花月庭 (Closed)

朋友生日，一大班人同佢去花月庭食自助餐慶生～花月庭自助餐有兩個時段，亦可以俾貴少少食全時段（好似係七點食到十一點咁上下），用埋openrice coupon ，平均一個人都係五百幾蚊，價錢都合理，食多幾隻蠔都係番度～基本上我就成程都無乜點食熟野，不停去排生蠔～呢度一個人每次可拎兩隻，一個師傅開，一個負責沖水，流程都算快～人龍都係十個八個咁上下～排完仲可以去埋隔離拎刺身。主角生蠔雖然細細隻，不過都幾肥美，同埋都鮮美，就算唔落調美齋啪都好味。大約應該食左兩打至兩打半左右，都算回到本～熟食種類就少d，拎食物的位置都比較少，我諗佢主打都係食蠔。btw，服務算係有水準，清理枱面污糟碟的效率好高，讚👍🏼

甜品款式超多，份量細可試多幾款🤤海南雞好好味必食，記得同佢講要雞髀😁豬腳薑👍🏻一拎出來好快俾人攞哂！燒豬柳、燒牛肉、火腿😋😋刺身選擇少只有幾款有生蠔供應但長期排長龍Movenpick雪糕四款

我印象中花月庭嘅午市或者晚市嘅自助餐都係唔錯㗎! 但係點解今次差咗咁多嘅?? 話就話以關西做主題，但係日本嘅甜品款式冇乜幾多囉！冇咩選擇唯有揀個粥食下啦! 估唔到個粥又幾好味喎 ! 因為有個廚師即時加啲你想要嘅雞肉或者牛肉，然後煲俾你，跟住自己加返上圖嘅油炸鬼、 薄脆、花生、 葱、菜脯去送粥， 雞肉又鹹鹹地。呢個熱食區有三文魚，薯仔， 粉麵。不過不失好少午市自助餐有即開生蠔食， 但係呢個都唔算係亮點， 因為佢啲蠔好細隻，而且長期都有人排隊，所以我都係放棄咗冇食。 而其他好似凍蝦青口墨魚仔我都冇試，感覺上唔係好新鮮。 魚生一般新鮮。 望到個樣都唔吸引， 完全冇衝動想去攞。沙律都冇乜選擇，而且冇再refill。 好似俾人搶完一輪咁。究竟我食嘅係午市自助餐定係甜品自助餐呢?  對於我呢個鍾意食甜品嘅人嚟講， 我都覺得啲甜品款式多到根本冇可能食得曬。 咁多甜品應該係好歡喜先係嘅，但係其他鹹食嘅款式太少啦 , 再加上甜品都唔係太好食,好失望! 以上兩圖甜品真係好差,好後悔攞左,蛋糕完全冇鬆軟感。呢幾款正常D, 雞蛋仔,葡撻,雪糕窩夫幾好食,綠茶卷蛋太多cream。 估唔到連杯嘢飲都要自助😂

大阪、京都, 好懷念當地的一切, 無論是風土人情抑或美食! 最近好店都推以日本美食為題的自助餐, 其中一間是旺角帝京酒店花月庭, 一齊展開「味遊關西之旅」! 日本美食, 幾乎無人不愛, 到訪當日, 眼見非常多客人, 幸好有訂位! 首先每位惠顧「味遊關西之旅」自助晚餐, 就能獲贈明太子醬扇貝海鮮燒乙客, 很大隻! 因為醬油之下有原隻帆立貝、魷魚、八爪魚等海鮮, 非常豐富, 醬汁為蛋黃醬, 濃味之餘帶少許辣勁, 很過癮! 走到美食區, 看到多人排隊的有火炙波士頓龍蝦海苔燒, 很特別的口味, 是帶點fusion啊~ 以章魚燒的材料應用在矜貴的龍蝦身上, 例如野菜、蛋黃醬及木魚花，再加上酸甜惹味的章魚燒醬汁及海苔粉，伴以紅薑絲及新鮮檸檬片, 龍蝦肉彈牙多膏, 太惹味啦~ 愛吃牛的話, 必定要吃特盛牛肉壽喜燒, 足料之餘味道亦十分到位! 另外亦有大阪芝士豚平燒、日式醬燒黑豚肉. 要數日本菜, 當然少不得刺身! 好鮮甜! 大愛赤蝦及八爪魚; 而箱押壽司方面則有鰻魚、吞拿魚. 茶漬飯、脆炸抹茶豬軟骨、炸魚, 種類十分多, 還有更多關西美食, 多不勝數. 一系列日式美食之外, 即

關西是我個人非常喜歡的地方，每隔一段時間，總是心思思想再次踏足，今次推廣關西美食，一於大擦一餐；止止咳先。明太子醬扇貝海鮮燒～原隻帆立貝配上魷魚、八爪魚等食材，覆上以明太子、蛋黃醬、牛油及野菜炒香的醬汁，鮮甜惹味，不容錯過！鰻魚箱押壽司～起源於關西地區，相對於關東地區的握壽司，出現的時間更早，將醋飯與食材放入木製箱盒，再以木片用力將之壓實，使飯與魚料不易散開，口感較紮實。輕微辛辣的山椒粉灑在鰻魚上，和著鰻魚汁同吃，倍覺滋味。火炙波士頓龍蝦海苔燒～開邊波士頓龍蝦，灑上野菜、蛋黃醬及木魚花，再加上章魚燒醬汁及海苔粉，以火鎗即時加溫，熱辣美味。特盛牛肉壽喜燒SUKIYAKI是另一大受歡迎的日式火鍋，師傅先以牛脂起鑊提升香味，放入主角雪花牛及多種蔬菜同煮，配料及調料亦有多款選擇，如七味粉、指天椒、柚子胡椒、薯粉、烏冬、紫菜、西檸醋、芝麻醬、芝麻、生蒜、蒽花、溫泉玉子、豆腐、鮮冬菇、大葱、金針菇等；是牛魔王們必不可錯過的一道美食。熔岩芝士泡菜炸雞伴法包～每晚只推出兩輪（1900 及 2100），將香辣的泡菜及炸雞放在脆脆的法包上，再配上熱熔芝士一起吃，也是當晚的人氣之選。自助飲品區

先講今次嘅花月庭味遊關西之旅自助餐有幾抵食先！晚市自助餐分了全時段、第一優惠時段(17:45~20:15)及第二優惠時段(20:30~23:00)，週日至四收費$508/位起，OpenRice更有低至$398的優惠卷供客人使用，仲有每位客人更可獲抽獎機會一次，有機會贏取價值一萬元的關西之旅旅行禮券！係咪正先係就睇落去喇喂！甜品愛好者真係發，D甜品多到嚇死人個仔！甜品櫃放滿十幾款糕點、果凍、慕絲和布甸，仲有好多又靚又好味嘅朱古力同拿破崙，仲有好多款Movenpick雪糕同生果！凍海鮮都有唔少選擇墨魚仔、凍蝦、青口、松葉蟹腳和藍青口，我就鍾意食松葉蟹腳喇您呢？即開生蠔啱晒我呢D麻甩佬，呢晚係美國生蠔每次可以攞兩隻，我攞咗好多轉嘻嘻！刺身有三文魚、鯛魚、吞拿魚、八爪魚、赤蝦，仲有箱押壽司都好啱我胃口喎！熱菜有薑蔥炒龍蝦鉗、辣酒煮螺、大阪芝士豚平燒、吉列乜乜乜，同好特別的脆炸抹茶豬軟骨，仲有好多好多不能盡錄！仲有片皮鴨、海南雞飯同燒味任食唔嬲！仲有食全段自助餐嘅客人即係我呢D，會有一隻明太子醬扇貝海鮮燒送，真係好鬼死大隻入面有帆立貝、魷魚、八爪魚好多料好和味！凍海鮮、生蠔梗係爆食先可以快D回本

經朋友介紹，話幾年前食過好食，所以今次試下，去到見人流好多，食物應該唔會太差，後來發覺食品種類小，亦唔好食，生蠔無味，佢送既明太子燒亦都唔好食，呢個價錢同食物水準完全唔相符，唯獨甜品唔錯，下次都唔會再黎。

小秘書真係有口福，幫手做少少嘢就呃到餐buffet😝 好多謝各位出心出力嘅同事🙌🏻🙌🏻 「La Scala at Royal Plaza Hotel - 花月庭」嘅晚餐食物都算可以嘅，可惜款式唔多、海鮮又削... 不過講到服務就認真麻麻🙄 所謂限量嘅鵝肝其實都唔係真係咁好食（我哋嗰枱直頭有三個同事放棄唔要啦），但係負責處理嗰位姐姐就好似派緊金咁，全程黑口黑面... 唔講仲以為我打尖、定係得罪咗佢咁🤨 返到埋位想要杯水啦💧 侍應答我「出面有得攞㗎」！哎呀！啲水咁肉酸又亂糟糟咁... 叫人點飲啫👉🏻👈🏻

保守估計，十個朋友有九個都會曾經吃過太子帝京酒店花月庭的自助晚餐。 可能你一大班朋友會來吃過，可能你全一班同事搞gathering，可能你公司在這裡搞過function ，無論點，在這裡你都會有過自助餐的最好回憶。 冇辦法，這裡的自助餐實在是以平靚正形容，幾年沒有吃過，但依然係人頭湧湧，無辦法，叫人吸引的除了是價錢，還有的是其美味和多元化。 今晚舉行的主題係關西美味，大阪關西絕對係香最受香港人歡迎的旅遊勝地，而美食更是數之不盡，關西廚房不是浪得虛名，今晚花月庭的各種關西美食，都絕對同去左一轉大阪一樣。 首先，最精美的一定係牛肉壽喜燒，這個特製牛肉壽喜燒，即叫即整，湯頭甜美，牛肉質素不是平時自助餐求其吃到的普通肥牛，加上各種不同蔬菜和不同的菇類，絕對係吃完再吃的佳作。 大阪芝士豚平燒和日式醬燒黑豚肉都是朋友說極佳的肉類美食，可惜是晚減肥不能吃太多肉，剩牛肉壽喜燒已叫我愛得要死，如果你有機會來，不容錯過。 自助餐當然不能錯過即開生蠔，隻隻都飽滿鮮甜又大隻，愛蠔的絕對不能錯過，十隻八隻真係等閒事。 即燒的火焰龍蝦，同大阪有乜關係呢，大家都吃過街頭小食章魚燒，但將章魚燒的概念放係龍蝦身

7年前既今日系度同你慶祝生日🎂諗左好耐吾知同你去邊..最後即日試下book吾book到所以今年我選擇黎返哩度同你慶祝😆booking左8:30PM,未夠鐘門口已有人龍睇黎好多人提早book左,頭50名$398全包我哩d冇咩計劃既人又臨時臨急系輸蝕d如果早book真系好抵食👍🏽👍🏽平時寫食評d相通常都系食左少少一系就食哂先記得冇影相,吾習慣相機📷食先自助餐就更加冇例外啦😅😅豬手要既時候先拎出黎切所以吾會凍冰冰好脆好好食熔岩芝士泡菜炸雞拌法包哩個好似系一晚得2次差吾多夠鐘廚師就會搖響個鐘仔好大陣象,一個負責煮熔岩🧀另外兩個就系隔離ready見到d熔岩真系覺得好邪惡👹食落其實又吾會覺得好漏因為夾住d泡菜酸酸地系芝士🧀控值得一試不過要睇下當時系咩主題燒龍蝦大舊肉再配埋d汁其實有好多都冇影相..整體都系唯一一樣野吾系甘好既系...我地8:30系尾輪,所以都會提早少少黎叫我地埋單先都吾緊要,我覺得好正常既一件事但系我地之後出去拎野食,我地坐位冇放野因為隨身物品跟哂身👜👛🕶拎完野返到入位所有🍽🍷冇哂

首次来花月庭食個早餐,　7:30AM　walk in入場＄１３８無加一。因為想食包、所以来試下、早餐menu大約如下：包点類：２種牛角（原味、多谷）、基本上酥皮野約１０種、其實睇清楚只係個味唔同、其實都係乜乜巻多。仲有外国人中意既法包、酸種麵包多種、小餐包、多谷健康包子、全部包類加起裏約３０種左右。方包多士（自製）熱食：白汁魚、照焼鷄、焼買、腸類、炒蛋、太陽蛋、煙肉、炸餃子、即製粥品、即製雲呑麵類其他：茄汁豆、軟硬芝士３種、幾種乳酪、水果４種、熱麥皮、冷麥片谷類、鍋夫、熱香餅、沙律多種、炸薯餅、飲品：水、果汁３種、豆漿、冷鮮奶、COFFEE、熱鮮奶、紅茶、檸檬茶、奶茶。総結：我一個人由7：３０AM坐到９：２４AM、由無人食到好多人食、都有人来収碗、無人掃我走。１個人坐一張４人卓、環境安静非常自在。星期６－日打發時間、漫食休閑既好去處、野食唔算好多種類（呢個価位可能算少添）、但一般早餐需要有既呢度都有、算係咁囉。

日本菜真的令人百吃不厭！近期亦有不少酒店推出日式主題的自助餐，像這天到帝京酒店的花月庭現又正推出*味遊關西之旅*自助晚餐，喜歡吃日本菜的我又怎可錯過呢！ 晚市自助餐分了全時段、第一優惠時段{17:45~20:15}及第二優惠時段{20:30~23:00}，週日至四收費$508/位起，OpenRice更有低至$398的優惠卷供客人使用，每位客人更可獲抽獎機會一次，填妥資料後交回職員即可參加抽獎，有機會贏取價值一萬元的關西之旅旅行禮券呢！ 我最開心見到有自助飲品區，有奶茶、咖啡、凍檸檬茶及凍檸檬茶無限任飲，還有專人沖泡乾手淨腳！ 甜品區有自助乳酪雪糕機，供應著原味及士多啤梨味的乳酪雪糕，考考大家可盤多少圈嘻嘻！！ 兩大個凍櫃內的放有黑森林蛋糕、鮮奶南瓜糕、蜜糖黑珍珠糕、栗子蛋糕、紅棗糕、紅桑子白朱古力慕絲、蘋果果凍、綠茶牛奶布甸伴紅豆、北海道3.6牛奶布甸、白桃慕絲、朱古力慕絲、芒果布甸等等，花多眼亂到呢！！ 糖果區亦不弱放滿色彩色繽紛的各式糖果，小朋友見到真係開心到飛起！ 原個蛋糕有富士蘋果合桃戚風蛋糕及雲尼拿蘋果慕絲蛋糕，賣相相當討好希望