羅麥記 (Closed)

第一次食  附近嘅餐廳都要等位 見佢唔使 又唔太貴 抱着試試的心態避風塘炒面  個人認為油左d  而且比較辣幾濃味  食完好口渴炸洋蔥  新鮮炸出來 熱辣辣不過無乜洋蔥味  而且吉落去 粉同洋蔥已分開要點茄汁先可以食得曬以為好有特色既磚頭焗飯飯太多 汁太少  面包好硬

我在大陸工作，所以好少留香港，而這間餐廳更是少有在短期內幫襯了兩次。可能係食物及環境吸引，所以都想試吓寫個食評推介一吓。餐廳裝修帶點懷舊氣氛，服務員有禮。食物方面，我照舊order返避風塘炒麵，貪佢夠香口，可能係用蒜蓉同辣椒炒，好醒胃，最啱熱天食。另外呢度杯奶茶都好幼滑，茶味及奶味平均，幾有水準。如有機會下次試吓其他，再為大家報告。

就黎到母親節，又要唸去邊食飯，忽然間我記得最近食過一間幾有懷舊小學風味的餐廳。而且媽咪成日都覺得我倆姐弟未大咁，成日講返我哋細個D嘢，呢間就啱哂佢去懷緬一吓 一於今晚我哋一家人去食餐飯，順便慶祝母親節 一到餐廳媽咪就十分雀躍不停咁同我講店內的裝修，點，點，點，幾特別 細佬就同爸爸攞起本學生手冊開始點菜，佢哋點咗媽咪最鍾意既乳鴿(但呢度叫麥Sir乳鴿仔)，跟住就點D嘢大家Share食，開心D嘛 。 叫咗蝦多士，羅麥鷄翼，避風塘海鮮炒飯，磚頭焗豬扒飯。飲品就有，紅豆粒粒冰奶茶x2 ，北海道牛奶咖啡&奶茶。味道總括都不錯，但最有印象的係麥Sir乳鴿肉質香口幼嫩，最終我哋叫咗兩只先夠喉; 羅麥鷄翼甜甜哋辣幾好味 ；磚頭焗豬扒飯買相及味道都幾特別；飲品就最喜歡杯粒粒紅豆冰，D冰用紅豆有別於出面的一般街舖，唔錯

成日同女朋友拍拖都係食老麥下午茶，今日特別D試吓新嘢食羅麥 ...羅麥記。鍾意奶茶既我，同咖啡既佢，叫咗~紅豆冰粒粒奶茶; 北海道牛奶咖啡，奶茶同咖啡都好滑，值得一讚咖啡沒有一點燶味。另外叫了一個豬囉包，醬汁甜甜酸酸好醒胃，仲有一客美綠牛奶包，美綠味很香濃，加埋我最喜愛的煉奶係香脆既多士上，簡直正，正，正！ 值得一讚的還有它們的懷舊裝飾，我們都被給引了，忘記影相給大家睇，下次再去補返

剛過的星期日一家去看完「五個小孩的校長」，再去這間充滿懷舊小學校園氣氛的「羅麥記」餐廳正正Perfect Match.店內陳設有課室的桌，椅，牆上有黑板及粉筆做了些裝飾，還有學生手冊的menu, 跳飛機的墊枱紙，四週還有一些舊擺設很有心思。食物方面，我同媽咪就叫了一些懷舊飲品及特式食品(有...滾水蛋，美綠，避風塘牛肉炒河，磚頭芝士蝦球反，麥Sir乳鴿仔).兩個小朋友就叫咗餐牌上，一D較有趣名字的食物來試吓(豬囉包，雪糕紅豆冰，菠蘿粒粒冰，同甜品火車雪糕。*滾水蛋&美綠，我相信宜家香港冇乜邊間餐廳或茶餐廳可飮得到*避風塘炒牛河，辣辣炒得夠乾身；磚頭芝士蝦球反，蝦好爽，芝士溶係D反同D包上面好正; 麥Sir乳鴿，   細細哋肉身更嫩滑，皮脆。我們一家人在這𥚃享受了一個又好味又歡樂的晚餐，十分滿足😄

今天我和女友路經新都城搵野食，但又吾知食乜好，甘啱行到羅麥記門口又吾須要等位就入左去，但我記得對上一次黎都有2個月了，今次我和女友每人點左二個焗飯和一個紅酒煎牛脷包，個咖哩芝士蝦焗飯好好味，咖哩辣味適中，d蝦好鮮嫩彈牙，我女友叫左個牛脷焗意粉，d牛脷都ok,個茄汁同意粉都比想像中好食，最後加個紅酒牛脷包，估吾到牛脷同紅酒汁會甘 match，整體羅麥記食物質數都吾錯，下次會在黎。

一值都想試下佢個磚頭焗飯，咁啱之前做團購$180買$90，所以長途跋涉走入將軍澳試下！磚頭飯真係超失望，蝦係白烚完放上面再淋D完全無咖哩味既汁上，個蝦同個汁完全無味，不過好在可以問佢攞汁點麵包食，如果無，我相信個麵包一定食唔落避風塘魷魚超油，炸得唔夠乾身，唔脆 ，$58得7舊太小雞肶薯條比較好，雞肶即炸夠熱皮夠脆團購用左$90，補返$10，即係$100，都ok既，如果正價真係好唔抵

呢間茶餐廳的menu上唔知點解特別多焗飯，芝士焗又有，白汁焗又有，茄汁焗又有，鴛鴦汁(茄汁和白汁)焗都有。叫了一個窩蛋芝士焗雞皇飯，同埋一個美祿牛奶飽。呢個焗飯賣相就幾靚，不過估唔到咁淡！雖然吃清淡啲係好，但芝士焗飯總應有點濃味或鹹味吧！這是我吃過最淡味的芝士焗飯！啲雞OK，無咩味。原以爲加了隻窩蛋會好味啲，但原來窩蛋味同芝士味是格格不入的！兩者不能調和！窩蛋芝士焗雞皇飯令人失望，但美祿牛奶飽就非常不錯。美祿粉真係好香，粘埋啲煉奶度食，簡直是完美組合。麵包也鬆軟。好有小朋友食品的感覺。

無選擇之中嘅選擇，今晚去左羅麥記開飯，磚頭焗豬扒飯，豬扒又鞋又韌，茄汁又稠又無蕃茄味，唔好味！磚頭焗咖喱芝士蝦球飯，咖哩汁又稠又無咖哩香味完全唔好味！磚頭麵包好大個，飯都好多，不過餸就好少，唔夠汁所以攞左碗汁，因為飯太乾想要多碗汁，職員話第二碗汁要收六蚊，但餐牌又無註明加汁要另收費喎，不過檯上有個紙牌寫明如顧客需要可向職員拿取醬汁，咁即係點呢？

三個人 6:30左右入座 所以唔洗等位野食都唔係等好耐 10分鐘倒開始黎紅酒煎牛脷D牛脷好淋的 但個味冇乜特別 個汁係平時茶餐廳個種疑似蕃茄汁磚頭焗豬扒飯其實就係普通焗豬扒飯擺左o係個麵包入面...汁入面有一兩塊洋蔥同伴碟有粒車厘茄 典型茶餐廳只為肉食者服務既做法佢有寫明可以叫佢加汁 唔加汁係冇辦法食到咁大個麵包既但事實上係冇可能食曬 只係一個徒增food waste既食品蝦多士好好奇佢點整 個包脆脆地 舊蝦似係炸既不過一咬落去就覺得好多油 所以一定要點伴碟個他他醬味道ok既由於得三個人 知道磚頭飯會好飽好飽 所以淨係點左3樣野menu入面除左有一碟菜可以揀 有南瓜野菌焗飯 印象中都係無菜餐牌waiter比較鍾意呆企 而且店面裝修又隔住隔住 所以有少少難叫人serve

食羅麥記已經兩次了,一早一晚,兩次都忘了寫食評,今晚吃之前沒吃過的,上次吃晚餐已說下次要食磚頭飯,即是用方包挖空中間部份加上飯,上面加餸,今次叫了豬扒,香濃的蕃茄汁,麵包軟硬適中,豬扒合格水準,吃了飯麵包還可叫人拿咖哩汁蕃茄汁等點來吃,我們點了咖哩汁,不過覺得蕃茄汁好味些,而且好味過澳門那邊吃到的;墨汁墨魚鬚,食醬汁味道,我相信墨魚味道都差不多吧;羅麥記炒牛河,是濕炒的,河粉夠滑,牛肉就冇乜味,又係汁料夠哂味,所以我相信呢度都幾"師傅",還點了一杯粒粒紅荳奶茶,紅荳太甜茶就香滑的;好,下次再吃其他十大必食

3個人去叫咗1個避風塘海鮮炒飯，1個蕃茄醬焗牛脷意大利粉同1個推介嘅白汁海鮮磚頭飯，重有3杯粒粒紅豆奶茶。炒飯正常ok,意大利粉d牛脷勁難食，最差係佢哋嘅推介磚頭飯麵包多飯少，皮不單止唔脆，底重有一點點黑色，應該係焗爐灰。最後嗰杯粒粒紅豆奶茶最搵笨，貨不對辦，又話係粒粒紅豆雪响冰粒裏面,都唔係嘅，只係簡單嘅奶茶裏面放咗d紅豆落去，失望。

帶寶貝女去將軍澳學完游水，在新都城商場內，發現了一間類似茶餐廳、但又與一般茶餐廳有所不同的餐室，名字叫羅麥記。餐廳主題玩懷舊冰室feel:阿芝芝士撈麵:羅麥辣雞翼:麥sir乳鴿仔:避風塘炒牛河:磚頭焗豬扒飯:美祿牛奶麵包:紅豆冰粒粒奶茶:小忌廉紅豆奶茶:雖然唔係特別好味，但睇得出menu花過心思，這點是值得欣賞的。阿芝芝士撈麵偏鹹和麵身有點漿身，磚頭豬扒飯豬扒頗乾，美祿牛奶麵包太甜, 其餘都不過不失，當中以紅豆冰粒粒奶茶最好味和特別，有心思設計菜式名稱是好的，但身物質素麻麻，要多加努力!

羅麥記的三間店我也幫襯過, 以餐廳裝修來說我更愛這間, 模擬學校的裝修確實能捉實消費者青澀的記憶。踏進校門, 老師早晨, 彷彿整間學校由操場、禮堂至課室都濃縮在這範圍內。課室書檯 (餐檯凳) 更有假的破壞痕跡, 令我不禁想起有那個學生會無頑皮過 點了兒時喜愛的菠蘿冰, 現在的味道比那時候複雜, 因為是果汁做底。酥炸魷魚卷 ... 若然選用的魷魚厚肉、新鮮, 並沒有不好吃的理由。  炸皮薄也不油膩, 魷魚入口彈牙, 並撒有椒鹽, 襯熱吃吧!羅麥雞翼通粉 ... 主打的羅麥雞翼, 味道甜豉油香, 雞翼大隻又入味, 加上頗腍的快熟通心粉, 這肯定是我幼稚園、小學時代的常餐。老師再見~

通常星期五放工後，都會同老公周圍去試下新野，今次去到將軍澳，見到羅麥記幾特別就入去試下~~~羅麥記D裝修好特別好懷舊，待應著既制服都係學生裝，以校園作為主題，令人期待既一餐，可惜去到門口，企係門口既姐姐仔木口木面，講野冇尾音，態度有點那個姐姐仔安排左兩人座位比我地，二人位張枱比較細，好啦~坐低可以開始叫野食，嘩~好多款式，好多野都想試呀~~先來一杯紅豆冰粒粒奶茶，這杯店舖推介既奶茶，起初以為普普通通，點知原來每粒冰裡面都有紅豆好特別丫，奶茶很滑，奶同茶適中，D冰溶化後有D似冰沙，口感一流，好好味，值得一試再來香煎牛脷, 牛脷好淋，可口，有驚喜再來麥SIR乳鴿仔，乳鴿仔名不虛傳，夠細隻，皮脆肉有點硬身，比較普通。。。最後當然要試下佢地既磚頭啦，我地揀左磚頭海鮮焗飯，海鮮都算足料，而且夠創意，但味道真係麻麻，後尾叫佢地比多個咖喱汁我地點，um...都係白汁好D...題外話待應們都比較發呆，每次叫佢地都要叫幾次，心諗同學們你地訓醒未丫, 要上堂啦~~