羅麥記 (奧海城2期) (Closed)

大年初二來到羅麥記開餐，本想嘆一暵開年下午茶，但祇有常餐，選擇了沙爹牛肉包​和北海道牛奶咖啡凍飲 。美祿牛奶包和蜜糖檸檬熱紅茶。沙爹牛肉包，牛肉足料多汁，有乾爽紫椰菜絲伴吃，頗不錯。造型不錯的美綠牛奶包很甜美，不過價錢略嫌貴了！ 只是多了美祿粉，其實和一般奶醬多差不多，也可能就是貴在個造型了。家人的蜜蜂檸檬熱紅茶 ，蜜糖比較杰身， 蜜糖自己添加是可取的方式。我的北海道咖啡凍飲外型不錯，味道也很好，有奶的滑溜口感，也有咖啡的香濃很喜歡。新春加一收小費，這個我覺得可以接受。

2/5食物一般，朋友叫都可以再試下其他嘅。Is was just okay, might still give other food a chance.(中英雙語，Chinese and English review)乳鴿一般，皮唔脆，肉小小乾。多汁非常嘅鴛鴦炒飯，啲汁味道又麻麻地，入邊嗰啲蝦肉同雞肉，一個就無蝦味得個爽字，一個就醃到軟哂。芝士豬頸肉撈公仔麵，芝士汁味道還可以，但太杰，成個麵變一餅咁。豬勁肉乾同無豬味無調味。(Google translate)The young pigeons are average, the skin is not crisp and the meat is small and dry.Too much sauce and fried rice, the sauce tastes numb, and the shrimp and chicken not nice Pork Noodles with Cheese and Pork Noodles. The cheese sauce tastes good, but it's too thick. T

今日到奥海城逛街，逛到奧海城二期時發現了這裡原來新開了"羅麥記"，數一數都已經有好幾間分店了，上次食過CWB的分店，感覺比其他品牌的連鎖餐廳有誠意得多，今次試試奥海城這間水準如何。《羅麥雞翼 $56》招牌雞翼，每隻都幾大隻，飽滿肥美，色澤深十分入味，肉質也嫩滑。《蜂蜜豬手仔 $52》豬手比較瘦，不算肥美，肉較少也比較乾硬，這道小食較為失色。蕃茄薯仔湯煲至薯仔變蓉，味道又清又甜零味精，好喝有誠意。《芋頭油鴨肶煲 $98》- 晚市套餐還點了個是日推介，芋頭油鴨肶這道菜已經不多餐廳會做，兒時極愛，驚喜地羅麥記這裡有，當然要嚐嚐。芋頭肉和芋頭蓉帶有油鴨的咸香，芋頭蓉香滑軟糯，伴飯一流；鴨肶份量大，肉不韌又入味，整體做得不錯。奉送例湯及白飯《蠔油菜心+$28》《狂牛 +$28》《士多啤梨雪糕+雜果+利賓納梳打+爆炸糖》《焗住食(焗豬扒飯) $65》愛食焗豬的我，見到有焗豬都一定會想試，這次也不例外，醬汁豐富，豬扒夠厚，腍軟嫩滑，飯也不錯，汁潤不乾。《紅豆冰粒粒奶茶 +$28》

今日在奧運站做完野，想搵朋友食晚飯，即時打比住奧運站朋友同我食飯，佢難得得閒同我食，佢話佢樓下開左羅麥記，決定去試一試。都見人流好多，見人好多人食牛扒，就叫左一個黑椒汁配牛扒 要全熟，出奇地 全熟啲肉 好軟熟 ，蜜糖炸魷魚鬚 好特別，都幾好味 避風塘軟殼蟹炒麵 我個人比較覺得辣 。

今日經過奧海城見到新開咗一間羅麥記以試下新嘢嘅心態就入咗去食飯入邊環境新淨又好光猛茶餐廳嚟講呢度嘅嘢食款式都真係幾多Menu整得好靚見到啲圖都流曬口水想試多啲唔同嘅款式所以嗌咗一款主食同埋幾款小食羅麥雞翼 (5隻)雞翼用咗鹵水汁顏色都好深滷得唔錯食落辣辣地 麥sir乳鴿仔 乳鴿仔會切開四件 新鮮炸起 個皮好脆蝦多士 (5件)呢款蝦多士係第一次食面頭嘅蝦好香口夠鬆脆麵包炸得外脆內軟入面真係好軟腍再配埋沙律醬好好食香草紐西蘭羊架呢個紐西蘭羊架真係好大份足足有三大件羊架煮得好軟腍 羊味幾濃配菜仲有薯菜西蘭花同埋蕃茄 狂牛平時都係食開黑牛白牛估唔到呢度有狂牛雪糕上面仲有啲爆炸糖好得意個底仲有好多椰果 菠蘿粒粒冰呢杯菠蘿冰入面真係有菠蘿嘅粒粒冰

今日難得一天可以提早下班，人家三口去到奧海城行街食飯，見到有一間新開餐廳，而且都好爆場，所以就來試下。等了10分鐘左右就到我們了，在晚市時段，只需等10分鐘，很有效率。

今日放工約咗朋友去奧海城羅麥記食晚飯 依間好有懷舊風味嘅茶餐廳，食物款式多，座位寬敞舒服雞翼就食得多不過避風塘雞翼就第一次食雞翼肥美入味咬落香脆，好好味丫~朋友好鐘意食乳鴿，依間餐廳都有幾款口味選擇，我地揀咗麥sir乳鴿仔外皮好脆，肉質嫩滑又香乳鴿味大大碟既「哈哈哈炒飯」先$68，兩個share食絕對夠曬，材料亦都好豐富，蝦膏、蝦米、蝦球，上面再加啲肉鬆食落香口又有口感見天氣開始涼，所以叫咗杯生薑蜂蜜水潤下，依杯野飲好足料，薑味唔會好辣，蜂蜜可以自己按喜好落yummy

今晚黎左呢間港式懷舊冰室開飯, 無論店內店外都充滿老香港風味羅麥雞翼即係瑞士汁雞翼, 呈深啡色, 非常入味, 仲可揀辣同唔辣 七彩銀針粉好少冰室有銀針粉食, 用上芽菜、蘿蔔絲、肉絲、芝麻、蛋絲、青蔥 … 炒成,  炒得夠乾身, 夠鑊氣, 大推大推芝士波菜吞拿魚焗通粉表面鋪上大量焗到微焦, 而且加入波菜碎 & 吞拿魚嘅白汁, 味道唔會太濃, 簡單又好味沙嗲牛肉包份量超大, 長長嘅熱狗包, 表面烘到微脆, 中間放入沙嗲牛肉, 睇見都食指大動紅豆冰粒粒奶茶紅豆冰平時飲得多, 紅豆冰奶茶都係第一次飲, 估唔到紅豆配奶茶係咁 Match, 而且冰粒仲係用紅豆 + 奶茶整成, 就算溶晒都唔會令味道變淡

蝦多士一客有五件，每件表面都有金黃又彈牙的新鮮蝦膠，底下嘅多士麵包外層酥脆，內裏鬆軟，加埋滋味沙律醬，好好食呀芝士火腿三文治飛邊方包非常鬆軟，配上鹹香火腿同芝士，簡單又美味的三文治🥪羅麥雞翼撈通粉配炒蛋多士多士金黃香脆，半溶牛油非常邪惡😈炒蛋嫩滑有蛋香，仲有唔少蛋汁添，非常juicy！羅麥雞翼肥美又大隻，滷得好入味，鹹香美味磚頭焗豬扒飯份量十足，真係成個磚頭咁大！方包磚被挖空後加入蕃茄豬扒飯焗香，方包磚外層酥脆，內裡仲有軟棉棉麵包，好新鮮鬆軟～豬扒有好多件，肉質軟腍，豬味濃郁，配上香甜蕃茄汁，不得了啊港式熱奶茶淡奶同紅茶恰當剛好，水滾茶靚，香滑可口，係一杯非常出色的熱奶茶凍檸茶茶底香濃唔苦澀，檸檬好新鮮，酸酸甜甜好解膩紅豆冰好耐冇飲紅豆冰，叫咗一杯紅豆冰作為甜品～底下係滿滿的起沙紅豆粒，甜度適中，配上甜奶，懷舊又好味的紅豆冰

今日同媽咪係奧海城行街，見到最近開左幾間新分店既羅麥記，以香港懷舊特式做主題既冰室，俾佢既裝修吸引左入去😂除左裝修好有懷舊感之外，餐牌都落左唔少功夫！餐牌上幾乎8成之上既菜式都有圖片參考，完全唔洗估估下食咩野芝士芫茜蝦春卷 $38對於一個芫茜愛好者見到以芫荽做主打既菜式無理由唔試下佢既，春卷炸得好香脆，有淡淡既芫茜味唔會話好重磚頭焗咖喱軟殼蟹飯 $98見佢圖片賣相甘特別所以決定試一試，磚頭其實係炸過既麵包，上面就係軟殼蟹，裝住既係咖喱飯美祿牛奶包 $38最後嗌左個美祿牛奶包做甜品，麵包真係好香牛奶味好軟熟，上面有d練奶同美祿粉，唔算太甜

今晚同老公又去食羅麥記，上次食左炒粉小食，今次就叫左佢地嘅晚餐小菜 set, 每人可選一款主食，跟白飯或例湯或者轉飲品，講緊每人都係七八十蚊到，其實價錢亦都可以接受的，食物質素質都好好，熱辣辣上枱而且還加錢另外還是油菜，如果揀蒜蓉炒菜心也可都係$32, 樣樣都味道不錯。門口實唔會認錯大大隻羅麥記超牌。多款選擇實有款啱嘅土尤蒸肉餅 $72 近白飯肉餅較薄身，土尤嘅口感香味好出，肉質鬆軟餸飯一流。梅菜扣肉煲 $88好耐無食呢道邪惡嘅味美菜式了，今次見到忍唔住要叫黎食，扣肉五層肉一層肥一層瘦，食落香軟入口油脂滿瀉，梅菜嘅野味又餸飯之選。另外還加$28 叫左黑汁墨魚鬚 果然無失望，本身鐘意尤魚鬚，口感爽口彈牙，用上甜甜黑醬汁煮，包著每條尤魚鬚，好滋味！再整多個蒜蓉炒菜心，有菜有肉食得健康有好味，好粗莊嘅菜心，好甜又充滿蒜香味。

羅麥記 (大角咀)*西冷牛扒餐*係好懷舊既鐵板餐。上枱淋汁仲會有啲滋滋聲，黑椒汁夠惹味。牛扒大塊，微微焦，煎得好香口。底下係配薯角而唔係普通薯條。薯角夠脆，裏面係粉粉地薯仔既口感。*磚頭焗豬扒飯*可以嘅話喺呢度嘅signature。裝飯嘅容器變咗一個大嘅正方形厚身方包。賣相好吸引同有驚喜。裹面係蛋炒飯底，炒得夠乾身帶小小蛋香。豬扒鬆軟，都仲帶點肉汁。加埋蕃茄醬好開胃，唔覺唔覺就食哂啦。*避風塘雞翼*一客有5隻，算係飽滿既雞翼。炸到卜卜脆，外乾身，裛面帶點濕潤。咸香又小小辣仲加埋面上既炸蒜，好惹咪。但食多2隻會有較重油膩感。*蜂蜜豬手仔*有陣性但韌左少少，無咩肉食，主要食皮同筋位。*雪糕紅豆冰*奶味夠而且多，紅豆係煮爛左既紅豆。配埋雪糕，係兒時最愛。越來越小地方有得飲。

裝修很新，刻意懷舊的茶餐廳。 食物設計也很有心思，例如焗豬扒飯放進大舊麵包，西餐汁配撈麵。焗住食焗豬扒飯，$65， 茄汁不太甜，豬扒一般。無骨海南雞飯，$65，油飯不太油， 海南雞中規中矩。羅麥汁牛河，$68，羅麥汁是甜老抽豉油，像瑞士汁一樣，本來有特色幾好吃，可是汁太多，顏色賣相一般。韓式泡菜炸雞撈丁，$65， 特別，有點辣。整體來說，食物有創意，質素有改善空間。

奧海城有新野啦！！終於唔使每次落街都只喺貴食，或者食大食代啦！ 羅麥記都叫中下價位，又坐得事正👍🏻今晚就同家姐食。兩個收工餓狼叫左勁多囉😂 羅麥雞翼，磚頭軟殼蟹咖喱飯，羊架餐，時蔬，雪糕紅豆冰，仲有牛奶蜂蜜。 雞翼就不嬲都喺皇牌，大隻濃味。特別推薦磚頭軟殼蟹咖咖喱🍛飯，好多枱都有叫。我地其實都喺跟風叫😂 果然，好好食！ 咖喱味足，用麵包焗十分軟糯，軟殼蟹又大隻。好足料！其實兩個人share都好跟足夠。至於燒羊加架餐，有4條羊架骨，認真好落足料。而且燒得啱啱好，不過汁少啲會好啲。 雪糕紅豆冰好正呀！ 絕對係一個甜品黎，而唔單單喺一杯野飲。我叫的是牛奶蜂蜜，好養生😘

提早收工， 想靜靜地嘆個下午茶先回家， 所以去了附近奧海城嘅呢間懷舊茶餐廳。 之前已經去過青衣城的店， 最愛佢地嘅磚頭焗飯。呢度地方都算幾大，有好多卡座所以坐得幾舒服。因為今日我想試啲唔同啲嘅野， 我點左常餐羅麥雞翼配通粉， 加杯清涼蜂密菠蘿冰。另外再點了芝味牛肉蔥油餅卷，嘩好豐富！菠蘿冰沖得好濃味， 而且堅有粒粒菠蘿冰，好冰涼。我其實之前都有食過羅麥雞翼， 但我覺得辣版更惹味， 雞翼醬汁撈過嘅通味味道好夾。蔥油餅卷裹住厚厚一片牛肉再加大量芝士， 入口濃厚，鍾意芝士嘅一定喜歡。