羅麥記 (Closed)

雞髀炸得非常香脆，唔會好多油，又唔會炸到好乾水，入口外脆內滑，雞肉 嫩滑，唔會有雞蘇味，好味！雞脾夠大隻，唔會骨大過肉，咬落啖啖肉，Good 呀！避風塘海鮮炒飯比想像之中預計冇咁辣，愛辣既朋友會失望了！炒飯炒得頗有水準，粒粒飯都好乾身，夠鑊氣！

服務態度好,環境乾淨,最緊要係D野好好味,又有學生優惠,紅日買特飲仲會半價,而且又唔洗等感耐,真係好,下次會再黎,就連我朋友都話,好後悔無簡到雞翼撈丁黎食,唔食得辣嘅朋友都可以試下,因為真心唔係好辣,就連唔食得辣嘅我都真心推薦大家一定要去試一試哦

自上次第一次食過羅麥記後就念念不忘今次黎到將軍奧行街 竟然見到都有分店梗係入去食啦間分店嘅裝修同銅鑼灣嗰間唔同銅鑼灣比較懷舊冰室感覺將軍奧就似一間學校今次試咗個蟹子蛋上菜嗰時真係有少少無奈啲蟹子飛到周圍都係賣相唔得 食落係凍嘅蛋 蛋黃creamy似蛋沙律整體食落試過一般 下次吾再叫反而王牌嘅芝士豬頸肉撈面有驚喜熱辣辣芝士撈埋成個面好惹味豬頸肉好林 同個面非常夾仲叫咗一個小食炸雞比即叫即炸 所以都等左10至15分鐘先有個皮好硊熱辣辣 不過有少少咸所以我無食晒成個皮 淨食肉

懷舊裝修舖越開越多,但有幾多間又靚又好食,見佢越開越多分店又唔太貴就試多次為左迎合香港人貪新鮮同多心餐牌又多左鐵板燒芝味牛肉蔥油餅-牛肉用滑牛片但食唔出肉味,蔥油餅都一樣俾芝士蓋晒味道,鐘意食芝士朋友一定要試,芝味好濃又多要趁熱食,但都偏貴2條要$45咖哩牛腩焗飯-咖哩味夠濃夠辣不似一般開定咖哩漿,牛腩好多但太瘦好黐牙,如果加牛筋仲正,飲乾爽一粒粒冇米碎避風塘軟殼蟹炒麵-軟殼蟹即叫即炸但唔油夠脆,炒麵夠味又唔會過咸但有小小偏油膩,炸蒜好失望又唔脆又唔香得咸同油味但整體食賣相之外食物都算唔差

呢間餐廳裝潢很特別，牆身有黑板又有壁報板，入面的內容都幾有心思，而卡位用上乒乓桌的設計，令我充滿那些年之感因為病病地，所以要食得清淡啲，叫左個常餐（海南雞絲米粉+多士炒蛋+熱檸茶）。炒蛋都幾滑，應該落左唔少奶去炒；雞米好好食，雞肉份量以茶餐計叫ok多，最正係湯底有幾香的麻油味！

由於老公有coupon,,所以才與家人一行四人到此吃晚餐點了兩款磚頭款&蝦多士share來吃分別是茄汁豬扒及白汁海鮮蝦多士焗得香口,,但蝦膠不算多茄汁豬扒磚頭飯比白汁海鮮磚頭飯好吃茄汁豬扒味道香濃用麵包盒盛載著飯麵包沾茄汁吃挺好吃!!都包也香香脆脆的~白汁海鮮有青口有蝦等但白汁較稀,,味道較淡另點了紅豆冰&紅豆冰粒粒奶茶奶茶香滑,,紅豆不會過甜,,味道恰好!!用的是奶茶冰,,冰溶了也不會沖淡奶茶味!!

開張時大排長龍，在網上見过佢有團購，但冇買，今天見道道都好多人排隊，但佢竟然有位，於是就入座了。四周佈置都好有懷式情懷。座下了水都冇一杯。不過，只要你order, 待應都会應下你，記得就比你。Order左个鐵板餐，有豬，牛，雞，腸仔及煙肉，配薯條。份量就夠，黑椒汁拎出來前已幫你淋上，汁唔夠味。薯條冇任何酱汁提供！所有肉都好普通，雪藏貨，只係有點睇頭！食食下，見对面枱order个炒麵，又心思思order多一個，海鮮炒麵，賣相唔錯，一大堆辣味粒粒在上面，幾好味。麵炒得恰到好處，但唔係爽，不太油，d海鮮就omg, 雪藏味又重，冇味道得个样，尤魚，蝦，一小塊炸魚柳，唔掂

媽媽節將近，媽媽提議將軍澳購買禮物，一到埔見到有間酒樓，阿媽二話不說訂今晚食飯，幸好全full冇得食！哈哈！又可以食中菜以外的食物！經過羅麥記算比較小人的一間,等一陣已經有位，阿媽見隔離枱個個都叫好大個包，佢話要試，叫左個咖哩大蝦焗包飯，黎到又好香，但個汁嚴重唔夠超小，又冇乜辣味，大蝦大隻得黎又冇味道，最好食反而係麵包焗到外脆內軟，之後發現枱上面有個牌話可以問佢拿汁點麵包，佢明知自己汁小，點解唔連飯一齊出呢！之後爸爸叫左羊架餐，呢個唔舖，羊架好淋有肉汁，黑椒汁做得好出色，薯條都可以！我二個餐三個人都食唔到！

剛離開朋友的寶琳家，一心想同圍逛逛周圍的商場順道shopping一番，抬頭看到新都城2樓有很多食店，貪吃的我又怎會輕易放過這個機會去搜索美食。羅麥記聽朋友說得多，一間避風塘式的特式餐廳，風格特別，裝修吸睛。既然被吸引來，就看看這裡的食物能否都把我吸引得食一篇好的食評。食店位於新都城2樓。寶琳地鐵站出商場後向左行上一層電梯繼續向前行一分鐘左右。坐位以4人枱為主，有部分的6人枱放在一旁。坐得比較密，人與人之距離很近。被侍應安排坐在母子旁邊，但這對母子由我們坐下開始嘈交整整5分鐘，侍應見我們想離開，竟然立即安排到另一邊位置坐低，服務一讚。menu有大概10版的食物，相片可以反映食物賣相，同時間亦令我肚子打鼓。種類雖然類似茶餐廳，但卻帶點特式，例如紅豆冰，冰就是用紅豆沙雪藏，確保紅豆冰溶化都不會被溝淡，想得周到。我們點了蔥油撈丁及蝦多士，等了大概8分鐘，兩種食物都被送上。蔥油撈丁（59元）跟一包麻油，麵面有一塊被煎碎的豬扒，大大件，麵旁邊放上一匙翠綠色的蔥油。這個配搭好新鮮。麵條已經用豉油撈勻，急不及待地用义將蔥油跟麵條撈起，一陣淡淡蔥油味送上鼻子。把麵條放入口，想不到蔥油跟撈了豉油的麵條味道

之前係香港仔食過一次羅麥記，雖然望落似間避風堂既茶餐廳，但裝修好靚，環境幾舒服，有啲似葵涌間瑞士咖啡室，但無一種催住你走既感覺有好多張4人木卡位，同埋有幾張6人枱，雖然舖頭唔算大，但基本用盡每一個位置擺枱。8點零鐘既星期六唔使等位，大約坐滿8成。門口已經擺左餐牌，就算真係要等位都可以睇住食咩先餐牌上食物種類都算好多，雖然都係紅豆冰，乾炒牛河，雞翼之類，但就會改變少少煮法變成特色既食品避風塘牛肉炒河 hk65大概等10分鐘左右，一碟香噴噴既河粉上枱，份量都幾大碟，豉油顏色好深，而且河粉既面舖上一層炒過既橙色粒粒，香味就係因而發出，河粉中間有蛋碎夾雜食落口第一啖，唔咸，不過辣味同少少燶味湧出，但正正係避風塘既味道（或者叫獲氣吧）。河粉剪得碎，用义畢起食都算方便，牛肉幾炒得幾淋，份量唔同，不過都幾大舊，薄既。辣椒係河粉入面都多，基本上幾難避開，如果唔係食得辣既，最好叫定杯凍飲係手。兩個人一人一啖咁食，不經不覺已經食完，雖然辣味濃，但確實炒得唔錯，牛河襯熱辣辣食算係常識吧蝦多士（5件）hk58份量幾大碟，每件成件細cupcake咁，雖然唔算好大件，但勝在焗得幾高，好鬆軟。旁邊有幾多既沙律醬，同

近期去開新都城上堂，就同同學女一致決定，每日試一間食店。記得當日既堂實在太悶太眼瞓既關係，所以就一定要搵一間有奶茶咖啡既餐廳食lunch。當日行過見到餐牌呢杯粒粒奶茶，大家就決定入去一試。如果單叫就$38，跟食物再叫特飲就只係加$18，杯奶茶一到，最吸引我既就係粒“紅豆冰”，整粒紅豆冰係用奶茶雪成粒狀，當慢慢飲時，粒冰就會慢慢解凍，所以茶味並未因為冰量而減淡，食完碟麵再飲番都仍然有好濃奶茶味，而且重係好滑添！當個個都叫撈丁撈麵時，我就第一次見用腐乳來撈，愛試新口味既我，當時要一試。可惜‥‥‥腐乳味重左，就算撈開之後，個人覺得都係重左少少，而且麵身煮得太“林”，再加上腐乳汁，無左麵應有既彈性，好彩就係雞扒入味嫩滑，帶有腐乳味都係一個幾特別既煮法。

難得今日放假來到將軍澳行街見到一間好似校園既餐廳比佢吸引住，內裏裝修有我地以前讀書的枱櫈，牆上仲有返學既壁報 籃球場等，簡直自身於讀書時期，食物方面我地點左闊佬炒飯及避風塘炒麵。大約十分鐘首先上抬係闊佬炒飯，佢既甜酸汁 調教得岩岩好不會過酸而令一邊的白汁我本人覺得ok冇乜特別整體都吾差，好味。 香港主題餐廳至今吾算多，希望羅麥記給予多些懷舊食物使香港及香港人延續下去。

和朋友睇完戲後經過，門口看到樓面裝修和食物圖片似乎幾好便試一試。因為都幾肚餓，我同朋友各自叫左茄牛麵同咖哩牛飯，價錢尚可以接受，等了差不多十分鐘，食物都送上來，先講茄牛麵，茄湯底正常，但係牛肉係急凍牛及只有雪味沒有其他味，四十幾蚊碗麵要求鮮牛唔算太過份吧，咁你重要比急凍牛都算，但無理由 "un" 加雪味重呀嘛！個丁麵煮得太淋，食左幾啖已經頂唔順要停口嘞，超級揾笨！置於朋友個咖哩牛飯算係合理D，起碼個汁正常，D飯唔硬，牛肉夠咬口。飲品還可以，不過自己果餐就用左六十幾蚊飲杯野咁囉。非常失望，不會再來幫襯。

吴好食，叫奶茶红豆冰同什么面包猪扒饭。D 饭同埋面包痴埋一旧。。。食食下个面包仲穿埋！奶茶红豆冰入面只有10粒红豆！ 奶又少冰又多！又贵又吴好食。。。。。。。bye bye

背景是貯物櫃及黑板，畫滿圖案及字句，"記住L,記住M,記住LM"LM應該是指羅麥吧。雞翼愈食愈咸，配麵或通粉更好 唔凍唔熱，45蚊份量都幾多，食到滯滯地 磚頭蕃茄豬扒飯，蕃茄汁比連鎖店的差，磚頭好大個，要幾個人分享，才可消滅。原想試其他汁，但食唔落，所以放棄了。