Video
2-min walk from Exit A3, Wan Chai MTR Station
continue reading
Telephone
26684068
Opening Hours
Today
08:00 - 21:30
Mon - Sun
08:00 - 21:30
Above information is for reference only. Please check details with the restaurant.
仲有佢～ULTRAMAN😅 今次特別啲出咗相先，因為都係因為個名同中西合璧嘅裝修同食物吸引而來。中午食晏時間，好彩仲有一張枱唔使等，仲要係卡位～正。首先出場係～乾炒牛河，先試一口～鑊氣夠，小油乾身（係每個人想要果隻），唔太鹹但夠味，難得係好多片牛肉，仲要大大塊淋但又有咬口，水準之上嘅作品。芋絲春卷～唔油膩脆口～不錯。鳳爪～比較失色，味道偏淡，汁都唔多滴，無任何嘢墊底，真係花生都無粒。鮑魚糯米雞～係有一粒仔一蚊大小鮑魚，但個糯米雞size大隻過珍珠雞，又細隻過“大家樂”果啲,一個人勉強夠食，二個人就到喉唔到肺。加埋凍奶茶同咖啡，埋單$290價錢中規中矩，此終喺灣仔區，起碼食晏時間，我哋二個人座卡位，佢哋都無「質」人落嚟座夠4人。👍P.s.要讚個戴眼鏡嘅肥哥哥，見到枱面上有二滴辣椒醬，佢好細心咁幫我哋抹咗去，我諗今時今日無乜邊間會有人咁做，肥哥哥同管理層～好嘢！回頭度：6/10
continue reading
星期五晚上和朋友想找一家小菜館食中菜，路經灣仔的瀾之茶居，見裝修頗懷舊特別，仲做緊超人迪加主題，朋友覺得很有趣可以一試。餐廳嘅裝修同格局有點介乎茶餐廳同茶居嘅感覺，加上牆上貼滿了一啲經典嘅電影海報，確實營造出一股復古懷舊嘅氣氛。阿瀾咕嚕肉 $128這個咕嚕肉感覺係用傳統嘅做法，酸酸甜甜嘅味道一上枱就聞到，而且炸得酥脆肉嫩，推介！甘哥叉燒餐包 $13 /個甘哥叉燒餐包果然名不虛傳，外皮焗得有點脆皮嘅感覺，叉燒嘅餡料亦都做得唔錯，不過如果餡料再多一點就更好。估計叉燒包都相當受歡迎，我們晚餐嘅時段已經賣剩最後一個。😅總括而言，餐廳的服務一般，亦不是茶餐廳嘅價錢。但食物嘅味道和水準都不錯，餐廳裝修亦都有心思有氣氛，值得一試。
continue reading
超人x懷舊，打卡可以一試，茶餐廳式座位舒適，下午茶點心一般，奶茶香滑，叉燒包似墨西哥包式、珍珠雞有小鮑魚、燒賣上加海膽，叫做有些少特色，適合帶外國朋友來試，價錢略貴，雖然比現金有九五折。
continue reading
爛還是瀾. 叉燒包唔熱皮唔香脆. 糯米雞乾爭爭. 牛肚係是日最好味的，唔會 overcooked 亦無 over seasoning. 咸水角皮唔起珠，饀轉左做蝦一啲都唔惹味. 鶉𪂹蛋燒賣啲蝦無味#咸旦超人茶居#純gimmick#只適宜用來呃遊客#被騙的本地居民
continue reading
貴，份量少，味道對不起價錢，茶味淡如水。伙記淨識收碟，但同時枱頭打開左既茶壺可以視而不見，要主動招呼伙記加水。以「曲」下單而又不吝加一。「懷舊裝修」十分膠，處處透出廉價情懷。衛生狀況見人見智，總有對衛生無所追求之人見之樂意。蘿蔔糕一夾就散，椒鹽魷魚鬚皮肉分離，十多元一粒乾身蝦餃要以茶解乾，十多元一個普通奶黃包但從餐牌上無從知悉實為迷你版本，唯一可足道者，就係蝦餃蝦肉總算新鮮彈牙。如果有興趣比高級價錢享受質素極端一般之食物，份量又可以令你叫完又叫，咁比高價入場與超人打卡係一個唔錯既消閒活動。絕對是經典適合初來乍到不知物價幾何既遊客，又或是家有餘財而又對飲食無所追求，只求新奇既貴客上佳顯示財力之選。滿廳亦難以聽到本地語言，有處身神州之感。
continue reading