Le Grand Pokka Café (形點) (Closed)

.脆炸雞球 ($52)即叫即炸既，仲熱辣辣，有五件雞似炸雞塊多啲。唔知係廚師灑鹽重手左？愈食愈咸，我食左一件就停口了😅薑汁豚肉丼拼鵝肝定食 ($168)照字面睇會覺得呢個定食幾抵食😂一上枱見到塊鵝肝都幾大塊，仲有鐵板㷫住既，食落有鵝肝味，冇任何其他調味，雖然冇入口即溶既感覺，但佢煎到有少少外脆內軟既感覺既。薑汁豚肉丼又幾大份，豚肉片多，薄切大大塊，比較淋身，不過豚肉味不足。薑汁夠多，可以撈哂成碗飯食。黑糖紅棗薑茶 ($68)又幾好飲，唔會好甜，紅棗同薑既比例多過黑糖，飲完個身好暖，好滋補🤭餐廳好多位置都係高枱、高凳為主，凳背矮，坐得冇咁舒服，如果坐餐廳中間位置既高枱仲會有好多侍應成日拎住食物係你後面行來行去，要格外小心被撞到，冇得好好enjoy🤦🏼‍♀️想食完就走

今日入開元朗 特登黎食返pokka味道一如既往的不變 幾年前在沙田經常去食估唔到依然可以保持水準不變 餐牌加左好多野食 必食嘅雞肉義大利飯好彩仲有每次黎都一定要叫返個 推介

第五波疫情搞到我連OT完食個晚飯都咁難🥲本身預OT就唔同屋企人食飯，點知返到去佢地先就食完飯（屋企平時都夜啲食飯🫢）講返個經歷，就係我自己買外賣返去食，搭屯馬線返屋企到元朗，行下都唔知有咩好食，見佢未閂又有外賣半價優惠就走左入去買。之前睇過電視節目話個人好攰，鰻魚可以補充體力，我個人都怕怕地出面餐廳鰻魚有太多骨，但就係記住呢個節目講嘅，膽粗粗試下佢個鰻魚滑蛋定食，仲叫左杯菠蘿荔枝鮮果茶。鰻魚唔錯啵，好香口，對於Ot完嘅我簡直補充返曬沙律份量好足夠，塞爆咗成個膠兜，個麵豉湯都算係咁，杯特飲都唔錯，菠蘿味重，啱曬我解渴🥵又有生果食

雖然晚市開返， 但因為今日急着回家湊仔。喺Yoho Pokka買了一份雞肉煎意大利飯！ 等的途中，店員禮貌地問了我幾次單Number。 怕我等得耐！ 值得讚。 回家後， 食物仲未暖， 濃濃的芝士配意大利飯， 入口好滿足，夠濃味。煎飯有少少窿邊好香！ 啱晒重口味嘅我😂雞扒煎到金黃色， 有塊皮仲有少少脆 。正！ 總括嚟講我會去堂食試多次。👍👍👍

今日再次呢間Pokka Cafe,雖然唔係常客但間唔中都有來捧場上一次都應該係一月疫情就少出街食飯啦，點知一去到電話冇電做唔到安心出行，諗住入唔到去添好彩個醒目哥哥仔幫我叉電如果唔係又要食外賣啦例牌叫咗個焗豬扒飯 每次都想食多個.不過唔可以太飽飲杯咖啡人生一大享受！我嘅至愛係咁多ha ha一樣保持好味食完仲送咗個禮物俾我口罩一個😅😅因為我自己嗰個跌咗落地🤣你哋咁好 梗係要表揚下你哋啦放心啦 有返堂食會多啲嚟㗎啦 下次見

我好耐冇寫食評喇,原來而家咁容易咁方便 我哋住九龍嘅,原本諗住搭返西鐵出去先食嘢, 經過呢間 Pick coffee , 原來係Pokka cafe 因為之前都食過唔錯,加上呢間嘅環境有D 歐陸風味, 天花有啲風扇感覺唔錯 , 反正又未知食啲乜嘢,出去九龍可能有較急, 算啦就喺度食啦 我同我太太分別叫咗 雞肉意大利煎飯, 牛油果肉醬意粉 凍滴的咖啡 😊真心講好掂👍👍 比以前嘅水準更進步. 冇影到相呀,因為冇諗住寫,不過值得推介除咗啲食物咖啡 好好味 非常滿意 令到我 舉筆文章😅讚你哋嘅 加埋 真的估唔到嘅服務 再次多謝你哋 亦好彩你哋 追到我 畀返個電話我 如果唔係出到九龍 先發覺 今晚冇電話用就大件事😅😅 呢位短頭髮嘅女侍應 我畀貼士佢 佢話 多謝唔需要 畀返電話我就係最開心嘅事平時我好少特登寫食評 好嘥時間有時間 寧願 做其他嘢啦😅😝餐廳 我都知道經營好辛苦啦感覺到你哋好努力好有誠意食物好 服務 好 比個讚你哋啦 加油

豚肉生薑燒 （味道太鹹）希望食物可少鹽，也需要照顧客人健康呢。 看了看飯盒，在找尋外賣餐牌的圖中沙律。難道那三塊細到以為係食剩既薑定唔知咩就係沙律嗎？寧願唔好俾我！以為俾人食左！😵‍💫😞🤷🏻‍♀️🤷🏻‍♂️

【日光園林西餐‖𝕃𝕖 𝔾𝕣𝕒𝕟𝕕 ℙ𝕠𝕜𝕜𝕒 ℂ𝕒𝕗𝕖日光園林】預告: 失戀嘅味道💔。窗外一片綠色園林, 冬日暖陽徐徐灑入。環境闊落舒服，但只限於靠窗的三個位置。通常環境舒服，小編都不會太介懷食物味道，但這個lunch確實令人失望😞。或者下次可以試個afternoon tea set (P.2)? 見都有人贊tea好味嘅。。可能有所期待, 所以真系幾傷心下,環境同食物有好打落差, 😧食完心裡空蕩蕩好失落…呢嘅價錢, 真系大把過佢嘅選擇。🍽️🅕🅞🅞🅓&🅕🅔🅔 💸 total hk$200+⟡澳洲肉眼牛扒套餐所謂升左套餐就系多左2啖香草意粉(有香草碎嘅乾巴巴意粉)，一隻溫泉蛋，4啖蘑菇湯(系有濃菇味, 但唔綿滑, 菇系碎碎蓉蓉 口感好怪異)。雖然系鐵板, 但兩邊肉都冇grill嘅質感, 肉質亦非常普通, 真心茶記牛扒可以同呢間揮過..唉,,, 個燒汁亦非常普通。⟡凱撒沙拉（細份）可以揀兩款配料, 叫左雞肉同三文魚, 但上左雞肉同Parma Ham, 雞肉ok唔柴, 冇特別。員工服務系有禮貌嘅, 見到有需要即刻幫忙。===================

同朋友行完街 預祝朋友生日 所以諗住剧扒 見呢間情調唔錯 可以傾下計 決定左食呢間 等位都等左15分鐘左右 入到坐抵無耐我地就選好食乜就落單 奇怪 🤔周圍遲過我地落單 都已經上菜 仲要同我地個餐係一樣 咁我地就問下個侍應當時就答我地 鐵板餐需時同埋而家客人較多 所以耐些 我話 隔離枱遲過我地入都已食緊 有啲仲食到一半 我地都已等左半個鐘先催下單咁之後就好順口咁答我地去睇睇 隔左5分鐘左右 我個餐到左 鐵板燒得正常 有熱住肉的聲音 薯條微暖 應該放左一陣先出餐 而我朋友個餐同我一樣 但就截然不同 鐵板唔夠熱 個汁仲好杰撻撻 倒唔出 薯條一樣 微暖 都是放了一陣先出 立即通知侍應 佢話換過 Too Bad真激氣 等左45分鐘 但係個食物質素咁 真係大失所望 仲有我地等左食物咁耐 都無覺得唔好意思 一係就落錯單 所以之後加返單就遲 同埋等得耐 真心唔會再去呢間 憤怒 😡

今日係元朗睇完戲就順便係yoho 食埋飯，成日經過見到pokker 見到啲扒好抵食咁，所以今次就試試佢先。今次揀左兩款扒，澳洲西冷牛扒同埋澳洲肉眼牛扒，見佢有套餐就加埋去。但係餐後感就真係嘛嘛，唔會再有下次😅😅。同侍應講左補飛，但係另一個侍應又skip左我張飛，入到去坐梳化位張梳化又好多食物碎😓😓「澳洲西冷牛扒」套餐配黑椒汁套餐四揀三，今次揀左芝士薯條、龍蝦湯同埋凍芒果荔枝鮮果茶。四樣野黎講，得杯野飲係叫最好😓😓芝士薯條啲薯條又凍又淋，芝士醬就只係現成一枝吱出黎既醬，點左醬仲難食過唔點。龍蝦湯聞就香，但飲到入口就好濃既味精味，飲多幾啖仲苦苦地，完全飲唔入口。牛扒已經好難切好韌，要好用力先切得開，食到入口好似咬緊香口膠咁😓😓西冷扒但插枝肉眼既旗比我😅😅😅成個餐得杯野飲叫似啲樣，飲落去清清地，仲有荔枝同菠蘿既味，但啲生果味都只不過係糖水，問可唔可以走甜，侍應答走左甜就會冇荔枝同菠蘿味😅😅最後仲叫左個士多啤梨新地試下，個人黎講唔係好值😓一球雪糕加啲cream同生果，奇異果生到不得了，非常之酸。杯新地最低只係日清既cereal，總括黎講，平平無奇。成餐飯，真係食完一次唔會再有下次，都明白一分錢

約左朋友仔去元朗tea😋我地去左Yoho Mall Le Grand Pokka Cafe環境舒適，裝修簡潔有落地玻璃窗透日光到室內，感覺好warm❤️Afternoon tea set性價比高👍🏻$268 for 2🤩🤩有10款食品加2杯飲品🥂👇🏻松葉蟹肉牛油果蕃茄沙律、黑毛豬火腿配蜜瓜、鵝肝醬多士、日式芝麻雞翼、迷你雞肉漢堡牛角包、日式紅豆綠茶慕斯、士多啤梨慕斯牛奶布甸、鮮果吉士撻、日式焦糖拖肥芝士卷、甜蜜馬卡龍真心每款味道都不錯😋我同朋友仔推薦日式焦糖拖肥芝士卷，拖肥味好香，cream好滑，蛋卷好軟熟👏🏻芝麻雞翼放耐左都仲好脆，完全無油膩感迷你雞肉漢堡牛角包嘅雞肉漢堡好厚身，肉質juicy，配埋酥脆牛角包🥐，咬落好有層次，又脆又軟🤤咁抵又有質素嘅tea，真係可以嚟多幾轉💕

跟友人在Bake your own自助烘焙整完蛋糕，因為有免費2小時將蛋糕冷藏係雪櫃，所以有時間兩手fing fing去食個下午茶輕鬆一下！煙三文魚牛油果墨西哥薄餅$62賣相好靚，三文魚同牛油果好夾，連少少沙律菜放係面好開胃，薄脆的餅底好有口感！隨餐奉送果茶，今日係荔枝玫瑰茉莉茶！一上台以為黎錯左，因為有一片橙，不過一飲落口就真係好重嘅荔枝味，甜甜的，好喜歡！環境坐得好舒服，唔會好擠逼，好適合relax食tea!

今日同姨姨去咗Pokka Cafe享受二人下午茶🫖嚟個第一次港女tea 初體驗🤩共十款食物及兩杯飲品，只需HK$268🥳質素幾高整體評分：6.5/10環境：7/10人均消費：$101-200地址：Le Grand Pokka Café (形點) (元朗)元朗元龍街9號形點一期1樓1078號舖鹹點：松葉蟹肉牛油果蕃茄沙律：位於最頂層，蕃茄沙律有驚喜😍中間有晶瑩別透的蕃茄果凍上湯，仲有有牛油果同蟹肉，鮮味無窮評分：6/10黑毛豬火腿配蜜瓜：呢個個人麻麻😂主要係唔太識欣賞黑毛豬火腿，鍾意食嘅人應該ok評分：5/10鵝肝醬多士：還好🤣幾香鵝肝醬評分：5.5/10雞肉漢堡牛角包🥐：牛角包相當酥脆可口，入面嘅雞肉漢堡都ok不過有啲凍左評分：5.8/10日式芝麻雞翼：幾香口評分：6/10甜點🍮：有日式紅豆綠茶慕斯，士多啤梨慕斯牛奶布甸。 鮮果吉士撻，日式焦糖拖肥芝士捲曲及甜蜜馬卡龍。 其中最鍾意日式焦糖拖肥芝士捲😆甜甜地幾好味～馬卡龍都唔錯外脆內煙韌，唔會太甜凍荔枝梳打：好清涼，幾香荔枝味凍奶茶：呢個唔錯😋好重茶味評分：6.5/10

今日同埋一個兩歲小朋友及工人姐姐一齊食lunch，喺門口同一個應該係高級啲嘅侍應對話，我話三位，佢講完一句入去啦，跟住我問佢邊度掃安心出行，佢完全冇反應，跟住入到去，我話要BB櫈，佢真係攞咗過嚟但係就咁擺喺側邊，我自己搬開張原先既座椅，原來係勁重嘅，咁我自己搬埋一邊都算啦，跟住落單，又係同一個侍應，佢勁唔耐煩，問多句都嫌費事，最後佢竟然落錯晒啲單，雞扒飯變意粉，滴漏咖啡變朱古力咖啡，我本身係叫朱古力咖啡後尾再補一句轉滴漏咖啡，好明顯佢落單勁求其，我都費事再換，我堅覺得呢間舖頭唔應該收服務費因為完全冇服務可言。補充一句，一入到去見到地下有隻曱甴都已經唔開胃。間舖頭其他侍應都幾好，唯獨呢個黑口黑面嘅待應真係應該要檢討吓，完全係趕客🤯🤯

Pokka Cafe二人下午茶，共十款食物及兩杯飲品，只需$ 268🙀🤩，暫時食過CP值最高的，以呢個價錢，質素真係好👍🏻🥰🥰🤍鹹點松葉蟹肉牛油果蕃茄沙律🦀🥗，黑毛豬火腿配蜜瓜🐖🍈，鵝肝醬多士🦢🍞，日式芝麻雞翼🐔🍗，迷你雞肉漢堡牛角包🥐✨蕃茄沙律有驚喜😍，中間有晶瑩剔透的蕃茄果凍🍅，上湯有牛油果和蟹肉，鮮味無窮😋😋雞肉漢堡牛角包亦相當酥脆可口❤️🤍甜點日式紅豆綠茶慕斯🍵，士多啤梨慕斯牛奶布甸🍓🍮，鮮果吉士撻🥧，日式焦糖拖肥芝士卷🎂及甜蜜馬卡龍🥠✨馬卡龍做到外脆內煙韌的感覺，唔會太甜，高質‼️ 鮮果吉士撻的撻底做得好香，係藍罐曲奇嘅味道👍🏻我比一百分💯‼️