羅麥記 (奧海城2期) (Closed)

奧運站奧海城商場嘅羅麥記，已經開咗一段時間，今次都係第一次來，反而其他分店都有幫襯過，每間都有不同嘅特色，今次探朋友，順便嚟食下野🤗門口招牌一睇就認得啦，而且咁快就咁旺場，中午時段都全場爆滿，仲要等位😅特式嘅土炮小食，好多選擇，真係樣樣都想食，全部都係懷舊兼係改良版，仲係香港人至Like嘅集體回憶😍招牌「蝦多士」5件$60元，又熱又軟，加上蝦肉炸得好香，沾上沙律醬，好味兼惹味😍黑汁墨魚🦑鬚$46，呢個街邊小食，竟然係呢度尋回，仲可以坐得舒舒服服，保持儀態，好爽口又夠味兼唔會咸😬再嘆埋杯雪糕紅豆冰$38，另外果杯係紅豆冰粒粒奶茶$38（可選咖啡）紅豆冰粒唔會令茶底變淡，冰粒又可以保持住冰凍嘅溫度，要之前預製的，紅豆亦夠甜夠淋，用番傳統嘅上濶而下窄嘅冰杯，別具風味👍🏻Order左一隻麥Sir乳鴿仔$56，過下口癮，即叫即炸，熱辣辣，皮香肉嫩，在口腔內滲出肉汁，果然係招牌貨色，讚👍🏻也顧不得儀態，手口並用，特別滋味，兩個人分享啱啱好😍埋單都係二百多元，人均消費大約百多元，服務態度非常好，而且效率高，難怪佢開到邊旺到邊🤗

之前喺銅鑼灣嘅時候曾經見過依家門面裝修都非常之靚嘅＜羅麥記＞， 可惜當時時間唔啱所以冇食， 但其實一直好想試！！今日去開奧海城行街 ，見到呢間新開嘅分店就二話不說入去一嚐了。唔單止門面裝修靚， 入面無論燈飾，定還是牆身既壁畫都非常之靚，睇得出設計非常有心思。咁嘅環境下食飯， 的確開心好多＜朱古力雪糕紅豆冰＞餐廳其實係食懷舊嘅港式茶餐， 要點雪糕紅豆冰是常識吧！！ 可惜雲呢拿味道雪糕已經售罄， 唯有用朱古力吧！！紅豆煲得又甜又綿，成杯凍冰冰得嚟又有淡淡奶香， 風味不言而喻＜熱蜂蜜奶茶＞港式奶茶當然是另一種風味代表作， 茶味濃郁而質地又香又滑， 再加上淡淡嘅蜂蜜清香， 甜而不膩＜磚頭焗黑椒雞扒飯＞ 黑椒雞扒飯本身亦係港式茶餐廳嘅代表作， 而家放埋入用麵包雕空製成嘅磚頭，無論味覺定視覺上都得到滿足（ 打卡一流）外皮煎得香脆的雞扒淋上超濃郁的黑椒汁後還加上芝士一起去焗，本小兔同獅子老公都二話不說，第一句就讚墊底的炒飯也一點都不馬虎， 炒得非常乾身清爽， 不帶半點濕氣， 淨係個炒飯都已經非常出色！！ 連埋極濃郁嘅黑椒汁一齊食，真係回味無窮＜阿芝芝士撈麵配豬頸肉＞撈丁又係另一種邪惡破表但又令人欲罷

第一次食羅麥記簡左佢既經典菜式蝦多士蝦多士表面哂上芝麻香蔥，而厚厚的多士入口外脆內軟，爽口彈牙的蝦肉配上香脆可口既西多士，再沾上沙津醬，特別的配搭，令人培感驚喜。紅豆冰粒粒奶茶麥sir乳鴿仔乳鴿仔燒得香脆，乳鴿肉入口嫩滑，外皮香脆，層次分明既口感磚頭焗豬扒飯焗豬扒同一般既豬扒唔同，中間系熱辣辣嘅焗豬扒飯，滿足又有香脆嘅麵包，加上份量十足。阿芝芝士撈麵配豬頸肉芝士撈麵好惹味，撈麵口感煮得爽囗彈牙，配上香煎豬頸肉，整個撈麵讓人停不了口。

咁耐無行Oylmpic 都唔知原來之前間Thai 餐廳變左羅麥記，之前一直都諗住試吓呢間餐廳，我感覺好似好傳統風味，環境好靚好有舊式香港嘅感覺。等左個friend 勁耐唯有自私食住先，叫左兩個小食：1.紅豆西多士： 好似豆沙鍋餅既感覺，似甜品😍紅豆好夠甜 估唔到咁match😍 食左甜野搞到我更肚餓😂開曬胃2.蜜糖雞翼: 呢個誠意推介，勁脆😍 配埋少少蜜糖 香脆可口 個分量都幾多有5隻 兩個人 share 就最perfect 等左好耐個fd 終於到之後再叫左個磚頭焗豬扒飯，呢個好似必叫咁 見台台都有 仲要勁大份 幾抵食 試左兩個食法都ok麵包配豬扒，變成豬扒包就咁食入面，就係焗豬扒飯最後再叫左碟菜～ 菜都好新鮮 Overall 都唔錯，Service 又幾好幾有笑容👍🏻

為左睇高達展黎左奧海城，都有一排冇黎行lu，原來哩度都開左間羅麥記，作為fans梗係要入去食啦。羅麥雞翼 $56真係次次黎到都會想食，佢既調味好味，雞翼炆得好林又入味，揀左唔辣，好快清左。梅菜腩肉炒河 $68哩碟有驚喜，第一次食哩個配搭。甜梅菜唔咸微甜，腩肉爽口唔肥，唔多油，好食，會encore菜式。蜂蜜燒豬頸肉 $45豬頸肉好爽口，算係厚切，配蜜糖甜甜地，好似bbq既味道。芝味牛肉蔥油餅卷 $48哩個襯熱食好好味，蔥油餅好香，包住好多牛肉同軟心芝士，都幾飽肚既一道小食。紅豆冰粒粒奶茶 $28跟個主食減左$10，$28飲到。哩杯招牌飲品黎，茶味出，紅豆好林又大粒，好飲。哩間行懷舊風，間間裝修都有主題。

最近奧海城開左間新既冰室叫羅麥記，之前一直想試今次終於可以去食番餐。餐廳裡面裝潢仿效傳統舊香港既冰室，頗有懷舊味道。首先叫個羅麥雞翼做小食，可以揀辣/唔辣，今次試左辣味既，醬汁有d 似瑞士汁但配埋辣椒既辣味非常惹味！雞肉亦煮到夠哂熟好淋身，正！再黎就係主菜燴牛脷意粉同埋招牌菜磚頭焗豬扒飯，意粉有d 似焗既感覺，非常入味，牛脷煮到有小小老但還好，整體都ok，焗飯就份量非常大，一個人應該食唔哂，豬扒有好多塊食極都有，對得住個價錢。

每日食飯嘅時間都非常寶貴，只有1小時，但同事們仍然鍥而不捨地追尋新事物，務求有新鮮感，因此近日奧海城開咗羅麥記，我就即刻建議大家一齊去試吓！嚟到羅麥記門口都好多人排隊，等左大約10分鐘就有位啦。入到去餐牌其實都好多嘢揀，全部都幾有特色，唯一缺點係價錢稍貴，但相比起美x香x地，又貴服務態度又差，羅麥記起碼食物有啲質素先，比都比得開心啲！入返正題， 今次我嗌左個芝士豬頸肉撈麵，好快就上菜，芝士唔會好漏，但亦都有濃濃嘅芝士味，會令你不禁想食完一啖又一啖，豬頸肉亦都非常爽口，成件事好夾，要知道坊間食芝士撈丁要整得好食都唔係咁易，羅麥記呢方面做得唔錯👍🏻另外嗌咗杯熱檸蜜，不過不失！

今天6時正😊可以提早收工，立刻約埋屋企人出街逛逛，順便食餐晚飯！因為唔想同人迫，所以約左大家在奧海城集合！先食野，後購物😌早前和朋友在屯門食過呢間(羅麥記）食物質素都唔錯，所以決定今晚帶家人再試一試！🍋西檸蜂蜜配乳鴿仔 ＄56落單先再即炸，外皮炸得香脆，肉味較清香，加點檸檬汁再沾上蜜糖，份外惹味！🐣羅麥雞翼 ＄57雞翼是必點的，可以選擇辣度，醬汁超入味，越食越惹味，肉質亦十分嫩滑，難怪見到每枱客人都有點😋😋！🦐蝦多士 ＄60炸得卜卜脆，一點都不油膩😌，加上少許芝麻，脆口得來亦帶點芝麻香，內裏的蝦膠十分彈牙，配合得剛剛好👍🏻👍🏻！懷舊香蕉船已經好少地方有得食的甜品，當然要點來打吓咭，三色雪糕再加點朱古力醬，已經好好味😌😌！

七點幾時門口都排長龍，見有很多特色小食，而且價錢都唔算貴，入去試試。飲品款式甚多，其中紅豆冰粒粒咖啡最有特色，一次過可以飲到紅豆冰同咖啡，而且咖啡味道很香，味道濃郁。蝦多士一份有五件，多士烘至鬆脆，表面舖上了蝦膠，十分彈牙。水牛芝士炸雲吞就比較一般，雲吞炸得夠脆，但皮厚餡料較少。有名你叫羅麥雞翼當然是鎮店之寶，瑞士雞翼滷得入味又嫩滑，不會過甜或過咸。蜜汁燒豬頸肉真係燒得好靚，表面又不會燒得過焦，肉質爽口帶蜜香。另一招牌羅麥汁牛河，牛河表面淋上瑞士汁，河粉爽口，不過瑞士汁較濃稠，味道帶甜香，牛肉腍滑。這個黃金叉燒炒飯就真係麻麻，炒飯不夠乾身，叉燒粒都比較少，味道不過不失。總括來說，小食及飲品都很不錯。

 香港人當然介紹最多本地餐廳因為這些地方才是我們才會常去的港式鐵板餐,上菜時散發著煙霧,份量十足港式既焗豬扒飯變化版,將飯放入整個麵包磚再焗香,可以連麵包多士一起吃！仲有粒粒紅豆的特飲！只有香港才吃得到!真真切切港式美食一位姓羅,一位麥的店主開設既羅麥記將店內裝潢成懷舊風主題餐廳,吃環境,吃美食失算了,原來份量超大,下次一人吃一份好了鐵板雜扒餐$108 跟餐湯+熱飲 (加配飯$10)轉凍飲+$3,轉特飲$18另外點了一客西冷牛扒 $98磚頭焗豬扒飯 $88 是日餐湯,係忌廉湯,質感好濃,但略為過火 飲到粒粒磨菇粒同肉粒,但味道偏淡個人還是比較喜歡紅湯,即羅宋湯 鐵板西冷牛扒餐 五成熟 配黑椒汁個人最喜歡牛扒配黑椒汁港式黑椒汁,夠濃夠辣,配上厚身肉嫩既西冷扒估唔到薯菜份量特多,差不多有一個薯仔呢!原個薯仔切條再炸脆脆口啖啖薯肉,加埋黑椒醬汁一起食,無得輸 西冷霸氣,估計最少有250克叫五成熟最好,慢慢用鐵板餘溫加熱至6-7成食起來肉味特濃,肉汁豐富,肉質細緻好嫩香吃完一份已經飽到不行了~ 鐵板雜扒配燒汁 $108 配餐湯上菜時,給整座肉扒山震撼了~底層有薯角,西蘭花,番茄片層層堆疊上的肉

經過見到之前的泰國餐廳關了門，開了羅麥記的新分店，之前都試過銅鑼灣分店， 今次這間新分店的裝修也很吸睛，很有港式懷舊玩味的風格。既然之前試過，都唔會有錯㗎喇，晚餐就決定喺度打躉。餐牌有很多選擇， 其中一版的主題是向世界撈麵， 我見到之後，「黑人問號」了一下， 又幾得意喎， 連平時我很少外出吃公仔麵， 都決定今次試一下他的芝士撈麵。豬頸肉阿芝芝士撈麵 ($55)面唔會煮得很淋， 所以配上芝士不會很濟， 芝士濃度適中，不會很heavy，豬頸肉香口，balance番creamy既芝士。 真的不錯咖哩牛腩焗飯($65) 是跟著隔離點的， 唔辣，有大舊牛腩和薯仔。新鮮焗，可以是男人的浪漫2號。 不消五分鐘便扒光了。麥sir乳鴿仔($56)芝士芫茜蝦春卷($38) 和蜂蜜炸魷魚鬚 ($52) 都不過不失.

聽聞羅麥記做懷舊菜做得出色，於是這天就帶了長輩到奧海城新開的羅麥記緬懷一番。餐廳地方大，座位多，坐得舒舒服服。而吊燈和梳化也有懷舊的味道。 蜂蜜豬手仔52 蜂蜜豬手仔脂肪比例卻低，不肥又帶筋，在豬手上塗上蜜糖;香甜可口， 與黑椒味互相平衡。 羅麥雞翼撈通粉55 羅麥雞翼的精華在於醬汁，味道甜甜的, 而雞翼肉滑而皮彈。 而且因為通粉通心的關係，醬汁都可以均勻地溶入於粉內， 讓淡淡的通粉加點羅麥汁的味道。 香草紐西蘭羊架餐 108 鐵板餐包餐湯與及餐飲， 餐湯是黃金色的龍蝦湯， 非常濃稠。 羊架以 鐵板上枱 ， 絕對是懷舊之選 。 上枱時醬汁滋滋聲 ， 鐵板烘得熱 ，是細節加分。紐西蘭羊架不肥不膩， 肉汁豐富， 質地鮮嫩誘惑。 而且以這個價錢有三大支骨，絕對抵食。 配菜有新鮮的西蘭花、蕃茄與及炸薯角，同樣 大件夾抵食。 餐飲加18元轉了紅豆冰粒奶茶 唯一美中不足的是 冰粒是普通冰粒， 沒有像menu般 有雪過的紅豆冰粒。 避風塘海鮮炒飯70 炒飯大大碟， 飯粒炒得乾身不油膩， 係加分之選。 這炒飯最 適合喜歡吃蒜頭的人， 滿滿的蒜頭味帶點辣， 勁惹味。 懷舊香蕉船

奧海城2期食店唔算多，已經乜都食過哂咁濟，今日比呢間係最高個層近去3期通道個邊既羅麥記，聽講係由兩位分別姓羅同麥既老闆開。一入舖頭已經比個裝修吸引左，係整得幾靚既，望望餐牌，食物係偏向茶記同冰室類，價錢仲要幾平，所以已經決定左今餐要食小食食飽。首先點左個避風塘鮮魷，佢係似用花枝炸，香脆唔油，不過避風塘粉可以多D。跟住係豬羅包(一豬兩食)，其實即係豬仔包，但一半係煎豬扒，一半係炸吉烈豬扒，多種口感幾豐富，個人比較鍾意煎豬扒味道多Ｄ。繼續係小食，流心粟米西多，似係西多版既心太軟，雖然切開未有個種爆漿既感覺，但粟米味好香濃，同埋應該有咸蛋黃漿係入面？！出奇地同西多好夾。炸脾薯條又點少得，雞脾生炸既，非常香脆，仲好大隻下，肉質亦唔會韌。另外點左碟菜balance下費事淨係得油炸食物，碟菜都好大碟。臨尾都係點左款主食，主要因為個賣相太特別，好想試下，呢樣就係磚頭焗豬扒飯！將焗豬扒飯放左係一大堆麵包入面，變相連個容量都可以食埋。上面既豬扒比較少骨，同埋係好幾件細細件既豬扒黎，方便夾出黎食，下面Ｄ炒飯好多，個包姆大基本上就有幾多飯，Ｄ炒飯可能真係因為比包焗住，竟然真係有陣麵包味，非常有趣。本身想試埋

今日同媽媽去了奧海城行逛，見到新開了一間茶餐廳，有些懷舊小食，而且食物種類繁多，所以同媽媽吃了晚餐。芝士芫茜蝦春卷鍾意食芫茜一定要試，芝士味道夾埋芫茜清香，味道幾特別，而且蝦肉彈牙，春卷香脆。麥SIR乳鴿仔 乳鴿外皮香脆，肉質嫩滑，而且保留了肉汁，非常juicy。芝味牛肉葱油餅卷葱油餅不是香脆的那種，反而是厚身煙煙韌韌的餅皮，裏面包著芝士及牛肉，芝味十足。鐵板香草紐西蘭羊架餐跟餐還有忌廉湯送，大碟又濃稠。羊架鐵板上菜最後煎至約七成熟剛好，羊架有三大件，肉質嫩腍又不會太騷，還有很多炸薯角伴碟。菠蘿粒粒冰& 熱生薑蜂蜜水菠蘿味道清甜，而且濃郁，不會越飲越淡；凍凍地最啱飲點薑茶暖胃。

奧海城新開左間羅麥記，中午食飯選擇又多左一個咯，走懷舊風，價錢也是親民價。全日制常餐，ABCD四個選擇，可以轉不同類型粉题麵。跟野飲加少少錢就可以飲到特飲，尢其要推薦懷舊紅豆奶茶，紅豆味十足，紅豆飽滿綿密，奶茶香滑。D餐：羅麥雞翼撈公仔麵配羅麥炒蛋多士，雞翼入味，色香味俱全，雞翼肉質嫩滑，同出前一丁公仔麵好夾。配一份羅麥炒蛋多士，牛油已經塗在多士上，很香口，炒滑蛋軟滑，蛋味濃郁。B餐，叉燒濃湯通粉，配羅麥炒蛋西多士，份量滿足，好抵食。