蘭芳園

Open Now

Now Closed

其實我一向都是茶餐廳的粉絲，蘭芳園從前也是我嚮往流連的地方。可惜最近一次到訪真的令我大跌眼鏡。他們的菠蘿油真是強差人意，上枱時麵包已變軟，鮮牛油亦都很少，要打開麵包才找到，牛油也差不多溶進麵包去了。咖央多士尚算可以，但是咖央的味道不夠地道，也不夠香。豬揼兜(豬頸肉)撈麵的味道也十分平庸，撈麵醬汁偏鹹，豬頸肉也過厚，肉質又不新鮮。很懷念 以前蘭芳園還是一間小店的時候，他們的番茄牛肉通心粉和豬仔包是真的可以食得出人情味。希望名氣不會沖走他們對食物的熱誠。

行行下街既時候突然口痕想食西多士，但係尖沙咀呢個遊客區其實都幾難搵到一間茶餐廳，果一刻諗起蘭芳園應該可以滿足到我既要求！尖沙咀蘭芳園係重慶大廈地庫入面，行到去既時候都目測有7-8名遊客等緊入坐，好好彩唔洗等好耐就入到去。食物方面，其實友人就好飽，但因為呢間鋪有每人最低消費金額，咁我地就點了甜蜜蜜紅豆冰和傳統咖央西多士。西多士來到時係熱辣辣，d牛油好快就溶哂，再加埋糖漿，食落口唔算太甜，都幾好味！紅豆冰亦都唔算太甜！

自從開始係尖沙咀番工後，都無機會去中環蘭芳園食早餐/午餐。經朋友提醒，先知道原來尖沙咀重慶大廈有一間分店。我地即刻二話不說，今日放lunch去試試。食午餐人數比我想像中少，唔洗點等就有得入座，坐我地附近嘅居然遊客多過上班一族，有趣有趣！食蘭芳園，必點奶油豬。一咬下均勻搽滿牛油同煉奶嘅豬仔包，發出脆脆嘅聲音——好幸福嘅配搭🤤另外，仲叫左雞翼喇沙米粉，滷汁雞翼好淋、滷汁亦好入味，但喇沙湯底則一般，無咩驚喜。

我7月17日晚上 (7 or 8點附近)前往蘭芳園尖沙咀分店用餐，我因在台灣已向可樂旅行社買了撈丁套餐券。我一進門時，就跟門口一位中年女服務生說，我已點好 (磨菇汁豬扒撈丁 + 熱絲襪奶茶)，她很粗魯地回答，台灣買得也是先去坐。我在那裏等了近5分鐘 (跟擦桌子的先生說，我點好了，他說不是跟他點，我看另一名年輕服務生也很忙，但之前那位女服務生就站在店前，也不太理我，我併桌對面的兩位大陸年輕女生就跟我說，阿姨我去幫你叫，一分鐘之後這位女服務生總算來拿單)。但誇張的是，拿食物來時，竟用丟的，以至於熱絲襪奶茶有 1/5是瀉到碟承托上。兩位大陸年輕女生離開後，換成一名男年輕人，沒多久，那位女服務生又命令我，你給我坐進去，態度之囂張令人髮指，因為她帶一位大陸年輕女生坐在我原先位子，女服務生也一下子楚理好她的餐食。7月18日回台灣時, 我搭的是長榮航空, 才深刻體驗「地獄與天堂」之服務差別。這趟香港行 吃過深水埗維記豬潤通粉、文記車仔麵、美都餐室、元朗好到底麵家、一樂燒鵝、蓮香居、添好運(北角店, 大推其服務)、義順牛奶公司、德成號家鄉蛋卷、鴻福堂、大澳漁村排隊的沙翁店等，店家都算客氣，唯獨蘭芳園尖

之前只知此店在中環結志街的店舖, 原來在尖沙咀也有分店。 既然今日有緣路經, 那當然要入内試試。店舖環境刻意像以往冰室氣氛。牆上貼滿譚詠麟的海報下午茶時段也客似雲來。友人點了金牌豬扒包+熱奶茶($37)。 朋友說他的絲襪奶茶果然不錯, 茶味夠濃和滑。 既然是下午茶精選之一的金牌豬扒包, 我當然不客氣的取了一件來吃 包內是一塊豬扒和蕃茄, 味道一般, 感覺是不過不失的。我點的是傳統咖央西多士+凍奶茶($4O)。這份西多士內裏是咖央, 上面的是牛油及蜜糖。 一吃下去真的與眾不同 多士是新鮮做, 所以送來時還是熱呼呼的, 牛油香, 再加上微甜的蜜糖和咖央, 我個人認為是最好吃的西多士 雖然凍奶茶的茶味較熱奶茶淡了一點, 但也不錯呢。

呢間好多年歷史餐的茶廳 食過好幾次 依然覺得好食 算係快餐今日去到好左不用排隊 坐位係迫夾D 但也不太影響食的胃口 哈哈 叫左個龍蝦汁雞扒撈丁 同埋豬扒包 -龍蝦汁雞扒撈丁 很大碟 仲有真係好多龍蝦汁 雞扒食落非常嫩 真係好好食 -豬扒包 分開左兩邊 咁樣會易食好多~ 豬扒熱熱的 真係值得推介~ 當然最主要想飲返杯"奶茶" 呢個不用形容 真係飲落就知 一定要點~ 下次會再去食~ `可以再食下其他野~ 

一直想好想食♥蘭芳園♥，但唔想特登過海先食到，之前已經知道佢係尖沙咀開左分店，但又怕分店既質素未及中環既好。今日無啦啦口痕一於的起心干就試下尖沙咀呢間既蘭芳園啦。下午茶時間4點幾機乎都坐滿人，雖然佢既環境無中環咁地道，不過店內既裝修都整到好懷舊，而且牆上仲貼滿左譚校長既相同埋簽名，一睇就知係忠實粉絲！薯仔鮮茄豬扒煎蛋通粉最想食既就係佢個蕃茄通，應該都街知巷聞架啦，果然無令我失望。首先我最欣賞係佢既蕃茄湯，係我食過咁多蕃咖湯之中最好味既一碗，唔係我誇，我真係覺得出面其他既蕃咖湯係垃圾。。。佢真係原個蕃茄上咁制，大大粒蕃茄係面頭，絕對唔係呃你🍅其次係佢既豬扒，通常出面食開既煎完都係比較乾身好難咬之如仲會攝牙齒，但蘭芳園既豬扒係好出色，我第一口咬落去打左個凸😳，點解會咁淋身咁好咬，男朋友食左都好讚！佢隻煎得煎得岩岩好，入面個蛋黃仲要係半熟，成碗野樣樣都好岩我口味🍳薯仔同蕃咖都好甜好好味，我食完真係想叫多一碗。傳統咖央西多士天呀，食完蘭芳園既西多士，我即刻覺得原來我之前食開果啲西多士係咁唔好食！個西多一黎滿滿既糖醬同一大舊牛油，我唔怕肥，我仲好like！拿拿聲切開黎食，真係超正，個西多仲要係熱

星期日嘅下午，起身就想食個公仔麵。懶得係屋企煮，因為煮完又要洗碗😂 因為順便要去尖沙咀買野，所以就早少少出門口去食野先。諗住去蘭芳園都打定輸數架啦，一定有排等。點知今日真係天助我也！竟然去到唔洗排隊，即刻有位！坐底即點招牌撈面，話哂我都係衝著佢而來。可惜今日唔記得左點太陽蛋，黎到變左熟蛋，失策啊～不過薑蔥撈麵係唔會令我失望架，好多薑蔥好多汁，真係只有香港先有嘅味道。五香肉丁都冇乜好評價嘅地方，而滷水雞翼就一如既往入哂味。一個麵有三個餸真係好滿足啊～另外仲點少得奶茶呢，雖然熱係好飲啲，不過出面三十幾度，真係需要降下溫～ 奶茶好滑，茶味濃，不過少甜都係偏甜呢～

一心諗住黎試下 係咪真係咁好食名過於實 好普通茶記既質素 收成60蚊出面擺滿哂喼 都知係做遊客生意叫左碟龍蝦汁雞扒撈丁 求其到不得了樓下茶記仲好食過佢 個名就好聽但係碟野黎到 啲公仔面好似擺左好耐咁 乾爭爭 先唔評論碟野 而係侍應態度好差你唔鍾意做可以唔做 但唔該唔好搵啲客黎出氣 條友仲要覺得自己好岩 檢討下啦 同時間巳經有人同侍應嘈到起哂鋼 差在未打交 呢啲人都可以請返黎做既？

由細食到大既蘭芳園，細細個已經係中環食佢撈丁長大！今日同朋友去食個下午茶，當然第一時間叫佢杯奶茶啦， 之後再襯返個菠蘿油我同奶油多。點知依家啲奶茶個味道真係失望，冇乜茶味。個菠蘿油都冇特色

同屋企人行街行到攰攰地，諗住揾個地方飲杯嘢坐下😚舖頭主打懷舊風格，仲貼咗好多譚詠麟嘅相🤣#香脆奶油豬仔包 ($18)😋好味指數：(6.5/10)豬仔包一向都冇得輸!好脆嘅豬仔包🐷咬落去聽到索索聲😆加埋啲練奶同牛油真係好正😍#咸牛肉三文治 ($20)😋好味指數：(5/10)咸牛肉嘅份量勁小😞淨係得中間有，咬側邊嘅時候就係齋食白麵包😡#傳統咖央西多士 ($25)😋好味指數：(6.5/10)熱辣辣嘅西多脹卜卜望起上嚟好吸引😳 食到甜甜地嘅咖央味(不過唔夠多🤔)，再加小小糖漿就夠晒😚#絲襪奶茶 ($20)😋好味指數：(7/10)奶茶飲落去的確係幾滑🤔 咁落去甜甜地嘅奶味，又飲到茶嘅甘味😚後記💁🏻‍♀其實係食落去嘅味道都不過不失，就係普通茶嘅質素🤔.⭐溫馨小提示📌三文治烘底每件加一蚊📌最低消費每位$25

我今日又冇帶飯 所以我又拉埋我啲同事同我出去食 難得出去食喎 雖然成日想減肥食少啲 但心中嘅魔鬼就叫我去食撈丁飲茶走 當然 人係脆弱嘅 加埋我同事嘅同意 我地今次就去食蘭芳園！ 我地去到已經係一點幾 好彩我地唔多人 個到要排隊入去 好快就'攝'到我地入去搭枱 其實我地前面有好多人等緊 不過佢地五、六個人一齊 如果多人真係要早啲去等位。我入到去就叫左龍蝦汁蟹籽雞扒撈丁同茶走 佢上菜好快 個撈丁又多汁 雞扒又幾大塊 最好嘅位係佢有菜 好似幾健康咁 不過整體黎講印象唔太深刻 都只係幾好嘅撈丁 我個人認為心多多撈丁好味啲嘅（有五香肉丁、雞翼，薑蔥，豉油- 可能我重口味) 至於個茶走 姐係奶茶用煉奶沖 又滑又正有香濃茶味 每次黎到都一定要飲！

真係做遊客生意？係 無錯 真係做遊客生意大家領悟下咩意思啦🤷🏻‍♀️-豬扒包連凍飲（HKD43）細份到不得了 俾我的手掌心更細的豬扒包 見到真係O曬嘴一人兩啖就可以食完沙律醬和配料更是少得可憐完全不解為什麼值這個價錢明明大把茶餐廳都做得比佢好-奶油脆脆豬（HKD15）➕奶茶（HKD22）奶油脆豬算是比較經濟的選擇了奶油份量都不少 畢竟是招牌菜不能太過敷衍了事吧-奶茶...比起華嫂的樽仔奶茶還是差了點感覺未夠華嫂的濃滑和茶香而且...很過分的是🙄🙄🙄🙄奶茶只倒了7/10滿給食客但都算是不錯的了如果華嫂的奶茶有十分，這裏的大約有7分吧😂-不過坐得很不舒服唔會再黎尖沙嘴的蘭芳園了🤮🌟Rate:4/10

有位同事之前被調職，今日終於回歸和我們一齊工作，所以中午便決定去大家都鍾意的"蘭芳園"食午餐，由於餐廳好受遊客歡迎，經常都門口排長隊，估唔到今次去到無人排，所以侍應就好快安排左坐位，入到餐廳眼看都已全部坐滿。因為都唔係第一次食，唔駛點睇餐牌，就落單要碗豬軟骨喇沙，配奶油豬仔包，另外要杯餐廳出名的"茶走", 同事就叫左個豬扒蕃茄通粉喇沙湯唔太辣，有少少椰香，豬軟骨煮得非常淋，加上又入晒味，另外豬仔包外表睇落似好硬，但食落好鬆軟，還有塗上奶油，味道一流，而杯奶茶更加唔錯，奶和茶的比例啱啱好，十分香滑。

相信冇人未聽過蘭芳園，不過尖沙咀呢間蘭芳園就開左係個唔出名既商場地庫！唔好以為佢會少人！一樣咁多人幫親！（懷疑香港旅遊書有推介）冇得拎飛，滿座就係出面排隊！齊人先入得！行李箱唔入得！要放係門口！我次次去都食同一個餐😁😁由佢$50 食到而家$56 😫😩物價真係漲得好快！喇沙湯底+豬肋骨+米粉+厚多士+凍檸水（加$3）大家叫野食之前記得諗清諗楚！事關啲大哥大姐態度麻麻！叫慢啲叫錯左都會爆你！喇沙湯底真係唔錯！超港式！有喇沙味，但係冇左好多個啲唔食得既香料！麵既粉量適中，但因為仲有個厚多士/豬仔包，所以成個餐係超飽！豬肋骨大約有2-3件！煲到好「林」，今日咸左啲！有半隻鹵水蛋同埋一小堆椰菜！重點係個厚多士！超好味！個多士「hong」得剛好，一啲都唔會過龍，加埋牛油同煉奶！好正呀！勁飽！衝衝來衝衝去！食完好走啦！唔係比人話！