小叻沙 (Closed)

灣仔原來新開左一間馬來西亞風味嘅喇沙餐廳，lunch 又有新野去試吓！好開心！我去幫襯嘅時候正值世界盃，裝修二世界盃為主題，幾得意！有好幾款唔同嘅喇沙同小食去選擇。呢個係10吋半長大虎蝦喇沙，真係好大！好香！上到枱都好開心！隻虎蝦好厚肉，有輕微嘅燒焦香味！但一啲都唔鞋口，非常香！有小小響星馬街邊檔嘅感覺！切開仲有好多蝦膏係中間，蝦膏好香！喇沙湯底不錯！香椰味！麵底係傳統喇沙鴛鴦麵，好正！而且米粉同油麵都唔腍，好索湯，所以好香甜！仲叫咗一碟通菜食！好嫩，無咩渣，唔錯，旁邊嘅我唔知係咩醬，但食落幾香！檸檬茶算係正正常常。無咩特別啦，但整餐感覺唔錯。有下次的！

香港夏天雖然好熱，但也會想吃一些南洋風味帶一點點辣的食物，這次路過這間灣仔賣叻沙的專門店（小叻沙）。剛好在下午3點多進去有下午餐比較便宜，就進去試一下這間店的叻沙吧。剛好進去看到有人在幫店鋪拍食物照，還做了一個訪問是問主廚叻沙是怎煮的，只是我略略有聽到用蝦跟豬骨是煮湯頭。這次我點的是最便宜的下午茶餐細雞肉叻沙（$32），主要是想試試他們的湯到底好不好吃。來到試一口湯發覺好像缺少了一點味道，還有就是這個湯是濃，但不夠味的感覺。雖然是缺少了一種味道但是在香港還是好吃的叻沙可以來試試。

唔知係唔係天氣熱，最近多咗好多東南亞嘅餐廳尤其是馬來西亞菜。冇錯，我哋又去試喇沙。今次目標就係呢間係灣仔新開嘅喇沙店，店面裝修光猛舒服唔擠擁，雖然已經過咗世界盃，但從佈置裝飾可以看得出老闆應該是很喜歡足球的。菜單集中賣喇沙，不過設計就覺得可以改善下，因為10多款的喇沙入面有一款是他們推介的招牌喇沙，就零零舍舍得佢有包飲品，但其他要加錢。而每一種喇沙都可以選擇湯底，有咖喱味，傳統馬來喇沙或豬骨湯選擇。但係服務生話呢個招牌喇沙已經規定係馬來西亞喇沙味，所以點菜時會有少少混亂。如果店家覺得想特顯呢個招牌喇沙的話，建議另外一個格仔寫「招牌喇沙套餐」，咁樣落單就方便啲，服務生亦都唔需要俾啲客問到口啞啞。咖哩牛腩喇沙湯底好滑，不過略嫌味道不夠咖哩味，牛腩炆得頗淋，青瓜絲份量太少，做不到平衡口感的作用，油麵同米粉嘅份量反而不少。所以都算十分抵食招牌海鮮喇沙湯底是馬來喇沙味道，感覺和咖喱湯底分別不太大。不過值得一題是這裏的湯底雖然味道不算好濃，但口感真係好滑，又唔會覺得好重椰奶味，師傅炮製湯底時做得好平衡魷魚就沒有什麼味道，大魚蛋亦沒有彈牙口感，總括而言，海鮮配料不算出色。

星期六放假於銅鑼灣遊走，但晚飯時間周圍也是人，只好轉到灣仔覓食。見到呢間專食我最愛既喇沙湯面就諗到無諗入去，叫左牛腩叻沙和招牌海鮮叻沙牛腩半筋腩唔錯，個人覺得湯底可以再濃d 就好，友人則認為湯底唔辣值得一贊，海鮮叻沙配料略嫌不足，不過考慮到配送飲品，都算抵食。麵底為慘慘，即油麵+粉米，呢個配搭不錯，口感新鮮小食方面叫了大蝦多士和跟餐20蚊既串燒(2寸)多士脆之餘蝦肉都好爽，值得推薦，另外餐廳裝修以足球為主題，但未見突出，而冷氣則安裝了擋風板，十分細心。

偷得浮生半日閑，因事錯過了午飯，大條道理吃個豐盛的下午茶是也。正餐的叻沙偏貴，吃下午茶較為化算；一碗細招牌海鮮叻沙加凍飲都不過是$45，大辣都不必加錢，算是相宜的價錢。叻沙一上枱，小人的下巴即時跌了下來……竟然是超然的細碗；但一分錢一分貨，可說是交足料。餸料有一碌魷魚筒、一片魚片、一隻雪味勁重肉質超實的小蝦，以及半隻蛋黃完全散開的烚蛋；以下午茶來說，不能說是少，惜食味全無，有等於無，叫做多些咬口。馬來風味沒椰漿的叻沙湯已是預期中的事，然而是勁油的，小人只能淺嚐，一啖起兩啖止。麵裏的芽菜似有還無，反正三口已吃完，沒甚麼所謂。結果還好加了客串燒，不然極碗麵那麼少餸料都怕吃不完。串燒牛沒有汁，肉更有點鞋，是燒得過火了罷。沙嗲汁沒多少沙嗲味，反覺偏鹹。可能因為太油，吃後居然有點拉肚子……

真係好少黎灣仔區，總係覺得食野會好貴，今日行行下又俾我搵到呢間野，感覺都好經濟入到去坐底，出奇地環境係好好好乾淨仲好舒服兩版簡單嘅餐牌，一邊就馬來叻沙肉骨茶，一邊就小食因為樣樣都想食，所以叫左錦繡叻沙，咩都有，豬頸肉雞肉西蘭花魚片雞蛋扎肉魷魚豆卜，真係好豐富，我地仲加左油炸鬼，整體黎講係好有誠意，係略為淡味左d，但都ok嘅蝦多士已經好多地方無得食，所以一見到就已經即叫！都好脆口！串燒都係一絕，好惹味，沙嗲醬都好香好正魚餅都好彈牙，流沙芝麻球都好好咬口同好新奇，薄d皮就更岩我胃口喇！通菜個馬拉盞醬好驚喜，少少辣好開胃另外好值得一讚就係服務員真係好好服務店員會同我哋傾吓計又了解下啲嘢食我哋滿唔滿意好親民嘅感覺

上星期六下午偶然經過，本人都喜歡吃叻沙(仲要是傳統做法米粉+油麵)，見有新舖入去一試，得悉開舖十數天，客人川流不息。叫了一碗招牌海鲜還附有飲品都是50幾，湯底清甜不濃椰漿味，吃完沒有口乾感覺，不含味精。在此亦多謝坐在對面一對很友善夫婦送了一碗肉骨茶我品嘗，當歸味濃厚，一字骨夠腍，落足料……好味。廚師用心製作、員工態度好、再加上價錢經濟，已吸引客人一試再試+介紹朋友。總括都要經營者在每個细節用心細心和以禮待客，才有這樣成果

星期日是家庭日，個女點肯放過我，一早拉我出去行街食嘢，佢話想食星馬菜，俾我哋搵到呢間小叻沙，見環境都幾企理，人幾多，價錢幾十蚊又合理，所以決定試吓。個囡真識揀，$39的叻沙唔揀，係要食 $108 10吋半長大老虎蝦叻沙，一點都唔錫住媽咪荷包，冇辦法啦，對媽媽來說個女大個天！大蝦又煎得幾香，而且很新鮮，物有所值冇所謂，但我唔習慣其他配料只有半隻烚蛋及三件豆卜，可能一向食開海鮮喇沙，好似若有所失。我唔記得點算，在冇要求下，自動俾咗米線麵條鴛鴦配真係好，食嘢梗係貪心些食多幾款合意。我就食肉骨茶，跟油炸鬼辣椒醬及白飯，配備齊全零舍引人食慾，湯肉都唔錯，$62 抵食。加$20有兩枝沙嗲，本來要$15枝，精明師奶冇洩底要兩份。呢間食晏適合，離公司都唔太遠，等我介紹俾同事。

某一日食完LUNCH行返OFFICE既時候收到呢間餐廳既宣傳單張, 灣仔又開左新餐廳!!仲要係馬來西亞既叻沙!!我中意食LASA, 所以一定要黎試下!!今日差唔多1點黎到, 門口大約都有成10人排緊隊, 係排隊!!!!!烈日當空真係幾辛苦, 有諗過輚場, 但係後面個男人話入面有好多位, 唔使驚應該好快, 結果真係好快, 大約熱左10分鐘都入到去。呢間D叻沙價錢有高有低, 視乎配咩餸, 真係糧頭同糧尾既人都可以黎!!我叫左個A3 扎肉叻沙 $48 傳統馬來叻沙湯底(小辣), 麪底係摻摻, 即係兩溝, 米粉+油麫, 因為張宣傳單張, 兩人送一碟菜, 揀左個通菜!! =]扎肉有5大片, 好好味, 冇怪味, 彈牙唔肥, 至於個湯底叻沙都唔錯, 椰味唔算太重, 但我會想再辣D, 所以下次可以叫中辣, 湯底濃郁, 不錯!!可惜通菜係完全冇味既, 通菜配隔離個辣醬又好怪, 最後唯有將D通菜放係個湯度浸一陣先食, 先有小小味, 好在係送既!!間野都幾熱, 我冇叫野飲, 食到出晒汗!!佢其中有一個餐係跟野飲既, 好似都唔錯, 下次黎再試下其他!! =]

👁‍🗨 燒豬頸肉叻沙（7/10）💲48呢個豬頸肉爽口彈牙，份量亦唔少🐷仲有常見既豆卜同雞蛋🥚叻沙湯底要左小辣既傳統叻沙湯底，唔太食到辣既我認為佢都唔算辣，係略嫌唔夠椰香味，所以覺得可以再濃郁一點😳麵底就要左摻摻，米粉同油麵煮得適中，唔會太腍或者太硬👌🏻👁‍🗨 馬來沙嗲雞肉串、豬肉串、牛肉串（6.5/10）💲20/2串（優惠價追加）串燒黎講，雞同豬會燒得好啲，肉質較為腍身，牛肉就燒得太耐，口感過韌，但係整體都係偏乾身🍢蘸上沙嗲醬可能會好少少，可惜醬汁味道比較薄弱🤤👁‍🗨 星洲大蝦多士（7/10）💲18/1件有隻大蝦鋪係多士面頭，肉質不過不失，至於多士食落脆身香口，可以一試🍤🔛 整體評分（7/10）

同朋友去左電腦城行過百鴿轉，一齊去吸收下d科技資訊野，XD，IT潛能可能有0.1%嘅升幅。行到咁上下見餓，就去左間新開嘅小叻沙食野，望住個menu，心諗，灣仔旺區黎講價位都幾貼地親民，一碗叻沙最平只係要$39。我地叫左個10吋半長大虎蝦叻沙（$108），開邊上蓋住左個碗面，隔離檯狂眼甘甘望住，入啖湯底，嗯...確係有地道叻沙嘅味道，有椰香同香料味。摻摻原來係指緊米粉 加 油麵，新加坡/馬來西亞人點解會諗到咁樣配落叻沙嫁呢？而事實上摻摻搭配叻沙湯飲係好食過單配油麵或者米粉，口感層次豐富左。秘製馬來肉骨茶（$62），肉骨茶一定要有濃濃嘅藥材味先叫正宗，唔受補嘅人仲有機會會訓唔到添！一字排煮湯無失手，煲咁耐都仲係好易咬好淋，湯底入口食到陣陣嘅藥材香，配飯食唔錯，我唔好肉都自己食左大半煲湯！呢個價位食到呢個量，無野好講啦。食得太多肉同粉麵，怕便秘，於是叫左個白洽通菜促進腸蠕動。食通菜一定要配佢地嘅馬拉盞醬，因為個醬香香辣辣，寧舍好送飯送菜！加$20有兩串馬來西亞肉串，叫左一串雞 同 一串牛，肉炸得剛剛好，好嫩，配埋個喇沙醬食再正d，𣊬間ko 肉串得左！

一直對星馬菜情有獨鍾，加上早幾日收到這間餐廳寄來的傳單。於是選擇今天攜同友人去嘗試。在未到這間餐廳之前，我本以為這間餐廳的價格會較為昂貴，因為它位於富豪飯堂福臨門的旁邊。但當入到去時，卻令我有所驚喜。食品價格不但不昂貴，而且我覺得還較同類型(星馬泰)餐廳相對上更便宜。 叫了一碗招牌海鮮喇沙和雞肉喇沙。 這裡的喇沙特別之處便使用兩種麵條(米粉+油麵)，令口感更多元化。 雞肉的口感很好，而海鮮亦算豐富(蝦、魷魚、魚蛋)。令我奇怪的一點是為什麼只有招牌海鮮喇沙包飲品，而其他喇沙不包呢？可能最近世界杯是一個熱門話題，所以餐廳貼滿了許多關於足球的貼紙。這間餐廳亦有不少外國人惠顧。我個人覺得這間餐廳是值得推薦的。

經過莊士敦道，發現新開一家食喇沙麵嘅小店，就喺福臨門隔離，就入去試試。 店舖面積唔算太大，但裝修好整潔闊落，感覺舒適。隨即叫了一碗海鮮喇沙及一份蝦多士，店員很有禮貌地端上滿滿的一大碗。 先嚐個喇沙湯底，這個最要給讚，湯有椰香但沒有過濃，故鮮而不膩。湯是叻沙的靈魂，這就看得出廚師的功力。這裡的湯沒有像有些東南亞食店椰香太重蓋過了鮮。再來就要試麵，是摻摻，油麵跟米粉的比例剛好，我本身就鍾愛米粉。雖說只售$59的一碗海鮮叻沙，但沒有將貨就價，餸料很足。大大的一隻蝦有蝦味，鮮魷彈牙，豆卜索了湯汁很入味，驚喜的是粒大大的長洲魚旦代替了魚片，頗見心思。唯一美中不足是蝦多士炸得沒想像中乾身，但是很足料。

因XO仔情緒極受困擾，整個禮拜都顯得特別暴躁，週一中午就俾會計小姐捉咗去試新開間「小叻沙」，試圖降溫。位於富豪飯堂側旁o既小店樓面都幾高，三行散座由左起分別排列成拍牆高櫈、合拼式多人餐桌及卡位，簡潔整齊，光線企理。當中部份餐枱用上足球場設計，莫非老闆係一名足球迷？！定抑或係新店碰巧於世界盃期間開張，故刻意添加擺設去襯托吓四年一度先有o既盛事？！由於入座時未到繁忙時間，兩口子先咁好彩有闊落o既卡位坐，又未需要搭枱。午市餐牌有兩頁，所有菜式均附上彩圖作參考，非常清晰。如要清水及醬汁，食客可於自助區自取。牛腩叻沙（$55）：大大碗叻沙落單後五分鐘左右即到，效率極高。當中惹味香脆o既蝦子及碎蔥係分開放喺湯羮上。毫不油膩o既叻沙湯底微辣帶濃濃椰奶香，油麵及米粉o既黃白組合「摻摻」柔韌帶脆，極之美妙。牛根腩軟腍香濃，份量更加係恰到好處。個人一向鍾情牛筋，如果可以叫淨牛筋叻沙就最理想不過。湯中半隻蛋一樣係入哂味，就連啲芽菜同青瓜絲都分外美味。馬拉沙嗲雞肉串及馬拉沙嗲豬肉串（另加$20）：跟叻沙可以$20加配兩串沙嗲，個人覺得雞肉串比豬肉串軟嫩潤甜。通菜（$18）：$18一客o既通菜相當大碟，由於香辣

星期五來食午餐，1230到， 已經要等位。叫左海鮮叻沙，淨係呢款有野飲送。叻沙湯唔算辣，幾香幾好味，夠熱。摻摻正常野吧。海鮮份量多，味道就一般。呢個價錢仲有野飲送，算係咁。另叫左魚餅，芝麻球，都好味喎。魚餅都幾辣。環境算企理，乾淨。侍應服務ok, 有個短髮阿姐就好惡。