Lady M

Open Now

Now Closed

這次來Lady M試試新出的開心果味千層💚原來出了套餐（蛋糕+飲品任選119）另外再嚐一次香港限定的伯爵茶口味，咖啡的部份偏苦，沒有奶味，建議還是配茶比較好！開心果千層蛋糕 75 高水準的薄千層餅皮，在表面押上波紋裝飾一層層塗的是開心果味的奶油 ，奶油絲滑不膩，堅果味淡淡的，反而是奶味突出沒有很濃的開心果味，但是整體給人清新的感覺，最後吃到粒粒開心果，增加層次，甜度在所有品項裡算偏低的，市面上很少開心果味的千層，值得一試伯爵茶千層蛋糕 75 高人氣的伯爵茶千層消失過一陣子後又回來啦！嘴裡先嚐到絲滑奶油，接著會有茶的尾韻，伯爵茶味香濃，不愧是心中的第一名

情人節去到lady M，發現女朋友想食既口味都sold out 哂，唯有情人節後既星期五買cake接女朋友收工補飛啦女朋友想食玫瑰味，而我就揀多件原味比自己。玫瑰千層蛋糕: 好靚，薄薄既pancake皮夾住厚薄均一既cream，仲有有數次不盡咁多層，食落層次好豐富，又唔會多cream過膩。cake上有數片玫瑰花花瓣點綴，打卡一流！食落仲有陣陣玫瑰花香湧入鼻腔，好似置身花海咁，難怪女仔會咁鐘意呢款cake啦原味千層蛋糕: 其實只係少左個玫瑰香味，但因此更突出pancake既蛋香味，男仔食呢款就岩岩好，唔會太甜

¿ coffee or tea ?.-charcoal millecrepes-earl grey millecrepes.bidding farewell to charcoal millecrepes♠️.趁最後一日竹炭咖啡千層throwback一下先！其實伯爵茶同竹炭咖啡味嘅千層，我都係第一次試。伯爵茶茶香好出，而炭燒咖啡嘅咖啡味都幾重，不過如果咖啡味冇咁甜會好啲。以小編試過嗰三隻味黎講，個人覺得 earl grey > coffee > matcha😋 不得不提，Lady M嘅千層餅皮真係超薄，難怪有啲人會覺得係香港最好食嘅千層，不過個人黎講我中意煙韌crepe多啲，始終有咬感先似食緊蛋糕instead of 忌廉🙈.🔎ig: @mkbowfoodies

終於食到lady m 啦 一係唔食 一食就叫左4種唔同味道 都friends一齊食😆💛叫左 伯爵茶味🍵 香蕉巧克力 奶茶 原味cheese cake 果日名副其實 堅好食 不過$70一件就真係性價比 唔夠高 間唔中食一次都夠 講真 環境係唔錯 食物嘅質素都好 但staff嘅service 一般 我同朋友見大把位置 諗住排隊落左orfer 先去坐 個staff就叫我地坐低先order， 到坐低左個staff 就話唔係幫我地落單 要出去排隊落單🙄 明明我本身排 前面得一個人， 到我坐低再出去 多左班大陸人係前面排 真心唔明個職員點解咁安排 🤷🏻‍♀️下次我會takeaway ,唔洗serve我🙄

以我唔好甜品既性格，竟然會對件蛋糕念念不忘，仲大力推介朋友去食，朋友話好有說服力🙈Lady M 大家都知，但我鍾意既唔係千層蛋糕，係呢件最普通既🍓蛋糕😍😍😍 海棉蛋糕既輕、鬆、軟，加埋cream 既滑同🍓既酸甜，三種味道分明又好夾，無話邊個特別搶，就係呢種樣樣岩岩好就好好食🤤 伯爵茶返黎啦❤️ 好濃伯爵茶味，cream 軟硬適中，同千層比較呢個個味濃好多🉐 不過食多幾啖會有少少覺得濃得滯，好似我地咁一啖 呢款一啖千層就最好😆 抹茶都重茶味，不過有佢地三個係度就無辦法一定失色左😅 同埋食千層最唔好就係最尾果幾下好易分開哂企唔到，佢一軟就塌，用唔到力，結果食到好核突🤦🏻‍♀️同埋都真係幾貴😢

近日工作實在太勞累，很想吃點甜食衝擊一下低落的情緒。經過Lady M，便買了件玫瑰千層蛋糕。上面的玫瑰味啫喱味道清清淡淡，剛好平衡了千層忌廉的甜味。千層皮每塊都做得薄如紙，忌廉奶香味很出，優質千層蛋糕之選。

朋友到我家團拜，可能知道新年已一大堆糖果麵食禮盒在家, 就買左lady M cake上來一齊分享。大鄉里嘅我係第一次食lady M, haha唔同嘅味我都試左d, 坦白講，冇預期嘅咁美味，可能坊間講到太高貴太人間美味，haha。但味道都係好嘅。好新鮮嘅感覺。我食得最多係士多啤梨蛋糕，好軟綿綿，cream好細滑香濃而甜味合適。另外伯爵茶千層蛋糕味道都好夾，但千層蛋糕始終好似太多cream 好易膩好飽。原味係最蛋味麵粉味重，特別感覺到千層蛋糕層次。我地六個人每項口味都食d最開心

名不符實，試咗出名嘅earl grey 千層蛋糕🍰。Cream 真係有強烈嘅earl grey味，甜度都適中，但千層餅真係冇入口即溶嘅口感，食落同普通嘅千層蛋糕差唔多，唔值呢個價。而且沙田區嘅用餐區同其他店很近，感覺冇尖沙咀嘅環境好。再試咗格仔蛋糕，比千層蛋糕好食，朱古力味濃，海綿蛋糕鬆軟。整體唔錯，只係唔值呢個價。 港女做一次就夠🤗

LADY M既千層蛋糕非常出名，初初係香港開分店時已經大排長龍，後來越開越多分店，依然都繼續要等，而且等候時間都唔短，所以一直都未有機會試，反而係韓國同新加坡都有試過，今日難得經過沙田新城市廣場分店，竟然冇人，當然要坐底食下。雖然佢既蛋糕唔平，不過個人覺得都係物有所值既，而我就最鍾意食原味既千層蛋糕，原味千層蛋糕果然名不虛傳，好正，唔會太甜太膩。另外仲叫左海鹽焦糖千層蛋糕，原來海鹽同焦糖出奇地夾，而焦糖既香味又唔會俾海鹽擔左，另外仲叫左飲品，但飲品只係一般。

Lady m 年初2 經過沙田新城市場見到上面喜茶幾多人排，但係樓下LadyM 就冇咩人，所以即刻係蛋榚櫃望一望。因為原味同抹茶味之前食過，所以就點左新口味試下。玫瑰千層蛋榚面上玫瑰味不太突出，反而千層蛋榚味夠甜，每層入口都creamy同非常滑。士多啤梨shortcake雖然lady m 招牌蛋糕係千層蛋糕，但呢個shortcake非常出色，蛋糕鬆軟幼滑，唯一不足係士多啤梨切得太薄。伯爵茶千層蛋榚同樣伯爵茶味都不太突出，下面千層蛋榚出色。Lady m 定價比較進取，不過味道確實對得住價錢，如果堂食等太耐，外賣也不愧為好選擇。

今日去朋友屋企拜年，有朋友特登喺沙田Lady M買咗四件蛋糕去佢屋企食。之前喺銅鑼灣食過雖然好食但覺得70幾蚊一件好貴。之後去普通蛋糕店買過一件千層蛋糕🍰，發現一般蛋糕店整到餅皮好乾，忌廉又好漏，然後知道Lady M係貴得有原因嘅。今次試咗四隻味，包括綠茶千層、玫瑰千層、奶茶千層和伯爵茶蛋糕🍰。每一件蛋糕的味道都好出，玫瑰味偏甜，不過影相靚😂綠茶和奶茶的茶味好突出，個人最喜歡綠茶🍵。伯爵茶蛋糕🍰普普通通，冇乜特別。Lady M價錢唔平，要70幾蚊件，所以佢個紙盒包裝好實淨，同埋佢會有埋冰包，呢樣野係值得一讚嘅。

其實都唔駛多介紹有關lady M 嘅食評實在多的是黎到沙田新城市 原本以為Lady M 要排好耐隊我地8:30 入座 完全唔駛等位 🤪心諗可能因為自己早 啲人無咁早食甜品 結果行完街返轉頭大概9:45 都無人排叫左個原味千層蛋糕 同埋伯爵茶味千層蛋糕兩款我都好鐘意但一定要揀的話 一定係伯爵茶味 因為佢有淡淡茶香 相對原味嘅cream 味 伯爵茶味無咁漏另外仲叫左壺薑茶 以為內有茶包可以refill 原來係無嘅 $48 都幾貴 不過薑茶配蛋糕都幾好 可以減少膩嘅感覺到返轉頭買takeaway俾媽媽 佢都係揀伯爵的味 媽媽超喜歡的 ❤️ 外賣盒內有個少少的紙托托住 唔會搖散 另外有乾冰在內保持溫度整體黎講 一貫嘅好食不過就真係幾貴

原味千層旦糕，普普通通，無驚喜又唔覺佢的cream好香，只覺食緊好多脂肪~另一件係法式香蕉千層酥 ， 同原味千層既cream係同一個味既只係多左香蕉同酥皮，講真層皮係又淋又韌既，一d酥皮既香都無~$68一件，我覺得一d都唔值，唔會再食

Lady M 開咗咁耐，一直冇食過，最近終於同朋友一齊初嘗好出名既千層蛋糕😂 一共要左三款，原味、伯爵茶、同埋玫瑰。原本以為原味會好普通，但三款最鐘意係佢😂 d cream好正，個蛋糕唔會太甜，啱啱好！Earl grey tea都幾好食，但玫瑰味就有d假，唔太喜歡。

今日黎到沙田，見到Lady M 無乜人排，於是就點左一件好想食好耐既cake🍰我啲朋友以前話過伯爵茶蛋糕好好食～但係係我想食嘅時候佢就已經冇得食了：（最近知道佢喺1月1號推出返，終於抽倒時間可以品嚐下😋🍴我覺得呢款蛋糕味道比較淡，啱晒啲唔鍾意食太甜嘅人食👍Lady M嘅蛋糕真係好味😘😘