利豐園韓國料理

Open Now

Now Closed

旺角不嬲都係聚腳點一時同朋友興起想食韓國嘢如果去連鎖店會好貴食一個部隊鍋至少$200-$300點知發現左旺角呢度有一間平民韓國菜部隊鍋都係$100頭 味道都唔錯一入到餐廳人流唔算太多老闆好熱情咁招呼我哋又推介有啲咩好食咁我哋就試吓個部隊鍋部隊鍋有得揀小辣但冇唔辣好彩唔食得辣嘅我覺得呢個部隊鍋辣度都可以接受小小辣得黎幾易入口鍋入面有腸仔餐肉年糕一般嘅材料但最令我難忘嘅係食完個部隊鍋可以用剩餘嘅湯底加飯同紫菜炒埋一齊其實係熱情嘅老闆介紹 初頭聽到覺得好古怪 點知一食覺得超特別 佢可以將部隊鍋入面嘅精華一次過食晒 呢個真係妹仔大過主人婆 全餐最好食係後尾撈飯另外我哋都有叫泡菜煎餅 不過肚餓到唔記得影相 味道係好食嘅 因為呢一間自己調製嘅泡菜味道適中 所以整出嚟嘅煎餅 都有一定嘅水準

由於今日午餐一個人食，所以就想揾啲平平地既餐廳食。見到呢間餐廳午市套餐都吾算貴而且吾洗加一，加上我好耐都冇食韓國野，所以我就行入去試下。見到餐牌都有吾少選擇，差少少都吾知食咩好，但係最後都叫左個石頭鍋拌飯(雞)$45落左單一分鐘都吾洗就已经上左個前菜😳，大概五分鐘後我個餐已经神速放在係我面前😮😮上菜速度快到有少少嚇親我😂。呢個午市餐會包三款既小配菜，有芽菜仔，腌萝白同泡菜。仲包一款既熱飲。咁多野都吾洗過$50，真心係平價之選。不過都要睇下好吾好食😌個飯上到枱滋滋聲，而且香味漂灑，拌飯材料好足，吾會得少少料，有芽菜，生菜，冬菇，紅蘿蔔絲等等…仲有最重要既雞肉😋而且飯上面仲有一隻生雞蛋😍，將所有材料同韓式醬汁搞拌埋一齊食好正，材料多既關係令到每啖口感都覺得好豐富，而且啲飯吾會太乾仲要有啲飯焦😚😍。呢個價錢仲要係食得飽真心係幾吾錯。最後我想講其實一個人食飯都可以食得好開心😝

最近迷上左韓國菜，所以就周圍揾一啲韓國餐廳去試下。當然吾少得揾埋一班好友去試拉😎今日我係專誠泥呢間餐廳試下，我見到網上既食評有好有壞，所以我就泥親身試下。我地係晚市去食所以價錢會貴啲同埋會收加一服務費食韓國菜當然要食啲招牌菜拉，我地叫左部隊鍋（小）$160 炸醬麵$65 韓式豬手配生菜包（小）$140 總共叫左三樣野本身怕會吾夠食但係野食一上枱我就冇左呢個想法😂因為份量超級足，絕對夠五個人食😋部隊鍋（小）$160鍋既材料有好多😳，有茄汁焗豆，火腿，午餐肉，韓式年糕，腸仔，豆腐，芝士，麵，仲有泡菜。雖然我地叫既係小，但係佢既份量一啲都吾少😆比起出面其他鋪頭既份量多出勁多😚而且湯底既泡菜味夠曬濃😋😋，辣得泥吾會辛苦，係好爽既辣😍令我一口接一口。炸酱麵$65 炸醬麵我俾合格的，吾會話吾好食，但係又吾係話特别好食，只係普通既炸醬麵，不過麵既份量係好多😂如果一個細食既女仔可能會食吾曬🙊韓式豬手配生菜（小）$140豬手既份量真心吾覺得係小😳因為佢真係大大份放係我面前，$140既豬手呢個價錢就有咁大份既豬手其实好抵食，因為出面$140都未必有呢度豬手份量既一半。味道不錯，豬手吾會太過咸，肉既肥

今曰放工突然想食下韓國野,所以就約埋住係旺角附近既朋友一齊去食。行下行下就見到呢間韓國餐廳，望入餐廳都見到有幾枱客，岩我又唔想等位,而且又没試過呢間餐廳，所以就行左入去。坐低望左一下個餐牌,見到都有吾少種類。最後叫左個海鮮辣炒年糕同部隊鍋(小),估吾到有俾到我驚喜首先個辣炒年糕$62唔會煮到太硬或者太過軟,煮到適中,係比軟有咬口感既年糕完完全全中曬我口味,除左有年糕之外仲有啲蝦同蜆肉，成個份量都吾少下。部隊鍋(小)$160好足料，份量勁多😂個鍋裏面有火腿，午餐肉，腸仔，煙肉，豆腐，仲有其他材料，係勁多料。而且個湯底有好濃郁既泡菜味幾正辣辣地都幾開胃最後我同我朋友係食吾曬要打包拎反屋企食😂我覺得下次只係叫個部隊鍋都夠食，真心飽到上心口😂🙊

今日放Lunch同同事一齊去公司附近女人街揾野食，行左幾間都冇咩心水，禁啱行過見到間韓國餐廳未食過，所以走咗入去食。餐廳雖然吾算好大，但係都坐得舒適。一坐低我就同同事望下餐牌有咩食！都見到有吾少野食選擇，除左一啲韓國餐都有其他野食既選擇。我同 同事一齊簡午市套餐食 不過我係簡鐵板烤肉餐既午市套餐。餐點一上枱有驚喜！本身以為會好少肉。點不知份量都幾足下！完全吾係hea做俾你，味道方面不錯的，不過我諗重口味人士一定會更加愛呢個餐！肉質方面吾會有柴柴既感覺,都算嫩口，而且午市套餐會包前菜小食 熱飲品 同一碗湯。咁多野食，成個餐都只係$49，咁低既價錢去邊到揾到！😳海鮮豆腐麻辣湯飯朋友就叫左海鮮純豆腐麻辣湯飯，份量都幾多下，湯裏面有好多吾同既料，有豆腐，菜，雞蛋同蜆，個辣湯我試左一啖幾好飲，吾會太過辣，我自己覺得幾適合我，再加埋啲飯一齊食就更加完美！呢個餐先$52勁低，仲要吾洗加一添。😍又要平又要食得飽既店依家好難揾到，呢間餐廳真心不錯👍🏻

欠衛生的韓國餐廳。食物有昆蟲。枱同地下好污糟，燈光暗。餐廳內有陣味。餐廳地方不大，中午晚上去一定要搭抬。坐得好迫。家庭式經營。叫了拌飯。人參雞湯。湯年糕。大概二十三十分鐘上齊食物。但環境好吾吸引。

😋炸醬麵連小食 $45/set包飲品唔誇張，呢碗麵可能係全香港整得最正宗嘅炸醬麵！😻首先d醬啱啱好，唔太甜又唔太鹹，而麵嘅分量亦非常夠！入面仲加左青瓜🥒同薯仔🥔，令口感非常豐富，食過就返唔到轉頭😋😋😋Btw, 唔食得辣都覺得個泡菜十分之jeng~另外，如果見到呢篇食評嘅你，如果可以再同你一齊食一次炸醬麵就好喇，會有咁好味，其實都係因為你介紹，同埋可以同你一齊食一齊傾計先咁開心咁好味。不過。。。

黎到旺角 閒時都會同朋友黎呢條巷仔覓食今次朋友帶我去佢既飯堂食野 原來係我成日食既韓國菜！入到去係地道小店既裝潢 簡簡單單 老闆就十分熱情 同我既朋友好似相識好耐既朋友咁 閒聊幾句 朋友依舊揀左佢最愛既半份豬腳 而我就點左最喜愛既泡菜炒飯 份量都非常多 完全估唔到半份豬腳有咁多 今次我都係第一次食 豬腳都幾嫩 點醬汁食 係唔同感覺泡菜炒飯就同出面食既一樣水準 重點係佢唔貴 又送湯又送前菜 性價比高

旺角行街，搵間唔係集團食市越黎越難，女人街兩邊仲有好多小店，忽然想食韓式，但唔係韓燒。行過比個menu 相吸引左。韓式唔食韓燒，就離不開石頭鍋飯、辣豆腐湯飯、部隊鍋、飯卷等等。因唔算太餓，簡單叫左海鮮辣豆腐湯飯、牛肋骨湯飯同鐵板炒三式-豬、牛、雞。一般韓式都先上前菜，黎到都一樣，但除左泡菜係韓式，其餘兩款芽菜同魚片直情可以話係港式。首先上既係鐵板炒豬牛雞。心諗咁快既？！感覺就似大X樂，你叫乜，就係扒爐執上碟一樣咁快！鐵板上，都預塊鐵板係做樣唔會熱得去邊，但原來仲可以係凍。牛，係一般肥牛，碎上，份糧係最少。雞，有4件雞球。豬既份糧有半件豬扒既份糧。但味道就一般中式菜一樣，豉油、蠔油味，洋蔥仲生。牛肋骨湯飯。味道唔錯，湯底唔喊，仲有4件牛肋骨，菜底都唔少。不過碗飯就唔多熱。再黎海鮮辣豆腐湯飯。一上枱，個湯紅到唔可以再紅，心諗一定勁辣，一試，不出所料，好辣，但成個湯都係得個辣字，又完全唔足料！得一兩粒碎左既「蜆仔」、兩條切細到無可再細既魷魚鬚、半塊豆腐、雞蛋、芽菜同黃芽白。唔知以為大厨唔記得放材料，定傳菜上錯素菜湯飯。價錢唔係貴，鐵板、湯飯@$7x，但唔值。是晚仲有好笑野，隔離枱三個大男人，

隨心係女人街搵間餐廳食午餐，利豐園的大餐牌吸引了我駐足留意一下，午市套餐包前菜&飲品先大約$50左右，於是就決定入去試一試。辣牛肉粉絲湯 — 熱辣辣上檯，即刻飲一啖湯🥣辣湯鹹度啱啱好，辣度亦係啱啱好🤤預期只係會有三兩塊牛肉，點知有驚喜😲 牛肉幾好味之餘，仲要都幾多下👏🏻👏🏻上湯牛肉粉絲 — 配有蔬菜🥬菇類以及洋蔥熬煮湯，牛肉、粉絲都吸收晒湯底嘅鮮甜味，唔錯唔錯🤤🤤🤤🤤

今晚去開旺角買野，行行下突然想食韓國菜，但又唔想食連鎖店既，想試下新野，行到內街見到呢間韓國菜，睇落有小店既感覺，就決定入黎試下。環境唔算太大，食物既價錢都中規中舉，睇完餐牌之後，叫左兩個石鍋湯配飯既餐，一個係辣牛肉湯，一個係辣海鮮豆腐湯，落左單之後先上前菜。前菜味道就一般啦，唔算太出色等左一陣，兩個鍋就到喇，可以食得，賣相都唔錯，辣牛肉湯入面有芽菜，粉絲，小小既牛肉，不過牛肉就有啲老，但係個湯既味都係正常既辣湯味。個豆腐湯就幾足料，有蝦，蜆，雞蛋，豆腐等等，味道都還可以，兩個湯既份量都唔少，都唔差既。

今日約左朋友食晚飯，朋友話想食部隊鍋，就黎左呢間餐廳啦！其實之前都有食過呢間餐廳，都幾好味，所以一想食韓國野就會黎我哋一黎就嗌左一個細既部隊鍋，一個紫菜包飯部隊鍋份量幾多，入面有腸仔、午餐肉、茄汁豆、年糕、泡菜、豬肉、公仔麵等等既材料，再有個泡菜湯底（好可惜我冇影到相）公仔麵佢哋應該係用辛辣麵，比較粗同圓身，都幾掛汁。本人係鍾意食辣同泡菜的，好岩我口味！泡菜佢似係用啲醃左比較耐既泡菜，喺湯入面滾幾滾後，夠味之餘口感又正！其他既材料都好好食！我特別鍾意個湯頭，酸酸地辣辣地好開胃！係韓國菜既代表菜——紫菜包飯！佢地呢度既紫菜包飯雖然都幾貴，但係都幾足料飯粒粒粒分明，唔會好爛有淡淡既麻油香，唔會掩蓋材料本身既味道！好好食本身加多少少錢可以加個飯落部隊鍋撈埋啲汁，但食完啲野都好飽，所以都冇加錢。不過下次要黎試下！

人蔘雞湯 HKD 75： 一上菜，已經聞到好香既人蔘味，食落都係有好香濃既人蔘味同雞味。而雞都煮得岩岩好，食落仲好滑身。整體份量都好足但味道較偏咸。係依到，上菜既時候店員會先比食客檢查湯入面係足半隻雞，跟住先會剪開。依方面，就同傳統韓國餐廳比較似。前菜：前菜係較為失望。有時就係因為想食唔同既韓國前菜，先想食韓國野。但依到既前菜就唔太正宗，而且無味。整體：鋪頭係旺角較偏僻位置，賣點韓國人師傅，但我覺得都係唔夠正宗，不過整體味道幾好，如果純粹想食下韓國野，依間都係唔錯既選擇。

夜晚上堂之前想食韓國野，於是入咗呢間韓國餐廳。強烈唔推薦：芝士年糕拉麵。其實味道係正正常常，不過食第一啖已經超熟口味，係韓國即食芝士麵味（黃色包裝嗰隻），只係加咗啲蔬菜同年糕。仲要晚市連服務費呢碗麵都要70蚊以上。所以決定以後想食芝士麵都係自己煮啦我朋友叫咗石頭鍋拌飯，味道普普通通。但熱辣辣上枱，而且都幾足料，仲有送湯，晚市連服務費都係70幾蚊，絕對抵食過我叫嘅拉麵最後，值得一讚嘅係呢間餐廳服務態度好好，我哋入座嘅時候有同老闆提過我哋有啲趕時間，坐低之後聽見佢同店員講上菜快啲，又會幫我哋埋定單，真係幾貼心

旺角女人街兩邊都係密密麻麻既食店，有好多伏味都幾重，咁岩落大雨，先入呢間韓國餐廳避下雨🤧點知又幾岩我口味喎必試雞肉石鍋拌飯石鍋一送上枱係聽到"滋滋"聲，好夠熱，上面有幾粒雞粒，冬菇粒，紅蘿蔔絲，生菜絲等等，望落令人流晒口水，加埋韓式辣醬撈埋，熱辣辣又惹味，連埋泡菜一齊入口，仲更加滋味食完飯，邊邊仲有脆脆飯焦可以食埋添‼️純豆腐辣湯每次黎一定要嗌，豆腐超級滑，而且個湯好濃又香辣，又唔會過鹹，味道岩岩好，送飯一流韓式拌冷麵夏天我會推介呢個，食完透心涼❗️除左有泡菜，蘿蔔絲同生菜之外，仲有切左條既梨絲，令食落有爽脆既感覺，而且好清新，令人好開胃😝👍韓式炸雞翼食韓國野點可以唔叫炸雞，由於我唔想食雞胸所以冇叫全雞，但呢碟雞全翼份量都幾大碟，而且入面都仲係好juicy,甜甜地辣辣地，味道都唔會遜色過其他出名餐廳既炸雞韓式豬腳呢個就一般般，因為豬腳唔太入味，而且皮同肉切得唔太平均，有啲成舊得皮，有啲成舊係瘦肉，口感有少少柴烤五花腩我覺得煎得過左火少少，感覺似豬油渣，但同行朋友又好鐘意呢種脆脆既口感，所以各人口味可以差好遠Overall, 質素唔錯，係抵食既尤其係純豆腐辣湯最令我驚喜