羅麥記 (V City) (Closed)

趁長週末出外遊玩數天，晚上九時才回到屯門站，選擇去羅麥記食個晚餐。以六七十年代為主題，這餐廳已經吃過數次，勝在地點方便不用等用位。店內冷清，選擇坐卡位，剛入坐店員已告知10關門，沒關係，才9:01而已，我們吃完東西也想早點回家。點了磚頭焗豬扒飯，等候期間，店員開始叫其他客人結帳。豬扒飯剛來不久，正在影相，一名男店員過來不發一言，探身伸手拿走放在枱面裡面的單，就是他的肢體跨越我們的食物食物在他腋下....好嘔心！然後著我們結帳還沒到9時半，有這麼急切嗎？即使你急，也可以請我們拿給你吧？毫無衛生常識，妄顧客人感受又無禮！店員的行為影響食慾。磚頭就係一件大方包，挖空中間把炒飯放進去，上面再放數件炸豬扒焗，淋上茄汁再焗。豬扒軟硬適度，可惜有點雪味‧飯粒分明，唯缺蛋香，茄汁不鮮，整體飽肚可以。都係外脆內軟的麵包最好食。

今日去開屯門，同朋友行街見到呢間叫做羅麥記嘅餐廳，入邊嘅裝修十分懷舊，亦都好有本土香港特色，覺得幾得意所以就入去試吓呢間餐廳。揭開個餐廳嘅餐牌都有好多香港特色嘅食物，例如香港人最鍾意嘅撈麵，有雞翼撈麵，卡邦尼撈麵。亦都有西多士蝦多士等懷舊食物。我哋就比佢嗰個磚頭焗飯吸引左。佢係一個麵包入邊有焗飯，焗飯嘅選擇包括有黑椒雞扒，番茄豬扒，咖喱軟殼蟹同白汁海鮮。我哋最後呢就叫咗焗番茄豬扒飯。佢個麵包份量都好多，反而焗飯就少啲，但係豬扒嘅份量亦都好多，食一個飯已經係好滿足多到食唔晒個包😂另外我哋都叫咗一個羅麥雞翼有得揀辣或者唔辣我哋揀咗唔辣嘅。其實所謂羅麥雞翼都應該係瑞士雞翼黎嘅。飲品方面我哋就叫咗雪糕紅豆冰同粒粒紅豆冰奶茶。佢個粒粒紅豆冰奶茶特別嘅地方就係啲冰係紅豆冰嚟嘅，溶咗就會有粒粒紅豆係個奶茶入邊非常之特別。總結來講啲嘢食都好懷舊，食返以前香港嘅味道，非常值得推介！

今日又同舊同學聚舊，行過羅麥記唔算太多人，就坐低食個晚飯再吹水閒聊啦！門面裝修都係懷舊風。水吧位置舊式茶記既裝修。特色牆係懷舊的廣告海報。成間店鋪既裝修都係懷舊的風格，頗有特色。食品方面就有港式茶餐廳的傳統小食，如：瑞士雞翼、蝦多士；和新式fusion小食，如泡菜炸雞撈丁、芝士撈丁等等。今日叫左蜜桃🍑咕嚕肉，傳統港式小菜。咕嚕肉用左帶肥的豬腩肉，炸的香口，醬汁酸酸甜甜，可以食丁成碗飯都無問題🤤呢個係焗豬扒飯既fusion版😸用左一個大多士裝豬扒飯再拎去焗。麵包再焗得香口啲會更好，而且茄汁點麵包唔係太夾，如果配咖哩汁應該會更好食😋😋

V City一樓嘅餐廳聚多，較為吸睛嘅餐廳就不得不提羅麥記。佢嘅佈置都非常之懷舊，店內嘅壁畫都係充滿住香港舊式招牌。之前以為呢間餐廳都係諗住，做下游客生意，因為Vcity太多內地客嘞，未必會好食。不過試左一次之後，就真係令我改觀。門外除咗佈置啲外，食物都係非常之懷舊，例如佢哋都主打鐵板餐，不過我哋都冇叫到。真正打動到我哋嘅就係呢一碟蝦多士喇，講真，有錢都唔知去邊度食蝦多士。因為做蝦多士嘅工序繁複，而且做蝦多士嘅餐廳已經買少見少，所以一定要試下。蝦多士食落非常之鬆脆香口，嚇交易都充足，再配合沙律醬，真係perfect池冇得輸。雞扒芝士撈丁。呢個又係另一種懷舊食物，雖然係真係好邪惡，公仔麵已經夠肥個啦，仲要加埋芝士醬。不過食落真係好creamy，好幸福。口水雞撈丁。呢間餐廳都鍾意用撈丁做fusion菜，今次就佢哋就用口水雞嘅辣醬用嚟撈丁。感覺其實都幾特別，加上雞肉係用鮮雞，兩者溝埋其實都幾夾，好快就食曬成碗麵。懷舊有心思嘅佈置，再加上懷舊嘅小食，價錢當然就係比一般嘅茶餐廳貴些少啦，不過呢間餐廳都值得推薦俾大家。

今日51，買左戲票睇「復仇者聯盟4之終局之戰」，一早知有人死左，而我估中，真係佢，我最喜愛既(疑似Eric Kwok樣貌)死左sosad睇之前係附近醫下肚，食飽先，廢事睇完出睇太夜無野好食~~所以去左Vcity，本應想食小王牛肉麵，由於太多人等位，所以揀左隔離無人排隊既羅麥記，點知超級伏同唔掂。我地兩個人叫左3樣野▪羅麥雞翼5隻$55，平均$11隻，貴唔緊要，有啲水準丫，唔該!!!!! 完全係瑞士雞翼囉！店員問，要唔要辣，我答左:辣，店員仲要覆單但最後仍然係落錯單落左原味，真令人滴汗。▪忌廉汁芝士雞皇飯，中間有隻窩蛋，但唔夠生，忌廉汁，芝士同雞都完全無味，幸好有中間隻蛋咋~▪避風塘軟殼蟹炒麵，幾好味，好夠辣~~~同埋真係錯有錯著，我可以用番雞翼個汁撈黎食，超級正!!唯一美中不足就係污糟，蟹仲有好多垃圾未清理同炸得唔透

閒日夜左收工，唔係好有胃口，於是就揀左呢間係Vcity既特色茶記食野。餐廳既裝潢以懷舊香港情懷為主調，睇得出係幾有心思，再睇下餐牌，選擇都幾多，於是我點左兩個主食試下。首先講下呢個羅麥雞翼撈丁，即係瑞士雞翼撈出前一丁，雞翼好入味，撈麵亦食得出唔係剩係用番出前一丁既味粉，個醬底都唔錯。好多人話一間茶餐廳好唔好食最緊要係試佢既常餐，但因為呢度冇常餐嗌，於是我自己加左呢個羅記炒蛋，但個人認為份量偏細，味道亦冇乜大驚喜。因為一個人食關係，叫唔到好多，而且價錢唔算平（上面加埋都$8x)，建議大家去可以叫一d餐廳特色既菜式，如果叫番一般茶記都食到既野就好似唔太抵。

呢間小店食咗好多次一個人食嘢又想坐得舒服又要岩食嘅餐廳好難搵Vcity好像好多選擇但要岩口味都唔容易搵食嘢有要求真係好麻煩😂😂😂😂每一次一個人食嘢我都不自覺走到這裡因為好多人都一個人食唔怕婇尷尬😅😅都是點「蔥油撈丁」😂😂😂唔知點解咁鐘意食但呢客撈丁我極鐘愛豬扒香口份量剛好碎上係方便食嘅而麵嘅淋度剛好加上一大杯凍檸茶茶味濃郁走甜都好好飲凍飲加$6好抵飲話晒都係大商場的食店⭐️⭐️⭐️⭐️⭐️

屯門區都開始被「陸化」，好可怕。行咗大半日，被無數嘅喼碌過，想揾個地方坐低靜靜渡過一個假期已經無可能。夜晚想揾間靜啲嘅餐廳坐低，嚟到V City唔駛等位咁就呢間啦。打開餐牌，樣樣都好吸引喎。嗌咗磚頭焗蕃茄豬扒飯同埋椒鹽魷魚炒麵。响無任何期望嘅情況下，兩個餐都出色喎。「磚頭」麵包係整得好好食，麵包係一絲絲拉到出嚟，外脆內軟，配埋蕃茄醬無得頂。至於豬扒飯，就好一般啦，正常茶餐廳貨色。椒鹽魷魚炸得恰到好處，魷魚彈牙剛剛熟，炸漿唔厚唔油唔淋，整得好好食。炒麵炒得好乾身好有鑊氣，整個餐都做得好出色，一定會再嚟試其他嘢👍🏻

蝦多士是我一直喜歡吃的美食，現在怕肥不敢多吃，但是這家的蝦多士做的幾好，油炸過後 顏色也鮮亮，而且不油膩，一口氣可以吃上三塊，紅豆粒粒奶茶 ，第一次喝，很新奇，很有意思，紅豆大顆飽滿，甜甜的，好好吃！

好耐都沒有黎 《羅麥記 》了，餐牌好似都轉左好多新菜式✨今晚不太想吃飯，我選擇《雞脾撈丁》❤️雞脾肉質很嫩👍🏻而且size都幾大但整體就偏鹹左少少💦另外我Honey唔食🐮關係，本來雜扒餐有豬牛雞各一塊，都可以改成只有🐔同🐷扒👍🏻仲配埋煙肉，薯條🍟及餐湯😱味道都不錯，份量很多足夠二人食用！環境很有懷舊的感覺餐牌內的食物如紅豆冰，西多士，焗豬扒飯等等也很有特色👏🏻

位於屯門呢間羅麥記，雖然價錢比普通茶餐廳略少少貴，但裝修環境也很好，唔污糟，裝修得好似舊式懷舊feel，很不錯。平日放左工返到屯門約6點幾左右，呢段時間唔算太多人，不需等位。我最愛就是芝士焗肉醬蛋飯，好飽肚，汁夠多，送飯一流👍🏻So good另外，朱古力西多士也是我第二至愛，西多香口，配上濃郁朱古力醬，味道不錯，唔會好似傳統西多士咁落糖漿，幾特別，值得一試。最後也叫了一款小食，避風塘雞中翼，少許辣，但好惹味，好香口，令人食完一隻又一隻。真心推介的一間茶餐廳，雖然價錢少許貴，偶爾一次也不錯。

羅麥記具有地道懷舊香港風味。喜歡他的厚多士，軟滑味道適中。紅豆奶茶味美，那些用紅豆製成冰塊, 粒粒能放入口的紅豆味冰塊+奶茶,完美結合。星洲米很惹味不油膩， 瑞士汁牛河更是炒零舍野味。是我一家大細星期六日首選。

呢間餐廳個佈置非常充滿壞舊感，我食過佢個焗豬扒磚，無兩個人都唔洗旨意食得哂😂好抵食。但今次我又再次食返呢個撈雞翼丁！唔知點解佢真係可以整得好入味🤤係細碗少少，食完都唔夠飽😂

是日來vcity午膳，必定要到羅麥記，因為不用等位之餘，又價廉物美。午餐的選擇有這麼多，選擇困難証的朋友要花多一點時間消化一下。好在我是識途老馬，一下就知食什麼。就是食椒鹽豬扒飯。而同行好友就食雞翼撈通粉常餐。豬扒的份量好多，有五到六塊，而且非常惹味，還有兩條菜伴碟，都算食得健康。友人的雞翼撈通粉都不錯，雞翼有四隻，而通粉亦不算少，還配有炒蛋多士。友人說這炒蛋很滑，比平時在大快活好食得多。而餐飲可加$18元轉特飲，我倆分別叫雪糕紅豆冰和黑牛。雪糕紅豆冰就不過不失，而黑牛就是小時懷舊飲品，現在有點重溫的味道。本餐廳的出菜時間奇快，但不像是預先烹調，都是熱騰騰的，非常舒合趕時間的人。不要以為茶餐廳式的餐廳就沒有服務，店員落單會覆單，食物落枱會報菜名。出去埋單會講多謝。非常周到和殷勤。店内用餐環境又舒適，收费又不贵，真的可以多食幾次。

因為朋友住在附近，所以有時都會來這裏享用午餐。已經吃過幾次，最喜歡就是羅麥辣雞翼撈丁，瑞士汁的味道真的很開胃😍另外叫了蝦多士，油下得有點重手，可以改善😣豬扒飯的味道尚可，朋友挺喜歡的。阿華田牛奶包還可以，不吃也不可惜😂蜜糖炸魷魚鬚很好吃，鬆脆彈牙，跟蜜糖十分匹配💕