La Terrazza Bar & Grill (Closed)

周末約左幾個朋友一齊午餐，沙田好食嘅餐廳唔多，所以揀左環境一流嘅La Terrazza試試。午餐嘅價格比晚餐低好多，而且中午嘅景色都唔錯，餐廳外面就係沙田公園同城門河，除左好友聚會，都幾適合情侶黎撐枱腳。晏晝黎到唔使點等位，不過餐廳都算full。揀左4個set然後大家share黎食，飲品方面不約而同都係要蘋果茶，唔算太甜又有蘋果香味，幾好飲。餐湯係蘑菇忌廉湯，餐包蘸黑醋好好味又健康。主茶就分別有燒春雞、三文魚意粉、焦糖蘋果豬扒、香煎魚柳四款。四款主菜賣相都好精緻，味道亦都合格。燒春雞份量好多燒得啱啱好，三文魚意粉一般，蘋果豬扒幾特別，甜甜地適合女仔食。魚柳嘅話一人份量恐怕唔夠飽不過整體黎講，黎呢度食環境都夠，食物都係其次。

沈晚去呢到食飯先講野食全部都麻麻地最差塊牛扒同魚魚好硬牛扒唔好味Book枱已知兩個鐘要交枱但喺好多吉枱嘅情況下早半個鐘已經話last order 仲要比$未夠兩個鐘已經要我地走我地唯有出佢地露天位置継續飲野傾計飲野先最嬲叫野飲要等半個鐘先有話冇人好，我等我地叫左baileys杯野嚟到真係突曬眼得一啖喺個杯到我地同個waiter講杯野會唔會有d問題佢仲攞個量杯出嚟比我地睇話冇錯超嬲呢杯baileys 咁就值$58完全唔掂超差！

沙田有對呢間天台餐廳，一啲都唔陌生。細個嘅時候都會上嚟飲嘢食飯，但係後來變咗美心之後就冇再黎過啦！今日趁着爸爸節就同屋企人嚟食個飯啦上到天台，同以前無咩分玻璃屋裏面6點已坐滿晒人,座位有點迫，始終地方不大。假日一定要book位！黑松露意粉好香，好creamy帶子闊條麵，小朋友最愛！咁多份我覺得豬肋骨配香腸係最吸引，一整排上碟，份量夠，醬汁唔會話太多，美味！豬手等嘅時間比較耐，豬皮外面脆卜卜，配上好格格薯條剛剛炸起好好味。有啲跟餐嘅係有埋飲品，甜品要另外再叫，其實個餐牌唔係話好多選擇,不過勝在夜晚都有set dinner, 而且餐廳價錢貼地，沙田友近近地都係唔錯的選擇，屋企人都表示滿意。

今晚同朋友慶生，當然要找一間特別，有情調的意大利菜餐廳。見到食評天台花園，感覺很有浪漫氣氛。位於大會堂天台，環境很寬廣，戶外亦有坐位。可惜當日下雨，所以只可以坐裡面。我們點了2款 set dinner .餐湯磨菇湯湯真材實料，打碎磨菇超濃個人我不太欣賞，因為太多粒粒碎，而碎比較大粒應該再打碎一些比較易入口，令到個湯沒有滑溜感覺選了脆燒原隻豬手伴薯條及紅椰菜 ＄278豬手真的名不虛傳，很香脆，師傅切好一件件很方便食。味道咸香，不肥膩。 粗薯條都不錯，配茄汁。紅色酸椰菜，爽口，解肥膩感平衡一下。另外選了法式芝士焗龍蝦尾配海鮮意大利飯 ＄238有2件龍蝦尾，剛好2人share 吃。內裡海鮮配料很多，青口，尤魚，蜆肉，魚肉一大片。芝士味道下，很夾很cream, 意大利飯軟綿綿，非常滿意。餐飲蘋果茶，有凍/熱選擇。 味道少甜清新。最令我比較在意，如果想要浪漫的談天，很困難。因為有很多6人或以上，一家人來晚餐，比較嘈吵。如果可以轉到室外可能會比較寧靜點。以價錢來說，感覺物有所值。

沙田四處都人多擠逼，食餐晚飯都不其然有份壓迫感。今晚預訂了這間餐廳，7:00到達時仍有大量座位。由於餐飲獨佔沙田大會堂的天台，一上樓梯就感覺空間感十足，仿如鬧市中的後花園，好舒適！今晚大家都為豬手而來，$278晚餐連湯或沙律及飲品，價錢尚算合理；另外亦點了黑松露大蝦帶子扁意粉，及一客巴馬火腿煙三文魚凱撒沙律。每位先會獲發一件貌似肥皂的麵包，沾些油醋汁醒醒胃蘑菇湯十分足料，啖啖蘑菇肉很有嚼口這道煙三文魚巴馬火腿凱撒沙律味道不錯，份量足夠黑松露大蝦帶子扁意粉亦十分出色，忌廉汁濃淡適中，帶子和蝦都大大隻又香口，其實來到這道菜已經有點飽主角豬手登場，總要騰空半個胃給它。皮脆肉香，配啤酒一流，每次若有三五知己來到必食（因為我一個人絕對不能駕馭）不過這裡有一個先天性問題，就是餐廳比較傳聲，人少日子不成問題，但當人多時候就感覺有點吵耳。另外，餐廳外面其實有露天座位，還有一個水吧，但好像沒有人運作，我覺得有點浪費，如果做到一個型格天台吧，外面氣氛再稍稍提升，在這裡嘆兩杯應該會很不錯！

5月之星Yan的生日飯，想搵一間有特色的餐廳，想起沙田有間天台餐廳，環境優美，食物評價不俗，位置在沙田大會堂天台，咁大個地標容易搵，一於呢間，訂了兩位。 上到餐廳的天台花園，感覺環境寧靜、空曠，戶外除了餐枱椅外，還設有梳化座及吊椅，係到坐下飲杯野，有休閒寫意之感。 梳化座。 吊椅，玩下先。 餐廳位置，因為天氣太熱，我們選擇在室內。 餐廳內堂，裝潢是歐陸式的設計，純白色的牆身，落地玻璃，水晶吊燈，雲石枱及木椅，感覺簡約清雅。 Dinner set。 冰蘋果茶，淡淡的蘋果味，係咁天氣之下飲更清涼。 橄欖油及意大利黑醋。 自家製麵包，白色麵包，都幾好食，配上橄欖油及意大利黑醋伴食，味道不俗。 蘑菇湯，味道正常水準。 美國黑毛安格斯肉眼牛扒(12安士)伴時蔬配燒汁，$268。 肉眼牛扒，賣相好吸引，而且好大件有份量，肉質有嚼勁，但牛肉味不算太濃。 伴菜有蛋餅及薯角，好豐富，蛋餅口感鬆軟，味道不俗。 Cheese cake，跟餐加$30，芝士味濃郁，口感幼滑，味道不俗。 環境十分舒適又有特色，食物味道不俗，價格合理，服務態度幾好，下次有機再戰呀。

放假響沙田同老公拍拖睇完戲， 點幾鐘周圍都好多人，我地又好肚餓 ，諗起呢間餐廳， 好多朋友話好食，但我哋始終未試過， 於是上去試下。餐廳好private ，響大會堂隔離有條獨立樓梯上天台平台， 餐廳外面有好多戶外檯凳， 怕熱可以入去室內有冷氣 。今日唔算好熱， 但係天陰，我哋驚落雨， 揀左室內。我哋叫咗兩個set lunch:煎蛋車打芝士波特菇和牛漢堡包伴沙律 ~ 好好食 漢堡包夾住漢堡扒 、煎蛋 、大蘑菇、 有濃沃嘅芝士、 薯條好新鮮好脆、 沙律上嘅菠蘿係新鮮菠蘿厚切豬扒配焦糖蘋果伴蜜按阜厘子汁及時蔬~ 賣相好 靚 配菜 嘅焦糖青蘋果我好鍾意食。不過我哋嫌豬扒比較乾同鞋， 唔夠juicy。 下次我會試 香草烤春雛伴精巧沙律及薯條 ，我估應該會juicy同香d。餐飲係蘋果茶， 都幾好飲雜野菌忌廉湯~ 有好多蘑菇料。 餐包都好食， 係我鍾意嗰隻包

公司高層SW請我o地今日(23-4-2018 Mon)o係呢o度食晏,一共12人,被安排o既枱同一月o黎食時一樣(o個個食評: https://www.openrice.com/zh/hongkong/review/%E6%98%8E%E4%BA%AE%E5%8D%88%E9%A4%90-e2948403),睇睇menu,大致上冇乜分別,要細心對比至見到調整o左,lunch set有啲加o左價有啲就減o左,我o地每人一份set lunch,我就要$168.00 o既G餐,香煎南海大蝦伴帶子黑松露忌廉汁配意大利寬條麵,要熱蘋果茶,再加$30.00要晒精巧沙律同熱湯.然後同同事share 兩份$148.00香草烤春雞伴精巧沙律及薯條,一份$168.00o既厚切豬扒配焦糖蘋果伴蜜糖車厘子汁及時蔬,一份$198.00o既美國黑先安格斯肉眼牛扒(9安士)伴時蔬配燒汁或黑椒汁,要5成熟同燒汁.首先上精巧沙律,熱湯,自家製麵包同麵包,精巧沙律係柚子雜菜沙律,見到柚子好肥美,不過唔知會唔會澀,食落,竟然唔澀又多汁,沙律汁係黑醋,味道唔哽,好味好舒服.味道: 5分熱湯同樣係蘑菇忌廉湯,一樣係有好多蘑菇,

餐廳係近中沙田大會堂，不太易找到，要特登搵哂information先搵到。餐廳設係平台酒樓上層，上到去見到有室內，室外及飲酒位置區分，室外地方超大，環境好好。我們座下就叫咗沙律，意粉，食物質素晤差，如果大碟少少同平d就好了

✨再次黎到空中花園，因為太喜歡這裡的寧靜氣氛😌今次也是坐了室內。除左喜歡這裏的環境🌌，仲好鍾意依度嘅湯同埋青蘋茶🍹，同上次既味道都是一樣濃濃的🤤作為食肉獸嘅我👻每一次去到西餐廳都會選擇肉眼扒嚟食🐮，但係上次食左肉眼扒，所以今次決定試吓其他嘢食。👉🏼法式焗龍蝦尾配海鮮意大利飯 $238今次就簡左食意大利飯，因為有龍蝦所以吸引到我叫黎食下🤤嘩～我完全估唔到係會咁多海鮮，見到有青口、魚、元貝上面仲有翡翠苗。食到一半就發現原來入面仲有魷魚。😆👍🏼要俾個讚的是海鮮既數量是多的，唔會好似齋食飯咁，食到尾仲有海鮮的🤤👉🏼美國安格斯肉眼牛扒12安士 $278牛扒黎到時，我又心心眼了😍仲唔小心係待應面前大聲講左 ‘點解大塊過上次咁多既😱’，失禮了。好彩待應好好，佢仲問我上次幾時黎，佢話最近餐牌轉左呢塊係12安士，上次食的應該係9安士。我睇返上次影果個餐牌，真係是9安士。有點點羨慕朋友食的扒啦🙈好彩佢都有分小小俾我食😆 咬落好有口感，牛味好重😗👉🏼脆燒原隻豬手伴香辣薯條及酸紅椰菜 $268好好也～😙😙豬手已經切好一嚿嚿，平時食豬手有時都切得幾吃力下。豬手皮脆，咬落去係有聲的🤩👉🏼燒羊扒配時蔬 $198呢個

同事生日飯，感覺來呢度都幾好，環境優美舒適，享受到靈靜的氣氛，食物都保持水準，平日 來食午餐一d 都唔貴，不過餐飲就無包，只係有杯餐前嘅蘋果茶，我覺得有杯餐飲好似完整d, 總括來講都好好！

一行六人訂了這餐廳, 可以坐戶外吹著涼風吃晚餐, 自成一角坐, 是傾計和享用美食的好地方!! 這餐廳食物質素一流, 6個餐都大碟足料美味! 價錢不是平, 但尚算值得的! 麵包+湯+主菜+飲品, 一定能吃個滿足開了枝白酒, 開懷暢飲傾談實在不錯。看著沙田夜景是一大樂事!! 唯一是服務需要改善, 上餐速度似快餐, 湯剛上便主菜到, 麵包的牛油都未有又上主菜....快得令人不能慢慢品嚐美食! 可要知道價錢也不是快餐價錢嘛！開酒也沒有定時來服務, 所以要靠自己了 高級餐廳環境,高級餐廳食物和價錢, 但快餐服務, 實在有點失色呢！希望改善了會令客人更賓至如歸!

同姊妹行街今日約會在沙田，沙田食店多如天上繁星，不過大多數人多位了又限時，大腦突然想到曾經出過的La Terrazza Bar & Grill，就往目標出發。午餐有自家制麵包超好食，今日餐湯是蘑菇白菌忌廉湯，慣常的咖啡或茶就沒有換了一杯香甜蘋果茶，都幾好清香味甜好有仙氣凱薩沙拉，清爽新鮮！主菜係好有牛味和牛漢堡，份量足夠午餐選擇都算多，我最喜愛是這裡的環境，如果晚上到來用膳可考慮戶口，現在天氣晚上算清涼，一邊欣賞城門河邊對酒當歌談天說地，樂👍

⭐️呢間餐廳位於沙田大會堂附近，要行樓梯上去餐廳。由於餐廳係#天台花園 ，所以有室內同室外，氣氛好寧靜💕煙三文魚巴馬火腿凱撒沙律 🥗$168係2人份量，其實足夠4個人享用👍🏼煙三文魚 同ᴘᴀʀᴀᴍ ʜᴀᴍ 各有3塊，都好長。上面仲有Parmesan 芝士 🧀，煙肉乾🥓同麵包粒但係羅馬生菜太大塊😔，再切下會好啲有13個主菜可以選擇！👍🏼ᴅɪɴɴᴇʀ sᴇᴛ包括了蘋果茶+自家製麵包+餐湯/沙律同主菜👉🏼蘋果茶🍏叫左熱蘋果茶，好清香既水果茶味，仲有一塊青蘋果係面👉🏼自家製麵包🍞好特別呀！呢個麵包係可以點ᴅ橄欖油和意大利黑醋。口感好鬆軟👉🏼蘑菇忌廉湯🥣一送上枱就聞到好香蘑菇味，好濃郁有好多蘑菇入面。👉🏼扒美國安格斯肉眼扒(9安士）配時蔬伴燒汁/黑椒汁 $208小胖子叫左5成熟，好大塊扒同厚身。但呢塊有好多筋😔，切既時候要用力。而另外有個朋友都叫了，但佢果塊就無筋👍🏼牛味都好濃！配菜：有幾粒薯仔、茄子🍆同荷蘭豆👉🏼香草烤春雞伴精巧沙律及香辣薯條🍟 $158 烤春雞肉質有點太硬，皮就脆的。不停咁偷食朋友的薯條😂，香辣薯條🍟😋好香口 👉🏼香煎比目魚柳配南瓜蓉伴野菌意大利飯 $148

呢度環境唔錯 人又少間唔中想一個人靜下飲杯野黎呢度係唔錯既選擇 價錢亦都唔貴至於個餐 成個餐最差就係個湯個湯望落係好足料但係全部都係冬菇黎既而個湯既菇味亦都唔同西湯配冬菇既配搭實在太fusion啦而個意粉味道都唔錯食食下亦都發現份量唔細意粉配上大量三文魚碎、蟹肉碎、蟹子再配上一點兒蘑菇食落去口感好豐富 亦好足料意粉醬汁唔會過濃 搶走其他食材既味道個醬汁同時有一點點兒松露味如果加多少少松露會更可口