蘋果， 芒果， 黑莓… 窩夫外脆內軟 不會太甜 絕無取巧， 食到飽飽也要一試呢! Green Tea Latte~ 綠茶味十分香濃香滑，令人滿足 ~為這一餐完美的西班牙菜畫上句號。

西班牙炒飯就要喺西班牙餐廳食，咁waffle呢？唔通要去比利時餐廳食？話說呢，有日傾開計，有人喺上環番工，話呢度啲窩夫好好食，咁你無端端又唔會專登去食窩夫嘅。咁啱今日呢，就真係有個人話好想食窩夫，咁好啦，原來佢呢度做嘅係麻薯窩夫。咁晚餐時段冇理由淨係食個窩夫，唔夠飽㗎嘛，咁我哋就叫咗蜜瓜火腿同埋西班牙海鮮炒飯。個蜜瓜火腿係有驚喜嘅，火腿鹹鹹香香，配上清甜嘅蜜瓜，一定唔會錯，最驚喜係佢配上左蜜糖合桃，佢哋嘅味道好夾㗎！西班牙海鮮炒飯，大大盤，好抵食，有蝦有青口有蜆，飯底做得唔錯，煙煙銀銀，每一啖都索滿湯汁，雖然未至於最正宗，但係呢個價錢加上呢個質素性價比極高！終於等到個主角！果然係名不虛傳！麻薯窩夫，顧名思義，個麻薯裏面有窩夫，唔係唔係搞錯咗，係窩夫裏面有麻薯！我真係大鄉里出城，第一次食有麻薯喺裏面嘅窩夫！原來滿足感會雙倍！窩夫外層脆脆，但係唔會界口，呢樣好重要，外面脆裏面軟！配上唔同種類嘅雪糕同埋生果！仲有蜜糖，直頭係一百分！仲有，佢係超大份！如果兩個人食，真係要叫少一個主菜！淨係黎食窩夫都值得！

大家都想對自己好D，就去了位於地鐵上環站附近既La Postre食番餐好，佢門面非常有特色，似古典車站為藍本，好Grand，好Relax。見佢樣樣都幾好咁，一於樣樣都叫些啦。芝士焗蟹餅首先店員送上了前菜，芝士味道香濃加埋雞蛋，很不錯的，同埋焗蟹腳配合得很好，令人哋感覺好開胃好舒服。西班牙海鮮飯好開心可以喺這裏食到大大碟原汁原味又好味嘅西班牙海鮮飯。佢地一樣製作得好認真，鮮蝦非常大隻爽口彈牙，仲有非常多蝦膏，淡淡肉，非常不錯。特色推介之選！西班牙飯方面，味道不太油又不太咸，仲熱辣辣，非常之大碟，正！原個綠茶麻糬窩夫在香港比較少食到同比較特色嘅甜品，內裡係綠茶醬，一樣大大個好足料之餘，甜甜地不錯的。另一推介之選！鮮雜果莫希托飲品用鮮果製做出來，真係可以俾大家逐件食，逐啖飲。當然係新鮮清爽的解渴足料推介。

樓上的店舖非常有特色 是非常邪惡的一餐 邪惡到會想一試再試！ 先來兩杯開胃消暑飲品 這家餐廳的特色飲品都非常出色 不得不試！龍蝦炒飯 可是二人份量喔！ 看到菜上桌那一刻 我驚訝的出不了聲！ 整隻龍蝦放在炒飯上面 而且龍蝦肉鮮嫩多汁 而且份量很十足 不得不讚 不超所值芝士蛋蟹鉗 真的真的是最邪惡 記得一定要趁熱吃！ 芝士拉絲而且味道絕配 喜歡吃蟹的 肯定喜歡這道配合蟹的菜式！重點是甜品，這個窩夫我給一百分！ 抹茶味道還有麻薯 煙韌好味 上桌的時候暖暖的 又有咬口 一級棒！