利豐園韓國料理

Open Now

Now Closed

行開旺角，就想係女人街兩邊搵野食，好多選擇，通常都幾抵食揀中左利豐園依間韓國野，突然想食啲韓國野辣辣地開下胃，街坊Look既餐廳，基本韓食都有，坐低都有小店供應，唔錯既年糕芝士拉麵 💖💖💖💖🤍🤍🤍🤍🤍🤍豆腐辣湯 💖💖💖💖💖🤍🤍🤍🤍🤍柚子蜜 💖💖💖💖🤍🤍🤍🤍🤍🤍好想食泡麵，叫左年糕芝士泡麵，一食，原來好辣，餐牌無辣椒仔樣而賣相都唔紅以為唔辣不過味道就唔錯既，年糕口感ok，純豆腐辣湯，紅過個麵咁多即刻好驚，但食落唔辣，仲幾香味道唔錯，送飯食都好正，豆腐好滑柚子蜜就正正常常啦，整餐黎講豆腐湯正，又夠韓又好味

琴晚去開旺角，諗起好多年前朋友介紹嘅韓國餐廳，曾經同細妹食過，琴晚同老公一人一個main再加個小食（都好大份），加埋飲品，埋單HK$257，捧住個肚腩走～～ 《海鮮豆腐湯飯》我本身想食牛骨湯麵 (HK$90)，因為lunch食了飯 (通常鍾意1餐飯1餐其他)，不過純粹係為了慳下錢 (雖然呢間都唔算貴)~ 而且呢間好多選擇，海鮮豆腐湯飯我都like~~ (HK$75) 勁多料，好多豆腐，好養生的感覺，辣辣地嘅湯好暖身！《 辛辣麵 - 豬/牛/海鮮 》老公點了豬，但係來錯了海鮮，應該係mix錯了我個海鮮湯飯😂 店員落單唔寫低，好似唔得喎！上菜都有D慢，尤其係老公杯飲品已經係現成 (韓國桃汁)，我就飲柚子蜜，極度懷疑佢地唔記得，我地催一催先比~ 建議寫低，人腦靠唔住haha好大碗麵，似係有2包辛辣麵，好似食緊個mini部隊鍋咁，就咁食main dish都好飽！《 泡菜煎餅 》小食點了一份小的 (HK$68)，原先以為得幾塊，但係大家見到圖中有8大塊，夠晒4人份量😂 煎得好香，好味過我平時整嘅，應該因為足料，夠多泡茶、蛋等餡料！

黎到旺角突然想食韓國菜～望見呢間餐廳嘅餐牌d價錢都幾平，就一於入黎試吓啦！石頭鍋拌飯(牛)牛嘅份量都 ok多，配埋各款唔同嘅配菜，賣相都幾靚！鍋又夠熱，所以底下充滿飯焦～年糕芝士拉麵年糕煙韌，再加埋拉麵同芝士味湯底，好食～午餐仲送三款配菜同餐飲，抵！

行經女人街肚餓搵食，見到呢間韓食店，價錢居然平過茶餐廳加上佢舊舊地嘅menu，應該都係老店，醫肚就試一試。可能價錢平，所以都多一人堂食，啱晒附近返工人士。前菜3款，有泡菜、魚片同大豆芽，較喜歡大豆芽味道清甜。 牛肉粉絲上枱有陣香味，總覺得似洋蔥湯嘅牛油香，但照計唔會係牛油😅可能係大蔥或菜或洋蔥香味掛。可能食咗泡菜，覺得湯味道較淡，應該唔係味精湯牛肉有少許烤牛肉味道韓食$51連凍飲，係旺角嚟講係抵食唔錯，其餘嘅餐都係$4x-$7x之間，大部分係$50左右

星期六去女人街附近買嘢，食飯時段，諗住喺附近食埋午餐，見到有啲食肆都有排隊，咁就行過呢間食韓國。見冇乜人就入咗去食嘢，因為初頭見到門口可以比八達通可以用消費券。一行四人我就叫咗個牛骨韓國鐵板。食韓國嘢當然有錢財，味道就麻麻哋，有三款，食落去唔算太新鮮應該都整咗一段時間。牛仔骨嚟到，賣相比起之前去食啲韓國嘢真係差啲，味道也是普通。每片都係黐住好少肉，不過午飯時段40幾蚊在旺角就算數冇乜特別要求。如果要高質嘅韓國食品，可以考慮其他。四個人食分兩台送咗個泡菜薄餅。我覺得冇乜味道，但個小朋友話好味😋

史上最難食的韓式炸雞，炸粉多個雞肉，呢份好似雞肉一樣厚，勁難食中哂伏史上最難食的韓式炸雞，炸粉多個雞肉，呢份好似雞肉一樣厚，勁難食中哂伏史上最難食的韓式炸雞，炸粉多個雞肉，呢份好似雞肉一樣厚，勁難食中哂伏

女人街一向都有好多好嘢食，想食韓國嘢所以就隨機入咗一間，呢間嘅嘢食午餐基本上都係40幾蚊，晚餐都係七十幾左右，算係非常抵食之選！今次叫咗泡菜煎餅、辣牛肉湯、石頭鍋飯同埋紫菜包飯，基本上每一樣都係平價夾大份！泡菜煎餅粉感比較重，但係配埋醬料食都唔錯。辣牛肉湯仲有跟飯，呢個天氣食非常暖胃。石頭鍋飯都唔錯，不過我就叫得太多，所以唔係好食得晒紫菜包飯好大嚿，飯粒有少少乾，我個人就會比較推介其他韓式料理啦舖頭位置唔多，環境比較平民，但係勝在價錢親民，行過想食韓國嘢都可以試吓！

繼續新年冇咩餐廳開系列，今次就揀咗利豐園，不過除咗價錢較實惠外，沒有encore嘅意慾🤭 去開旺角想食個快嘅韓式頹飯就可考慮🤣🌟石頭鍋牛肉拌飯石頭鍋飯熱辣辣送到🪨，配料有牛肉、蛋、紫菜、紅蘿蔔🥕、大豆芽、生菜🥬、雜菌。牛肉份量不多，而且有筋有渣，質感唔係太好🥲拌飯辣醬調味亦比較保守，甜辣味亦不明顯，要落多少少🤏先夠味，可惜為時已晚，店員已經收起咗枝醬汁😩。幸好石鍋夠熱，容易起到飯焦，天凍時食石鍋飯好溫暖好舒服😗🌟海鮮辣炒年糕年糕份量極少，數咗只有9條年糕咁大把😅成碟都係由翠玉瓜、紅蘿蔔堆砌而成🧩，海鮮🦞有青口、蝦🦐、蜆，雪藏貨質感都算正常，不過連👧🏻都唔太食得飽😞

利豐園韓國料理💚石頭鍋鰻魚飯 配熱華田 $47水冷麵 配熱檸蜜 $50石頭鍋雜菇牛肉飯 配凍檸茶 $50+$3年糕薯仔拉麵 配韓國蜜桃汁 $46+$10年糕芝士拉麵 配好立克 $46如果嗌四個餐 就會送海鮮煎蔥餅可能只限堂食🙈-前菜泡菜對我來講 有啲辣芽菜一般般 都OK好味嘅菠菜同上一樣🤣💁🏻‍♀️．石頭鍋鰻魚飯 本身因為見到係鰻魚飯 仲要咁嘅價錢所以吸引咗🤩不過都預咗個質素唔係話太好佢大約可能只有四五舊鰻魚🥺佢另外有個唔知係咪豆瓣醬嘅豆瓣醬俾我落個豆瓣醬紅色嘅 唔係話辣 不過可能最尾嗰度有少少辣我最後落咗1個圈+1點好多飯焦 好好味🤤但佢呢個石鍋好神奇👻唔會話落得特別多油但佢嗰個石鍋飯比起出面做得更加好👍🏽因為出面嗰啲飯會黐住個底 之後竉咗同埋會好難整走但係佢呢個完全唔會黐底所以好容易食到啲飯焦🤤佢配料嗰度都好豐富👻包括紫菜 生菜 芽菜 菠菜 菇 蘿蔔絲所以每一啖都好夠味😋．另外石鍋飯係會配左個湯個湯一般入邊有啲蔥 椰菜 同埋白蘿蔔但都好似有少少味精．熱華田 OK啦不過甜咗少少🤣．海鮮煎蔥餅4個餐就會送一個👻嗰個蔥餅唔會話薄不過食到佢嘅粉漿嘅感覺同埋可能有啲飽佢入邊有啲魷魚同蔥如果係我

餐廳：利豐園韓國料理 @leepungwon 地點：旺角通菜街8號地下出開旺角整野，就順便食埋野先返屋企，行左入女人街，原來都有幾多韓國餐廳，兜咗個圈，決定食下利豐園🎀蒸餃子🥟 $55似係蒸左好鬼耐，D皮已經爛左，味道都係好普通🎀韓式伴冷麵$75味道叫可以，係個麵煮得太耐，唔夠爽口🎀辣牛肉粉絲湯$75好食，少少辣，係略嫌唔夠料，好似無咩餸食，當辣湯飯都ok🎀韓式炸雞半半 $90嘩….乜d炸雞….咁既樣😅😅同我食開既差咁遠……原味….係無味辣味….係正常甜辣醬的味，所以最後將原味都撈埋甜辣醬一齊食先叫正常味埋單…..下，收加一😅ok

8號唔知有咩食行到女人街見到仲有間韓國嘢開就入咗去裝修偏舊定價唔算平本身入到去先見到啲食評話呢間野好污糟嘢食好嫲嫲都有啲驚。。。嗌咗個牛骨薯仔湯麵 $90正常 個湯辣辣地幾好飲好食 個辛辣面煮得啱啱好仲有少少硬～好多煮到淋淋地嘅薯仔🥔牛都幾多 幾好食但本身90蚊都幾貴-.- 仲嗌咗個豬肉拌飯 好大份又幾足料好食 個蛋就⋯⋯生咗啲😂😂啲拌飯醬比較稀同淡味 落多啲都唔會太鹹～～湯同小菜都正常🥰🥰但完全唔明點解要收加一除咗落單出餐無任何服務 仲要本身都唔算平同埋整體環境又殘舊 真心覺得15蚊服務費呃錢-.-

旺角通菜街食肆林立 唔同菜式嘅餐廳都有 韓國菜都唔少💖呢間餐廳包三款前菜 同飲品 價錢相對便宜 到食飯時間必定會有人龍😆.🌟炸醬麵 $50好鐘意個麵底 好煙韌又有口感🤩醬汁夠多 比想像中甜🥘薯仔份量都好足 但豬肉就較少🙈.🌟石鍋鰻魚飯 $47鰻魚調味唔錯🥰配菜有蘿蔔絲 芽菜 等等加埋辣椒醬拌飯更惹味💖.📍 利豐園韓國料理 (旺角)旺角通菜街8號地舖

圖片洗費共$53，小菜基本贈送，什錦拌冷麵 (送湯) $50 & 凍飲+$3，由於餐牌有推薦圖案 & 因為名系什錦，所以放棄左原本想食既餐點而選擇呢個。小菜系泡菜(偏酸)西芹紅蘿蔔(普通)拌豆芽(普通正常，一般出面食到既味)湯：有味既蔬菜清湯，有幾塊薄切白蘿蔔&椰菜等，飲完唔會口喝。什錦拌冷麵：真系想知什錦d咩野😅唔通係蔬菜？呢碗麵有半隻蛋，偏酸泡菜，切碎左既生菜絲、紫椰菜絲同梨絲，比$50食呢d，我寧願食其他款好過 不過味道唔差既，一d都唔辣，出面食到既質素，就系性價比唔值。

🔸️ 旺角通菜街一向有好多餐廳選擇今次是一間韓國菜❗－－－－－－－－－－－－－－－－－⭐ 人參雞湯（半）＄95🔸️ 雞嘅份量好多👍真係有半隻雞 雞肉夠嫩滑會附送完畀客人🤗雞湯冇咩人參味 純雞湯味道不過熱辣辣 好好食 冬天食最吸引🤗性價比嚟講幾高👍🧸推薦指數：⭐⭐⭐⭐－－－－－－－－－－－－－－－－－⭐ 石頭鍋飯＄70熱辣辣 有飯香可以自由加配醬料濃度牛肉肉質不錯👍🧸推薦指數：⭐⭐⭐⭐－－－－－－－－－－－－－－－－㊙️總括而言， 整體嚟講性價比幾高，食物味道正常❗－－－－－－－－－－－－－－－－－利豐園韓國料理旺角通菜街8號地舖

今日冇帶飯，所以去咗買外賣返公司食，因為喺旺角返工，所以有好多選擇，今日好想食韓國菜，於過咗去女人街，女人街有好多有韓國人開嘅餐廳，我選咗一間招牌好有韓國感覺嘅餐廳，餐廳外面有一大塊午市嘅餐牌，太多選擇啦，對於選擇困難症嘅我簡直係花多眼亂心大心細，於是我就用第一眼見到咩選擇就食邊樣，最後選咗韓式拌飯，我選擇嘅係雞肉，呢個餐$44 ，外賣要另外加兩蚊，一份韓國拌飯有埋湯同餐飲$46 都合理，返到公司打開個外賣盒見到個拌飯都好靚，除咗個兜同餐廳澳門唔同之外，賣相幾乎一樣，把韓式辣醬和所有配菜撈勻一齊食味道不錯，我最欣賞佢嘅餐湯，有好多蔬菜在裏面，而且清甜，以後食午餐有多一間餐廳做選擇