花月庭 (Closed)

我好肚餓，但我完全揀唔落嘢食。食物味道不是很差，但食物質素很差。首先冷盤賣相嚇人，看上去完全不新鮮，我只敢食一隻青口。至於生蠔，就多謝但唔使客氣。熱盤就係一pat汁,賣相很倒胃口我都未試過食Buffett 會「陸」麵食，亦未試過食Buffett 之後仲會肚餓，啲肉（唔理乜肉）都硬過石頭。成晚唯一好食係雪糕，因為係movenpick。我圍住張食物枱食咗三次，最後決定返屋企食麥當勞。大家可以想像下有幾絕望。真心無下次完全中伏

好耐冇食過花月庭buffet啦!我地4個人食前段時間,平啲,都要成4舊水一個,刺生太多人排隊等,又唔多,想食都煩,甜品都ok,其它熱食一般,之前食過覺得麻麻好食!款式太少啦!今日有人請先食!如果自巳比錢一定唔會黎食!

報紙有優惠券,平日全時段6pm-11pm食足5小時 $428, 所以一試主菜有焗龍蝦, 臘味飯, 魚柳, 洛神花咕嚕肉 : 龍蝦比較細隻砂鍋臘味岩米焗飯, 飯和料各自乾身,完全吃不下鮮菇花膠炆雞煲, 鐵板鹽麴黑豚肉 : 花膠較硬, 黑豚肉肉質不錯博多土雞鍋 : 基本係素, 雞丸很細粒龍蝦鉗香蔥三文魚他他櫻花海老威化燒牛肉,豬肋骨火焰西班牙蝦: 好有氣勢生蠔: 美國和法國焗海鮮焗芝士梳乎厘 : 很可口青口,蟹仔 : 蟹仔較細壽司,魚生甜品種類很多, 其中杏仁茶很重杏仁香味。全時段加送和牛包, 很好味。總結, 食物種類很多選擇, 質素不錯, 飲品任飲。物有所值。美中不足報章廣告說有羊腩煲,現場問過沒有提供。

今晚兩個人黎到花月庭食自助餐都幾多選擇我最鍾意係即開生蠔同埋壽司在場有兩位師父即開生蠔　一個洗一個開　師父動作好快手一兩分鍾開到隻　所以等待時間唔會太長今日既生蠔唔算好大隻但係好鮮甜　我都食左１打回本今日既刺身就還可以啦望洛都知普通　唔肥唔厚　食起黎無咩魚味壽司我拎左一件　唔想食太多飯會飽我拎左件熟既蝦肉壽司　實無死　蝦唔彈　但係味道夠咸　加上醋飯既味道都唔大　所以都係ｏｋ估唔到有得食細細碟既意粉　配上流心蛋又唔錯ｗｏ意粉又係煙煙ｕｎｕｎ　唔錯！最後甜品時間啦　ｅ　豌桂圓紅棗糖水　好香呀　甜度剛好　女士滋補兩種雪糕都好實在　但我覺得味道選擇可以多ｄ～

話說前幾日突然同屋企人去咗食buffet😂 呢間惹月庭成日都會經過但從來都冇打算食，今次屋企人話食就試下囉，但以酒店自助餐嚟講其實都幾一般回本位生蠔有美國同法國種，但法國蠔只係出過一次之後食極都係美國蠔🙄另一回本位芝士燒龍蝦味道正常係細隻咗啲，刺身就可以唔理。驚喜位係coldcut區，雖然啲ham好少見到咁差，但莎樂美腸意外地高質，而且佢有個肝醬撻係走寶之選，冇牌寫係乜正常都唔會拎，但原來好正，除咗肝醬夠香之外，撻入面有啲蘋果粒中和返個膩感幾唔錯✨呢個自助餐有個幾得意嘅位，就係每隔一段時間就有人搖鈴叫人排隊，然後熄燈燒嘢，燒大蝦就冇乜興趣，但燒巨型雪山就好吸引，切開係三色雪糕蛋糕嚟，味道冇乜特別係勝在有童年回憶咁😗其他嘢都冇乜特別，全場最好味竟然係海南雞，堅滑堅香，仲有就係有得任飲凍檸茶凍檸水呢下幾好，當晚有開飯72折，唔洗印直接俾佢睇就得，除返五百幾蚊，俾我都係覺得加多兩舊去茶園開心啲😛

基本上我們一年大概有幾次吃自助餐也是在這裏的，雖然人是很多，但真的有很多選擇。甜品也有幾個地方擺放，亦有即開的生蠔，新鮮的蝦及刺身，如果平日的午餐自助餐更划算，有時大概210幾蚊就可以了，亦有即開的生蠔吃，雖然每次只能取兩隻，但亦不是十分多人排隊，而且供應源源不絕，對我這個熱愛生蠔的人來說，真是非常的不錯！

說起來，就快到聖誕節了，大家找到心水地點慶祝了嗎？ 早前就到訪過旺角火車站新世紀廣場內的「花月庭」餐廳，地點就腳到不得了，而且食物種類多又好味道，所以經常爆滿。而餐廳將會在聖誕節期間，加推好幾款美食。 核桃栗子燉花膠核桃補腦、栗子壯腰而花膠滋陰，三者結合，正好在秋冬日子飲用，加上火喉足，湯色清澈而甘甜，大人細路都啱飲。 意式香辣茄醬鳳尾蝦蝦肉爽彈，又無須褪殼，食用時好方便，而且酸辣夾雜，就更惹味。 牛面頰濃汁長螺絲粉配羅馬羊奶芝士牛肉汁跟芝士同是味道濃郁，兩者混和後，味道更濃郁，長螺絲粉煮至al dente狀態，柔韌有嚼口，又沾滿了醬汁，很喜歡這感覺。 焗比目魚柳伴洋甘菊香檸牛油汁作為一個懶人，食魚無須吐骨真好，家陣魚柳啖啖肉，香檸牛油汁令質感更加滑溜，的確好啱自己。 火雞聖誕節的食物，當然少不了火雞，雖然肉質比較粗糙，但畢竟是應節食物，點都要試下。 大笨鐘（ 胡桃榛子朱古力蛋糕）賣相真是一絕，像真度極高，古樸的氛圍，齒輪仔細，味道甘甜，質感滑溜，好味。推介其實平日，都有好多美食可以推薦比大家。 火炙波士頓龍蝦配白蘭地迷迭香蟹子忌廉汁即製即食，而且凍食龍蝦

想到去邊食聖誕餐末？如果一大班人或者是一家大細；自助餐無疑是大部份人的選擇。這個以火雞和核桃為主題、名為「夢幻聖誕城」的自助餐，有胡桃夾子、花仙子、薑餅人等作伴，氣氛濃厚。首100位預訂的客人，更可享低至7折優惠，早訂早着數。為了迎接這普天同慶的日子，餐廳將會推出一系列聖誕美食，快來看看那些是你的心水之選吧！核桃栗子燉花膠～秋冬天，沒什麼比得過一碗溫熱的燉湯來得讓人愜意，以原塊滋補花膠配海螺片、核桃、栗子及豬骨等一同燉煮兩小時；甜潤滋補，正斗到呢！意式香辣茄醬鳳尾蝦～爽彈鮮甜，酸甜帶微辣的番茄醬；更能挑起食慾！牛面頰濃汁長螺絲粉配羅馬羊奶芝士～這款Pasta質感彈韌，以牛面頰肉、牛尾汁、番茄、雜菜烹煮而成的肉醬，加上意大利羊奶芝士，濃厚之選。焗比目魚柳伴洋甘菊香檸牛油汁～選用太平洋比目魚，魚皮煎至焦脆，肉質油潤甜嫩，蘸點香檸牛油汁；陣陣果香，清新可口。雞油菌甘栗鴨肉釀火雞~火雞跟聖誕節已劃上等號，燒至金黃的外皮，香氣撲鼻，挑選中型火雞；貪其肉質較嫩，雞油菌、栗子、鴨肉及意大利香草麵包等餡料令味道層次更豐，再配上傳統的金巴利汁或雞肝燒汁；應景又應節。大笨鐘(胡桃榛子朱古力蛋

繼續聖誕 buffet：花月庭推出大嘆特濃芝士火炙龍蝦、即開生蠔、聖誕火雞、花膠燉湯及特色主題甜品的 聖誕夢幻城自助晚餐，首100位預訂客人可享低至7折優惠，於指定日子惠顧更可獲 CNP Laboratory 皇牌煥膚潤澤體驗套裝及CLIO購物現金券！ 花月庭 向來以 buffet line 超長、款式超多見稱，一開首的冰鎮海鮮（看到那修長的美腿向你招手嗎？）以及即開美國及法國生蠔，已經足以令海鮮神暈神暈癲到，別提更豐富的刺身、壽司及沙律選擇了。 這裡的熱食也非常多樣化，最難得是有專門的日式串燒區；不過熱食區最吸晴還是特濃芝士火炙龍蝦，熨熱的半溶芝士加上龍蝦的鮮甜，的確令人難忘。這場的煎鵝肝也是心水之選！ 另一邊是印式咖喱、粉麵檔以及不能錯高的燒味部，美味又馳名的海南雞飯就是在此供應，好此味者萬萬不能錯過啊！ 場內還有個人最愛的即製片皮鴨、美味燒牛肉等攤位，聖誕節當然還會加推聖誕火雞，下面也會再作介紹。 花月庭的甜品的陣容更是空前絕後的豐富誇張，除了這繽紛奪目的甜品檯，即焗雞蛋仔、心太軟、朱古力噴泉、8款口味的 Movenpick 雪糕任食，另一邊尚有巨大的甜品凍櫃，裡面放

咁岩一家人好耐無食飯歡聚 又見聖誕節就到 所以㨂左花月庭秋之月祭 無論歐陸特色 至到亞洲美食應有盡有 而且交通方便 所以選擇左自助晚餐。整體佈置 由開放式廚房設計，燈飾設計都好華麗 訂座時間由晚上7時點到11點我哋安排坐喺食物區附近嘅座位，所以行出行入取美食非常方便 每當離開座位 職員馬上收碟 為客人斟水亦好密，食物方面 款式多質素好好，半隻龍蝦 生蠔，新鮮而且蠔味唔會太重，唔錯。風乾豬肩肉，沙樂美腸，巴馬火腿鹹香適中刺身有幾款款，三文魚無咩油脂，虎蝦無咩味，帶子較鮮甜，鰻魚壽司甜品款式多而且精美，好欣賞即焗心太軟同蒲撻 綠茶雞蛋仔。酥用料足。熟食款式多，串燒類燒得唔錯，唔會乾，仲保留肉汁。北京田鴨肉肉質都算嫩，唔鞋。回本嘅movenpick雪糕任食，款式仲有好多種味添。最後恒生咭有65折 抵食

好快又到普天同慶的聖誕節喇！相信大家也開始煩惱吃什麼聖誕大餐了，吃自助餐相信是不少人的首選吧！等車媽媽為大家介紹下12月的聖誕節自助餐啦！！ 帝京酒店花月庭推出了夢幻聖誕城自助餐，由成人＄348/位起不同時段有不同價位迎合客人須要！ 首100位預訂客人更可享低至7折優惠，而凡於平安夜、聖誕節及拆禮物日惠顧花月庭自助晚餐，每位客人可免費獲贈CNP Laboratory皇牌煥膚潤澤體驗套裝乙份，及CLIO購物現金券乙張(總值HK$240)。 天寒地凍喝一碗核桃栗子燉花膠湯暖暖胃先！以核桃、栗子、花膠、海螺片及豬骨等材料一同燉製兩個小時，味道鮮甜又滋補正喔！ 焗比目魚柳伴洋甘菊香檸牛油汁，比目魚柳又香口又嫩滑，洋甘菊香檸牛油汁夠晒特別！ 意式香辣茄醬鳳尾蝦夠惹味，香香辣辣又爽口正喔！ 雞油菌甘栗鴨肉釀火雞釀入雞油菌、栗子、鴨肉及意大利香草麵包等餡料，慢火燒焗一個半小時，軟嫩的火雞肉再配搭傳統的金巴利汁或雞肝燒汁，最怕吃火雞的我都覺得又軟又嫩滋味無窮！ 牛面頰濃汁長螺絲粉配羅馬羊奶芝士，長螺絲通心意粉口感比一般意粉較為彈牙掛汁能力亦更佳，以牛面頰肉、牛尾汁、番茄及雜菜煮成香濃肉醬，加上意大利羊

數天前忽然興起吃自助餐的念頭，經過多番尋尋覓覓，終於想起了這間久未光顧的酒店餐廳，並相約一個於IVE讀書時認識的舊同學一同前往光顧。首先值得本人讚揚的是職員的服務態度，本人看見一名男職員主動到每枱為擺放了客人物品的椅子套上椅套，以減低賊人看到手袋後順手牽羊的機會。其次本人認為餐廳提供食物的種類十分多元化，中西日式都有，完全滿足食客的需要。本人亦看見負責甜品製作的師傅於製作火焰雪山這道甜品時十分用功，本人對師傅的功架十分欣賞。

好耐冇再去花月庭食buffet 而且恒生信用卡有7折 所以特登提早Book左位今次選擇左全時段 可以由6點食到11點食物款式都唔算多 覺得燒烤種類可以多啲🍖🍢或者可以轉換下其他款式 食左個零中 已經覺得冇嘜野食 而且甜品種類好少 可以唔通時段加插多啲新款食物海鮮方面可加設田磥！

呢個午市自助餐非常抵食 甜品有好多唔同嘅款式 有沙律同唔同既果醋做配搭 有唔同種類嘅刺身生蠔中式小炒 西式甜品 越式火車頭 香港特色嘅嘢食都有 例如窩夫雞蛋仔芝士蛋糕豆腐花同埋仙草等等