Le Voila (Closed)

今日與兩位同事到le voilà午飯。早在上個月研究法國五月節的餐廳時已經發現這餐廳，不過等到6月才有時間來試試。我們不約而同地點了同一款set lunch!* 麵包 + 沙律 *牛油加了蒜蓉，挺好味。沙律正常。* 燒羊T骨 *羊味不錯，略嫌部份位置燒得過熟。薯角超級香口!* Apple tarte tatin with ice cream*跟餐加40元，走雪糕只需加20元。但apple tarte tatin怎能沒有雪糕?? 蘋果是切粒的，味道軟硬度適中。撻底有點過焾，影響口感。* Crème brulee *這款是用較薄的Baking dish, 所以焦糖面積較大而蛋層較薄。而蛋漿亦加入了Irish cream, 不錯。

Excellent déjeuner dans un cadre chaleureux. Les plats sont confectionnes a la commande et délicieux Aujourd'hui soupe a l oignon bœuf bourguignon riz pilaf et porc ibérique. En guise de dessert, fondant au chocolat et pain perdu.... Service impeccable.

坡藉舞友三月壽辰，知己一群早已訂好地方為其舉辦生日舞會，唯一羅漢請觀音之飯局一直都未能敲定。上週食開年飯時講起，熱愛飲食o既老闆即答道「唔洗諗，就依度啦！」哈，原來所指o既「依度」係法文餐廳名「Le Voila」之中文翻譯，也太難估了。可能見細佬對餐廳抱有懷疑，老闆仲雀躍到即場吹雞，請得閒o既員工週三晚一齊去試，當真唔話得！法式小館離舞場只需步行五分鐘，地點對我地黎講極之方便。店子面積雖然唔係好大，但勝在樓底高，散座與散座之間有足夠活動空間，包場開P氣氛都應該唔錯。XO仔喺公司無論係年紀或年資都一樣最輕，當然係要最早到啦！嘻嘻，除咗係代表對各人o既尊重之外，仲可以四周拍下環境相，並了解餐店o既餐飲詳情，人齊前八多兩八。據悉，紅白酒o既開瓶費為$50、香檳就要多少少$150/樽、切餅費則為$20/位。合共有三頁之多o既飲品牌如下。午市可從一頁餐牌上單點菜式，或升級變成套餐。黑板上會列出廚師推介或節令特選項目。晚市都一樣可以玩散叫或自選套餐，甚至預先度身訂造全新菜單都得。白酒煮蜆：老闆請客早已定下菜單，有啲仲要係餐牌上見唔到，包括第一道上場，每人一大碗o既白酒煮蜆在內，故未能提供價格，還望

喜出望外嘅一餐！由頭盤到甜品都非常滿意，每一度菜都非常用心，值得推介嘅餐廳！服務一流，小店環境舒適！西班牙豬柳值得一試，田螺酥，洋蔥湯都好好味！french toast一定要試，外脆內軟！What a great place for family gathering, very nice food and service, exceed our expectation! Cozy and comfy place. For sure will visit again.

太太訂了這家在住處不遠的餐廳，同事剛好我們兩個也喜歡食扒類。點了兩個主菜，一個是牛腹肌，另一個是黑毛豬扒，店主十分細心幫我們另外準備了三分之一份黑毛豬扒是全熟的，給我們女兒吃。食物水準真心的不俗，非常細緻有心，媲美酒店餐廳的水準。

好少寫食評。 但你地生意係咪甘樣做？ 重要節日，你一直放openrice訂檯，幾星期前訂好，你今日先打黎話一係要改早一個鐘 一係改遲個半鐘。 改早一個鐘，人都未收工，改遲個半鐘，你要人地個個半鐘點樣？ 我俾得到錢唔怕冇地方食飯。不過你地甘做生意。睇下做得幾耐。

聖誕節梗係要食返餐好 今日就決定黎呢間法國餐廳食聖誕餐 今日分兩個用餐時段 我地就訂左8:15pm呢個時段 睇完戲食飯就岩岩好😄 以聖誕節食既法國餐黎講 每人$488 加一服務費都唔算太貴👍🏻頭盤有2款 唔洗2揀1 有齊哂2款 呢款係蛋白磨菇湯 個人比較鐘意淨磨菇湯 唔洗蛋白已經好味另外一款係蟹肉芒果千層酥 有d醋都幾開胃頭盤有4款 呢款係三文魚酥 如果三文魚係熟更加好呢個係雞胸鵝肝 雞肉嫩口 但入面既鵝肝比較少 呢款係黑毛豬 3成熟好好味😋呢款牛5成熟 但都無黑毛豬咁好味 肉質無咁嫩甜品有2款 樹卷同心太軟 心太軟朱古力好rich好好味😋

好友買了呢間法國菜嘅團購，訂好位準時去到，地點唔就腳，店面唔大，店內幾闊落，裝修有點歐洲渡假感覺！但出入嘅趟門路軌生銹，每趟一次都有串刮玻璃咁嘅聲！好刺耳聲音好辛苦！我到咗叫店員（馬尾女店員）上菜，佢話要收團購列印紙，朋友講話已通知店家無印，訂位聽電話嘅男仔話可以比店員影低條碼就可以！不過女店員唔知！所以講一輪先影！店內只有佢招呼，雖然只有4枱客，不過佢超級不想服務咁，一做完手頭上菜，就藏身最入嘅收銀位置，每次都要舉一輪手，或叫幾聲佢先出山，攪晒又藏身洞穴內！等待佢出山好累！法式洋蔥湯：超級熱，洋蔥好多，味道夠濃香，浸咗湯嘅法包都好味！主菜：一塊木板上晒所有主菜配菜，主菜三文魚同雞必有嘅，另外可以揀牛或羊，我哋揀牛扒！挪威三文魚（8oz)煎得香脆，魚肉嫩滑唔腥！少少鹽吊味已夠！燒春雞(800g)賣相靚，但除了雞髀同雞翼嫩滑之外，雞胸部分係嚡到我與朋友食唔到！差！黑安格斯西冷牛扒（8oz)要求5成熟，但來到最多3成（外面好薄係熟，入面全紅）幸好牛扒本身牛味夠，而且無乜筋，生得來幾滑！所以救到啲分！（係材料好但廚師掌握熟嘅技巧唔夠）配菜：墊底用薯角：薯角肥美，炸得外脆內軟，薯香夠濃，外面有

今年生日特別包場慶祝生日🎂 朋友們一早已經到餐廳準備 佈置好靚 餐廳2塊大黑板都俾朋友們裝飾埋 影相真係不得了 😊食物一早已經同老闆溝通好 照我既預算去準備食物 由於大家太開心關係 最後冇點影到食物既相頭盤 Assorted canapés French Pink Prawns White wine mussels主菜Black Angus Hanging Tender steak Bbq baby back ribsHoney pommery spring chickenDessert:Crème brûlée + movenpick ice cream Mini strawberry kiwi mille feuilles開頭既assorted canapés 同 粉紅蝦真係岩晒一路食一路等下朋友黎 人差唔多齊就起主菜 我真係好鐘意佢個steak 同ribs 好有牛味同軟身 平時d ribs 會煮到老得滯 好un 但呢個真係好好味 連個汁都好好味 🤤特別之處：因為包場既關係 成晚都可以同朋友周圍影相食野 唔驚阻到人 有別於平時 我地特登安排野食放晒一邊 半自助形式 中間我地用餐廳既

第一次到這家餐廳，老闆服務細心，介紹的牛下腹肉相當美味，嫩滑又有濃濃的肉味，值得推薦。點了甜品:法國吐司和心太軟，法國吐司外脆內軟，配上雪糕，又熱又涷。讚心太軟也不錯，濃濃的朱古力從蛋糕湧出來，充滿牛油味，正。但我先生話未必人人喜歡這麽重牛油味。我們冒昧問老闆怎樣煎牛扒，老闆都詳細講解，回家一定要試一試下次會再來試下老闆推介的烤豬手二人套餐。

洋蔥湯唔錯，主菜的薯角我非常like！牛羊雞魚我地都有試，羊扒好過其他扒，最後個焦糖布丁都ok！只可惜我前日食滯左，唔係既話更加食得滋味⋯⋯ 我兩個同事飲左白酒，話白酒好飲過紅酒

阿爸生日，專程帶阿爸阿媽來到這裡吃法國菜慶祝，沒有失望，食物很美味，很有質素，很用心，阿爸阿媽第一次吃法國菜，抱著好奇心，吃得十分開心，不停說「好味好味」，不枉我帶他們來慶祝生日，看到他們吃得開心，就覺得值得而且餐廳職員、老闆態度親切，吃到中段走來跟我們聊天，還主動替我阿爸在甜品上寫上Happy Birthday，生日正日還送一支酒 最後一家三口頂著肚子滿足離開，阿爸也過了一個很開心的生日（這是最重要的～ 謝謝這店）這是一間用心、有誠意的法國菜小店，在現在充斥著集團式經營卻沒有人情味的餐廳中，這些餐廳實在值得支持，下次一定會再光顧！

早排買左張coupon，終於有時間去啦！個度寫住要早一日打去Book嫁...但我地臨時有時間就博一博。又比我地博到個日即book。去到天后再搵左一段路先搵到，唔算好顯眼位，所以就叫佢隱世啦！我地張coupon有（頭盤 - 法式洋蔥湯 x2，配菜 - 炒法邊豆及薯角 x2，主菜  - 燒春雞 800g & 挪威三文魚 8oz(任選 1 款：黑安格斯西冷 8oz、羊 T 骨排 4oz），甜品 - 法式焦糖燉蛋 x2，飲品 - 紅酒 / 白酒 x2 或 咖啡 / 茶 x2）首先講下頭盤 - 法式洋蔥湯 x2佢加左好多洋蔥，好好味，好鮮甜，男朋友將啲洋蔥食曬，碗湯都飲曬。佢真係好愛洋蔥！之後要講下主菜  - 燒春雞 800g & 挪威三文魚 8oz & 羊 T 骨排 4oz。羊扒好香好捻。雖然系生左啲，但味道好好。真系唔洗醬汁，就咁普通香料就已經perfect池啦！不過，如果有得比我地揀幾多成熟就好啦...下次都想揀西冷試下haha！三文魚同燒春雞味道就冇咁香濃，但外皮好脆，好香。燒春雞真係好大隻啊！兩個人都食唔曬！淨食雞都抵曬啦！然後再講下甜品 - 法式焦糖燉蛋 x2 & 飲品 - 紅酒 x

1）地方寬闊，坐位與坐位之間沒有壓迫感這一點很欣賞☺️2）服務員的態度一流👍🏻友善與熱情的笑容3）食物質素挺高的雖然不算是什麼極尚高級食材勝在處理食材方面的配搭很襯洋蔥份量超級多在法國菜來說是正常的湯的味道突出明顯是用心之作可惜的是本人不吃愛洋蔥的關係...薯角 x 香草😋份量挺多這是2人份量最愛法邊豆平常在超市看到已經覺得有點貴捨不得買...但這個份量是2人份量在超市這個份量已經要$60🙈點了3個肉類有牛柳，燒春雞，三文魚😋牛柳本來是想要7-8成熟的因為吃不了太生😭但老闆卻以微笑一笑沉默作回應到最後來到是...5-6成🤦🏻‍♀️但我知道法國菜的定義是廚師對食材有一份原則不能隨便更改食物的物質這是對廚師不尊重但大胃王卻很期待😍我根本吃不了太生的肉本來說對牛沒有什麼興趣只能交給同行的大胃王焦糖雞蛋布丁蛋是凍的明顯是儲貨不是新鮮製造的😅焦糖是暖暖的蛋是凍的有點失望如果是在我們用餐是焗熱會較好本來是可以點酒但食太飽了還剩半隻春雞😅

之前已經光顧過一次，覺得不錯，最近見團購有coupon即刻買黎再去. 頭盤有洋蔥湯, 主食: 牛扒, 羊架,燒春雞,三文魚(揀3款) 仲有side dish既法邊豆, 薯角 , 薯角炸得好香脆, 第2次黎食都係清碟既甜品: 焦糖燉蛋 , 仲有2杯飲品,可以揀紅白酒最驚喜係主菜, 無諗過係原隻春雞, 分量唔止二人份..隔離檯要拎走半隻雞tim  .我地仲揀左三文魚, 略淡,不過魚皮好香牛扒如果配埋汁會更好, 不過配海鹽都可以提鮮~  最後係creme brulee , 一大片糖面, 忍口只食左一半食埋下面既蛋,呢一餐真係捧住個肚走