Lam Tei Grill

Open Now

Now Closed

今日行完山經過藍地，記得朋友介紹過幾次來哩間餐廳食，今次經過無可能吾去試下。藍地大街好多舊式舖頭，又多貨車系條窄路經過，可能咁影響無乜外人，入來都好似系熟客。餐聽吾大，但裝修有d似泰國風味，坐落幾舒服，佢亦有一台室外對馬路的位置，個人就吾介紹啦！真系太多貨車好近咁經過咖。雖然細，但午餐選擇都好多，有平有貴，叫左兩個餐，但記得系要加一，Anyway,都可以話系中或中上水準，性價比亦高。香煎鯛魚柳伴松露忌廉汁意大利粉($65)5分— 真系煎咖，個皮好香好脆，系薄左小小，細左小小，但咁價錢已經超值。—松露味道吾夠—意大利粉都幾al dente,如果分量多1/4就比較合適燒羊仔柳伴淡咖哩汁意大利粉($80)3粉— 羊仔份量幾多，可惜系整得太熟，有d鞋，羊亦無乜羊味。—意大利粉都幾al dente,如果分量多1/4就比較合適—淡咖哩個人幾中意，有咖哩味但吾辣。—咁菜湯真系又多料又好味—個餐包真系另一驚喜，原來系細細個系豬仔包，仲又熱又脆，真系想問下要多個得吾得。—咖啡算中上，苦中帶香味。—反而通常檸檬水系無驚喜，但哩間真系幾新鮮，好好味。所以，味道個分好多系個湯同餐包摟咖，下次一定要叫。

🥕北海道帶子忌廉意大利粉： 8/10 ($122)呢個意粉偏硬，食落去幾嚼勁而且彈牙，白汁亦都幾鮮香滑溜，食落去唔會好膩。帶子好肥美，熟度啱啱好，食落去幾鮮嫩。🥕ARG 熟成極級肉眼扒： 7.5/10 ($238) 個牛煎得幾好幾靚，肉質鮮嫩，肉味濃郁，脂肪比例合宜，食落去唔靭得黎又有口感，而且多汁。 配菜方面有薯蓉同埋一啲蔬菜。呢個薯蓉嘅表面有再煎多下，所以食落去表皮比較脆口，內裡亦都比較結實。佢嘅薯味幾香，但係無咩忌廉或者奶香味，口感亦都唔係好綿滑。🥕蜜糖芥末燒焗加拿大豬胺: 8.5/10 ($168)呢個豬胺好值得一讚。肉質鮮嫩緊緻，肉味香濃，上菜時嘅溫度亦都控制得好好。麵包糠都整到好香脆，蜜糖芥末味幾香幾入味，成個豬胺食落去口感豐富，味道方面亦都充滿新鮮感。

方便泊車，隱世餐廳係openrice 搵到呢間餐廳，臨去前都怕服務差，畢竟食評都有寫過，但去到又不是太差，只係普通服務不過不失，沒有不禮貌既地方，服務總算客氣。好抵食，食物又不算差，環境好好，寧靜帶點浪漫。

屯門Lam Tei Grill ❤️M5澳洲和牛肉眼 💰288牛質嫩滑，唔會有筋，肉同脂肪嘅比例合宜，5成熟剛剛好！配菜亦很豐富，有茄子、四季豆、紅蘿蔔、紅椒…食完好滿足🫶🏻🤩蜜糖芥末燒焗加拿大豬胺扒💰158喱個豬胺都唔輸蝕，唔會煎到好乾，仲保留到豬肉嘅肉汁，豬胺上面嘅脆脆令豬胺提升咗口感！❤️*佢可以加錢升級做自助沙律及飲品吧*假日都幾多人，建議預先訂坐。五星⭐️為最高食物：⭐️⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️#yummy_sumsin

餐廳外部在鄉村中別樹一幟很有特色，相信每位食客都會很有印象蒜片帶子意粉喜歡濃濃蒜香味的朋友可以試下蒜片醬，帶子大概六七成熟保留到刺身帶子的鮮甜，意粉的軟硬度適中阿根廷西冷原本想試1855牛柳，但熟成阿根廷牛扒比較少見於是一試，草飼牛肉質明顯比穀飼牛更有嚼勁，但味道相對濃郁，特別喜歡多肥脂的部位老闆娘自家製心型心太軟心型心太軟份量是普通心太軟的三倍，味道也不錯，一口心太軟一口雪糕，冷火感很爽，喜歡心太軟的我一次過食到爽，很有滿足感的「生日蛋糕」

本身住係藍地附近，都食過呢間兩三次，食物質素唔差🫤但服務態度就真係幾差下! 就係星期二打電話去book星期六嘅位，但對方就叫我星期五先再打黎(對方似乎係趕收工，連用1分鐘寫booking都唔肯)咁算啦🫠於是第二日再打去但無人聽，原來星期三唔係佢地營業時間，咁就推到去對方所講嘅星期五先打啦😀但就話已經full booking左，咁full左當然無辦法啦，但我都講翻星期二唔接受booking嘅情況，希望對方可以改善。點知講完對方就話唔係佢接所以唔知情，又話無可能會咁，亦大條道理表示係咁架喇，而家就係無位🤷🏻‍♀️之後仲要cut線 態度極差! 自己都做過餐廳pt ，就算趕收工但有電話打黎book位而自己亦都接左嘅話，咁當然會幫客人make翻reservation啦!畢竟寫落簿1分鐘都唔洗，如果連個1分鐘都唔想做嘅一係電話都唔好接! 接左仲要叫人星期五先再book😀🤷🏻‍♀️呢個操作真係睇唔明🤷🏻‍♀️而另一個所謂唔知情嘅員工，假假地都講翻句唔好意思/下次會叫同事留意翻都要啦下話，無之餘仲要句句頂到盡，其實講返句好聽啲嘅說話，我都未至於喺度寫差評😏但不出所料 係openrice嘅comment 果然

第一次去藍地大街，就諗住試下，點知未入餐廳，已比服務員係門外拒絕我地進入，疫情關係二人一枱，佢見到我哋三大兩細要分三張枱，理由係兩個小朋友未打針，心諗......因為我哋要三張枱，所以唔想做我哋生意。

有一日放工去到藍地我真係好肚餓但只係晏晝五點我又想搵個地方坐因為等小朋友放補習你完全唔知會等幾耐咁就行入呢間餐廳啦問佢可唔可以唔食個甜品但唔食扒餐老闆娘好好人話可以但得一款甜品檸檬Cheesecake我實在太肚餓照殺問咗幾多錢，即俾然之後我就可以坐喺度好梳乎好享受又有得坐😎😎😎😎😎又好開心咁樣等小朋友放學呢$50抵比啦🥳🥳🥳🥳🥳呢一度係食緊個環境咁當然令到我唔肚餓又可以舒舒服服咁等乜都抵返晒

《Lam Tei Grill》藍地大街57號地下前年我們來慶祝結婚紀念日，呢間西餐廳位於藍地大街，可能唔就腳，平日夜晚只有兩、三台客人；而餐廳本身地方亦不算太大。餐廳環境氣氛很好，亦很寧靜；當時有個小小既area係比客人攞沙律，我地叫左每人一個main course，再加了兩個小食。冷盤蟹肉他他，好清新：芝士焗蠔，好味：我叫既魚扒，good~老公叫既牛扒，不錯：不過冇咩澱粉質落肚，食完唔算太飽，整體來講用餐經驗良好～

今日同屋企人行完山到藍地，第一次黎呢度唔知有咩食，見到有間西餐個外牆幾靚，就吸引左我哋入去，點知就係惡夢嘅開始！一入去個要嘟安心出行或者寫紙仔，我哋揀咗寫紙，寫完摺埋左，點知個疑似老細竟然打開返張紙偷睇！跟住偷睇完話寫得唔清楚要我地再寫過，我真係呆左，未見過有餐廳可以打開人張紙偷睇晒人啲資料！之後嗌嘢食，我哋嗌左個大蝦南瓜意大利飯，牛油檸汁煎焗鯛魚柳同帶子意粉，加埋餐有湯，麵包同飲品，個湯好明顯係茄膏開出黎，飲完超口渴！！嗌左杯凍檸茶 ，上到黎杯凍檸茶又冇冰！個煎焗鯛魚柳又大舊又冇味，好普通。最恐怖係個南瓜飯！個飯竟然係益嘅！！！🤮（個樣貌似幾好，一食真係好伏！）唔好食都算，仲要有怪味，一定冇下次！

小妹光顧此店不下10次，深知服務態度不會好，但只求醫肚，不求有親切笑容或服務，所以都會間中去此店。今晚有小朋友生日，往年都會在這店晚餐慶祝，但今晚這餐，座位安排實在可惡，我們一行人都十分氣憤，決定不會再光顧😡😡😡我們預訂了2個4位枱，到場後發現中間分隔了2張大吉枱，約3-4米距離。我們要求安排近一些或加一幅屏風，他們卻對我們這8人有*特別服務*，安排近了一些，有1.5米距離，再加一幅大大屏風。但店內其他枱都沒有1.5米距離，亦沒有屏風。食物味道是不錯，但要食埋一肚氣，不了。出街與家人晚餐，是希望可以開開心心的歡度時光，但如果去到一間店是這麼高傲，唔憂做的心態，這個價錢，可以有其他選擇。

🕰️用餐時間：19:15-21:00 👥人數：2人杏仁紫蘇燒焗加拿大胺扒 ($158) 🐖🐷Canadian Pork Rack Baked with Almond and Basil 肉嫩皮脆，香料味很濃，杏仁也多肉醬千層麵 ($98) 🍝Beef Lasagna 番茄味很真，偏酸很是開胃，醬汁有許多洋蔥粒；麵質煙韌，外邊焗得很脆！主菜加 $45 轉套餐，包括🥗沙津、🥖餐包、餐湯(🦞龍蝦或🥬雜菜)及☕🍹飲品。*設加一服務費

當日我家人生日，於訂位前已說明2大人加1名幼兒(不是手抱嬰兒) 及bb車。接聽電話的女人好似不愁客人不想接order。其後於當日去到只安排了一張2人枱，求其搵個位俾bb放在走廊邊，我已禮貌向女侍應查詢請問可否換回3人位？女侍應態度差劣並表示: “今晚booking好full (但當時餐廳除了我們一家並沒有其他客人全場空枱） 你只講2個大人加一架bb車，無話要book 3人位! 今晚安排係咁，食就只有呢個位” 最後只好突然換餐廳！試問餐廳為什麼會這樣安排小朋友求其坐並不當小朋友係人？咁既態度完全不休做永遠都不會再光顧此餐廳!!奉勸大家不要貼錢買難受!! 女侍應態度何其差劣！

好多年前喺元朗食過然後唔知點解執咗笠而家得返藍地大街有 ☹️其實呢間野幾有feel個裝修好有feel好warm啲嘢食質素唔錯 都幾值得返轉頭俾大家睇吓啲相先我同朋友都加咗錢可以任食沙律同湯個湯每次都會唔同 今次佢就配龍蝦湯冇諗過個擺盤都幾靚😂😂😂令人好滿足嘅鵝肝多士佢嘅pasta都可以俾你揀你鍾意食邊一隻意粉今次我同朋友就揀咗長尖通整體來講呢間餐廳非常啱拍拖或者同三五知己傾偈飲2杯🤩呢度唔會好似高級餐廳一樣咁拘謹環境好之餘仲好有屋企嘅feel 講嘢大聲少少都唔會太失禮👍🏻💪🏻有朋友聚會我會極力推薦嚟呢間餐廳🥰🥰

一早訂咗位同友人慶祝生日，遲咗十分鐘到鋪，竟然直接被拒諸門外，個女待應還要態度極差，理直氣壯，好像我們遲了十分鐘是做錯了事一樣。極不禮貌又直接地跟我們說沒位了。現場所見還有不少空位，她直接說都被人留位了！她見到我們手拿著蛋糕，大熱天時，還遭到如此對待！之後我們唯有即時另覓地方，又怕蛋糕溶，完全「拿手不成勢」，只能說這餐廳永不光顧，也不推薦朋友去。