燈籠滷味 (德福廣場1期)

Open Now

Now Closed

一直都想試下燈籠滷味，因覺得個店名好搞笑，佢終於開到九龍灣德福啦，咁近就放工過黎試下先😗都幾多人食喎，雖然未使等位，但都不斷有人入坐㗎。餐牌同二人餐內容差不多，咁就叫呢個燈籠飽飽二人餐啦，唔使諗😆⭐招牌燈籠滷味本身已有六款滷味，而蔬菜就揀左花椰菜，麵類就揀左米線。啲滷味真係滷得好入味，個人最愛百頁豆腐同牛肚，蘿蔔都正，鮮甜無渣。花椰菜即係西蘭花，真係唔知原來台灣咁叫，我淨係知西蘭花仲會叫做百加利咋😆⭐人氣台式小吃呢度就揀左起司麻薯，哈哈，一向鍾意食芝士年糕，試下台灣版先😆外脆內軟正呀～⭐地道夜市小吃今次就揀左麻辣鴨血冬粉，入口先嚐到甜味，個麻同辣係漸漸滲出嚟，刺激但不嗆喉，多芫茜正喎😍⭐餐後甜點九份經典芋圓珍珠同芋圓煙煙韌韌有咬口，甜湯幾好味，但個人覺得太細碗唔夠兩個人分，哈哈，至愛甜食嘛。⭐台式特飲朋友話天氣凍要飲熱嘅柚子綠茶，自己就揀左凍茉香奶綠，要半糖。柚子蜜配上綠茶又幾夾喎😋茉香奶綠個茶底香，半糖嘅甜度我覺得啱啱好。加埋一$265，商場價算幾抵食啦。

❣︎ 燈籠滷味終於開到黎九龍灣😍靠招牌滷味係香港越開越多分店以QR Code落單 夠方便👍🏻環境以木系為主 員工服務態度非常好 值得一讚👍🏻♡⋯⋯食評⋯⋯♡ ☻ 4.3/5 ✨招牌燈籠滷味推介·雞翅膀 $16·白蘿蔔 $13·絲瓜（翠肉瓜）$11·花干(炸豆腐) $12·冬粉 $14招牌點可以唔試下幾大碗好過性價比味道好天然 食完唔口渴👍🏻✨海苔鹽酥雞 $52Shake shake 薯條試得多鹽酥雞係第一次幾鐘意呢隻海苔粉 好香😏味道海苔味濃郁 雞件冇骨炸至酥脆 幾正👍🏻✨燈籠芋見你 $48鐘意芋泥的話呢個岩哂大大粒芋泥波波加上紅豆等多種配料滋味甜到入心✨柚子烏龍茶 $27✨冷泡桂花烏龍 $26

知燈籠滷味都有唔少分店，見係九龍灣開左新分店，於是同朋友黎食。環境裝潢同服務都好好。用餐係上網點餐，非常方便。 冷泡桂花烏龍$26冷泡茶令茶葉既香味更加突出，濃郁清新，岩晒食完滷味，可解腻。 甘梅香脆地瓜條$40即叫即炸，甘梅酸酸甜甜，地瓜條大條鮮味十足，外脆內軟。 懷舊排骨滷肉飯$78配菜同飯量都十足，唔同既酸菜同雞蛋都好入味，排骨炸得好香脆，外皮好脆，內裡豬肉好幼滑，一食就停唔到口。 紅燒牛筋肉滷肉飯$80平時多數配面食，但原來配飯都有另一種風味，有好多塊牛筋肉，有咬口又入味。滷肉濃郁有口感。

在九龍灣返工時見到這間新店開了，所以今日借和友人交收名義，就約她吃飯，順便會一會這間新店，之前在旺角都有光顧過這間店，看看九龍灣分店又會不會另我有驚喜，因為我們都算早吃晚飯，所以去到便可以直接進去，內裡環境整潔光猛，還很多卡位，我們坐下後就當然看看有什麼特色食物。看看餐牌，這間店有一些九龍灣限定的餐，但我們想吃多種類食物，所以便決定散叫，我們看了一會，就拍板點了幾款特色食物。首先，我叫了一杯清新冬瓜仙草檸檬，友人叫了一杯滋潤桂圓紅棗蜜。清新冬瓜仙草檸檬，內有仙草，檸檬，冬瓜茶不是太甜，仙草份量都可以。檸檬都清新，這個配搭都不錯。滋潤桂圓紅棗蜜，友人說都不會很甜，很有紅棗的香味，還有飲到桂圓都味道，這個是秋冬不二之選。來到這裡當然少不了叫幾款滷味試下，我們今天選了三款滷味，一款是蜂巢牛肚，一款是牛筋肉，另一款是蹄膀，來到一碗過上枱，份量大約每款四件至六件左右。蹄膀算紮實但不會硬，味道不錯，滷味汁調較得剛剛好，蹄膀有少少咬口，我就頗喜歡吃。牛筋肉大大片，牛味也很濃，有一些咬口，不會過腍，也不會太硬，還有很香的滷水味，大人細路都啱吃。蜂巢牛肚都算腍，大細適中，味道和其他兩款一樣，基本三款滷味

九龍灣德福商場終於開咗燈籠滷味。好耐以前曾經吃過旺角分店嘅燈籠滷味，當時已經覺得好好食。九龍灣終於開咗，就可以經常幫襯。餐廳座位闊落，耳目簡約為主。座位舒適。餐牌選擇豐富，更設有德福新店嘅限定餐牌。台式餐廳當然不能錯過吃滷味，台式小食，及珍珠奶茶。我們最後叫了以下食品。1.招牌燈籠滷味推介（$ 77）➰蜂巢牛肚：非常爽口，入味的牛肚及彈牙➰鴨珍：食滷味不能錯過的鴨珍，非常有口感。➰白蘿蔔：非常入味，冇渣，原腍的蘿蔔➰大豆皮：好大的豆皮，給滿滿的滷味汁。➰冬粉：台灣當然不能錯過吃冬粉2.奶油芋泥、肉鬆、起司（$62）滿滿的餡料，飽滿了芋泥，滿滿的肉鬆，及奶油芝士，外皮非常脆口，內裏充滿着滿滿的餡料，好吃的蛋餅。3.麻辣鴨血野菜冬粉（$54）愛吃辣的人必吃麻辣冬粉，非常麻和辣。鴨血亦吸滿麻辣汁。4.柚子檸檬茶（$ 29）5.燈籠黑糖珍珠奶茶（$ 33）珍珠煙韌，不郁會太淋和太粉。 味道不錯的黑糖珍珠奶茶🧋

Lunch同班同事黎食 台灣師大夜市過黎 整身好期待叫左招牌滷味食… 點知個面咸到食左一半已經食唔落… 飲品全部只有原價，最平係$22杯然後我地7人叫左4次服務員幫我地加水第1個：轉頭第2個：等等第3個：好呀 第4個：一陣……最後頂唔順自己起身拎點知倒完水之後坐底 個店員一句聲都唔出就咁拎番個水壺走今時今日咁既服務態度完全不能接受下次lunch都唔會再去價錢 味道 服務態度都無樣得切記無位都唔好去食 圖附上同事食唔落既飯以示警告⚠️

見返工附近開左分店，放Lunch就同同事一齊黎食。之前有係銅鑼灣食過麵，都正常好食，會encore。但今次食飯就真係中伏，落單叫左個紅燒牛肉滷肉飯，d牛肉騷味極重，放落口都要嘔返出黎，其實個飯名應該正名紅騷牛肉滷肉飯。🤬🤬🤬咁好la，80蚊一個飯，無野飲送，清水都要問先俾既，另外就叫左個大甲芋泥鮮奶沙冰，點知拉圾香芋奶精扮鮮奶，再加d芋泥渣俾你，簡直騙案！！！ 我以後都唔會再幫襯！😡😡😡

午餐想試下新開嘅燈籠鹵味，叫左大腸、百頁豆腐、高麗菜、王子麵。 個鹵味湯底加王子麵好鹹，鹹到想係咁飲水。由於我地無叫飲品，就問侍應拎幾杯水。由於食物真係太鹹，我哋問職員加水叫咗四個職員加水，個個都話遲啲先，完全冇人想真係幫我哋。最後朋友行去櫃檯自己拎隻支水，點知一斟完個即刻行埋嚟一手搶走支水，一句唔好意思或者問我哋用完未都冇，勁無禮貌。 食物差，無禮貌 ，無下次。 麻煩睇吓員工服務水準，否則好快冇人幫襯。

*大腸+百頁豆腐+甜不辣+大豆皮＋冬粉底(姐係粉絲) - 湯底甜甜地咁，大腸夠味，豆腐麻麻地，甜不辣彈牙好好食～大豆皮同冬粉索曬湯 果然我揀得好呀!回味四熱滷(雞翼+大腸+白蘿蔔+空心菜) - 白蘿蔔好甜，我偷食左2舊...媽咪清曬已經係最好既認同😂＊甘梅香脆地瓜條 - 話梅粉酸酸地更加帶出左蕃薯嘅甜📍燈籠滷味九龍灣偉業街33號德福廣場1期1樓F23號舖

見到新開張~就試下 lunch啦伏到冇朋友~絕對冇第2次，野食難食~野飲難飲寫過咁多食評，呢間唔以話 the bad of the bad先講聲稱招牌珍珠奶茶珍珠煮得唔諗~硬的。。。超難消化茶又唔好飲~澳門賭場的免費珍珠鮮奶好飲過多多聲食物方面lunch set的雞飯，d 雞鞋十十 ,配料雪菜同樣難食叫左個冬粉，超失敗個湯底。唔知咩汁，唔好味，絕對冇下次就算免費都唔會再來食1粉1飯加兩杯買一送一的野飲都22x蚊真係唔駛選呢間