嘉禧餐廳 (Closed)

早前約了朋友食飯兼交收，她是在中環上班，她就選擇了公司附近的小店，她說試過還不錯，重點是近，我當然沒意見啦 店子細小，但裝潢都滿有情調，情人、閨蜜來吃飯也很不錯。點餐之後就來了餐包，熱哄哄，塗上牛油熔化了，咬開面層非常香脆，而內裡軟熟。前菜是水牛城芝士配蕃茄，黑醋酸甜酸甜非常開胃，水牛城芝士就偏淡，可能蕃茄跟水牛城芝士一起吃就比較好。不過我不吃蕃茄。個人覺得甘筍湯偏酸，不是太合我口味。不過就沒有甘筍的那種怪味。雞肉肉質很嫩滑、充滿肉汁，薯蓉很順滑，馬鈴薯味道濃，淡淡的牛油香。我個人就超喜歡這個主菜，整體超好吃。Y字是用藜麥排出來，朋友就超喜歡，我就很一般。

Le Cleret 位於中環繁忙街道上，餐廳外面塗上湖水藍色，好特別餐廳比較細間，座位唔多天花掛著一盞大吊燈，牆身掛上油畫及壁燈，加埋燈光柔和，令人感覺舒適莓果填鵝肝上枱時賣相精緻，鵝肝厚道啱啱好，煎得好香，入口鬆化，夾埋莓果一齊食，酸酸地又唔膩黑松露野菌湯賣相十分靚，好吸引喜愛黑松露既我，急不及待飲一囗，湯唔稀，夾著粒粒蘑菇碎，加埋惹味黑松露香，味道提升哂芥末醬慢煮三文魚配三色藜麥三文魚魚油豐富，唔駭口，藜麥食落有咬口，呢個絕對喺健康之選食埋意大利芝士蛋糕，好満足

#fridayla_central⠀⠀⠀⠀⠀⠀⠀⠀⠀⠀⠀⠀⠀⠀⠀🇫🇷Le cleret Brassiere🔸🔸🔸🔸🔸🔸🔸🔸🔸🔸🔸🔸🔸🔸🇫🇷恬靜而高雅又帶點浪漫的法國菜🔸🔸🔸🔸🔸🔸🔸🔸🔸🔸🔸🔸🔸🔸⠀⠀⠀⠀⠀⠀⠀⠀⠀⠀⠀⠀⠀⠀⠀Le cleret Brassiere裝潢以粉藍色調為主，坐落於中環的繁華鬧市間🌃有一種曲高和寡之感😳😳 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀而餐廳內共分為兩部分，除了可以容納十數人的正廳外，開門而入會有一個小偏廳😎😎左右分別能夠坐二人😘😘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀而且兩邊各自有盞吊燈😍😍分外適合情人約會💗氣氛特別浪漫💖 ⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣由點點綠老闆開設，他旗下有兩個酒莊，及有機農場，所以用料大部分都是有機蔬菜，而Le cleret Brassiere本身就係主打試菜同私人聚會🖖🖖 ⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣嘉禧冷湯💲68💭個餐湯用左番茄西瓜同麵包混合而成👀💭伴有洋蔥碎蛋，口感好刺激😝😝💭可能未必適合普通人口味👅👅💭以麵包佐食比較夾

本來唔係好鍾意食漢堡包，但係朋友好想食所以去左，聽聞呢間餐廳的漢堡包好好食，原來就喺IFC恒生銀行總行下面。 淨係睇店外既環境，已經覺得好靚，好特別，同大街嘅擺設差別很遠。入到去個環境非常之唔錯，可以傾密計。兩個人靜靜地坐喺度，淨係飲杯野都幾好。我哋叫咗一個頭盤，係印第安吞拿魚同蟹餅，佢哋擺設得非常精緻，一食落去吞拿魚好濃郁，脂肪嘅部份比例分布剛剛好，食落口充滿魚的新鮮味道，而且好明顯佢係經過少少油剪，熱力令到吞拿魚嘅味道更為得出，表面上仲布滿左芒果嘅粒粒，酸酸地幾開胃。另外嘅蟹餅，外形有啲似薯蓉，下面配埋茄汁，蟹肉同薯仔蓉混成一體，再伴埋茄汁送落口，簡直一流。之後我哋叫咗個厚切烤豬扒三文治，非常之大件！伴埋新鮮既酸瓜同埋蕃茄，佢哋簡直係漢堡包嘅靈魂。豬扒有5cm厚，加上肉汁多，咬下去時，把乾身軟綿綿的麵包沾上了烤豬扒的味道。用刀慢慢切下，一口一口地咀嚼着，非常可口。又想簡簡單單地吃西式晚餐，這裏真是不二之選。最後我們學了一杯檸茶，結束了這次份外有情調的晚餐。若下次來吃，我會選擇套餐，每人也是三百多元，價錢合理。

今日係中環放工咁就係附近搵野食啦平時比較少係呢頂食飯所以決定周圍行下搵下d特色餐廳行行下經過呢間 見到個門口好靚呀 好有西式風格緊係急不及待入去啦叫左個set有沙律 同埋一個鱈魚2個都好好味啊個魚好新鮮好滑無用好多多餘既調味感覺好清新下次有機會再黎試下其他野先

今晚約左女朋友仔去食晚餐，突然間想食西餐，喺網上搵到呢間西餐廳就立即去試下。門面其實唔算難搵，格局OK當晚去到人比較少，可能係因為平日夜晚，而當晚我又夜收工，所以靜左少少。入去嗰陣道門有少少tricky，推唔開又拉唔郁，原來係兩邊一起打開，都幾有特色。主菜嚟啦，我地每人點左份嘉福香烤澳洲M7和牛肉眼扒，我叫五成熟，女友叫七成熟，我個人認為五成口感剛剛好，牛肉味香，入口即溶，一流！甜品也十分精美，唔會好甜，啱啱好最後點左杯cappuccino，呢個thank you都幾窩心

來到中環路過見到好天藍feel的西餐廳望下價錢係中環黎講呢間消費竟然唔貴Walk in 入去唔洗點排隊就可以入座了本人係一位食肉獸餐廳最貴都係$328我就老實不客氣點左最貴的澳洲M7和牛牛肉眼扒上菜之前上左嫌個麵包有點太硬可能我個人唔太中意呢d硬身的包主菜終於上場了肉質烤得岩岩好吃落的肉好易入口又未至於去到入口即溶的連個薯泥都整得好好味平時的薯泥好易吃淨係呢間我竟然可以吃得好乾淨仲想再吃完左之後上左個是日甜品提拉米蘇竟然配合得岩岩好唔會太甜太膩

Le Cleret 是一間法式小店，門面以粉藍色作主調，洋溢經典歐陸風格，裝潢線條感強。雖然餐桌密度稍高，但也不失舒適恬靜。 以 Lobster Carpaccio 作頭盤，Carpaccio 呈長方狀，滿布龍蝦小薄片。吃前先輕灑數滴鮮檸汁引味，才細意品評。整體而言，龍蝦小薄片沒有滲出預期中的清甜味道，鹹味稍重，並隱若透出芥末香氣。 Italian Aioli (Spaghetti with Garlic) 是是晚主食，雖然只用上蒜片作主要食材，但無損這碟麵食的吸引力。蒜片被適度煎煮，搶香味道提升了不少。意粉口感富嚼勁，除洋溢濃郁的蒜香外，更外掛一份辣勁，越吃越惹味。 這件 Cheese Cake 屬自家製作，沬茶味道，外觀優雅富線條美。相比一般芝士餅，這件作品比較淡味軟身，即使在飯局末段才享用也不太有負擔。 首次到訪 Le Cleret，雖然只簡單享用了兩三道菜式，但也有不俗的體驗。不說不知，原來餐廳在法國擁有自家酒莊，今次沒試自家出產的酒品，實在有點可惜！

在上環一帶找到一間小型的法國菜餐廳, 這裏的座位不多, 但環境舒適。首先, 店員向我們遞上了一盤麵包, 烘過的法式麵包很脆, 麵包籃亦配上一小碟牛油, 伴麵包一起吃。濃濃的法式洋蔥湯呈黑色的, 味道很濃郁, 但鹹了一點, 裏面有很多洋蔥, 很足料。我們的主菜是五穀飯配野菌。露筍伴黑松露忌廉汁。 五穀飯應該是比普通的白飯還要健康吧。飯帶有煙煙韌韌的質感, 它配上很香的忌廉汁 。這個五穀飯很creamy, 裏面亦有很多切好的野菌和幾條露筍, 我很喜歡吃野菌, 野菌很惹味, 我認為野菌配忌廉汁五穀飯很好吃。

週二傍晚去咗中環機鐵站接機，由於客人班機延誤咗成兩個鐘，一向唔係咁餓得o既小肥就喺附近覓食。沿著海皮慢慢行，路經一間粉藍色o既西餐店「Le Cleret」，有感為鬧市中難得的一片寧靜，所以就決定走入去嘆返個西式晚餐。小店樓底高高，歐陸式o既裝潢簡潔舒適。XO仔單拖晚膳，好快就應推介點咗客五殼飯主菜，另加$100包埋前菜及甜品。寫好餸，哥哥仔隨即呈上麵包籃。白麵包暖手又鬆軟。帶子雲吞（原價$128；套餐只需另加$100即包有前菜及甜品）：以魚子醬點綴o既意大利雲吞外表非常吸引。意大利雲吞皮層柔軟且夠薄身，入面o既帶子同牛油果餡則脆中帶爽，伴上南瓜蓉作調味感覺健康輕巧，但個人只係略嫌唔夠咸。有機五殼飯伴松葉蟹肉及蟹腳（$288）：有機五殼飯o既飯粒好有嚼口，濕濕地都好易入口。配上鮮甜幼嫩o既松葉蟹肉及蟹腳，菜式清新健美，實屬輕盈之選。意式奶凍（原價$68；套餐只需另加$100即包有前菜及甜品）：奶凍軟滑微甜，清涼可口，舖面o既士多啤梨及藍莓亦鮮香甜美。最後飲埋杯熱檸水作結，腸胃當真舒暢不少。

女朋友近排返工成日周圍去，今日就係中環。難得我都係附近，互相接大家放工之餘，仲可以去浪漫一下，食返個燭光晚餐。由上環行干諾道中去IFC，無意間係天橋附近發現左呢間法國餐廳。即使係夜晚，湖水藍色嘅門面裝修都好搶眼，似外國咖啡店又富有情調。我地就係咁被吸引左入去。店舖不大，大概十數個位置，幽暗環境更添浪漫。細問之下原來餐廳係法國有自己酒莊，酒品有保證，而且食物亦都係採用新鮮有機農作物。點左黑松露野菌湯，蘑菇味香濃，湯品細滑。主菜要左巴隆醋佐法式鴨脾。Duck Confit ，中文譯做油封鴨腿，係法國傳統菜式，係好耐以前未有雪櫃嘅年代，用黎保存食物嘅方式之一。鴨脾皮十分香脆，伴以大量新鮮沙律菜，再配上酸酸甜甜嘅黑醋，一啲都唔會油膩。醃鴨肉仍然保持嫩滑，鹹度適中。

藍色藍色，至愛既藍色呀，門口餐牌都係藍色既小店，有高質法國菜食，連素食都有提供。成間店都俾藍色包圍住真係好靚呀，仲有當地酒莊既相片，其實係同店名一樣。因為酒莊出既酒每張台都會有一枝，另外仲有成個飲品台都係放滿哂酒，如果係識酒之人一定要黎試。連個餐牌都係藍色架，真係超鍾意，仲要係天藍色，見到都想叫野食呀！餐具用左英國既Robert Welch，用咁靚既餐具食野個人都開心啲。先送上熱辣辣既餐包，個皮烤到超級脆，包就超軟熟。先試個湯真係啖啖蕃茄，超級濃真係食到蕃茄茸超足料。主菜有《慢煮黑毛豬配芥末汁》，黑毛豬好大件，依然煮到有肉汁唔會乾哂又柴皮。你睇下切開之後啲肉幾鮮嫩。配菜有勁鍾意既重牛油味薯蓉同炒菇，食完超满足架呢。最後飲埋杯咖啡，超悠閒咁嘆左個法國餐。店名：Le Cleret地址：中環干諾道中62-63號中興商業大廈地下B舖餐牌:

🍄意式野菌雲吞配忌廉汁個汁好香 都幾濃芝士味 好多菇粒雲呑好大粒 分兩啖食 加埋啲汁好夾😋--🎃南瓜湯配牛油果呢個好驚喜 南瓜味好濃 已經覺得好正點知入面啲牛油果粒為佢再加左分因為本來冇乜味既牛油果味冇俾南瓜蓋左依然食到牛油果同creamy既質感👍🏻--🥗有機五穀飯配野菌+ 蘆筍配黑松露忌廉汁唔好見佢好多汁就以為淋patpat其實佢口感好豐富😛蘆筍同菇好多 好爽脆 飯偏硬 好有咬口黑松露忌廉汁好濃 好香 但食哂成個都唔會膩😘--🍰抹茶芝士蛋糕一放支叉落去個蛋糕軟到好似對褶到咁抹茶味都幾濃 多陣乳酸既味 幾清新 幾特別☺️--如果唔想食肉or想同食素既朋友食好啲都可以試下呢個餐單架😉係咪長期都有我就唔知啦😅

Awesome mothers days dinner with a tasting menu. Also surprised with a Milk Tea Flavoured Creme Brûlée! Truly amazing!Tried the wine from Chateau des Vigiers which was a great wine at a very reasonable price. Must come back again for private parties!

Put up a high hope for this place as I heard its chef was from certain branded hotel.Went there for lunch and ordered two sets: sea bass & steak.No complimentary bread was served and so the salad  was the first thing we had. The "green" was all yellowish when it reached our table and that tells how "fresh" this salad was. The dressing was the ordinary vinaigrette and  boring to say the least.The salad did not ruin my mood though cause I came for nothing but the mains. My wife said they were good