南山冰室 (Closed)

「銅鑼灣冰室有驚喜」呢日連埋小朋友一共九個人去南山冰室食嘢，一齊坐唔使分枱。地方夠大，打開餐牌睇食物唔係一般茶餐廳，有港式食物亦有星馬菜式。 食物:肉骨茶湯中真係有排骨，味道係肉骨茶嘅藥材味，湯味夠濃，送白飯一流，只係$38一碗咋！海南雞飯雞肉幾滑，小朋友都岩食👍🏻飯有椰香味！厚切豬扒喇沙只係$52咋，唔算太辣，不過不失！老公食常餐有馬來沙嗲牛肉撈麵有驚喜，配埋煎蛋同咖央多同香濃咖啡一流🤤個牛肉撈好香，沙嗲中有麻香味道我最愛龍眼冰😍餐飲唔係平時嗰啲，好有驚喜5月仲有7折下次黎銅鑼灣會再黎呢度食🤗

早前聽講開張期間全店半價優惠，好評連連，可惜連日大雨加上家住九龍，一直抽唔到時間去食，結果到今日先借「接收工」為名，過海試下呢間冰室新貴店舖離鬧市有d遠，但都幾易搵先叫左碗肉骨茶，藥材味唔重，有冬菇同半肥瘦肉，都幾足料喎嚟到冰室，老公話只要一個沙嗲撈麵就見真工夫沙嗲夠香濃，又多牛肉，麵唔會太淋，正呀！咖央係哂正中間，都幾特別，中間嘅牛油絕對係靈魂所在！呢個真係要激讚，咖啡唔會好辣，拌飯食超開胃，但重點係牛展夠軟淋，帶有少少咬口，令成個set提昇哂最後叫左2杯飲品，雜果賓治較甜，岩哂我；龍眼冰就清淡d，老公話幾好飲喎！

侍應態度惡劣! 唔怪之得有做折都無乜人啦!事源係，我今朝早打電話去叫外賣自取早餐C(叉燒湯通粉餐+熱檸茶)...10分鐘後到達冰室比錢時見到有幾個紙袋放係枱，就問有得攞未，餐廳職員答做緊...咁我唯有企埋一邊等啦... 因為趕返工，過咗幾分鐘我又問叉燒通粉個餐得未...餐廳職員又話出緊餐，叫我等等... 咁我忍唔住行埋去堆紙袋到吓，就見到叉燒湯通粉餐!咁我就同冰室職員講: "我個餐咪係度囉!"冰室職員就用不滿語氣同我講話: "你唔講，點知係你呀！"無言 😑 我返工趕先唔同你嘈。個餐原價係唔平，食物又普通，以後去附近茶餐廳就算!

話說之前Sogo thankful week，入左去放血，出返黎個人好似虛脫一樣，又累又肚餓，就錯有錯著去左間茶餐廳！點知竟然有超級大優惠！半價！食茶記都有半價！原來係新張試業，所以有半價～咁我就唔客氣喇！同朋友點左幾款野食，同時仲叫埋特飲！（ 哈哈，平時特飲要加錢我咁精明眼當然唔會做傻事～～ 馬來沙嗲牛肉撈麵（配咖央多士） 沙嗲味好出色，牛肉軟腍，麵身彈牙！ 出便茶記好少常餐係配咖央多士，呢度真心抵！而且係烘底！咖央醬多到溢出來～ 星馬咖哩吉列厚切豬扒配香蘭飯 好厚身，好有質感，現炸出來，非常燙口！ 香蘭飯也非常出色，同星馬咖哩好夾～ 肉骨茶 好香，藥材味濃，豬腩排肉入口即溶，我想要多碗都無！賣晒！！！特厚滑蛋三文治 成吋厚的滑蛋非常吸引，食落去仲好滑添！紅豆冰、龍眼冰 足料！不錯！我地食咁多野，都係每人＄40！！！ 食物質素又高，呢個價錢抵到一個點， 令我好擔心佢會唔會蝕XD 而家半價優惠完左喇！ 但唔使擔心，5月17日至31日都仲有7折架！ 南山冰室 網址: https://s.openrice.com/QrbS0AeW900 地址: 銅鑼灣新會道2號地舖 電話: 35

最鍾意肉骨茶（圖為小碗），夠味且豐富，無論是香菇還是肉或是湯底都超正，覺得只配白飯或麵就超級好吃的了，可惜沒有這個搭配...海鮮喇沙和咖哩豬排飯，湯底和咖哩都不夠味，椰奶味都被鹹味蓋過，但是都份量十足，且海鮮和豬排都超好味的，喇沙湯麵的搭配也很好，口感有層次，不過裡面的配料很不入味，尤其是豆味很重，咬一口就沒吃了😭相對之下，海南雞在份量上就有點....覺得是個人期待過高，因為上面都份量充足，雖然很欣賞有配湯的部分，但相較之下肉量較少，可是海南雞和飯很香好好味總之，會讓我有衝動來吃的唯一理由就是肉骨茶嘍~

香港人最叻喺咩呢？其中一樣喺「唔執輸」，正所謂「執輸行頭慘過敗家」，早前睇到食友嘅食評，介紹到呢家茶記啱啱新開張試業，查實有新茶記開業，唔會喺咩大新聞，但吸引到小弟去留意就因為竟然做緊5折優惠，讚呀！當然快快手，要捷足先登啦。而個5折優惠仲要喺無乜條件限制，所以，趁上個星期六港鐵「回水」又有優惠就一於港島遊，趕及有優惠嚟食個午餐先。唯可惜只做到5月16日，小弟篇文出得街時，都應該過咗呢個優惠期。不過，再留意啲細字時，仲會做個7折優惠，去到5月尾，想食平啲就趁快把握機會喇。因為都擔心會好多人，所以，避一避午市嘅最尖峰時間，晏多少少嚟，由於茶記始終都快上快落，等位唔耐。雖然，餐廳以「冰室」為名，但就無大玩懷舊元素，裝修正正經經，四四正正咁，唯一保持茶記特色就喺夠逼，枱櫈編排喺用盡餐廳每一吋地方。食物選項，就一大張餐牌印晌枱上，早餐、常餐、下午茶餐、星馬咖喱、焗飯、喇沙、亞洲風味、燒味、三文治、小食、飲品、特飲……等等，一眼睇晒，就連甜品都有。因為怕玻璃反光，影得唔太清楚，臨走時見佢哋已印備外賣單張，所以，索性掃描出嚟俾大家多個參考。除幾款乜餐物餐之外，所有食物都喺散點，不過，就有飲品加配優

新開張5折優惠，咁抵即刻同朋友黎試下，雖然係冰室，但食物選擇算多喎，仲有好多星馬印口味添。新開張，店內都幾濶落。星馬咖哩吉列厚切豬扒飯（$58）自己要左個咖哩飯，塊豬扒真係好厚，吉列又香又脆，豬扒軟腍肉感十足，啖啖肉無骨好正。馬來咖哩有咖哩香之餘，仲有蕃茄味，不辣但好好下飯，撈飯食勁正。不過餐牌上寫係配香蘭飯，就真係食唔出啦，好似係普通白米飯黎？肉骨茶（$38）見有半價又試下個肉骨茶先，上枱時都幾香。味道清淡不夠葯材味，而且大size都係用裝咖哩汁個種碗仔？咁跟餐加$20嘅細碗可以有幾細呢？真心好奇…招牌海鮮喇沙（$55）朋友叫喇沙湯麵，大大碗好足料，湯底濃郁有辣勁，香口又惹味。麵底係摻摻油麵加米粉，雙重口感，加上吸滿湯汁好味喎。熱奶茶（+$6）＆凍馬來咖啡（+$9）自己要左熱奶茶，茶香奶滑好好飲。朋友杯啡好香濃，天時暑熱飲杯凍啡涼透心。半價實在太抵，所以後日又同朋友去食多次。不過就算係正價，飯餐麵餐咁大份量又好味都係抵食嘅。

從友人的Facebook，得知南山冰室5月上旬於銅鑼灣新會道開業，且由開店當日起至2019年5月16日，客人惠顧任何堂食或外賣自取，均可享5折優惠。這天，專登出銅鑼灣，去到這間以門口以淺綠為主色的冰室，一睹其風采。這間冰室的食物，集合了星馬風味、港式美食，以及招牌燒味！由於新張期間，有半價優惠，再加上是星期六中午，門外大排人龍，店內則座無虛席，好不熱鬧﹗ 中午時段，廚師推介的馳名海南雞飯配椰香飯早已售罄。據鄰座客人落單情況來看，好幾款熱賣食物也一早沽空了。 橫視了四周，再八卦地向鄰座一對老夫婦查問，很快就有了決定……先來一杯熱柚子蜜$6。 跟餐加配細肉骨茶$12，冰室客流量極大，連餐具也來不及清洗，故以紙杯盛載肉骨茶奉客。見店內數位侍應忙個不停，真的我見猶憐﹗細肉骨茶內，有兩塊半肥瘦肉，以及大量冬菇，肉骨茶味道鮮甜，沒有太過濃烈的藥材味，挺合小妹口味﹗ 咖央西多士$32，乃炸至金黃色脆的西多士內，塗上了不少的香甜咖央，在外層再加上牛油，滋味無比，當然，也是邪惡無比的小食。 星馬咖喱厚切豬扒配香蘭飯$58，是鄰座老夫婦誠意推介的，只見一個仿藤

發生咩事呢？做乜呢期係銅鑼灣開咁多間冰室呢？攪笑～仲要差不多時間開幕哦！岩岩開幕做半價，未到12:00 已經有人龍了！哈哈！大家都好識爭取優惠呢～不過好采佢都入人入得好快，唔係等左好耐！原本想叫常餐的⋯但比伙計勸阻，話常餐要等勁耐⋯我話下，咁我要「牛肉叻沙」，無期望無失望，好食哦！好對版～荔枝冰有點渣流灘，不過質素過關既！朋友叫既海南雞飯，佢話味道不錯，但睇相呢⋯個樣就麻麻地🙈再叫左個「介Young 多」，點知姐姐落錯左「西多士」，明明已經叫佢改單，點知最後都係黎錯左⋯伙計大佬有點無奈地拎住諗左一諗，問我要左佢好唔好⋯我話：唔好～ 下次叫姐姐小心下單啦～半價好抵，但如果原價食就有點貴，位置唔靚，無Set 既話未必會再黎～

最近看viutv見杜文澤在馬拉吃港式美食，真是讓人垂涎三尺！南山冰室正正就有超多馬來風味的港式美食，咖央西多士，非常signature，現在實在不多地方有咖央西多士了，見到餐牌有立即雙眼發光，必試之選！咖央不算多，中央會比較香濃，如果可以塗厚多一點點就更perfect！喇沙又是另一款必點的菜式，海鮮喇沙超級豐富！有凡立貝、大蝦、青口、魚片等，重量級製作！湯頭沒有挑剔的地方，辣勁十足，越吃越過癮！摻摻夠地道，這裡的喇沙我給它滿分！單是這一碗喇沙足以讓我回頭再來這裡！除了馬拉味濃的菜式外，也有地道中的地道香港味。晚煮叉燒飯，呵呵，果然是肉嫩又入味，我喜歡它不會太過甜，叉燒汁撈白飯，簡直是人間美食（笑）港式奶茶和馬拉咖啡，不喝過餐飲總是覺得不是一餐的總結。順帶一提，這間冰室用紙飲管，又或是索性走飲管吧！總括來說，食物帶著一點老香港的風味，是新式茶餐廳吃不到的，如果有朋友外國回來，不妨帶他們來這裡認識一下香港美食！

呢間位於銅鑼灣南山冰室係周末午市排晒長龍！因為新張試業優惠真係十級抵！ 5折，係5折。不論堂食及外賣自取，全個餐牌都有半價。問過店員即使下午茶都會有。咸檸雪碧/咸檸可樂 $12咸檸可樂真係第一次飲，飲落仲比雪碧甜度低一點，咸咸地更解膩。肉骨茶 $38有兩條大骨、冬菇及豆卜。飲落有淡淡中藥藥材湯味，養生順口。厚切豬扒喇沙 $52厚切豬扒總共6件。炸粉唔厚、厚肉唔鞋口，好味！湯底好濃郁蝦頭味。喇沙嘅粉麵預設是摻摻，即係米粉同油麵一樣一半，仲有豆卜同魚片吸汁配料。特厚滑蛋三文治 $28麵包鬆軟，滑蛋真係幾厚，入口超滑超順口。不過建議落丁點鹽味道更佳。肉骨茶encore多左個，食甘多埋單$90咋。由即日至16/5 都有5折。超級抵！

銅鑼灣近崇光和銅鑼灣廣場一帶，人流很多，非常熱鬧 。有時想清靜點，就會過禮頓道、新會道、恩平道那邊吃東西，那邊人流較少，比較清靜。但世事無絕對，今日新會道有食肆新開張，店名叫南山冰室，人頭湧湧。南山冰室主打馬來美食，店內佈置簡潔，環境舒適。餐牌雖然一張過，但選擇很多，有常餐、下午茶、馬來咖哩類、喇沙、肉骨茶、多款咖央多士、三文治、小食和廚師推介，連廣東燒味都有供應，包有一款讓你滿意。入座時六點鐘，叫了常餐馬來沙爹牛肉撈麵、慢煮叉燒燒鴨雙拼飯、特厚滑蛋三文治、飲品紅豆冰和龍眼冰。本想叫海南雞飯，侍應稱已售罄，我說新開張果然好生意，侍應臉有難色及客氣地再補充一句，呢個係last order，問我還有什麼其他需要的，我驟時眼都瞪了一下。原來南山冰室新張試業，全埸食品五折酬賓，所以食物很早售罄，五折優惠到5月16號止。常餐馬來沙爹牛肉撈麵配煎蛋及咖央多士，沙爹牛肉撈麵大大碗，薄薄牛肉片肉質鮮嫩，撈麵是滿滿沙嗲濃香粗麵，麵質爽口有水準，配上太陽煎蛋，有新鮮感。咖央多士細細塊，多士香脆，混上面頭一層咖央醬，十分好味。本來在馬來餐廳吃廣東燒味，不敢抱太大期望。但這個慢煮叉燒配燒鴨雙拼飯，絕不馬虎。慢

今日行程非常緊密，朝早先喺山頂做完晨運，下午又約咗班好姊妹一齊去睇戲，本來打算之後再去唱K，不過因為有姊妹臨時有事，所以有人提議不如將節目順延至下星期。見突然有空，一於約老公出嚟行街 Shopping 兼晚飯直落。血拼完又是時候醫肚。記得早前有食友報料，話銅鑼灣最近開咗間新冰室，食物水準唔錯，除了有港式美食和招牌燒味外，更有星馬咖喱同喇沙等供應，而且餐廳做緊新張試業優惠，凡惠顧任何堂食或外賣自取，即可享5折，非常抵食，反正店舖就在附近，一於過去碰下運氣。店址位於新會道2號，門口的招牌非常搶眼，離遠已經見到大大隻字寫住「南山冰室」。至於門面就以 tiffany blue 為主色，配上店內的湖水藍佈置，猶如小清新的 Café，給人年輕、活力的感覺。餐牌壓咗係檯面嘅玻璃下面，食物一目了然，既有常餐、下午茶餐，亦有星馬咖喱類、燒味、喇沙、亞洲風味、三文治及小食、飲品及特飲等，選擇非常之多元化。由於剛才在門外已經細心研究過餐牌，所以入座後便可以即時點餐。 兩口子都愛吃香口之物，看看腕錶，原來下午茶時間還沒過，咁就先嚟一客下午茶餐，另外再加咗肉鬆厚多士、肉骨茶、喇沙同飲品。茶餐選了吉列魚柳配薯角

路經此地見咁多人排原來第一日開張兼半價怪唔得知咁多人排隊唔執輸湊下熱鬧平時喺中環啲茶記冇七八十蚊都落唔到樓所以呢個價錢真係好吸引而且呢間茶餐廳嘅特別之處係仲有好多東南亞嘢食並非一般茶餐廳淨係得粥粉麵飯常餐特餐朋友貪心啲又想試喇沙又想試海南雞見佢其中一個主打就係海南雞喇沙一於就嗌呢個 一次過滿足曬兩個願望夾咗佢兩件雞同埋試咗兩啖喇沙海南雞肉嫩滑 畀嗰啲位仲幾靚朋友仲嗌咗個肉骨茶因為我就唔飲當歸呢個就冇試睇落唔錯 見入面都幾多料至於我就揀咗個 馬來咖哩吉列厚切豬扒厚切豬扒啱啱炸起熱辣辣份量都唔細 要同朋友一齊食先知ko得哂最後仲嗌咗個肉鬆解㗎央多見佢係打星推介本來想嗌架央西多但驚會太滯太飽share一個肉鬆西多就啱啱好其實嘢食都唔錯不過可能啱啱新開張同埋咁抵所以好多人跟單有時比較甩漏常常日後上咗手應該會比較好啲兩個人嗌到成枱都係嘢飽到反艇 最後埋單都係$99新張優惠 做到下個禮拜四咋或者下個禮拜sogo Thankful week掃完貨後再嚟買外賣 都好喎反正抵到咁

東海集團開了一間南山冰室，是否有＂福如東海 壽比南山＂之喻意呢！唔出奇呀，東海集團是老字號。見到餐牌，別有南亞風味，最開心是開張大吉，全部食品半價，優惠至5月16號，想不到今時今日，大吃一餐，埋單$102！慢煮叉燒拼燒肉 星馬咖喱厚切豬扒配香蘭飯肉骨茶咖央西多士柚子蜜黑糖薑母茶我很喜歡星馬咖喱厚切豬扒飯，因為用的是香蘭飯，吃一口白飯，溫柔的辛香、班蘭椰子的輕甜、香軟的口感，別於一般！自調咖哩汁非常溫柔但有層次，淋上炸豬排，十分融洽，散發出有內涵的惹味！此外，肉骨茶亦有水準，沒有霸氣的藥材味，只有醇厚的肉香，大大件肉骨亦不會淡然無味。海南雞飯及喇沙早已沽清，下次要中午來。