劉森記麵家 (桂林街)

Open Now

Now Closed

黎到深水埗 實在太多美食 貴有貴食 平有平食 可謂豐儉由人 今日就同大家分享一間心水餐廳 劉森記點可能大家都知道佢好出名同又好食 咁好野不坊再三介紹本人就極之欣賞店家仍每日以人手醃製酸蘿蔔 酸酸辣辣 好開胃口 有說店家之所以醃製 乃當年開店時是以露天方式開檔 夏天日曬 令到人無胃口 所以店主特意醃製 以令客人可以開胃 拎到必嗌薑蔥蝦子黑栢業撈麵 新鮮牛栢業原本顏色係黑色 坊間所見既白色係經過處理 食落無咁爽口 另外此店既撈麵係用竹升按壓 令到麵條食落更爽更有咬口

專登岀去深水埗買野，新鮮同急凍始終都有啲分別，要咗半打生雲吞半打水餃🥟，共51蚊，WFH 簡單之選，皮薄，口收得好，煮唔會散，之前食過有啲個口收得好厚。涵新鮮，特別係水餃，木耳，荀👍

那天週末，我請兩位好姊妹先到深水埗食 weekend lunch！然後，讓其中一位帶我們到深水埗福華街買揮春！她建議去深水埗桂林街那間傳統老字號竹昇麵店 <劉森記麵家>！內有好幾張圓枱，由於，限聚令關係，只限兩人一枱，我哋一行3人要分開兩枱真無癮！餐牌劉森記最出名是蝦籽竹昇麵！自家制醃蘿蔔桌上有樽醃蘿蔔，是不能錯過的開胃小食， 入口清爽又酸香醒胃！但未至於激酸，恰到好處！蝦子薑蔥黑柏葉撈麵 $46好姊妹食蝦子黑柏葉撈麵，店方選用黑柏葉！蝦子牛筋牛腩撈麵 $46大量的蝦子密密麻麻鋪滿麵條表面，蝦子帶出輕微脆脆口感及鹹鮮！麵條均勻黏上很多蝦子， 幼身的麵質入口爽彈，為保持彈性，加入鹼水也在所難免，就算有鹼水味也被中和了！牛筋牛腩份量都算幾多，兩者煮到好腍好入味又沒有韌勁，香濃腩汁，跟蝦子雙重鮮味！另配有清湯，帶有魚鮮又有韮王清香，不錯喝！

第一次幫襯。應該唔會有下次因為有大把選擇。見佢話出名竹升麵所以試吓。叫咗蝦子雲吞鵝腸面攞上車食。湯底得個咸字，冇乜味。最離譜係明明叫咗鵝腸，竟然俾咗牛柏葉。如果我唔食牛肉咁點呢？總括嚟講係班人好似冇乜心機做生意咁。諗住幫襯下小店，冇下次。

今天終於的起心肝，山長水遠由柴灣去到這間享負盛名的麵家，大約等了10分鍾左右至入座。店內環境偏狹窄，但對小弟來說，食品質數至為重要。叫了一碗雲吞麵，當雲吞麵上桌在我目前，見到麵嘅賣相，我已心感不妙。第一啖入口，感覺啲麵完全唔彈牙，湯頭得個甜字，淡而無味。至於雲吞，救命呀！都唔知係乜雲吞嚟嘅，入面啲餡料完全無味嘅。我唔知佢憑乜嘢可以賣到$36蚊一碗,唔通就憑貼左蔡瀾幅相出嚟？唉！如今要食碗正宗夾好味嘅雲吞麵真係好難，請經營者用心啲啦。

48蚊價位既麵，個麵除左鹼水味乜味都冇，淨係靠面頭既蝦子吊味，食到下面要乾哽，餃入面又有蝦殼，唔怪得少左咁多客以前個撈麵唔單止唔會成陣鹼水味，仲有少少油香同調味，就算食到冇蝦子既部分都唔會好似白焯麵咁坐低20分鐘左右，未食完，呀姐就鬧我食得慢，仲叫出面等位既客人入來坐我個位，變相迫我未食完就要走呢間野幾個月就加一次價，但係質素就不斷下降，以前每台都有免費既醃蘿蔔，而家一係台上冇，一係就得個空瓶唔補，好明顯愈做愈冇心，純係想D客入去快快手食完就死返出去自問食面要半個鐘既就唔好入去，免得呀姐要用盡方法趕你走，俾錢買難受

老牌嘅麵舖好似買少見少,反而拉麵舖，好食嘅或唔好食嘅，一區都有幾間。但傳統麵食嘅溫暖感，係拉麵搵唔到。劉森記最出名嘅係佢嘅蝦籽竹昇麵。有時想要啲刺激感會叫雞腸蝦籽撈麵。但人生平平淡淡都係樂趣，所以其實我更愛佢嘅蝦籽湯米，有時會配水餃，有時會撘雲吞，都食得寫意。佢嘅米粉唔係東莞米粉，係有啲彎彎曲曲嘅河源米粉，正好可以撈埋湯裏面啲蝦籽一齊食。仲有，唔好錯過佢啲醃蘿蔔。我諗唔少人都為咗佢嘅醃蘿蔔再訪😉

劉森記依然堅持自家製的竹早麵, 對我而言還是值得尊敬. 畢竟用竹竿壓麵吃力之餘, 效率也不討好. 麵的質素真的能保持水準, 用上湖南鴨蛋蛋香味濃, 雞蛋不是重點, 沒有討厭的鹼水味. 以撈麵形式沒有任何的吸湯, 更能感受其爽勁. 加上海量咸香的蝦子, 同樣爽口的黑柏葉及鵝腸, 就是我來這裡最常點的配搭. 至於雲吞的水準, 我覺得不如麵般高, 麥文記等做得比它更為出色就是.自從永華麵家結業後, 要吃到酸醃蘿蔔, 而我又有認知的, 也許只有劉森記, 口感清爽而且酸甜度平均, 是麵前麵後開胃消滯的良品. 另外比較少提及的, 其用來點鵝腸及牛柏葉的辣椒豉油也相當可喜, 鹹鹹辣辣更能提出前者的鮮味, 這些配角的水準也是令劉森記在米芝連加持後, 光環不會太快掉下來的因素.

⭐️深水涉傳統老字號麵家【劉森記】⭐️如果有一日要選一間食店吃一世，【劉森記】蝦子撈麵一定在我這張清單上，因為吃極都不會厭😂。每隔一段時間都要去吃😋，每次一定叫蝦子撈麵，滿滿的蝦子蓋在自家制彈牙的竹昇麵上，牛肉軟身，鵝腸爽口無肥膏！而檯上有無限添食秘制酸蘿蔔😋，酸味不濃又爽脆，每次吃完都很滿足。🍜蝦子牛肉鵝腸撈麵🇭🇰【劉森記麵家】📍香港九龍深水埗桂林街48號地鋪📍香港九龍深水埗福榮街80號地鋪

再吃的是回憶，以前很喜歡食呢間雲吞麵舖，老闆不吝嗇， 因為有大大樽酸蘿蔔放喺枱面 可以話叫做「任食 」呢一日我想食嘅係酸蘿蔔， 年紀大了 還是食一小碟就好。 呢度嘅酸蘿蔔真係好好食 粒粒爽脆 酸甜度適中， 記憶中找尋以前呢樽 煮醃酸入面仲有紅蘿蔔（好似係.... ）而家只有粒粒立方的白蘿蔔。然而這店我喜歡到舊鋪，舊有裝修總存有一種味道，雲吞河是我最喜歡的， 脹卜卜的雲吞餡料堆滿蝦， 有大地魚味道， 河粉滑滑的， 河粉夾起來是一條一條的，不是碎濕濕，不需考筷功，不用像吃糊仔般。 湯頭亦清甜， 我最鍾意加大紅浙醋吊起一陣陣鮮味。最後他們是沒有蔥，我仲聲大大叫多蔥，是韭黃來的，也不好意思要加添，這些配料都是帶出香味來源喔！而價錢平民化，只是34蚊加黑豆漿7蚊，雖然我沒有飽飽感覺，但很滿意整體味道。

劉森記係傳統老字號，出名自家制竹昇麵，黑柏葉，蝦子撈麵，醃酸蘿蔔，已經食過好多次，真係全部都好好食！🍴蝦子牛筋牛腩撈麵 $46蝦子，牛筋牛腩份量都算幾多，牛筋牛腩煮到好淋好入味，好香濃腩汁味，一咬就斷，唔會韌，麵撈埋蝦子超級香口，啲麵好爽口彈牙，手打嘅竹昇麵真係好唔同㗎，冇鹼水味！食完成個面都唔會好Heavy！嗰醃嘅酸蘿蔔真係好好食，爽口又唔會太酸，可以減輕牛腩嘅油膩感，同麵真係絕配呀！無論外賣定堂食都一定要試酸蘿蔔！個湯係好清香，略帶少少胡椒味，好濃大地魚味，食麵口乾就飲啖湯perfect match!推薦指數: 10/10真係我食過全香港最好食嘅牛腩撈麵，去深水埗一定要試呀！記得記得一定要食本店先好食，食過分店好似冇咁好食，冇咁正宗！

😋[]最近天氣開始變熱，收工既時候俾同事捉咗落去深水埗買風扇仔。天氣咁鬼熱，搞到個人都冇咩胃口，諗住食碗粉麵就算。同事話想食劉森記，反正有人諗食咩，我就當然卻之不恭跟住行😝請原諒我冇為個撈麵好好影番張相，開頭以為普通撈麵，冇諗過食完會想介紹俾大家🙈🙈🎈蝦子雲吞/水餃撈麵 $46🎈蝦子雲吞及水餃撈麵 $52嘩，阿姐放低碟撈麵，d蝦子多到好似唔洗錢咁，鋪滿左成碟麵😲😲 雲吞同水餃都大大粒，有水準之作。我個人就比較喜歡水餃，充滿一條條木耳絲，非常有口感👍🏻我另外叫咗碟蠔油生菜，我將少少蠔油撈埋落蝦子麵度食，非常惹味又唔會咁乾😋😋🎈蝦子京都炸醬撈麵 $46我試咗同事碟麵一啖，個炸醬撈麵都幾好味，不過就會冚左蝦子既味道。感覺上有d浪費咗d蝦子🙈ps. +$7 仲可以有細既支裝汽水👍🏻👍🏻

話說很久沒有吃蝦籽撈麵，所以就來到了深水埗馳名的劉森記。🙂喜歡到這小店的原因，是因為它的酸蘿蔔很好吃，酸酸甜甜很爽口，作為前菜很開胃，而且是任食唔嬲😚🍜雲吞蝦籽撈麵之後叫了一碗雲吞蝦籽撈麵，店員先遞上一碟撈麵，撈麵軟硬適中，配上蝦籽很惹味！而最值得稱讚是雲吞，皮薄餡靚，相當鮮味。而吃幾口蝦籽麵，如果太乾的話，可以淋上雲吞湯，而湯亦跟麵很夾！😜所以識食一定要吃雲吞蝦籽撈麵，絕對是快、靚、正之選！😋

深水埗美食真係多到吃唔完！好多餐廳都係米芝蓮星級推薦的！今次我地就去左劉森記麵家！劉森記麵家在深水埗共有兩間店，個人私心就緊係推介呢間啦！這麵家早於一九五六年開店。蝦籽、竹昇麵及未經漂白的黑牛栢葉是招牌菜。劉森記麵家現由第三代傳人劉發昌先生打理。早於四十年代初，外公和父親在廣州街邊賣麵，即以前的擔挑檔。經過歲月變遷，從街邊擔挑檔，到政府政策改變前的臨時麵攤，直至現在擁有三間麵店，真的得來不易。佢地既蝦子雲吞跟撈麵，相信係好多人必叫既美食，亦係好多人都唔可以錯過既美味！係食麵之前，我非常推薦佢地擺係檯面俾大家無限添續的醃蘿蔔，爽脆又清爽，同撈麵一齊食真係超級夾啊！

真係一間酸蘿蔔出名嘅麵店，酸蘿蔔係非常出色， 10分甜，酸味少，爽口，可口，用個碗仔裝，添兩次都不為過，嘻嘻反而麵係一般的，叫咗個蝦子雲吞撈幼，OK嘅，但係麵質比林生，加咗蝦子，香味都一般，雲吞可以啦再叫咗蝦子牛筋腩撈粗，反而粗麵仲好味，加左啲腩汁，反而軟硬啱啱好，牛筋就煮得出色，軟硬適中，反而牛腩有啲柴皮咁啱第一日開工，開頭想試下鵝腸同埋黑柏葉，好可惜兩樣都冇眼見隔離個豬手都唔錯，下次會叫試吓冬菇豬手