Lam Tei Grill

Open Now

Now Closed

今晚返咗入元朗買飛睇戲食飯，但去到邊都要等幾十張枱。突然想起之前從朋友口中得知有呢間餐廳，心想那邊應該唔駛點等位卦, 就抱住試一下也無妨嘅心態嚟到呢間餐廳，剛好有一張吉枱，便立即坐低叫咗三文魚意大利雲吞和帶子意大利粉，兩款都有+$20跟餐配沙律、餐湯、餐包、飲品及甜品。- 沙律: 蔬菜新鮮爽口- 忌湯濃蝦湯: 好香濃- 餐包: 夠脆但唔夠熱- 三文魚意大利雲吞: 香草白汁好creamy, 三文魚餡料十足- 帶子意大利粉: 蒜片橄欖油炒得好香, 原粒帶子夠新鮮- 熱咖啡: 好香滑, 味道ok- 朱古力奶凍: 味道較甜，用果醬代替會較好- 木糠布甸: 口感軟滑呢個餐廳不論環境、食物和服務都唔錯，令我帶來驚喜，唔係個friend話我知都唔知道藍地大街有間咁有特式嘅餐廳，下次一定要再嚟過試牛扒同其他甜品，如果佢有埋意大利飯食就更好了。