燈籠滷味 (登龍街) (Closed)

叫咗外賣，好失望啲花枝丸竟然同甜不辣係同一個味道，十分普通！絲瓜煮完之後都係黐埋一舊，真係唔知咩玩法都唔敢食…. 成碗麵$60絕對唔值咁嘅價錢！真係去食車仔麵好過….唔會再幫襯！

每次想食車仔麵既時候，多數就會選擇嚟到燈籠滷味，貪佢地既配料較特別又有台式飲品，今次就叫左：🍜午餐E - 自由是個好東西：大腸+白蘿蔔+甜不辣+米線底($44)每次嚟到都會點呢個餐，因為比較好控制份量。大腸已經煮到入曬味，不過有部份係肥腸所以脂肪比較多，白蘿蔔清甜無根，而甜不辣就有啲煙韌感咁幾好食。配料每次都比得幾多，不過麵底就時大時細，今次尚算夠食，而且滷水亦偏鹹左啲🤏🏻🐥海苔鹽酥雞(午市套餐加配優惠+$19)每粒都係一口size，調味啱啱好，炸皮炸得脆口乾身，但入面既雞肉一啲都唔乾，一份大概有8粒，非常抵食👍🏻🧋清新冬瓜仙草檸檬(午市套餐加配優惠+13)食完濃味野飲返杯清新啲既飲品啱啱好，叫左半糖半冰所以飲落唔太甜，都飲到少少檸檬味，仙草唔算多，味道中規中矩整體嚟講呢度係個想係車仔麵既好選擇，價錢豐儉由人，又可以感受下台式風味，只係次次嚟質素都唔一樣，如果可以穩定啲就更好了

燈籠滷味🏮之前都有食過幾次估唔到銅鑼灣嘅燈籠滷味會喺登龍街🤣真係好多”燈籠/登龍”🤭但呢間有別於其他分店專食滷味加粉麵 即係好似我地香港既車仔麵咁小食都仲有提供 反而蛋餅就無了🥲——————————————————🍴牛腱肉($25)+百頁豆腐($12)+甜不辣($12)+王子麵($12)望落份量唔算好多 可能揀咗王子麵嘅關係 本身麵餅都唔大成兜都好重口味🫢滷味都算入味係百頁豆腐入面差少少🤏🏻湯既份量唔會比太多 似撈麵多啲湯都偏咸㗎❗️飲完會有些少口渴💦牛腱肉同甜不辣好推薦大家叫😎牛腱肉食完唔會痴牙😂甜不辣十分煙韌有咬口王子麵都幾”索”湯底 重口味人士可以揀佢😏——————————————————🍴海苔鹽酥雞(跟餐+$19)分量都有六 七粒👍🏻叫完仲可以同朋友share一齊食食落都幾脆 唔會淋晒不過你話似唔似喺台灣食 就爭咁少少😆

▪️𝑺𝒆𝒍𝒇-𝒄𝒉𝒐𝒔𝒆𝒏 𝑻𝒐𝒑𝒑𝒊𝒏𝒈𝒔 𝑳𝒐𝒎𝒆𝒊 𝑵𝒐𝒐𝒅𝒍𝒆 $68ʙᴇᴇғ ᴛʀɪᴘᴇ . ʀᴀᴅɪsʜ . ᴄʜᴇᴡʏ ᴛᴏғᴜ . ᴅᴜᴄᴋ ʙʟᴏᴏᴅ . ʙᴇᴀɴ ɴᴏᴏᴅʟᴇ蜂巢牛肚 . 白蘿蔔 . 百頁豆腐 . 鴨血 . 冬粉.The flavor of this taiwanese "車仔麵" is not quite what I expected. It's more lean to the healthy chinese soup flavor, instead of the sweet soy sauce style. However, I'm quite into this especially when the bean noodles soaked up the soap very well. The beef honeycomb tripe and chewy tofu were great in terms of the textures, but all the toppings couldn't pick up the flavor as

依加係CWB 反工，要周圍搵下好野食，登龍街一向都多野食。之前見到朗豪坊開左間燈籠滷味，一直都好好奇。今日就試試佢。餐廳有兩層，係lunch time 既時段都好快有位。特選牛餐E 自由是個好東西 台灣直送水蓮菜/蜂巢牛肚/鴨血+稻庭烏龍麵 HK$66唔知係咪因為係二樓既原因，湯既份量比較少，佢既滷水汁同香港既好唔同，唔甜，比較重香料同咸咸地，整體黎講有少少淡。烏龍麵就即係烏冬，雖然比較幼身，但都唔會太淋太軟。水蓮係香港比較少地方會見到，所以必點。牛肚就偏咸，鴨血就真係普普通通，而且湯底偏淡，冇咩味道。午市小食 – 海苔鹽酥雞 HK$19個人比較重口味，鹽酥雞唔夠咸，但係都夠酥脆。冬瓜茶 HK$11份量黎講，對於我呢啲比較大食既女仔，加埋小食岩岩好夠飽，不過lunch 食太飽好易眼訓存嘛。食得唔重口味既人黎講應該會幾鐘意。

呢間台灣過江龍由2020年在香港開業，每次行過都見到大排長龍，就算宜家旺角，葵芳，中環開左分店都仲係要等位！台灣風味，滷水食品，每款餸及麵由$9-$25不等。① 招牌燈籠滷味豬耳朵 $12 / 大腸 $12 / 空心菜（通菜）$11 / 王子麵 $12去到台灣我幾鍾意食滷味同滷肉飯，但響呢度食我覺得似係食緊滷水汁撈車仔麵，價錢唔算平，啲餸味道有少少鹹，不過我鍾意加個辣椒油，好香。王子麵係台灣既老牌即食麵，我就覺得香港既公仔麵會比較爽口彈牙。② Shake Shake 海苔鹽酥雞 $42鹽酥雞加埋海苔粉，我無放落紙袋Shake，而係逐粒放落去碌滿海苔粉，雖然份量唔算多，但幾好食。.③ 台味奶茶 $22飲品無得跟餐，所以都係單點，大大杯，正正常常。.呢度人均消費都成$100，唔好話同台灣比，同普通響香港食碗車仔麵都接近相差一倍，性價比我就覺得一般。雖然食過三四次，但其實味道唔算特別出色，每次食完都唔會好高意欲再黎食。

舖頭有兩層，位多而且上菜快，所以嚟得快走得快，唔洗點排隊。整體唔會好貴，而且有種說不出嘅台灣味。*招牌燈籠滷味台灣直送水蓮菜/鴨血/甜不辣/冬粉/白蘿蔔/杏鮑菇 $74招牌有名你叫！台灣同港式滷水唔同，台式感覺比較甜，有糖香醬油香，唔會有好強烈嘅花椒八角味。鴨血唔腥，口感好，冬粉吸汁一流，又唔會太鹹。我第一次食甜不辣，有啲似魚片頭但煙韌好多。Shake Shake 海苔鹽酥雞 $42可以將鹽酥雞同海苔粉倒入紙袋shake，或者可以直接點嚟食。鹽酥雞唔似台式鹽酥雞，少少乾，整體都係好多玩好食。甘梅香脆地瓜條 $34地瓜條熱辣辣，炸到外皮金黃香脆，入面軟糯，番薯味重。可惜甘梅粉太少，唔夠點每一條地瓜條🥲

雖然香港有很多間不同的台灣菜餐廳，但是這間還是和其他間的是有一些分別的！喜歡他們家的珍珠奶茶，真的好好喝喔！店員的態度也不錯，想吃台灣的滷味就會跑來吃！好懷念喔！

銅鑼灣登龍街有好多食店，有幾間都係要排隊嘅人氣食店。今日去到想試下新嘢就去左呢間燈籠滷味。都需要排一陣先入座，入面有分上下兩層，位置都比較窄。好似車仔麵咁落單，喺紙仔上剔想食嘅嘢，款式都好多。咁就叫咗豬耳、鴨血同甜不辣。朋友就叫咗蘿蔔同貢丸，我哋都係叫王子麵。王子麵嘅麵質其實有少少似公仔麵，但份量就偏少，豬耳滷得幾入味，鴨血都係襯個麵，甜不辣就最欣賞，有台灣嘅感覺，甜甜哋煙煙韌靭。朋友叫嘅貢丸都好味，好重香菇味，但蘿蔔就好細粒，大粒返啲會更好。係銅鑼灣食一個人50幾蚊都算幾抵食嘅，下次再試埋啲小食先！

去到登龍街諗住搵嘢食，聽聞話燈籠滷味好出名，見到門口都要排一陣隊，諗住試一試。個形式就係好似車仔麵咁樣，有好多款唔同嘅送俾你選擇，咁就最後用一個大碗撈起佢。我面底選擇左稻庭烏冬，牛展，鵪鶉蛋，鴨血，叫咗個fusion版嘅炸雞，同一杯檸檬特飲。個滷味烏冬味道唔差，滷味入邊圍繞着啲酸菜味，唔鍾意嘅朋友可能會覺得唔好食，牛展好淋，入味，鵪鶉蛋就正常貨色。不過最有驚喜嘅就係鴨血，同呢個滷味味道好夾。個炸雞粒好新鮮，唔係炸定返炸咋嗰啲。紫菜粉都幾得意。不過整體來講份量比較少，分量上係有啲失望

是日晚餐嘅選擇係台灣美食燈籠滷味啱啱坐落喺登龍街，平時有好多人排隊，今晚只係得兩三個人喺門口，所以我即刻去排，等咗10分鐘左右就入到去，lucky 落單時好似車仔麵咁，喺紙仔度Tick 自己想食嘅嘢，10分鐘內就會起菜，好有效率我嗌咗豬肚、大腸、甜不辣同埋芋絲，食落去個滷水汁底好香，都幾濃味，有少少酸菜吊吓味，好夾鹽酥雞暖暖哋，附送一個紙袋，有一碟仔紫菜粉。你可以選擇點紫菜粉嚟食，或者放入袋度 shake shake，都幾好食

燈籠滷味位於銅鑼灣登龍街 一直都好出名 午市排長龍今次早去唔駛等 就好開心咁試咗 😆今次同friend 叫咗兩碗自選組合 “自由是個好東西 (自選滷味 ＋ 自選麵) “每樣 $9 - $22 不等 最貴都係肉類嗰啲💛 冬粉 白蘿蔔 木耳 百頁豆腐 花枝丸 $54 💛 蜂巢牛肚 白蘿蔔 杏鮑菇 高麗菜 $52 滷水味好香 食材索晒d 味 👍🏻 最鍾意食牛肚 又淋又入味 個人應為白蘿蔔都係必選 而且呢度最啱健身 戒緊澱粉質嘅人 可以淨係挑選蛋白質同蔬菜纖維 想點組合都可以 大碗又得 細碗又得 😉🍽 餐廳: 燈籠滷味 (登龍街)🏠 地址: 銅鑼灣登龍街39號地下#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram

因為鍾意食芋圓，就搜尋到銅鑼灣嘅燈籠滷味，見到有咁多好評，就買兩碗芋圓外賣，喺店外等咗一陣有得攞啦，返到屋企打開，每碗嘅份量只係得半碗滿，有一碗仲少過半碗，唔通而家啲食材真係咁貴，定係因為外賣，佢入晒袋先比客人，就可以咁樣呃人，睇到OpenRice啲相，堂食嘅份量都唔係咁細碗，到底係用咩標準，要賺錢都唔係咁呀丫，頓時覺得好氣憤，覺得呢間店好唔老實，我唔係俾半碗幾錢喎，冇收平我喎。下次一定唔會再幫襯，大家可以睇吓相。

想要更多食物推介 follow me on openrice/instagram👉🏻@joyceous.tummy 👈🏻 🚌係登龍街🤑價錢約 $100-200🪑店內裝飾幾台式 仲播坐台灣歌 好係去左台灣gum🤪二人抗疫套餐 $178Ⓙ Shake shake 海苔鹽酥雞呢個幾特色 唔係好多餐廳有配shake shake 粉 好似shake shake薯條gum 配左紫菜粉 幾香口 鹽酥雞炸得幾香脆Ⓙ 古早滷肉飯個滷肉飯幾入味 d滷肉亦肥瘦適中Ⓙ 指定滷味配自選麵 指定滷味包左蹄膀、豬耳朵、甜不辣、麻吉燒、豆腐、蘿蔔、通菜、杏鮑菇麵可選冬粉/王子麵/油麵/米線 頭兩個都係餐廳推薦Ⓙ 配兩杯台式飲品今次試的茉香奶綠同奶茶都不錯 另外都可選茉香綠茶/台灣紅茶/柚子綠茶/荔枝紅茶/冬瓜茶

燈籠滷味雖然好出名，但為食貓一直都未有機會試前幾日經過銅鑼灣，終於有機會試到啦😝果然名不虛傳，係幾好味嘅為食貓買咗個外賣2人餐返屋企食，係op買要$210，但原來係舖頭買外賣只需要$170……真係蝕到入肉個2人餐有海苔炸雞、八款配料嘅滷水面、細滷肉飯，同埋2杯台式飲品如果以$170嚟講，真係幾抵個炸雞不過不失，但個滷水面又幾入味，好大碗，配埋d辣椒油更加好食至於2杯野飲都唔會太甜，抵讚！為食貓覺得以呢個價錢嚟講，食到呢個質素嘅食物都已經覺得好ok‼️