麗瑤餐廳 (Closed)

屋邨茶記給我的印象是價錢不是特別的便宜，也水準欠奉，因為有一定的街坊生意。平日的中午，找了個舒服的卡位便叫個午餐。是日有葱油豬扒蛋飯、沙爹金菇肥牛飯、白飯魚蒸蛋及福建炒飯。由於早前食過隔離果間的福建炒飯真的後悔，所以我都係穩陣地叫了葱油豬扒蛋。一送來，蛋的賣相令我扣了分。豬扒卻出奇地奪回分數。豬扒肉質不會鞋口，也不是霉淋，我覺得肉質處理得宜。葱油很香，鹹味適中，伴飯一流。飯也是一粒粒的，我很怕又淋又濕果啲，所以這碟飯不錯。連凍飲$43，正常的價位。就這一餐而言，食物覺得比隔離茶記好一點。

話說早排朝早book左同朋友去下葵涌診所度睇醫生，睇完就諗住睇下附近有咩食啦，先發覺原來行上少少有個麗瑤邨，入面原來仲有三間茶記，咁我地就揀左呢間麗瑤餐廳，入面係比較舊式既裝修，保留左好多舊時既風味，果陣我地叫左兩份早餐，價錢仲係好經濟 ! 30蚊都唔洗，係香港黎講已經算好少有啦 ! 佢地既早餐選擇都好多樣化，有比較特別既蕃茄濃湯，想食少啲既麥皮或者三文治都有我同朋友就分別叫左個炸茶肉絲米線 & 蕃茄濃湯鮮牛肉米粉，跟一份餐蛋半油多熱央多奶同埋一份油多熱啡，好少數地真係好足料 ! 炸菜肉絲米線真係好似係荃灣食到既既酸辣米線咁，只不過係平價版，而蕃茄濃湯都真係無厄人 ! 湯底真係好濃郁，仲有新鮮既蕃茄比我地食，真係十分之有誠意 ! 再講佢地既油多真係好好食 ! 佢地既多士包面係比較薄身飛邊，脆炸程度對我黎講係恰到好處，唔會太硬身咬損口腔牙肉，亦都唔會太林身無晒口感 ! 估唔到屋邨既茶記會食到咁有質素既油多 ! 絕對推介各位去試食 ! 另外佢地既跟餐野飲份量都好充足，一般茶記會用傳統細瓷杯裝，感覺飲完到喉唔到肺，另外佢地既咖啡同央都保留到港式茶記既味道 ! 地方確實係比較偏僻，客量比較少，

我哋食堂，好食唔算太貴，不過有時好塩鹹。有啲住家飯free。但近排少去食了，有啲失準。希望改善。。😋飯餸款式多還是不錯的，特別適合敍會，家庭敍歺都好好。。。。

跟教會團體往屋邨去探訪獨居老人後，是時候幫襯屋邨茶餐廳祭祭五臟廟 ~飢腸轆轆 , 最適宜吃帶少許辣的 泰式肉碎炒飯，炒飯裏有肉碎亦有切片泰國臘腸，紅椒粒、菜絲 , 加入蝦醬來炒的泰式飯雖然不算正宗，但味道香口惹味 , 滿有鑊氣 , 調味得宜 , 絶不假於真正的泰國菜館， 真是喜出望外 ... 反正香港本來就是一個多元城市 , 莫須下下講求所謂的正宗 , 而且這是茶餐廳的出品 , whatever 啦 , 況且廚師的功力也不差 , 這一餐完全收貨 ~本篇完 ~

有幾日假期，一班女人就四圍去打麻雀，今次就去到比較偏僻嘅麗瑤邨， 呢條村嘅位置比較偏僻，而且冇領會商埸呢啲咁嘅嘢，呢度完完全全係70年代屋邨格局， 成條村咁大食肆只得三間， 我哋就去咗其中一間即係呢間麗瑤餐廳，買外賣上去人哋屋企食食完就打麻雀。如果好奇問一句，點解三間裏面揀呢間呢，咁樣好簡單因為係叫麗瑤餐廳，我哋覺得呢到麗瑤村就要去麗瑤餐廳。各人叫各人自己嘅嘢食，我就叫咗個福建炒飯， 一打開盒飯首先嘅反應就係 一聲，就眼所見嗰啲炒飯炒得粒粒金黃色好似好有料到咁樣，由此可見廚師嘅炒供應該唔錯， 呢個福建炒飯啲餸就普通咗一啲，都係啲火腿、蝦仁、蟹柳棒、雞肉 同啲蔬菜咁樣，個芡汁都係一般般唔會太稀唔會太傑，味道又啱啱好，夾埋啲炒飯嚟食其實真係好好味，正確嚟講應該係超級好味，因為超出我預期的味道。

呢個地區只得2間餐廳，其中一間仲要無做晚市 (估唔到住宅區居然唔做晚市)。即係無得揀。不過驚喜往往就係喺呢個時候出現。普通茶餐廳，餐牌完全無任何值得一提，大眾化價錢。點了 "賣飛佛" 豉椒斑腩炒麵。估唔到出咁奇好食。麵底非常香脆而且唔油膩，芡汁稀杰剛剛好，完全煮出洋蔥、豆豉、辣椒、青椒既混合香味，加上即炸仲脆卜卜既斑腩，真係無得輸。好耐無試過食完茶餐廳後，會有種食慾滿足既感覺。下次有行開，一定要 Encore!

今日既主角 (嗅落係幾香既）多土一上枱就緊係趁佢仲熱既時候茶蜜糖 同牛油啦 茶完蜜糖之後 已經急不及待咁 張佢（分屍）喇比你地睇下  蜜糖滋潤  後既多士係點啦     多士食落係唔錯既 你係會FEEL到入邊D花生槳    加上同蜜糖既夾擊下  你絕對係會食上癮架我諗呢個多士其實都有缺點既就係餐廳用既牛油 可能唔係咁靚啦  牛油茶左落個多士都 唔會特別香    我諗呢點係比較可惜既地方啦而且我個人覺得會偏貴啦 因為格離果幾間個多士餐都無咁貴杯野飲係跟餐既

一班同事跟公司到葵涌麗瑤村的一間老人院做義工，發現原來咁大條屋邨只得三間餐廳咁大把，條邨都冇什麼 大*樂、大*活、美* 等等既連鎖食肆，貞係荒涼之地。跟餐凍飲加$2凍奶茶，茶味強，冰粒少，奶夠又唔會太多。福建炒飯$38我覺得係有D不倫不類，因為有日式食材，材料又唔太新鮮，味道又太濃。難怪另外兩間餐廳都滿曬人，只有呢間仲有位啦，真係中伏呀，見杯茶都好飲，俾ok啦。

尋晚去麗瑤探險，完事後喺附近搵食......嘩，呢度簡直係世外桃源，雖然呢度有屋村、有人住、有巴士到，但竟然得一間半間食肆咋，連酒樓都無間，呢度居住0既人多數都係年長少少(我估)，喺度住咪要下下搭車出街食？再唔係只有煮飯仔~入餐廳前見到晚餐牌只有兩款晚餐揀(乜得咁少選擇呀？)入到去......哦，原來重有小菜揀。但我想食晚餐多啲，朋友唔比我食，話要嗌兩個小菜一齊食。唔制！不過算啦算啦，食小菜就小菜啦~~未嗌餸之前已經嚟兩碗湯比我醫醫肚。菠蘿京都骨+一碗白飯+熱朱古力$39(其中$1係熱飲，搞錯熱飲都要加錢，獨市生意真係霸道啲)啲汁甜咗啲，同埋好多油，唔多啱我，不過就好大碟，都算幾抵！涼瓜火腩大鱔煲+一碗白飯+凍檸茶$52(其中$2係凍飲)一樣係咁油膩，又係唔多啱我，鱔好入味，火腩好好味，可惜好細煲

心血來潮, 坐車上麗瑤, 祖堯 二邨, 找找屋邨是什麼環境, 亦找找食肆, 因為, 美味求於野, 屋邨酒樓, 茶餐廳這些只做街坊生意的. 必然有其吸引街坊之處.第一站, 上到麗瑤. 逛了一圈, 只有兩間茶餐廳. 到埗時, 是十二時多, 兩間餐廳都座無虛席. 打正邨名, 一間叫麗瑤的茶餐廳, 雖然冇旁邊的一間咁爆. 但荔景山上, check過OR的食評. 只有這家有人留言, 省了選擇的煩惱.午餐, 極不健康地選擇了一個雜扒餐. 蒜蓉茄汁, 有一定的水準, 什扒只有豬扒, 煙肉, 腸仔. 份量大, 可能是為了優待邨民, 飯足兩碗. 例湯有料有味. 兩大舊豬骨, 令人覺得特別抵食.這山頭吃的地方不多, 但因為全部是做屋邨生意. 好多都非常大眾化.

成個村得兩間餐廳,呢間叫做比較好,早餐ABCDEFGH餐任簡,味道尚算OK,至於炒粉麵飯,就額為普通,無麥擭氣,晚飯小菜亦不見得特出,睇o黎水吧部好過廚房喎.但呢度此終客似雲來,一句講映,唯一選擇.

外賣飯盒只係$13 蚊包飲品,大大盒,仲可以叫多飯多汁!抵到爆!