利豐園韓國料理

Open Now

Now Closed

好食，老闆好好人，已成飯堂。超喜歡佢個雞，兩種味都鐘意，叫外賣一定會叫，試過堂食覺得仲好食好多另外佢嘅鍋飯都好食ga, 石頭鍋飯，海鮮食頭鍋飯，菇牛石頭鍋飯，都非常好。食個陣可以加d 醬。午餐時，每四個人會送一個海鮮/泡紫煎餅，兩個都好吃。晚餐時我會吃鐵板牛/豬等，即上鐵板夠多汁，飯也是香軟的，非常好。還有水冷麵，我是不大能吃辣的，這裡的水冷麵也非常不錯，入囗不算太辣很惹味，而麵是煙韌彈牙的！非常好吃。值得一試。

真係挽挽下，食到間性價比好高既韓國菜，係香港真正好食既有邊幾間呀，又貴又唔好食，但宜間唔同，又平又抵食。 👍個水冷麵，質地同湯底係同韓國一樣，唔係普通蕎麥面，同埋你試過真係會去飲曬個湯🤓👍炸醬麵，味道同麵嘅質感，都係好食！👍紫菜包飯，又係食完想打包份走🤣🤣🤣 最重要係咩呀，平呀大佬！三樣嘢連埋嘢飲先140叫4樣野重有海鮮煎餅送

太耐冇去旅行啦😭好掛住韓國嘅味道！不過要搵正宗韓國菜都好難😭就係鐘意佢啲醬汁夠濃味，就決定試試呢間💓生菜豬肉包我本來好怕食生菜嗰陣草青味，但係佢個醬汁真係好夠味，完全唔會有生生地嘅味，而且生菜洗得好乾淨，夠晒fresh~~~佢好大碟，而且配幾個醬汁❤️不過韓國野偏濃味多嘅，佢同韓國啲餐廳一樣都有配湯，食一啖飲一啖就岩岩好啦～～雖然兩個人淨叫咗一個生菜包同湯，但因為好大碟所以都食到好飽💓絕對係大碟夾抵食🥳

叫左個部隊湯，另送飯同埋味精湯，成個部隊一堆溶溶爛爛嘅菜，只有3分分之一條廚師腸仲好大雪藏味，3舊細細粒牛餐肉，數不清既菜同埋九菜，叫菜鍋好過部隊鍋，個湯底酸到爆，贈送既味精湯重味精到飲唔到，係椰菜湯。另外朋友叫但個石頭鍋飯還好，叫做正正常常，如果想食平價韓國野可以叫石頭鍋平平地，但部隊湯野食好難食。如果budget 多少少建議唔食呢間食其他間韓國野會更佳，價錢大概40-60不等。出面都有60-70食物質素好少少既韓國野食。

無論豬，牛，雞，每款都好得，以價錢論食物，簡直無得輸，只係前菜較為少款式，但枱面細細又無法放更多伴菜，唯一可彈就係每次熱柚子濃度都沒有標準，這不太要緊，更何況此店已變成飯堂！

疫情之下，無得出外，好掛住韓國美食，石鍋飯、辣年糕、大醬湯⋯⋯今日經過旺角見到呢間小店，有大醬湯，於是吃午飯，大醬湯飯味道適中，不太辣，不太咸，套餐包前菜及飲品，只需要$50，平民價錢，抵吃。我將一大碗飯送湯KO了🤣

最近第二次再光顧女人街嘅餐廳了, 發現今次疫情令我更加留意之後一直都忽略左嘅好地方, 最少我試過嘅兩間餐廳味道都非常唔錯, 雖然唔係韓國正宗, 但絕對唔會失禮, 而且價性比高, 非常抵食, 本人真心推薦, 當然啦, 餐廳環境欠佳, 如果係自己醫肚餓或者同麻甩朋友一齊食番餐當然冇問題啦, 不過溝緊女嘅就.........好啦介紹返今次呢餐廳, 利豐園咁呢間餐廳係專做韓國菜嘅, 我地就平日午市去, 午市套餐都幾多選擇嘅, 算係全面只要叫套餐都會送嘅3款小配菜, 淡至濃味, 芽菜唔乾身, 青新爽口有汁, 醃製比較少, 青瓜就醃得較酸, 開胃, 而且青瓜味非常突出, 泡菜就本人覺得好出色, 因為呢度泡菜唔算辣, 反而好甜, 有梨汁嘅味道, 而且醃製均勻普通港式凍檸茶, 又出奇地正常, 用碎冰, 抵飲d例湯, 有紅白蘿蔔, 味道係有輕微辛辣味嘅白蘿蔔湯, 泡飯幾好食辣炒五花肉飯, 睇落好碟頭飯, 但造功唔馬虎, 主要係洋蔥同五花肉, 洋蔥本身已經炒到帶出甜味, 再配埋甜甜嘅醬汁, 惹味非常, 五花肉本身已經煎香左再落鑊炒, 比較多油脂但好香口, 份量好多, 醬汁配上煎香至乾身嘅五花肉, 取得唔錯

晚上去旺角買完東西後，便由鼓油街入通菜街，打算隨便附近找晚餐吃，然後就給我看到利豐園韓國料理。首先看過餐牌後，款式都是韓國平民菜，而且也是平民價錢，在旺角地區來看，價錢不算太貴。點餐後店舖會免費提供前菜前菜份量足夠，有三款，分別是泡菜，芽菜和西蘭花，味道普通，泡菜味道可以再重些少。芽菜麻油味很香很入味，前菜是免費的，所以不過不失。那我點了泡菜炒飯泡菜炒飯份量夠大，飯粒有焦焦的口感，可惜的是可能本人偏好重口味，泡菜味道不夠重，沒有好好突出泡菜味道。另外也點了紫菜包飯紫菜包飯麻油味香，而且多料，我點的是雞肉餡，雞肉夠滑嫩。另外也點了個大醬湯，(忘記影下食品)，不過味道夠濃郁，可以配上幾碗飯。最後結帳共$239三款食品兩杯飲品在旺角地區，價錢差不多，尚算可以，有韓國平民料理的風味。

長話短說叫咩都會送10蚊前菜所以吾好叫前菜我就叫左一個泡菜湯一個人蔘雞湯（半隻雞）泡菜吾似係自家製同平時超市買既差吾多個人蔘雞湯吾似有味精火喉好夠味ok但係蔘味無乜隻雞就好林 擺明真係煲左好多坐位方面 有軟墊空間就比較迫服務非常好 會主動問你隻雞洗吾洗切

出開旺角，諗住搵間韓國餐廳食下 見佢隔離左右啲韓國鋪頭都坐滿人。見佢個餐牌又幾正常 就試下點知...防疫時期，客人入到黎無幫我地量體溫😡😡😡😡前菜完全無味🤮🤮🤮🤮諗住天氣咁熱叫杯凍柚子蜜茶 點知一啲味都無 成杯柚子皮水咁🤮🤮🤮🤮個飯黎到 係幾熱既。但都係無味😩😩😩😩樣樣都無味 ，成個醫院餐咁😩😩😩最後成個餐我都無食到就走...因為太難食啦一啲韓國口味都無未試既真係千其唔好試 試左既..我明你感受🤢🤮最後成個餐都叫有杯野飲下 ...當水咁飲🤮

很多东西都一般，味道超级淡，例汤淡得跟水似的，泡菜根本不像是真正的泡菜，味道完全不对，辣酱是咸的，原本餐就淡，加了辣酱直接变咸的了，泡菜凉面味道一般，不是太推荐大家来试吃。以为挺好吃的，来试试，可是却失望了，以后不会再来这家吃了，上去另一家韩国料理比这家好太多了，味道超级想真正的韩国料理的味道，不会很淡，味道刚刚好，例汤也甜好喝，还想再喝一碗的感觉，而这家喝一口就不想再喝下去了，还是喝水好喝点！很失望

依間餐廳真係伏, 真係唔好試1) 韓式拌冷麵, 麵送來時不是冷的, 是溫溫的, 沒有味道2) 石頭鍋拌飯, 飯是熱的, 飯本身沒有醬,  要自己加的. 但加左一陣就收左樽醬, 要再問佢攞3) 人蔘茶, 只係一杯甜水, 完全冇人蔘味4) 泡菜煎餅, 完全沒有泡菜味, 只有油煎味5) 未食完就收左餐具, 我都食得好快, 都唔夠佢收得快. 這就是加一服務.全部食物都冇應有嘅味道, 完全係侮辱韓國食物同顧客!!!

晚上同朋友去食呢間韓國餐廳，叫左碗「辣泡菜黃豆芽湯」大家可以睇到個豆芽係幾咁少.....成$78蚊一碗嘢，咁都要孤寒？得幾條芽菜....我係俾個豆芽名吸引㗎嘛⋯⋯d豆芽值得幾多錢.....竟然得幾條芽菜.....牙縫都唔夠撩，而且d蜆好唔鮮....難食嘅.....呢間嘢唔會再幫襯！反正我就係為左d芽菜而black list呢間嘢，我朋友點嘅海帶湯，d海帶好似螺旋藻.....佢果個就ok一d d，唉....

今日星期日去旺角周圍都好多人，一個要想食咩都煩惱。唯有再食次呢間韓國野，今次就食呢個烤豬肉飯呢餐廳午市相當抵食，一至日都有個lunch det有個蘿蔔湯，涼伴前菜三小碟，仲有餐飲。所以都真相當抵食，今次個烤豬肉都相當唔錯，份量都唔細，烤豬肉都少辛辣味，食個時加少少泡菜，唯鐵板溫度如果更高，相信味道會更好。

多年前，有黎旺角食韓國菜，今日唔知仲有冇，不過好彩後來都搵到！一坐低就有三款小食，泡菜，菜心同大荳芽，三款小食都好食，特別菜心，今次嗌左韓亞伴飯，伴飯，份量都大，一個男仔都一定夠，簡單配菜加韓式醬已經好好食，不得不提下 蘿蔔湯真好好飲，又熱又多料，埋單先45蚊，真冇得輸