吞POT 雞煲火鍋.住家菜

Open Now

Now Closed

香港近年也流行食雞煲，呢間位於油麻地嘅雞煲店，最大特色是位置好高，望出去好舒服😌我哋試咗辣酒花螺雞煲，裡面嘅螺好入味，比雞更好吃。食完了雞煲，就加湯打邊爐😊推薦芝士響鈴，入面係芝士，比一般嘅響鈴更香。丸唔錯，好多選擇，而且都係手打，有鵝肝、蟹子、黑松露等味道，都好特別，而我最鍾意都係芝士牛肉丸。另外蔬菜拼盤都幾抵，種類好多。餐廳仲有好多款式嘅午市套餐，除咗我哋好似所有人都食緊套餐，我估味道一定好唔錯。

我哋5:30左右去到，原來而家做緊優惠，只要7:30前離座或者9:30後入座，所有配料或者小食都有半價😆好吸引！即刻叫多幾樣嘢食食下😝等咗一陣麻辣雞煲就好快嚟到，熱辣辣好香好惹味，平時唔係好食得辣嘅我都食到，辣得都幾過癮，調味做得唔錯。另外食雞煲點少得牛肉，我哋叫咗頂級牛小排，食得出係靚牛，油脂分布均勻，肉味濃郁，份量亦都慷慨☺️最後大推爆芝響鈴😜雖然好邪惡，但係真係必食，其他地方冇咁足料，呢度即叫即炸，脆卜卜好好食。7:30前我哋都飽到食唔落🤣大家記得留意特價時段，半價真係10分抵食。

雞煲係全晚最好食推滋保花膠 煮完啲雞唔會嚡熠熠 湯底好飲重慶麻辣揀咗小辣 還可以 冇咩特別.火鍋開始出事啲丸類份量少又難食 牛丸得六粒細細粒一盆收80海鮮唔新鮮都預咗 但D蠔又苦又有沙 成浸罨味好難食 本身見隔籬枱啲蠔大大件所以叫咗 食咗一啖之後就後悔 因為完全唔想繼續咬落去牛同豬就普普通通 冇咩驚喜 但係都放得落口份量正常.最難頂係班女職員態度一入到嚟佢哋唔算忙 企曬喺度但唔知做咩隔住半個場同我地講野態度係完全唔想serve, 全程西面 講野細聲又擰轉個頭扮聽唔到好彩後尾轉左男waiter 態度好咗好多至少唔使食到成肚火.總結如果嗌得啱嘢食 避開啲陷阱其實都算抵食埋單如果唔計嘢飲250 per head (10人份量）唯獨係職員態度差到以後唔會想再嚟我哋入咗去5分鐘已經講話一定冇下次😂😂

講起食火鍋，我真係有種說不完嘅熱愛。剛剛喺旺角呢一帶，發現咗一間鍋物店，閂起眼食覺得自己就係火鍋界嘅探險家，發現新大陸咁激動。我揀咗個蕃茄沙嘴湯底，啱啱好，蕃茄嘅酸甜夾雜住沙嘴嘅濃香，簡直係火鍋界嘅神仙組合😇！喇住啲餸一入底，每樣食材都似乎融合咗湯底嘅精髓。話說返騸牛，佢嘅肉質真係腍到不得了，喺口裏化開，留低淡淡嘅甘香。同蕃茄底一齊嚟，真系幾夾！仲有海中蝦，呢啲大隻嘅蝦，啖啖肉感加上那股甜頭，我差啲想直接同佢求婚咁愛。😍丸子愛好者嘅我，點可以錯過十全大寶丸？芝心牛丸真正係「寶中寶」，一咬落去，芝士嘅流心似乎爆發出千千萬萬嘅味蕾星火，好正！呢間舖陳設得簡單樸素，但係提供嘅每樣食材都「有料到」，講真，咁多選擇，即使一個星期嚟都唔驚悶！食物新鮮、味道豐富，店員服務咁貼心溫暖，唔知點解，個個都系笑咪咪，整個食體驗好過癮，唔係普通嘅開心。下次再嚟，必須再大戰一番，攻略未完既新滋味啦！🤤👍🔥

今日一行四人去呢間非常之出名既呑pot打邊爐🍲因為呢到有做promotion 係星期日至四只需like或者follow 社交平台，即可以享有全單85折優惠🎉咁就等於免加一之後仲有折🤩所以如果越多人去食就會越抵，試到多啲唔同野之後個discount 都會多啲🤣👇👇👇👇👇👇👇👇👇👇👇👇👇👇👇辣酒煮花螺$80係主角黎之前，我地都嗌左個辣酒煮花螺做餐前小食🌶️估唔到都幾辣同幾入味，而且花螺size都唔細，所以食落都食得出花螺個肉質彈牙🐚滋補螺片花膠雞煲(半隻/全隻)$238/328莱菜籃$75海中蝦$115稻庭烏冬$38而伴隨着主角而黎既就有各款邊爐配料，我地四個人食都十分足夠，而人均都只係百幾蚊🔥而晚市又有菜又有肉又有海鮮都真係唔錯🦞

今日主要黎食呢到既雞煲翅，因為平時都好少地方有得食，而某啲中菜廳又賣得非常之貴💸所以知道呢到有親民既雞煲翅食🐓就緊係要試試係咩水準啦，而湯底就再可以用黎打邊爐🫕👉🏻極品雞煲翅(半隻/全隻)$298/$378呢個就係重頭戲，真係有大大件魚翅係入面🤩而雞件既份量都多，可以睇到真係有全隻🤣另外個湯我地就咁飲都好入味🍲有啲覺得如果用黎烚火鍋配料會浪費🥹👉🏻餃餃陣(自制韭菜餃+自家制鮮蝦雲吞+自制蟹粉蟹肉雲吞+魚皮餃)$128👉🏻蟹子墨魚滑$95但見到佢餃類都有得Mix and match試哂咁多款，搞到我都心郁郁🤪好彩最後有試，果然自家制係唔同啲

同朋友約親係旺角食飯都好鐘意去呢間雞煲店食野，坐得舒服又可以一次過食雞煲同打邊爐，味道幾好冇伏，值得一試芫荽皮蛋招牌鮮魚湯鴛鴦鍋想食清清地要揀呢款，芫荽皮蛋本身可以突出食材鮮味，魚湯甜甜地幾好配料叫左牛柏葉、海中蝦同十全大寶丸牛柏葉大少剛好，食落爽口有咬口，海中蝦好大隻，用竹籖吉起食既時候更方便，好爽口🥰十全大寶丸好colourful，幾鐘意個黑松露墨魚丸，黑松露味好濃，入口彈牙好足料，手工果然正啲

呢間養生花膠雞煲係我的最愛，一定榜上有名呀，我基本上每次去香港都會同朋友去一次的。他們門店雖然不是特別大，但係收拾得好干淨整潔，最主要係靠近窗邊既風景真係好靚 ，尤其係下午黃昏時份，好靚好有感覺，靜係個景已被經加曬分。⭐滋補螺片花膠雞煲呢個係我我每次都必點既，入面既螺片肉好嫩滑有嚼勁，單睇呢個奶白色的湯汁，看著就有食慾，超香⭐頂級雪花肥牛肥牛都係當天新鮮的，看這個色澤就知道了，吃起來非常嫩滑多汁的⭐手打墨魚丸純手工製作的墨魚丸能不好吃嗎？一口下去還能爆汁的感覺，QQ彈彈我超愛⭐炸午餐肉炸出來的午餐肉我還是第一次吃的呢，🥩無諗過味道還不錯，肉質Q彈細膩有嚼勁，愈食愈過癮。⭐牛柳粒方方正正既牛柳粒，別說這個顏值還是挺高的，煮出來仲好有嚼勁，搭配蘸料好香。

突然想食雞煲做宵夜，前排約埋朋友9:30黎食雞煲，佢地9:30pm後所有火鍋配料及小食半價，好抵，今次都有叫佢地既招牌菜式，味道有驚喜其中特別推薦的菜式是辣酒煮花螺，這道料理將花螺與辣酒巧妙結合，帶來了獨特的風味，讓人回味無窮。另外，菜菜籃也是一道值得一試的好選擇，這道菜以新鮮時蔬搭配多種菇，營養豐富又美味可口滋補螺片花膠雞煲也是店內的招牌菜之一，將花膠、螺片和滋補材料一起燉煮，湯底鮮美濃郁，讓人回味無窮最後，珊瑚蚌有意想不到的驚喜，鮮美多汁的蚌肉味道鮮美又開胃

呢排突然間轉涼喇，終於涼涼地踏入冬天嘅季節，等於係打邊爐嘅季節🤣 冬天雞煲打邊爐最有feel，食左咁多間最鍾意都係吞Pot❤️我哋一行四人叫咗一個雞煲，小辣成隻雞，好香，最鍾意佢啲雞係大大隻，醬汁又惹味！ 抵食又高質。 小食叫咗個生蝦刺身，生蝦大大件，配埋旋片同埋惹味醬汁食，一流。 另外我哋叫咗個Wasabi牛柳粒，原來Wasabi係可以做中菜㗎，用嚟炒牛柳粒原來都夾到喎🤣食完雞煲就梗係要打邊爐啦！ 叫咗騸牯牛，呢個應該係佢哋新出㗎！ 見有推廣梗係要試，最鍾意吞Pot嗰啲牛，大大份，超靚紋理，呢個騸牯牛好彈牙，牛香好重，用嚟打邊爐一流！ 另外再叫埋牛柏葉，十全大寶丸等等，全部都係我打邊爐必點🤣🤣

黑面侍應。呼喝式服務。侍應都幾惡架，又背住啲客睇電話。我朋友嗌唔該，之後做手勢想叫佢俾個殼我地𢳂野食。佢勁大聲下一聲😂佢下完嗰下我即刻出聲話想要個殼，唔該。明明寫收1145，1045就熄哂冷氣。我地坐到10點9左右，走淨我地一枱，佢熄哂啲冷氣。然後坐收銀嗰個用鄉下話好大聲同另外嗰個講左句野，我望住佢聽完之後就望住我地回應番講鄉下話嗰位。感覺應該係話我地食完仲唔走，阻住佢地收工咁。唔會再去！

又來食雞煲了，之前食過佢地既雞煲翅覺得好好味，今次再黎食就揀左香辣雞煲，份量超多，雞件全部都好完整，唔會係啲頭頭尾尾，啖啖肉好juicy，食完之後可以加湯打邊爐🍲火鍋必點魚皮，外皮香脆，吸收左湯汁更惹味💚肉類叫左羊肉，本身好怕陣膻味，不過食落又唔會太重，證明真係幾新鮮，推介！另外西班牙頂級黑豚豬梅肉都好好食，豬梅肉口感軟諗，薄片好快就熟，食既時候大滿足☺️ 仲有好多野食想試，不過太飽了下次再來👍🏻

呢間火鍋雞煲店之前見唔少人介紹，野食單點不過食物都好高質，今次平日黎都好旺場，佢地晚市19:30前離座或21:30後入座火鍋配料同小食都有半價，好抵食!今次揀左芫荽皮蛋招牌鮮魚湯鴛鴦鍋，湯底好清帶魚香味，打邊爐一流我地叫左牛柏葉，淥一淥就食得，好爽口! 海中蝦大大隻，食既時候好鮮又夠彈牙，一口接一口!必點十全大寶丸🍡口味有五款，都係人手打嚟🤩五款口味中最愛「生拆蟹粉墨魚丸」，粒粒都好彈牙，蟹粉帶鹹香好惹味，下次會再黎

食過好多間雞煲都係覺得呢間最好食🤤佢地仲做緊優惠午市、晚市19:30前離座或21:30後入座火鍋配料同小食都有半價，自己就鐘意夜啲食，冇咁多人叫左個重慶麻辣雞煲，調味夠香又夠麻，鐘意食辣既朋友一定要試下，辣得黎勁惹味，雞都好大份量，肉質嫩滑，啖啖肉又夠香真係好幸福肉叫左西班牙頂級黑豚豬梅肉，豬肉煮完仲係咁軟諗，肉味都香濃，肥瘦剛剛好不會太肥另外必點十全大寶丸，好有特色，仲係手工製，黃金海膽黑墨丸特別好食，粒粒口感想會再encore

見呢間啲好評咁多，一於去試下，除左打邊爐仲有雞煲。配料款式都好多，今次試左幾款味道都唔錯，店員服務都幾好，下次會再去👍🏻湯底今次食鴛鴦鍋，蕃茄鮮魚湯底好鮮甜值得一試，味精味都唔會話太重。茼蒿平時比較少見可以叫呢款菜，吸湯後清清地幾好食，隻菜本身都好甜。封門柳大大碟，見隔離枱既牛都好新鮮，佢地既牛應該都好好食！封門柳牛味香濃，不會太肥又有口感，輕輕煮一煮就食得。青瓜特飲諗住叫啲可以消膩既飲品，呢杯好fresh不會太甜，可以叫黎飲🤤