La Terrazza Bar & Grill (Closed)

因為兩個不同的聚會，我來了la terrazza 兩次，一次晚餐，一次午餐。 它位於沙田大會堂，裝潢設計也沾染了點點文藝氣色。幽雅的氛圍，加上河旁美景，如果開支紅酒，與友人、伴侶在餐廳戶外的坐位中風花說月，應該是一大樂事。晚餐時間set dinner價格$200前後，有湯或沙律做前菜，配上全白色印有餐廳名字的麵包。出身巿井的我，多年前才知道麵包可配橄欖油和黑醋，在這裡可以試下這種配撘。主菜是美國安格斯肉眼牛扒（九安士 ）和迷迭香慢煮燴羊膝。牛扒大塊好冧算多汁，但肉味就欠奉了。而且比夠薄身，口感就差了少少。慢煮羊膝唔單止用慢煮，上菜亦都好慢。同時間落單，牛扒都食完羊膝都未到。上枱時諗住慢煮應該會好嫩滑好有肉味，但結果係唔夠淋，卻還帶有一點點羶味！當然食羊梗係要有點羶味，但唔係個個都可以接受到，而這個味道我覺得是可以接受的，而又硬又干的肉質是我不能接受的。第二天我再到這餐廳吃午餐，發現餐牌上的食物和晚餐的餐牌上差不多，只是平了幾十蚊。因為同同事去點了好幾份餐，發現食物雖然和晚餐差不多味道，但食物份量就減少了很多。如果唔係當日特價嘅lunch Menu ,連餐湯和沙律都沒有。此消彼長之下，性

老公今日訂咗枱，一家三口食餐温馨飯😊環境唔錯，旺中帶靜的一間餐廳，感覺舒適。👍🏻如果燈光暗返小小會仲好我地點咗三個set dinner (有餐湯，餐包，大盤同飲品)，另外再點多個凱薩沙律。加一後平均每人$250左右餐包-有logo 嘅餐包，幾特別👍🏻咬落鬆軟，幾有麵粉味😋菌湯-雖然味道唔太濃，但有咬口，相信加返啲黑松露油效果會更好美國肉眼-9安士，份量夠晒大蝦帶子寛條面-雖然唔係每條麵都掛汁，但反而咁，食落無咁滯胃羊架-外面脆口，但咬落仲有肉汁流出，唯伴碟食材較為遜色凱薩沙律-誠意之作👍🏻雖說係供二人份量，但都夠三個人食。👍🏻煙肉非現醒超市煙肉碎，用心。👍🏻煙三文魚起碼有7-8片，唔吝嗇。👍🏻加咗蟹肉，仲要唔係罐頭貨，夠豪爽。環境，食物質素，價錢，總體而言，超值！

第一次幫襯晚飯，聽講環境非常好，所以去試吓。有set dinner，叫咗一個肉眼扒同，一個意大利飯，肉眼肉質鬆軟非常有口感，但係無牛味，叫五成熟俾咗差不多全熟。意大利飯的煎魚煎得非常香脆。我是坐室外的當晚天氣都很涼，餐湯上左無耐便上意大利飯，叫佢拎返入廚房暖住唔好上菜，轉頭又攞個牛扒出來。搞到飲完湯個扒都凍哂！上餐，上茶放餐具等等，不是放在你面前，而是隨便放下便走整體食物還可以，但是服務真的是有很多進步空間

其實本身想同朋友係呢間食晚飯不過walkin full哂所以就係另外地方晚餐完再尼呢到飲番杯傾下計~環境尼講我就覺得飲野ge地方好過餐廳因為餐廳大部份地方係室內ge已室外餐廳唔太近河邊因為近河邊ge地方都係for飲野ge~天氣好好舒服有一個小燈㙮drink menu 同一般ge差唔多同朋友想啤啤佢3個人叫左一杯1664 2杯hoegaarden特別ge燈光效果仲order左薯條感覺有D似薯角送啤酒一流最後埋單先發現原來係美心品牌

餸菜久久未到，六個餐之中四位有得食，其餘兩位要等到之前四位食完先到，冇晒引。服務員忽略露天茶座食客， 引起好多食客不滿。服務員態度一般，但真的不好禮貌，你thank you 佢佢都唔採你，點頭示意都冇，當晚我哋帶咗英國一間餐館老闆去見識，終於俾人知道香港食市失禮的一面，還說管理層出現好大問題。

Just had a dinner with my friends Good food at reasonable price and service But it's a typical maxim chain restaurant 2 time slots - go either 6pm or 8pm

其實食過幾次，不過好似都無寫過食評。今日幫襯係午餐時間，佢地嘅蘋果茶和蘑菇湯都keep到水準。今日點的是星期五套餐，個有骨豬扒好好味，不過條腸就。另一個同事就食咗青口意粉，不過都話一般。不過未有詳細交代。仲有另一可取的是，keep住不錯的服務。

同慶祝朋友生日。依間餐廳可選室內或室外用餐。但因為落雨，所以沒有開放室外室內的氣氛差少少，燈光很猛。不太像平時的西餐廳。一開始會有湯同面包，個包印左間餐廳的logo, 幾特別好鍾意配醋食既面包叫左兩個餐，一個係白酒煮青口意粉。都幾多青口， 個汁無咩酒味，但係辣辣地，都幾好味第二個係肉眼扒，我地叫左六成熟，都幾嫩滑，配埋mustard, 正！

要數沙田中高情調及格調的餐廳，La terrazza應該是頭數位。是晚與同事飯聚，同事推介這一間，所以筆者都無所謂，一試也好。晚上去分外美麗，有格調及有特色。 室內餐廳部分不是很大，預先BOOK位會比較好。 晚餐的選擇不少，我們一行多人，選了數款食物~~我自己則選了脆燒原隻豬手！ 先來了餐包及沙律/湯，沙律有驚喜，袖子味很好，很香。而餐包則比較少見，這次我聽同事介紹用醋來送這種餐包，味道很特出。可以一試。 主菜來了~~ WOW~份量很大，豬手已經切開了一片片，讓人易於進食。豬手的皮很脆，很香，讓人一嚐難忘。 另外，這個豬手的味道適中，是懂得處理的廚師傑作。當然，我朋友叫了同一個餐，他那份的豬手偏咸~~HAHA，是我好彩？ 另一方面要改進薯條不夠熱和脆，既然是高級食店，是不是應該要求高一點？ 另外我還吃了朋友的厚身豬排...3個朋友叫了這個厚身豬排，連同我嚐過了，都一致覺得厚身豬排不行，建議這個厚身豬排真的要下架=.= 厚身豬排要處理都要很多工程，最重要是這麼厚的豬排，處理不好就會不好吃！這個厚身豬排吃下去時半點肉汁都沒有...=.= 很不滑口=.=...

今晚又走左入沙田做野放工求求其其同友人係附近食野叫左兩個無驚喜嘅set dinner 餐包白白的 口感一般忌廉湯略嫌唔夠蘑菇味 有點太水沙律唔錯 起碼夠爽甜肉眼扒係至高境界 個樣唔錯 不過無牛味...闊條麵份量唔算太多 相比下感覺幾足料啲蝦夠爽口 帶子略略煎過幾鮮甜

其實知道此餐廳但一直未有時機嚐嚐，今次與相識多年的小妹妹在Friday fever於此地。拾級而上，四周的環境好優美，室外是一個好適合知己吹水或情侶談心，但在炎熱的夏天，可免則免啦！喜歡室內的裝橫，不知是否罩住，好嘈。晚餐好抵，平均$180-$200多一位有湯或沙拉；麵包；主食和飲料。份量也不少，而且味道很好。我order的慢煮豬排，好嫩滑，有驚喜！😋😋😋

La Terrazza Bar & Grill沙田大會堂, 美心集團旗下。DINNER SET "1+2+3+4" 包麵包、餐湯/沙律、主菜及蘋果茶餐包 ~ 個餐包又幾有新意喎, 非一般的餐包, 有點像饅頭, 甜甜地, 好鬆軟。沙律 ~ 加點醋及橄欖油撈混, FRESH。主菜 – 厚切猪扒配焦糖蘋果黑蒜紅酒汁我的主菜, 見"焦糖蘋果黑蒜紅酒汁"夠特別, 想試吓, 賣相吸引。焦糖蘋果焗過, 甜甜酸酸咁, 腍腍地, 幾特別, 黑蒜紅酒汁就幾好味, 微酸、微鹹、微紅酒香, 至於件厚猪呢….好出事, 太厚身, 完全 OVERCOOKED, 無晒肉汁, 食落有點嚡口, 不過都焗得香口。朋友的帶子大蝦芝士闊條麵反而仲好食, 芝士汁香濃, 帶子及大蝦質素不錯, 至少食不出雪藏味。冧酒提子芝士餅 (另加$30)朋友想試, 好彩叫左一件, 芝士餅既無芝士味, 也沒冧酒味, 原來冧酒只係畫幾下係碟度, 我地一箱情願以為係芝士餅材料之一, 咁件芝士餅又唔係一無事處既, 芝士餡都打得幾滑, 同埋唔太甜膩。

今晚同屋企人上黎食飯，叫咗嗰燒豬手，水準保持👍正！試咗個新出嘅羊膝，夠晒(淋)！😜另外嗰黑松露大蝦帶子，超香，超正！！！最後新出嘅甜品，冧酒提子芝士餅，一定要試！！！！😍😍

8/6$115/人當我們提議去這間大會堂上蓋, 有戶外場地, 環境幽美的食肆時, 朋友A即時問, "有沒有蘑菇湯和凍奶茶先?" 我們說有, 他才肯去的. 這店人流很少, 還可不可以生存我們也不知道, 所以來之前先致電問一下, 也確定不會被包場了, 因為下面就是婚姻註冊處, 這裡又白色的很浪漫, 難保新人會包場來吃個兄弟姊妹飯. 可惜一直打也沒人聽或不通.Anyway還是來了. 現場看到的menu, 跟網上食評post出來的 menu又有所不同. 由$95起跳. 左面"1+2+3+4"餐, 就是有餐湯(蘑菇湯), 蘋果茶, 麵包, 和星期一至五的一個main course. 即今日是星期三, 就只能選這個魚+香腸+薯仔的main course. (樣子有少少快餐的食材feel)  朋友C只好選吃這個, 因為蘑菇湯太吸引了! (好多蘑菇, 好足料, 好香菇味) 但因有了蘋果茶, 就沒有自選的餐飲了, 所以也沒有凍奶茶. Menu的右面有"1+2+3"餐, 就是沒有了餐湯. (要的話, 不是不可以, 加錢囉~) 但有十種main course選, 價錢不一.由$98至＄2XX. 得選了

呢間peak hrs 唔book枱，等都冇位既餐廳，今晚終於試到。以佢既味道同份量，唔值回票價蘑菇湯好重料，唔係用90%垃圾粉開，每一啖都粒粒蘑菇，但味道唔算出色。面包麻麻，乾身，冇軟綿感，失望春雞一上已經被分開一半，體積偏細，如果冇左d汁，唔會好食薯條一細杯，唔脆沙律係hea整個種，冇野好講魚調味有d鹹，都有兩件，佢係淋身唔係滑，加lemon juice 救返少少味道意大利飯係我鐘意硬身style, 呢個幾好冇綠茶味cheese cake, 正常水準，可以唔試，加$28食純粹為左夠$300 某銀行信用卡做九折得個湯好飲，都幾失敗。唔會食到想反枱，但一定唔會再黎。