Video
4-min walk from Exit B3, Sung Wong Toi Station
continue reading
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
🛖好耐無去過九龍城，今日熊妹放工同樹熊去九龍城休閒行逛一下，當然都要周圍覓食一下。📌行到福佬村道，一個黃色的招牌寫住《李師傅韓國料理》非常搶眼👀，周街都係泰國菜，咁特別的韓國菜鶴立雞群，一於進店試下！📌晚上🌃7點幾，全場9成滿座，岩岩好有一枱二人位即刻有得入座，今日幸運指數5⭐️喇😇。📌店鋪唔算好大，但都容納到好多張食枱，長方型的設計，有三張四人梳化卡位，有3-4張二至四人枱，仲有兩張5-6人大枱，所以話間格真係好緊要。釜山豬肉湯飯，$68冬天凍冰冰，緊係點啲湯水暖下個胃。釜山豬肉湯飯係釜山名物，試下夠唔夠正宗先。韓國冬天天氣好凍，古代人已經懂得用上各類保暖食具保温，免得食物會好快變冷。湯飯就用上石頭窩裝起呈上，熱鬧鬧都冒起煙來。先飲一啖湯，豬肉湯清清地，好暖胃。片片豬肉好足料，好瘦無肥肉位，再倒入白飯變成湯飯，一啖一啖飯咁吃，成個人都暖和起來，冬天食真係好適合。紫蘇刀切麵，$68食完飯就食個麵，刀切麵好大一碗，內裡配料係素菜，有冬菇片、紅蘿蔔絲、洋蔥絲同翠玉瓜絲，湯的質感好濃稠，刀切麵麵條好長有咬口，成碗份量好多，兩個人食都食唔哂。拼盤餃子，$58韓國餃子咁出名，店鋪有四款餃子，就點一盤拼盤試哂去。四款餃子分別係泡菜豬肉餃，肉餃子，大餃子同排骨餃子，每款有三件，共十二件，兩個人食絕對夠喉，岩哂餃子愛好者。水煮餃子清清地，但饀料好有味。其中，熊妹認為泡菜餃子最好味！本身都好鐘意食泡菜，加入左肉碎做餃子，中和少少泡菜辣味，圓形易入口，再加點辣醬更惹味。📌韓國料理有好多款式，辣炒年糕、蓋飯、石頭窩飯、人蔘雞湯、部隊鍋同炸雞等等都有齊，價錢親民又唔需要加一，正宗韓國菜嚟講都幾抵食，係九龍城開間韓國菜真係唔容易，生意都幾唔錯，見走一批客又有新的客源源不絕，希望李師傅可以繼續係九龍城站得住腳。
continue reading
呢間韓國舖頭喺九龍城新開，黃色嘅招牌令人留下印象☺️☺️今日天氣咁凍，最岩嗌蔘雞湯，雞內滿滿的糯米，湯頭濃郁層次豐富，軟嫩雞肉入口即化，喝一碗便精力十足♥️雞骨全整都燉到可以全部吃進肚裏喔。牛肉蓋飯，「牛汁」是牛肉飯的靈魂，呢度啲牛肉汁調味相當好，牛肉飯有相當多，牛味濃濃，好味😝😝喜麵，喜麵顧名思義是在「喜慶的日子」所吃的麵，原來有點您陽春麵🍜+上石頭鍋飯上面啲餸♥️整嗰感覺都很清新呢，最後嗌了暖身韓式飲品🥤
continue reading
今日係九龍城約左朋友，發現呢度開咗一間新嘅韓國餐廳，睇餐牌見到真係好抵食，而且店員仲係韓國人，感覺都幾正宗，於是就入嚟食晚餐，結果真係覺得幾好食！我哋最尾決定咗要烤肉，叫咗一份五花肉同埋一份豬頸肉，兩個都係200g，呢度雖然係小店，但係烤肉之後都完全唔會覺得成身都係油煙味，抽風都做得唔錯。呢到都會有埋生菜比我地夾住食。飲品就揀咗要一個甜米釀同埋一個月嘅生薑茶，天氣凍凍飲吓生薑茶其實都真係幾寶，好暖胃。
continue reading
📍 李師傅韓國料理 LEE SABU KOREAN CUISINE🌍九龍城福佬村道20-22號學林軒地下A號舖 Shop A, G/F, 20-22 Fuk Lo Tsun Road, Kowloon City📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝貫徹韓國傳統，未食就一小碟一小碟配菜：菠菜、蕃薯、泡菜，泡菜仲好食過我係韓國本地食到嘅，泡菜新鮮青脆又入味，超多蒜泥，勁惹味。▸ 拼盤餃子◂ ＄５８／１２隻✿ ４款餃子有泡菜豬肉餃、排骨餃、大餃子、肉餃子；大餃子同肉餃子味道差不多，主要係鮮味為主，突出蔬菜清甜味；泡菜豬肉餃唔洗講就係辣，但估唔到可以辣到咁起勁，嗜辣之人切愛；肉餃子係我個人最愛，肉味最重且份外多肉汁~▸紫蘇刀削麵◂＄５８✿ 韓國美食大多數以辣為主 翠肉瓜、洋蔥、紅蘿蔔絲、香菇等大量蔬菜，湯頭勁清甜勁稠密，米香十足。削麵滑溜，不軟不韌，口感剛好。粉末係茶蘇粉，聽講對胃好～▸韓式蓋飯◂＄６８✿ 雞肉勁嫩滑，用左特色醬汁烹煮，似燒汁卻非燒汁，甜得黎又唔膩，可能係加左大量椰菜，有種家常味道～▸無骨炸雞◂＄４８✿ 炸皮勁香脆，好似食薯片咁仲搭配腌蘿蔔，係清爽酸甜味，勁解膩～
continue reading
一坐低即上幾款韓式配菜，泡菜超好食，夠辣又好爽脆！唔似街外買的～部隊鍋(198hkd) 入面好足料，有香菇🍄🟫、香腸、午餐肉、豬肉片、芝士🧀、即食麵、金菇、蔬菜，每款食材都好重要‼️拌開左藏在入面的泡菜，個湯即刻好濃郁，好有食慾，芝士配韓式泡麵簡直天堂甜辣炸雞(58hkd) 主要是甜味，只係微微的辣，醬汁畀得好多，質地濃厚，炸得剛剛好，無骨啖啖肉，適合懶人，有肉汁，呢個價錢超值！Ps.店員姐姐勁溫柔，會一直留意你有咩需要得嚟又不會好chur👍🏻#foodiblum韓式
continue reading