南山冰室 (Closed)

估唔到銅鑼灣有間裝修好 又舒服的冰室 價格仲好相宜添 位置係HKUSPACE對面 其實都唔算太遠咖央厚多士 $28 一片厚厚的方包，烘香而成的厚多士，脆脆得，中間夾着香甜咖央醬，無論是包與醬的比例，還是三明治的整體口感，都調整得不錯。特厚滑蛋三文治（烘底） $28 + $2 三文治內的雞蛋好厚，有蛋香，質地較綿密而不流心，強烈建議要叫烘底，它的麵包香脆不會太乾，三文治烘得剛剛好，外脆內軟，每塊中間更塗了牛油，使味道充滿層次感。海南雞馬來咖哩焗飯 $68 海南雞放在焗好的咖哩飯上，做法好處是海南雞保持嫩滑，咖哩味道平和，不辛辣，有溶芝士和蛋在裡面，提升了味道跟口感。叉燒燒肉飯 (雙併) $60 叉燒不愧是用了慢煮的方式，肉質挺厚，質感柔軟，不會太硬，燒肉充滿脂肪，頗肥美油香，脆皮鬆脆，咸味較重。熱檸檬可樂 +$12 甜甜酸酸的，非常好喝，「熱檸樂」可說是香港民間的治感冒秘方，雖然沒有科學根據，但新鮮檸檬有豐富維生素，有助身體復原，加上與熱水混和，能紓緩發冷及喉部不適。荔枝冰 +$6 大大的一杯，一粒粒荔枝在底，氣泡從底部不斷上升，挺有消暑的感覺，整體清涼不甜，好喝。📍南山冰室 銅鑼灣新會

放假同埋囡囡老公出銅鑼灣，行完Lee Garden諗住去附近食少少野，發現性價比超高嘅星馬菜冰室！銅鑼灣竟然仲有廿幾蚊起標嘅茶餐！我嗌左個咖央多俾囡囡，再加$6轉飲什果賓治，佢自己食哂成個餐，仲猛話個「甜甜多士」好好味我就嗌左個海鮮喇沙，都好足料！再加左個細肉骨茶，配紅豆冰。至於老公就嗌左個珍寶炸雞脾配沙律，以下午茶黎講份量都真係幾大！最終我地再追加多一份咖央多同龍眼冰，阿女再食多1/4塊多士😆 睇黎下次可以再黎～

因工作關係成日出街搵食，有時係條街行下行下都唔知食咩好。上星期剛收工路經銅鑼灣，正在煩惱食咩好的時候，被南山冰室的招牌所吸引，星馬風味聯乘港式美食，岩曬天氣悶熱冇咩胃口的我，即刻入去試一試先 。主打星馬風味菜單及港式美食的南山冰室，主打創新東南亞美食， 亦同時提供港式風味及招牌燒味菜單，以迎合不同食客需要。 南山冰室位於港島銅鑼灣繁華地段，有別於同區懷舊冰室， 反傳統聯乘星馬風味菜單，性價比高，價錢大眾化，份量足又好味， 銅鑼灣又多個全新的美食熱點。 打開餐牌樣樣都想叫黎試下，今次試左招牌海鮮喇沙、馳名海南雞配椰香飯、 肉骨茶、特厚滑蛋三文治和咖央西多士， 再加多兩杯 南山冰室 x KAGOME 夏日限定特飲魔幻紫晶和芒果狂熱消暑一流。 海鮮喇沙一上枱忍唔住要打咭和飲了一口濃湯，食慾即時倍增， 好開胃醒神，配上豐富海鮮，選用蝦米、蝦膏、干蔥、蒜茸等， 材料調製成的喇沙湯底，味道甘香而帶有椰香微辣風味， 貼合本地大眾的口味，又能保留喇沙之神髓。馳名海南雞配椰香飯利用低溫烹調手法，令雞肉保持鮮嫩口感，配搭以蒜頭

喺銅鑼灣lunch, 講到平靚正就要數到利園個頭新開無幾耐嘅南山冰室. 事關餐廳位置都OK低調, 裝修靚靚, 待應都好nice完全擺脫一般冰室粗獷嘅形象😎. >椰汁燴雞球飯 (HKD58)出餐速度快得驚人, 飯同椰汁雞球分碗上, 汁底夠杰身椰味香濃, 最讚嘅一定係勁多件雞而且件件都切得大件, 雞肉入口嫩滑, 鐘意食雞貪佢唔會太油太heavy而啖啖肉實係揀li個.>星馬咖哩牛脷飯 (HKD68)極微辣嘅咖哩, 牛脷切成粒而唔係平時食開一片片, 咬落腍身, 每羹充滿椰香嘅咖哩汁都有粒粒牛脷+脆口炸蒜, CP值高.>肉骨茶 (+HKD12)八角茴香, 大蒜等等香料加上藥材熬製而成, 味道甚濃嘅肉骨茶內有一咬離骨嘅豬骨, 豆卜同冬菇, 足料好飲.>紅豆冰, 龍眼冰 (+HKD6)午餐轉特飲每杯只係加HKD6真心勁抵! 店家採用紙飲筒更要加分♻️👍🏻. 紅豆冰嘅紅豆非常腍軟, 龍眼冰半杯都係龍眼肉呢.>咖央西多士 (HKD32)唸住唔趕時間叫多個Kaya toast四個人share食, 邪惡嘅牛油塗滿炸得均勻嘅多士, 淋上糖漿, 每啖都有咖央醬嘅風味, 偶爾

南山冰室裝修好靚呀～有外國風設計之餘野食都好好食👍🏼撞正晚餐時段就同男朋友入左去試下餐廳環境好闊落 目測都可以坐倒好多人而且地理位置方便 係銅鑼灣🤩好少冰室會有海南雞飯食所以我嗌左個男朋友就食左個雙拼飯海南雞個飯好大陣椰子味😻同街外一般食倒既唔同 轉左雞脾所以食落啖啖肉男朋友嗌左個燒味雙拼飯叉燒拼燒肉叉燒唔會太硬都唔會太肥😋😋店員推薦店內喇沙但我唔係好食辣所以就冇叫到大家有興趣可以去試下🙋🏻‍♀️🙋🏻‍♀️

一間外表色彩繽紛的餐廳吸引了我。原來是一閰星馬菜的餐廳。當然點了海鮮喇沙。海鮮喇沙有兩隻大蝦，煮得剛好，彈牙，鲜甜。又有大隻青口，兩隻大墨魚，魚片，豆卜。美味海鮮加上喇沙湯非常配。麵有兩樣在喇沙湯裡，米粉和油麵使你吃到兩種口感。這午餐非常美味。

朝早買外賣，收銀個位姐姐重覆數次先可以成功落order, 其實當時得我一個外賣order, 堂食都唔多人。我叫咗一份沙嗲出前一丁早餐，出前一丁根本唔係出前一丁，同出面一般茶餐廳大光麵根本無分別。等外賣等咗15 分鐘都無人沖飲品，外賣杯飲品喺紙袋倒晒，跟餐腸仔同火腿凍，早餐趕時間仲要等咁耐，仲要用假麵扮出前一丁，根本就唔好味又無服務，就算外賣自取有九折或者再多啲折都一定唔會有幫襯！銅鑼灣有更多更好更有質素既選擇

係銅鑼灣行完街，就諗住求其食啲嘢就返去啦，沿路行去搭車就睇吓附近有咩食，食完就搭車走啦，行行吓就見到呢一間冰室出面都裝修得幾靚，再睇下佢餐牌，都覺得啱食就入咗去食喇.食完先知原來依家間係東海飲食集團旗下嘅新餐廳，印象中佢之前都係做酒樓生意，依家竟然開咗一間冰室，仲要係馬來西亞口味既😱.1️⃣肉骨茶$38⭐️⭐️⭐️⭐️聞落去好重藥材味，但係飲落去冇藥材嗰啲苦澀味，反而係鹹鹹地幾易入口，湯入邊有冬菇、豆粕、排骨，排骨既肉非常之嫩😍完全索晒個湯嘅味🤤如果想試吓嘅話都唔怕，因為佢細細碗，食完正餐飲都唔會太過飽😉/2️⃣厚切豬扒喇沙🌶️$52⭐️⭐️⭐️⭐️湯底偏重香辣味，有層次，喇沙味的香料就不重，麵係油麵同米粉兩溝，很正宗，份量亦好多，好大碗！豬扒真係勁厚，肉鬆軟，好大塊，一人真係未必食得唒🤣🤣/3️⃣招牌海鮮喇沙🌶️$55⭐️⭐️⭐️⭐️材料有蝦、墨魚、豆粕、菜、芽菜蝦和墨魚都好新鮮，食得岀新鮮/4️⃣馳名咖央厚多士$24⭐️⭐️⭐️⭐️原本係想食西多士，但係我成日唔記得咗多士唔同西多士，就唔小心叫錯咗，不過好彩都冇令我失望😚😚多士烘得香脆，咖央味道甜甜地，質地有少少似啫哩，滑滑地咁🤣搽滿晒成塊多士，好正🤤/5️⃣魔幻紫晶$24（單點食物加$

呢日約咗個客未夠鐘，響銅鑼灣行下行下又落雨，雖然未肚餓，但為咗避雨，就自己入左黎呢度食個lunch先。呢度門面都幾新潮，好有高級茶餐廳感覺， 睇到menu先知道原來係食馬拉嘢，但食落先知原來係馬拉crossover香港口味。招牌海鮮喇沙：其實係摻摻，麵底係油麵加米粉，海鮮好多好新鮮，又大隻，但menu見到有帆立貝，我碗無🥺。我預期嘅喇沙係有半隻蛋，又無呀🙈。不過佢除左有芽菜，仲加左通菜，好港式粉麵嘅感覺，健康啲囉😂。值得一提，佢個湯底無乜椰漿味，唔鍾意呢種味嘅就岩食喇。馬來咖啡：咖啡味道好淡，真係好似響馬來西亞當地飲到嘅咖啡口味，亦都似平時買到嘅馬拉咖啡袋嘅口味。估唔到茶餐廳有乳鴿，下次過開黎又有時間的話要試下。

同朋友參加左個workshop喺新會道附近，完結後決定一齊食lunch吹下水。🥢星馬咖喱厚切豬扒飯 (推介) $58即炸厚豬扒，外鬆脆內肉嫩， 配上咖喱汁食不錯，如椰奶味重一點更好。（細食既記得叫少飯，可減1蚊）🥢招牌海鮮喇沙 $55麵底係有油麵及米粉，食落雙重口感，海鮮非常足料又新鮮， 有大蝦、青口、墨魚、魚蛋等，湯底味道帶點微辣。🥢咖央西多士 $32金黃色炸厚西多士夾住香甜咖央醬， 香口滋味， 食到停唔到口，邪惡非常。🥢凍芒果狂熱沙冰 $12以Kagome 野菜生活汁調配以成的沙冰，感覺健康又消暑， 飲落有少少果肉， 好fresh。

Tiff哥諗大家都會有D想問咩叫角落餐廳。角落餐廳係Tiff哥自創的，形容個D位於鬧市角落，你行過又唔係好覺，一入到去好似去左另一個世界一般的餐廳。當然，Tiff哥揀得黎介紹就緊係唔係D，難食既角落餐廳。今次同一個kol朋友聚聚，想俾佢一個好打卡的環境，我就揀左南山冰室! 雖然佢有D想打我，因為角落指數都幾高。呢間角落餐廳吸引我入去，除左食馬拉野之外，仲係入面的裝修，實在太有心思! 木質加tiff哥的藍同埋暗紅色的配搭，好有異國味~ 仲有好靚的地面磚。我明我明，應該無乜人去食野望地下，但係認真連地板都咁有心思，食物都一樣俾足120分努力做啦!第一道---肉骨茶去馬拉餐廳唔似肉骨茶仲成世界既咩? 一向好驚中藥味的tiff哥，因為要同大家一試好唔好飲，都真係轄出去! 其實又唔洗咁驚，都幾易入口，藥材味濃得黎Tiff哥又唔太抗拒，仲快快飲晒，肉甜味都幾濃，下次可以翻桌!第二道---夏日KAGOME特飲南山冰室同KAGOME合作，出左兩款特飲，分別係Tiff哥都唔太記得名，剩係記得味道。係提子汁同甘筍芒果汁加鮮果的配搭，都真心係幾fresh，至少好飲程度係想飲多杯。呢杯冰沙唔會話好粗粒冰，sm

五月才開，又在新會道，怪不得早餐時段比較冷清，其實食物質量不錯，新店如果能構思多點新意，相信可吸引更多客人，服務員也用心，肯留意顧客反應意見，格局舒服，沒有一般茶餐室的壓迫感。不錯！在我的早餐名單上又多了一個選擇。

茶記冰室是香港的名勝，不少遊客來到香港都會去茶記冰室嘆個茶餐。銅鑼灣就有間主打星馬mix港式風味的新開冰室 - 南山冰室食Tea沙嗲牛肉麵是茶記必食之選，大廚加以改良後推出馬來風味沙嗲撈麵雖然粗麵不免帶有鹼水味，但配搭了風味十足的馬來沙嗲醬，香味已經完美覆蓋了這缺陷美，醬汁才是撈麵的靈魂超香濃郁喇沙鴛鴦米，即米粉溝油麵湯底是全個喇沙的精華所在，蝦頭、蝦膏熬煮，鮮甜甘香，加椰汁更帶出喇沙湯底的香氣真材實料有蝦、魷魚仔、帶子、青口、魚片......只用一般茶記價錢就食到啦馬拉菜少不了受歡迎的肉骨茶，當歸、玉竹、黨蔘等以藥材熬製湯底，用西施骨帶出湯頭濃郁香味夏日消暑特飲-KAGOME混合蔬菜汁兩款新口味：提子汁混原粒車里子、芒果溝甘筍汁兩者配搭原來好夾味😋😋清新消暑

見到報纸推荐銅鑼湾南山冰室，即去試下，坐下叫了喇沙，森巴醬海鲜炒麵，咖哩豬排等。先上的是森巴醬海鲜炒麵，参巴醬，別小看它，這是極難做得好的醬料，參巴醬是一種廣泛流行於星馬一帶的辣椒醬，其經常運用於娘惹家常菜以及街邊小吃之中，此醤先把蝦米春碎，加指天椒，大蒜，紅蔥頭，爆炒而做出來。炒麵和参醬，像极了一对灵魂伴侣。单吃麵條，容易发腻，单吃醬，又辛辣有餘，但是两者搭配在一起却格外美味。這只有正宗星馬大厨才能做到，聽聞呢道大厨是大馬華僑，所以才有此正宗味道。另一道必點不可的是海鮮喇沙了，是馬來人改良後的獨特滋味，吃時淋上特製的喇沙湯，帶著酸甜，以鮮蝦再加蝦殼蝦頭熬出來，上面鋪著海蝦，牙菜段，豆卜等，另有一顆煮熟的雞蛋，最後加上一大匙辣醬，仔細一吃，還吃出芫荽椰味。另有一粒切開的酸桔，和檸檬完全不同的酸味，只在馬來西亞能找得到，擠出汁來淋上，一碟完美喇沙就完成了。最後一度咖哩豬扒， 不要單看此簡單的菜式， 豬扒鬆化 是精華所在，—种浓郁的味道真不可思议，让人不禁想要一口接一口... 其清香嘅椰汁咖哩，配合豬扒色泽金黄，表面酥脆，肉质鲜嫩。排骨入口糯中发香，略有甜辣味，鲜嫩适口。 果然是正宗馬拉風

印象中原址上一手是「喜喜冰室」，走上世紀60、70年代仿古懷舊冰廳路線，同時添加色彩及混入摩登裝修風格，都可以算係摩登化懷舊冰室嘅先軀。唔知道什麼時間結業，今日經過，已經變成了另一間餐廳；同樣是冰室，不過已經換了招牌，更加估唔到，原來係「東海集團」旗下。傳統中式酒樓搞新意思，一於試吓。裝修格局鮮明亮麗，擺脫了傳統冰室的簡陋形象、採用了摩登風格，但就沒有將舊式冰室特色融入；論裝修，比不上「喜喜」。餐牌簡單，一頁睇晒。除了早餐、三文治之外，佔了一半上選擇竟然是星馬風味咖哩、肉骨茶、喇沙等星馬小食；原來「南山」所走路線是上世紀80年代曾經盛極一時的星馬風味港式餐廳 ⋯⋯ 雖然近20年已經買少見少。再看看餐廳外語（法文？）名字「Le Mont」，雖然也是解作「山峰」，但與星馬餐廳完全沒有半點關係，簡直係風馬牛不相及，點解揀個咁嘅英文譯名？馳名海南雞配椰香飯（$68）有最基本的兩款海南雞飯醬料：星洲黑甜醬油及蒜蓉辣椒醋。雞皮表面缺少油光、亦唔夠光滑。咬落去雞肉欠雞味，嫰滑程度一般；只勝在肉質柔軟無渣。椰香飯的而且確有少少椰油香氣，但只此而已；飯粒太乾身、甚至有少少硬，亦欠缺雞汁鮮甜、甚至完全沒有