傳奇烘焙

Open Now

Now Closed

最近好多開心果product 身為狂熱份子當然要周圍試吓傳奇烘焙有好多分店 入到去見到好多唔好嘅包點同蛋糕 但係其實每間都不太就腳 如果去開附近就記住去兜一轉啦試咗開心果麻糬包 同埋麻糬波波開心果味正！都幾濃郁 唔算太甜 麻糬質地煙韌 會再encore！$6/粒 $15/3粒 麻糬波波質地偏硬 唔會回購價錢都算合理，$18有兩粒。仲見到有開心果芝士巴斯克蛋糕，即刻入手！同樣有驚喜！開心果味濃！又食到芝士味，售價$68，CP值高！如果生日買個做生日蛋糕都不錯。

粉紅色獨角獸生日蛋糕，個蛋糕真係好靚～肥妹全程望住蛋糕上面嘅公仔，到切完蛋糕阿妹第一時間唔係食蛋糕係拎公仔。個蛋糕好有蛋味又夠鬆軟👍啲忌廉又唔係太甜 士多啤梨味又唔會好似藥水咁，我哋一家都讚～

嚟大埔行街之餘梗係要揾下啲好野食，其中呢間麵包店最出名係💚麻糬布甸包，咁梗係要嚟試吓啦，除咗布甸包之外我都買咗其他嘅包，佢哋呢度係比較偏中式嘅麵包店，除咗麵包之外仲有cake同埋蛋糕等❤️蔓越莓覆盆子布甸包 $16 :呢一款傳統嘅布甸包裏面嘅餡料係蔓越莓覆盆子，我見咁特別想要就買來試吓，整返熱嚟食會特別惹味，布甸包嘅皮外脆內軟，味道都相當濃郁👍🏻，而呢一款味道都幾夾，配料都算多😋💚斑蘭海綿蛋糕 $20 :另外就係呢款斑蘭海綿蛋糕，價錢都相當實惠，食落幾軟熟，不過空氣感唔多，斑蘭味就差啲，唔算好香濃😩💚麻糬開心果布甸 $24 ：呢款就係必食之選，💚開心果麻糬布甸包，每一盒有兩小件，係用咗100%開心果製成😍，所以食落相當濃郁又滑順，而佢嘅外層被帶點煙靭，口感特別，反而甜度適中，值得推介👍🏻👍🏻🎈QQ麻糬波 $13/3 ：另外買咗大家都會食嘅麻糬波波，佢有朱古力味同芝士味揀，不過就太令我失望😩，佢嘅外層都幾硬，食落仲要係空心，又唔覺特別煙靭😩，因為市面上真係有太多麵包店都會有麻糬波揀，就算係擺超過一晚，食起上嚟都會煙韌，又或者會腍身啲，但呢度嘅完全相反，我唔知佢整好咗有幾耐，但即晚食已經係硬

💁‍♀️💁‍♂️ 13/01/2024(Sat), Tea ☕️開心果系列之一 - 誤打誤撞買到好食嘅麻糬開心果布甸🤤🤤🤤位於大埔墟嘅傳奇烘焙🥯都係一間A先生間中會幫襯嘅麵包店，佢哋嘅麵包🥖🥐🍞、蛋糕🍰🎂等嘅選擇都幾多都幾特別，例如會有啲日式嘅麵包賣。今日💁A先生原本諗住入去買麵包俾兩位小朋友🧑👧做早餐，點知俾佢眼尾𥄫到有個新產品-麻糬開心果布甸，一向都鍾意食開心果產品嘅A先生又點會放過呢，於是又買兩件返屋企試吓先，之後睇返原來開心果關注組都有介紹過呢個麻糬開心果布甸。而今日我地order咗：.🔆 麻糬開心果布甸（$24/2個）店方標榜係用上100%法國製無添加開心果醬，入口開心果布甸嘅開心果味濃郁，口感幼滑，而且布甸份量都多，岩晒鍾意開心果嘅朋友。麻糬方面食落煙韌，配合返開心果軟滑嘅布甸，口感唔錯。份量方面佢無一般麵包布甸咁大件，岩晒用嚟做下午茶或者醫肚小食。店員建議係凍食嘅，但我哋試過唔雪入雪櫃，就咁室溫食都好好食。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：8.5/🔟❤🙆‍♀️(為食妙妙)整體食評：8.5/🔟👉🏻 開心果味濃郁，食落有布甸嘅軟滑，又有麻糬嘅煙韌A先生車友指數 🚗

蛋糕選擇多，精美；麪包也選擇多，好食；店舖環境衛生也可以。唯獨是部份店員(大埔區)態度差，甚至連基本禮貌也欠缺，可惜可惜……。期望 貴公司能加以改善店員其差的態度，謝謝。

同事嘅客人請食西餅，外觀好精緻😍食落真心不錯，完全唔會只覺得死甜，小朋友老人家都岩食❤️款式夠特別又夠多👍🏻有別於傳統西餅鋪嘅款式，屬於比較新潮D🥰岩曬年輕一族

提子司康 $6個scone正正常常 唔會話好香 冇咩牛油香味 好似冇咩香味咁 總之又唔係特別好食又唔係特別難食咁樣💁🏻‍♀️ 質地都係正正常常 唔會話太硬🙆🏻‍♀️但唔建議大家試🥹芝士士多啤梨軟綿綿 $9睇落好吸引 又平樣又得意🙆🏻‍♀️聽個名仲好似好好食😂點知一打開個膠袋諗住食嘅時候發現係大伏好大陣怪味 係化學味嘅感覺😭😭（sorry 但真係少少似漂白水味）😩食落搵唔到士多啤梨味同芝士味😂得種好假嘅甜味 所以我食左一啖就停低左了 因為真心驚會肚屙😩😩😩

父親節加父親大人生日，梗係要買個蛋糕慶祝下，經朋友介紹到呢間小店買了個朱古力黑森林生日蛋糕，這個蛋糕有兒時的回憶，底層加了提子味啫喱，蛋糕鬆軟，賣相又靚，價錢合理👍👍👍👍推介⭐️⭐️⭐️⭐️⭐️性價比⭐️⭐️⭐️⭐️⭐️味道😋😋😋😋😋

作為一位澱粉系女孩，見到麵包就一定走唔甩🤭 經過每一間麵包舖都一定會入去睇！每一次經過哩間麵包舖都俾佢吸引到🍞 今次一於買咗幾款嚟試，結果大部份冇想象中咁好食😮‍💨

食完晏晝都仲係有啲肚餓😂😂 所以搵啲唔會太飽嘅嘢食下，同平時一樣入去行下睇下有咩想食🤣 入去個陣係2-3點冇乜人，唔洗排隊💛QQ麻糬波(朱古力、芝士) ($5/個，$13/3個)芝士同朱古力兩隻味可以混搭，佢個皮望落一格格，遠睇有啲似菠蘿包脆皮。但食落唔係🤣 佢啲皮唔會一路食一路跌👌🏻 我哋好肚餓，所以一買完就即刻拎嚟食，食落好靭，好難咬😵‍💫朱古力味冇話好出，因為佢有啲朱古力粒粒🍪 就會好少少。但芝士味就真係冇乜味喇🤔 路過可以試下，但唔洗特登去～💭放凍佢幾個鐘反而易咬啲，唔知係因為我冇戴住口罩食，所以個口可以郁得勁啲定點～

一直好想食菠蘿皮麻糬波波，但銅鑼灣那間最少要排一小時，我就物色下其他小店有得賣啦，結果發現大埔這間麵包店有售，而且地點在大埔墟大明里中間，十分方便。當天到店的時候，這間的麻糬波波有供應芝士🧀及朱古力味🍫兩款，$5@/ $13 for 3 ，買了兩個芝士一個朱古力，之後見到另一位顧客買了法式布甸包$15@，心思思又想試下，要知道九龍區那間人龍頗長呢。麻糬波波好煙韌👍，個人比較喜歡芝士味🧀，可以吃得出菠蘿皮的味道。至於布甸包的布甸好味好香好滑😋，留意到店家寫明用北海道3.6牛乳製造，但法包🥖跟期望有少少落差。

🇭🇰 傳奇烘焙·我哋係喺大帽山郊野公園嗰度沿住車路行上去 所以好易行 之後我哋就一路行落去大埔 雖然條山路唔算話好難行 但係因為比較濕 所以大家都要小心🙊之後我哋就落咗大埔食咗幾間餐廳仔啦🥳·QQ麻糬波$5因為我自己超鍾意食麻糬波波 所以見到有人推介呢間 我地都買左黎試下 不過呢間我自己就覺得一般般 佢唔算好煙韌 食落質感係似麵包多啲既🙊🙊·📍大埔廣福里23號正發樓地下A1號舖·

麻糬波波熱潮掀起左 就間間麵包舖都有賣大埔墟傳奇烘焙都開左幾年 但之前都唔見有依款麵包賣但麵包就真係唔錯 做咁耐都無點加過價 而且麵包質素又維持到今次入去見到中間大櫃有麻糬波波 就試佢麻糬波波有2隻味 朱古力/芝士 $13/3個價錢比起普通麵包都算貴 而且唔係大個去到都無哂朱古力味 只係試到芝士芝士味係無 而且咬落去唔鬆軟Oreo pudding $15得個甜字 成杯都係cream

經過見到蛋糕造型好靚，無論大人小朋友見到，都一定會好開心。好多時買1個呢d 特別嘅3D造型蛋糕都幾貴，但呢度嘅價錢算係幾抵；如果要求唔高，一個普通忌廉蛋糕就$100都唔洗。件裝蛋糕同樣十分精美，仲有幾特別嘅卷蛋，Oreo 芝士卷同北海道牛奶卷，真係件件都咁精美。第一次光顧，小試牛刀，買左個蛋撻同焙茶奶蓋慕絲。蛋撻係牛油皮，個皮都做得幾出色，看得到跟酥皮相似的千層，味道就無咩驚喜，可能我唔係即買即食，所以對味道都會有d影響。而個焙茶奶蓋慕絲……… 食完，有一刻感覺係懷疑店員俾錯我，但對返照片，又無錯喎。🤔感到懷疑嘅原因1)完全食唔到焙茶同奶蓋嘅味道；2)亦食唔到慕絲嘅口感。食完感覺就係食緊一件超級甜嘅海綿蛋糕，因為真係只食到甜味，同海綿蛋糕嘅口感😬如果鍾意食甜嘅，應該會覺得ok，但真係唔係我杯茶，尤其係面層果d透明嘅啫喱狀物體，我食左兩啖，只好將呢d撥走晒，因為真係甜到我接受唔到。可以讚嘅係個海綿蛋糕真係好軟綿綿。

Oreo芝士卷 $38⭐️⭐️⭐️店裏面有好多望落好靚嘅麵包，可能因為夜晚到訪嘅關係，心血來潮想食啲甜嘢，所以就揀咗呢一個卷蛋，蛋糕唔會乾， cream都唔會膩，但就係一個平平無奇嘅卷蛋，食唔出有芝士味，Oreo味亦唔重😢建議大家可以試其他款網上見到有人推介佢嘅班蘭味海棉蛋糕，第一眼見到佢青BB咁唔係好想試🟢🟢不過攞上手感覺好軟熟，都後悔咗冇買，下次經過應該要試一試靜雞雞話你知，我聽到店員自己講自己櫥窗啲精緻小蛋糕難食，唔知真唔真喇