Lava Java 咖啡西餐廳 (Closed)

在觀塘區食午飯都食到悶悶地，又係時候同啲同事們試下新野，今日同事搵到呢間環境不錯嘅cafe，而且地點又方便，在開源道和巧明街交界嘅王子大廈內。這大廈算係工商廈，客電梯同貨電梯大堂係分開入口，所以客大堂都光猛，電梯又整潔，唔會有貨物出出入入。入到餐廳內，初時以為地方就是一眼睇晒，咁細嘅！？但原來係仲有得再入去，內裡地方都算寬敞，環境光猛，餐牌上都有好多款餐供選擇，而且又可以補差價選擇餐牌上其他特色飲品或甜品，因為餐只包普通咖啡/茶。各同事選擇嘅午餐都好好味，午餐C,D,E,F,H中，特別喜歡H炸龍利魚他他汁配薯條，炸魚又脆又大件，薯條熱辣辣脆口。由於太香脆啦，所以忘記拍照就食左。煙鴨胸黑松露忌廉汁炒烏冬都好好味，而且有好多年煙鴨胸架。但C餐豬扒就有點韌，不過就有2件大扒。特色飲品亦都好有驚喜好好味。總體來說都好好味，可以番兜再食。