Lam Tei Grill

Open Now

Now Closed

朋友住藍地知道開左一間新restaurant , 環境幾有特色, 所以叫一齊試下. comments 如下 :-4 人order 食物: 白汁青口,燒蠔焗田螺,燒蟹腳,炭燒安格斯西冷牛排,炭燒羊架,baby rib大蝦意大利粉全部+$20轉set, (包餐湯, 沙侓, 餐包及飲品) 環境 : 可以, 感覺 good 幾舒服, 好坐.食物 : ok , 尤其 baby rib 及意粉很入味, 正. 其他燒物如牛排及羊架都不錯. 但白汁青口不夠味及可能煮得太熟比較鞋左. 掛住食有d 冇影到相 甜品 : 跟餐送, 冇咩特別, 因是送的所以冇咩好講, 如有多d款可order 就好啦 服務 : 勁掂, "王喜"很有禮貌及有誠意, 有問題同佢反映, 佢立即跟進. 其他waiter 都好殷勤, 加水都好快及有禮貌.整體尚算 ok, 但還可再好d. 希望明天會更...好

上星期經過藍地, 見到間門面和周遭店舖不一樣的餐廳. 剛有朋友約食飯. 正好一試. 間餐廳的裝修很有心思. 特別那個小陽台, 方便了不少吸煙人士. 就算不吸煙, 飯後在那裡閒坐, 嘆杯咖啡. 感覺良好. 菜式方面, 是附近不常見的西餐. 我點了咸豬手, 朋友點了羊架. 兩個菜都跟一般的做法不同. 豬手是煮好後再燒的. 但不會好似乳豬咁脆皮. 仍然是軟身的. 不過就有碳燒的香味. 豬手的份量十足. 朋友的羊架同樣有經過碳燒. 正! 不過配菜的薯蓉同樣精彩. 甜品的木糠布甸, 奶味很濃. 如果份量可多一點, 會更好. 環境, 食物和服務整體都很好. 價錢也合理. 應該會再去試其他菜式的.

老婆生日, 專誠到藍地一試這新裝修的餐廳。門口圍著一圈小籬笆, 與旁邊的士多格格不入。室內的裝修和燈光卻令人十分舒適。老闆和待應都十分殷勤, 我常要起身湊小孩，『王喜』更數次替我拉椅。- 餐包+橄欖油和黑醋, 正!- 羅宋湯及忌廉湯, ok- 跟餐Salad, ok - 白汁帶子意粉, 個汁味道不錯, 但係帶子唔夠入味, ok- 藍青口都幾好食, 可惜咸左d, ok- 翡翠螺x2唔夠鮮味, 仲有d雪..- 焗蠔x2- 羊架, 燒得好香, 有肉汁. 薯蓉都好好, 正!- 西冷都係燒得好香, 不過唔夠肉味, ok- 最後每人送左一個甜品, 有木糠布甸及奶凍, 正- 餐飲就麻麻地喇, coffee可以做好D, 反而house wine就唔錯!$49x, 價錢可以接受, 試試無妨!

今晚返咗入元朗買飛睇戲食飯，但去到邊都要等幾十張枱。突然想起之前從朋友口中得知有呢間餐廳，心想那邊應該唔駛點等位卦, 就抱住試一下也無妨嘅心態嚟到呢間餐廳，剛好有一張吉枱，便立即坐低叫咗三文魚意大利雲吞和帶子意大利粉，兩款都有+$20跟餐配沙律、餐湯、餐包、飲品及甜品。- 沙律: 蔬菜新鮮爽口- 忌湯濃蝦湯: 好香濃- 餐包: 夠脆但唔夠熱- 三文魚意大利雲吞: 香草白汁好creamy, 三文魚餡料十足- 帶子意大利粉: 蒜片橄欖油炒得好香, 原粒帶子夠新鮮- 熱咖啡: 好香滑, 味道ok- 朱古力奶凍: 味道較甜，用果醬代替會較好- 木糠布甸: 口感軟滑呢個餐廳不論環境、食物和服務都唔錯，令我帶來驚喜，唔係個friend話我知都唔知道藍地大街有間咁有特式嘅餐廳，下次一定要再嚟過試牛扒同其他甜品，如果佢有埋意大利飯食就更好了。

昨天同男友去屯門, 探朋友的初生BB, 之後唸住搭車出去揾地方食飯, 途經藍地大街, 竟然發現有一間, 有小小Soho feel的餐廳. 同條街完全唔夾, 男友見有人在露天的小籬笆內smoking, 嘩! 立即飛左入去. 餐廳坐位舒適 , 好像去了外國一般，很悠閑 , 環境幾好，燈暗暗的，幾浪漫，music background都幾啱 Feel. 好鍾意個VIP room, 小小Grand Grand 哋. 待應十分殷勤.- 餐包，很香又夠熱 - Soup of the day是南瓜湯，本人麻麻, 但男友好like.- Salad with chicken，OK，雞胸是嫩滑的，菜好新鮮.- 蕃茄包, 好脆, 酸酸哋幾開胃- 白汁帶子意粉，最令我喜出望外, 好creamy, 帶子就細粒左D, 但味道不錯- 羊架, 燒得好香, 有肉汁. 薯蓉多D會更好整體而言- ok la! 可以試試, 傾倒計, 價錢可以接受. 果個Manager 個樣好鬼似王喜架, 好 nice. 知我地住得好遠, 仲請我地食左個甜品. 一個唔錯的嘗試, 記得已前嚟親呢個Friend果道, 都係食茶餐廳 !

食物質素不錯的西餐廳, 前菜沙拉可以再新鮮一點(畢竟入座時間是晚上9時), 周打魚湯合格但未能留下深刻印象, 面包夠熱且鬆化兼有免費橄欖油和黑醋點面包抵讚 , 安格斯肉眼夠份量(14oz)有牛香味而且 juicy, 千層面不會太酸, 整體味道合格, 最後點了木糠布甸甜品, 質感較街外甜品鋪軟身, 不過幾香幾好味..... 第一次寫食評, 因為值得鼓勵....

南地大街街口有家季季紅，經食神韬韬推介後，每晚均門庭若市，熱鬧非常（不過就是略嫌太熱鬧）。但你又可知道，在大街中間另有一間格調清幽的西餐廳Lam Tei Grill呢？餐廳分內外兩部分，裏面可以用餐，而外面ｏｐｅｎ　ａｒｅａ有木籬笆圍著，並掛上小燈泡，甚為雅緻，但就只可以飲ｏ野。食物方面，主菜有扒類，海鮮，意粉等，最平意粉類６０幾蚊就有，最貴的海鮮拼盤也都只是１４８蚊，當然價錢的平貴是見仁見智的，個人認為食物加上環境，這個價錢是合理的。而我則點了一味香草白汁三文魚柳，１２８元再加２０元更有沙律，餐湯，餐飽（暖暖的，外脆內軟），飲品和甜品（焦糖燉蛋或木糠布甸），這２０元加得相當抵。也餐廳有２８個坐位，即使滿座都不會太嘈雜。而老闆甚親切，亦很著重跟客人溝通，聽取意見。

上個星期送朋友回家經過藍地大街，見到一間新開的西餐廳，裝修不錯，很有西餐的感覺，外邊有個小平臺，掛上閃亮的小白燈，有點赤柱的味道。第二日就約了兩個朋友去試試，旁邊有個停車場，停車走過去就一兩分鐘，開車的還算方便。我們三個人，要了一個CEASAR SALAD W SMOKE SALMON，一個香草蝸牛，一個白汁帶子義大利粉，一個烤羊架和一個烤肉眼排，一支HOUSE RED。上菜速度就慢左小小，老闆說他們是新開張。沙律正常味道，加大兩片煙三文魚，這個價錢還是值的。蝸牛下面有很多薯容，我最喜歡啦，但我覺得香草汁再多一些會更好！帶子很新鮮，羊架和肉眼有肉汁，特別是碳燒的香味，配菜可以多一些。整體的感覺是不錯的，每人160元左右，可以舒舒服服的食餐西餐。餐廳內可以有一個VIP房間，下次有朋友過生日準備再去。外面的小平臺很實用，我可以去食煙，哈哈。