臺灣姑娘

Open Now

Now Closed

今日屋企人話唔煮飯諗起今日做野果度附近有便當機 我又鐘意食台灣野，一於買返屋企試下襟完出嚟即食 唔洗翻熱比我想像中多選擇！花多眼亂最後我買咗3盒，拎返屋企同屋企人食(拎上手都幾重手！）三杯雞扒便當我一打開嘩咁聲估唔到40蚊有咁大塊雞扒仲有蛋，粟米，菜 等等配菜！彰化爌肉雞翼便當呢個就滿足咗食慾獸阿妹嘅慾望又有雞翼 又有豬！個爌肉肥肥地 好香口平時出去餐廳食 得幾粒仔 估唔到咁足料！沙茶豬頸肉花枝卷便當呢個係我嘅最愛 因為d 豬頸肉超好送飯！佢d 沙茶濃淡啱啱好！抵讚總結，我真係覺得有驚喜！首先 襟出嚟好夠熱就算我拎到返屋企 都唔洗翻熱而且 好足料 有好多餸最緊要係 真心好抵食 快靚正 屋企人已經問緊我幾時再去觀塘話下次一定要買返去

去完臺灣，成日都會掛住D 臺灣美食！上網search搵到臺灣姑娘火車便當售賣機，仲要係每日新鮮香港製作，咁得意即刻去試吓！臺灣姑娘自助售賣機, 同一般自助售賣機運作相似, 仲有60°C保溫系統，唔怪得知出嚟嘅飯盒熱辣辣啦！咁方便真係啱晒上班族！每款便當用上仿木盒包裝，十足臺式火車便當般，大賣台灣古早味！每款便當份量十足🍱，間格企理，賣相公整👍除咗主菜嘅肉類之外，每個飯盒都會有配菜如滷水蛋、燒粟米、酸蘿蔔、海帶絲、榨菜等等，更附有豉油調味及餐具添！三杯雞扒便當雞扒好大塊，味道都ok,好抵食！沙茶豬頸肉花枝卷便當比較乾身，沙茶醬如果可以多啲就好啦紅燒牛舌香腸便當有驚喜！牛舌味度好好，唔會黐牙，又係想像中嘅台灣香腸😊沙膽都話呢款最好食👍

飲品自助機就見得多，便當機都係第一次見😮早排去觀塘上堂，經過見到有部便當機，售賣熱辣辣嘅台式火車便當🍗自從上次去台灣坐火車食便當，洋洋就好鍾意台式食品，所以帶咗幾個便當返屋企食，方便快捷，煮少一餐😂😂💟三杯雞扒便當洋洋揀咗呢款大熱嘅台式料理，一杯豉油，一杯麻油，一杯米酒，色香味俱全🤤💟阿嬤蔥油雞貢條便當台灣風味十足，以豬肉製作貢條再加上啖啖肉嘅蔥油雞，細佬食得好滋味🤤💟廟口夜市鹽水雞便當媽媽我就揀咗夜市名物，鹽水雞最鍾意佢嘅便當有海帶絲，滷水蛋粟米等配菜#台式便當 #火車便當 #台灣姑娘 #台式風味#鹽水雞 #蔥油雞 #三杯雞

👦🏻睇到台灣姑娘便當機就話要買來試下，而最近👦🏻又鍾意食台灣腸，就決定試下。部機都容易操作既，而且又幾方便，拎上手都熱辣辣❤️每個便當都有蘿蔔漬，滷水蛋，海帶。份量十足🤤🍗 鹽水雞便當雞肉鮮嫩多汁，雞脾肉够厚實又唔鞋口，食落啖啖雞汁。鹽水雞味道够香，咸度又岩岩好❤️🥩 薑燒牛肉香腸便當散發着濃厚的薑味，牛肉口感鮮嫩，再加上爽脆既台灣香腸，搞到我好想去台灣🤣古早味鐵路排骨便當開頭以為份量不多，驚喜有兩大塊排骨，加上肉質鮮嫩多汁，啖啖鹽蘇味既感覺，連👦🏻都好鍾意食❤️

平時撳飲品機就撳得多，撳飯盒就係第一次，真係好特別呀🤣每部機都有幾款口味，就好似火車便當嘅樣，最驚喜一定係拎到手嗰下仲係暖笠笠，銷售點都幾多下㗎，對於得個少少時間嘅飯鐘，又喺自助售賣機附近做嘢嘅朋友仔實在太貼心了🫶🏻1️⃣ 阿嫲蔥油雞貢條便當🐔每一款嘅便當都現有啲配菜，牛油燒粟米真係好香甜，一節嘅一半好易咬🙈蔥油雞嘅味係鹹香味，蔥味十足而且軟嫩多汁💦 話咁快就食哂成個便當🙌🏻2️⃣ 蔥燒牛肉香腸便當🐮超級ᴊᴜɪᴄʏ嘅台灣腸認真正😍 外面脆，咬落去即刻爆汁😆 蔥燒牛肉好惹味，配飯一流🤘🏻不得不讚下呢個便當行嘅風格夠貼地，食落好有ғᴇᴇʟ😌3️⃣ 沙茶豬頸肉花枝卷便當🐷中意食豬肉多啲嘅我大推呢款，超級超級惹味😆 沙茶醬嘅味道好獨特，花生醬加麻醬已經足以令人流晒口水，配埋口感十足嘅豬頸肉簡直就係💯而花枝卷就爽口彈牙，啖啖肉🤤

近排有同事行經臺灣姑娘便當機，貪得意買左盒返黎比大家食，不單止夠熱，味道都喜出望外！於是今晚我行經便當機都㩒左3盒便當返黎同屋企人食！拎到返屋企都保存到溫度！可以即刻食！仲有餐具添！方便！1.薑燒牛肉香腸便當牛肉嫩滑，有少少薑味，好暖胃！香腸飽滿，脂肪比例合適😋2.古早味排骨便當排骨肉質易咬，入味，係台灣既味道😋😋3.紅燒牛舌香腸便當牛舌彈牙但易咬，高質！推薦！仲要每盒都有滷蛋、粟米、海帶、蘿蔔絲、榨菜！好豐富！食緊便當既時候感受到當中既既心思，因為所有食材都唔可以太濕，太油膩，但同時又要味道好，好難得！👍🏻🫶🏻每款售價仲只係$40 ，物超所值！平時食雙餸飯都食到厭，食下有台灣風味既便當都係一個非常不錯既選擇！可以encore!!!

觀塘呢頭平日中午出名多人出黎食飯, 我同幾個同事今日諗住買外賣返去食, 發現公司附近多左個外賣機, 上面寫住"每天新製造", 今日就試試佢!便當保溫做得好足, 完全打破平時對外賣機既固有印象, 同鋪頭買到既外賣無分別。基本上每個便當都會有配菜: 鹵水蛋、甜酸蘿蔔絲、粟米、榨菜同海帶。1. 沙茶豬頸肉花枝卷便當豬頸肉爽口又有油香, 好好送飯! 花枝卷大大條! 正呀!2. 山葵一口豬貢條便當豬肉有一點點山葵 (Wasabi) 既味道, 好惹味!3. 三杯雞扒便當雞扒好大塊, 差唔多成個盒咁大, 好抵食!我同我同事都覺得好滿意! 份量夠, 味道好, 一盒都係 $40, 性價比不錯!

今日放工見到自動售賣機，竟然有台式飯盒賣。見今日攰攰地費事搞咁多，一於買幾盒試吓。返屋企連盒叮一叮，打開睇吓法國裏面都好足料吓，有不同嘅配菜感覺幾健康。叫咗一個三杯雞，豬頸肉同一個排骨試吓。我比較喜歡排骨同埋豬頸肉。Today after work, I saw a vending machine that actually sells Taiwanese lunch boxes. Seeing as I'm tired today and couldn't be bothered to do too much, I simply bought a few to try. Once I got home, I just microwaved them and took a look inside—turns out they're really generous with the ingredients, with a variety of side dishes that seem pretty healthy. I ordered a three-cup chicken, pork

臺灣姑娘嘅便當以臺灣火車為主題，營造猶如係臺灣嘅氣氛和特色。日日係香港新鮮製造，簡直係打破咗對便當售賣機嘅又冷又難食嘅快食便當觀念。每一盒都熱熱的，食材新鮮，食得放心😌今次所選嘅三款便當都好健康，飯菜肉嘅份量都好適中。都有酸酸醒胃嘅蘿蔔絲。爽口海帶，真係食到停唔到口呀～🍱 廟口夜市鹽水雞便當大大件雞腿，肉質鮮嫩，啖啖肉，咸度適中不太咸👍🏻食完成個都唔覺口喝。🍱 沙茶豬頸肉花技卷便當推薦推薦👍🏻爆好食😋豬頸爽爽林林，口感適中，沾有適中份量嘅沙茶醬，好野味，沒有過咸。🍱 香菇肉燥香腸便當台灣香腸咬落香甜脆口，好滋味😋食一條都未夠。啲香菇肉燥配酸菜蘿蔔撈埋飯食好和味。真係成盒飯都食哂。

放工經過觀塘，見到有部便當售賣機， 寫住恆溫60度， 價錢又唔係太貴，覺得幾得意，於是行去睇睇👀睇翻部機裡面食物選擇都好多，最後揀咗三個便當翻屋企一齊食，包括有：三杯雞扒便當紅燒牛舌香腸便當山葵一口豬貢條便當便當攞上手仲係熱辣辣， 睇返個便當都可以用微波爐叮 ，於是翻到屋企再叮一叮佢打開每個飯盒時都香味撲鼻 而且每個便當份量都好充足 而且配菜每樣都擺得到好精細 見到都會食肉大增。裡面配菜包括：甜酸蘿蔔絲、粟米(好清甜)、 榨菜 、鹵水蛋(夠入味)同埋同埋大量海帶 1. 三杯雞扒便當大大塊雞扒好夠食，雞扒醃得好入味！ 完全唔會有雪藏味道，做得幾好2. 紅燒牛舌香腸便當呢個便當好有驚喜 因為牛舌選材料新鮮，而且佢個紅燒同個牛舌好夾， 咬落亦都唔會覺得太韌 個便當配埋嘅台灣香腸大大條，夠晒香口，配飯食一流3. 山葵一口豬貢條便當豬肉粒切得好均勻， 令到每一粒豬肉都好入味， 唔算太辣， 咬落亦都唔會太韌，煮得啱啱好 配送嘅貢條都唔錯，幾特別geh 口感整體嚟講三個便當都好好食下次如果趕時間 都會買返盒返公司即食一次唔錯嘅便當體驗

經過見公司樓下有台式便當機決定一試，我選了台灣紅燒牛舌香腸便當。紅燒牛舌肉質爽口，沒有怪味，唔錯!香腸則是口感紮實、豬肉與香料的香氣濃郁，非常適合搭配米飯食用。附餐也非常豐盛夠道地，配菜多，珍珠米好食，搭配便當一起享用，讓人垂涎三尺。整體來說，這道美食不僅口感絕佳，而且價格實惠只需$40！會再試其他口味

［彰化爌肉香腸便當］可以一試，包裝精美，從便當機購買時仍然暖暖地的，如果可以再熱一些更佳。一開飯盒，有點莫名失望，可能想像中充滿台灣車站紙盒便當的記憶。整體而言，沒有醬汁，有3款配菜（酸菜？乾爭爭的酸薑？咸菜？）各款配菜都較乾食，沒有多餘水份。白飯比日常食的泰國米較大粒飽肚，對於愛吃白飯的反而有喜歡，d飯幾好食（如果有些醬汁就更好了）爌肉，有一層層層肥膏，肉質都偏乾，有些硬，跟想象中的鬆化感覺完全不同，味道不太濃，中規中矩。而香腸反而幾好食，以為會似坊間的台灣腸，腸內很多肥粒的，竟然一點肥也沒有，好食👍🏻整體而言，不過不失，唔會話好好食，會諗定幾時再食，但又未至於完全唔會再食咁啦。