La Terrazza Bar & Grill (Closed)

Came here for dinner with a friend, wanted to get a drink after a long week of work and was so disappointed with the quality of their drinks. I ordered a pint of beer and my friend ordered a long island ice tea. Mine was a draft beer and it was really watered down, couldn't really taste any of its flavor or the alcohol. My friend's long island ice tea was basically a coke with lemon with hardly and alcohol in it. The worst part? It costs $108!!! The drink that came with our set dinner tasted bet

又去沙田大會堂上面間la terrazza 食飯，呢度坐得舒服，outdoor 仲幾靚，不過冷氣長期好大真係凍死人。佢個包係自製因為la terrazza 呢幾個字，值得一讚係佢哋個蘑菇湯，真係好有咬感，粒粒蘑菇而且味道好濃。叫個扒美國安格斯肉眼牛扒配時菜，上碟沒有特色非常平凡普通。而肉眼（Ribeye）即牛脊前半部份，貼近胸部的位置，脂肪比較多。其中間往往有一塊肥糕，好似眼睛，所以稱之為肉眼。由於肉眼脂肪比較多，烹調時脂肪受熱融化，所以香味十足，加上肉眼的肉本身嫩度高，會琳一些，整體都不過不失。

喺沙田食飯一向都係令人苦惱，因為好多餐廳都無得訂位，要walk-in等位，閒閒地等一個鐘都唔奇怪，所以今次book左沙田大會堂樓上既la terrazza喺沙田大會堂行上去就見到la terrazza喺沙田中央圖書館側邊行樓梯上去已覺得好自在，餐廳係望住城門河河境嘅餐廳外面有個小空地，應該係平時用黎攪event用，所以餐廳望出去會好舒服餐廳內佈置簡單，但不失優雅，可惜安排唔到窗口位，否則可以睇埋城門河夜景佢既dinner menu其實好簡單，全部都係set dinner,但選擇都多每個set都配有自家制既面包，好精緻，我無要到餐湯，要左個柚子沙律，好開胃，不過set dinner飲品方面就只有凍或熱既蘋果茶，雖然比較特別，但選擇略為少左D,但味道都不錯我地叫左個脆燒原隻豬手，其他餐廳好多時會原隻豬手上碟，但職員落單時會問我地洗唔洗分拆起肉後先上，免除食客分屍時出現尷尬情況豬手皮脆，但膠質豐富，有多層次口感，味道亦唔會過咸，如果鍾意飲酒既，會係一個好好嘅伴酒菜煎南海大蝦伴帶子黑松露寬條麵既麵就太乾身，食落覺得麵汁分離，如果麵煮既時候隔水唔好咁耐，效果可能好D,但帶子就煮得剛好，唔會太老，

起初被這間餐廳嘅外觀吸引，後來才發現是美心集團旗下，但見到個餐牌嘅價錢都大眾化嘅，所以就約埋朋友一齊試。由於是平日啦同埋已經book咗位，所以入到餐廳係唔需要等位嘅，但大家留意如果係五六日就可能有限時，整體而言食物質素同價錢都算係合理

約了好友食飯交換手信，佢介紹呢間餐廳，話環境靚兼唔使等位，在大會堂旁有條樓梯上塊，上到去好喜歡，對住城門河，有戶外座位，放晒吊椅同室外嘅籐編嘅傢具，環境好舒服，入到室內，即刻有位，比咗張小圓枱，白色主色，雲石枱面，淺木椅，感覺乾淨！餐牌西式食物！大家揀好落單！冷熱蘋果茶（跟餐）朋友飲凍，我飲熱，熱嘅飲落蘋果味唔假，味道偏甜，茶味唔強！ok自家製麵包（跟餐）配橄欖油同黑醋，好似雪芳蛋糕嘅麵包，白雪雪好鬆軟，熱熱地，麵包味幾香！點啲黑醋酸酸地好味！香草烤春雞拼精巧沙律及香辣薯條（$138）賣相幾靚，春雞好靚，皮夠脆，肉質幾嫩，唔乾有肉汁，好味！唔點汁都好味！沙律細細碗，沙律菜爽脆，日式麻醬幾香，最攪笑有塊菠蘿，菠蘿幾清甜！薯條係一個金屬桶仔插住，長幼薯條好香脆，入面煙韌，薯條有啲皮！好味！煎南海大蝦配帶子黑松露忌廉汁配意大利闊條麵（$138）賣相靚，蝦肉大隻爽脆，帶子微微煎過，外面幾香，入面淋身，幾鮮味！闊條麵有咬口，煙煙韌韌，啲忌廉汁唔會好多，薄薄地已經夠！好味Macchiato($28)朋友飲Coffee($28)白瓷杯，落咗啡糖，飲落幾甘苦，好在唔酸！仲可以飲到！食物真係好味，燒嘅無

環境幾好，又有播音樂。 都好多人食，估5到。我地坐出面， 驚入面凍，d 冷氣係大門口漂出黎岩岩好。佢面包軟熟， 點油醋食幾好。仲好令吸左個印上去。 set dinner 既牛ok. 大件厚肉。 豬扒都正。 大件厚肉。 聽講1間餐廳好無食最緊要睇佢魚同羊處理得好5好。最5掂就係羊啦。 有羊鞍同羊膝。 我揀羊鞍。 大就大呀， 不過全部肥膏。 基本我食左1啖。 湯好飲。 個沙律最抵， 好味又大兜。 有蟹肉同3文魚，正。

話說琴日我有個friend生日,帶左佢黎呢間餐廳食飯,真心覺得唔錯首先,講下周圍ge環境我同我個friend揀左戶外座位,個度ge氣氛幾好,環境清靜,好有feel,食西餐坐戶外座位真係好正好有feel我叫左個芝士漢堡配香辣薯條,好正個漢堡好香芝士味,鐘意芝士ge話一定要試下,薯條都好香脆唔錯唔錯仲有,佢杯蘋果茶都好好味,配上呢個漢堡真係好夾,有種飲完又想再飲ge感覺個度ge職員服務態度都好好,好有禮貌,

特別日子，搵左呢間好似少少高級嘅餐廳試吓。香芒鮮蝦鮮雜果沙律 $168。冇諗過會咁大盆，用料好新鮮，超好食。扒波特菇燴雜菌忌廉汁意粉$108。賣相好靚，醬汁好香濃。食完會想再食。美式燒豬仔骨伴沙律及薯條 $138。有啲椒鹽喺面嘅薯條好好食。豬仔骨醬汁又係好好味，加埋沙律食會冇咁膩。烤羊架蒜香紅酒汁伴時蔬 $158。賣相好靚，但筆者唔食羊，所以唔知好唔好食。雖然唔平，但係食物質素都對得住個價錢，再有紀念日子都會嚟食。

放工後才想起家中雪櫃沒有食材，又趕唔切去買餸，所以是日讓自己休息一天，我們又出街食了每次去沙田圖書館經過這餐廳時，都說要找機會試一下於是見天氣涼涼地，又冇落雨，機會嚟喇~~餐廳室內位置已滿座，反而戶外位置尚有空位所以我們也是直接讓店員安排坐戶外位置稍等5分鐘左右，讓店員整理好枱面便可入座了~餐廳有提供不少雜誌及書籍供客人等位期間閱讀，我們看了 健力士紀錄大全!!!戶外位置開揚，配合埋懷舊街燈晚上難免會偏涼，餐廳也安排了戶外暖爐晚餐包含了餐湯/沙律及餐包，餐湯是忌廉蘑菇湯，菇香濃郁，入口略稀，不過質地挺滑餐包是為餐廳tailor made，印有餐廳名字，但由於餐廳屬美心集團，所以推斷不是餐廳內自家製，估計也是預先製作，回來翻熱質地鬆軟，不過入口帶點酸味餐廳會提供 黑醋及橄欖油蘸麵包，但拜託了店員幾次都未有，於是放棄了煎南海大蝦伴帶子黑松露忌廉汁配意大利寛條麵($158)南海大蝦真的又大隻，又爽口要讚一讚其煎帶子，表面金黃，而且煎得剛好熟，帶鮮甜味雖然名為黑松露忌廉汁，但略欠黑松露香氣，只聞到忌廉的奶香醬汁份量及濃稠度適中，不會令整碟寬條麵水汪汪車打芝士雞肉漢堡包伴香辣薯條($128)老公

話說係沙田新城市己經食到無野好食，未試過呢間聽朋友介紹話環境ok，有室內室外位置，價錢吾算貴，就黎試下啦！氣氛是不錯，食物味道尚可，只是我跟朋友兩位女生，叫了一個意粉，味道偏淡，一個豬手，有驚喜喎，出乎意料之外，都食吾晒！好似有餐湯跟面包連飲品份量十足食到托住個肚走

今晚同我家男神慶祝生日，籌備好耐最後決定去呢間餐廳。餐廳位於沙田城門河旁邊，經一條長樓梯上去就見到開揚既戶外座位，環境幽靜，遠眺城門河景，等我地拋開生活中既急促節奏，好好享受一下浪漫。叫左兩個set dinner +沙律，每個set會跟一個印有logo既白面包，另外可以選擇跟忌廉蘑菇湯/ 沙律，白面包上枱時暖暖地非常鬆軟，可以蘸黑醋或橄欖油食更特別。美國安格斯肉眼牛扒($198)牛扒大塊，煎得juicy吾會太乾身，但略嫌肉味欠奉。德國豬手($248)切好一件件方便客人食用，皮燒得非常香脆，帶咸香既豬手肉味濃郁，味道吾會過咸，配上既粗薯條香脆熱辣辣，味道一流，誠意之作。雜果大蝦沙律(二人份量)($168)大碗底部裝滿大量沙律菜，新鮮爽甜，面層鋪滿大蝦、士多啤梨、芒果、西瓜、哈蜜瓜、蜜瓜，再淋上芒果汁，雖說系二人份量，但份量足夠四至六人，絕對有驚喜。最後配上一杯清新微甜既凍蘋果茶。是次消費$6xx，呢間餐廳價錢中上，但環境同氣氛絕對值得。

沙田區吃飯看似有許多選擇，但其實很多都是連鎖餐廳，還要是貴夾唔飽。其實這家也是美心集團的食肆，不過見長期處於openrice沙田區的頭幾位，心裡又沒有甚麼idea，就即管去試試看看到底值不值這麽多好評。第一次走到大會堂上蓋，這裡有這家西餐和美心皇宮酒樓。樓梯舖了地氈，也用花草報置好，走上樓梯是另一番風景。招牌用上燈泡裝飾，令店名在黑夜中更明亮。這裡分室外室內座位，室外平台夠開陽，有梳化座，還有火爐在外面，浪漫非常，若然不是今晚有點冷就會選擇坐外面了。室內則很光亮，以白色為主色，玻璃還已貼了白色的聖誕圖案，很有氣氛。跟餐可選湯或沙律，我們倆便一人一款，最後發現其實應該兩個都選餐湯。蘑菇湯非常香，切碎的蘑菇粒很多，很有咬口；而忌廉底也令湯很綿滑，並加添了些奶油香。而沙律最主要是有紅菜頭調起點酸甜味，其他生菜等都是一般般，沒甚麼特別。麵包夠軟林和弄熱了，但沒有香脆口感，不似是用焗爐烤熱，而其實只用一個白晢的bread roll作餐包，這個價錢來說也有點失望。最基本也應有較脆口的長法包，才配合蘸上olive oil and balsamic vinegar的吃法。現在這個包蘸一蘸也林掉變糊了，

整體環境舒服，裝修好優雅。食物一般，不過不失，但可能要早訂位。我們一行4人，6點到，但表示大部份訂位，4人坐的是小型方枱較細，想換張大一點的枱都不行。但坐下走到時未見滿坐，可能是露天位置較多空間，早知下次轉坐露天會較舒適。

Salad: 感覺新鮮 紅菜頭就好好味！清甜湯：有粒粒蘑菇碎，好足料，不過飲晒嘅都幾濟。意粉嘅大蝦好新鮮！雖然得兩隻，但好come 食架！好硬肉 好彈牙！帶子正常size，不大隻，煎香過，nice taste! 有淡淡黑松露香，my favourite! 火箭菜都好fresh, 但覺得太少🙄Dessert with normal quality, 雜莓新鮮，奶凍都好滑，面頭有餅面,豐富了口感。整體不錯，會再來試其他食物！

是日打算同男友拍下拖，所以就走左黎哩間門面好似幾靚嘅餐廳,點知中伏。一入黎已經勁嘈，我冇諗過一間西餐廳，可以嘈到好似酒樓咁，仲諗住可以舒舒服服咁食餐飯睇一睇餐牌，原來得set dinner 食，有啲失望，最終我地就order左一心想食嘅牛扒同埋一個pasta, 餐會附送一柸蘋果茶同餐湯或沙津。其實我地都幾肚餓，等左一陣，飲品同湯都未有，終於我見到個waiter拎住湯同飲品行緊過黎,就諗住終於有得食喇，點知。。佢竟然係拎俾隔離張枱，但隔離張枱仲要遲過我入黎，遲過我落單，但佢點解會有野食先架我即刻問個waiter點解我仲未有湯同飲品，而人地有呢？跟住佢就去check 單啦，從佢嘅表情睇，似係唔記得落單終於有湯飲喇，看似磨菇忌廉湯，但飲落有啲怪怪地，我仲見到有粒好大粒嘅冬菇，我真係第一次見有人將冬菇黎煮西湯之後，主菜黎喇，個肉眼扒我就要左3成熟的，我都知唔會做到3成熟嘅效果架喇，味道還可以啦，但如佢係收我百幾蚊一塊扒黎講，佢就交埋啲行貨俾我囉，連我男友咁冇要求嘅人，佢都話唔得跟住就係個黑松露寬條面，冇咩黑松露香味，白汁嘅味道比較淡，裡面嘅配菜，分別有蝦同帶子，反而啲配菜就唔錯，起碼唔會過熟或