利苑酒家 (北海中心)

Open Now

Now Closed

利苑，近年越來越有名的高級中菜，分店越開越多，格調也越來越高。不過，綜合大家(包括某些香港著名食家)的意見，還是認為灣仔老店的質素是最好的。環境從10多年前就開始光顧利苑了，她的環境向來如此，絕不要想能坐得舒服啊，那兒地方淺窄擠逼，由於生意永遠都太好了，為了多放幾張檯，檯與檯之間放得很密，沒甚麼私隱，也導致有時不夠清靜，這樣的環境和餐廳的級數和價錢絕對不匹配。除非你願意為了利苑的美食而忍受這種種，否則就要三思了。服務利苑的管理層十分注重服務質素，每天午市和晚市開始營業前，都可以看到他們在訓示員工和作出檢討，因此利苑的服務員全部都很親切有禮，服務態度殷勤主動，懂得主動沖茶，換牒，換食具吃甜品等等，就連訂位帶位的姐姐也非常友善有禮細心，滿臉笑容，你多去數次她就能記得你的名字，而訂座時要預留湯水小菜甚至要求從前吃過但現在菜牌沒有的老菜式，她們也一定會盡量滿足你的要求。不過，由於利苑的生意永遠都太好了，請不要介意被告知要在指定時間之前埋單(通常是1.5小時內)，而你吃完也會很快被服務員請你埋單，因此如要悠閒地吃飯聊天的話，利苑可能不會是個好選擇。此外，還有一個不好的地方就是，服務員常會太殷勤地

灣仔利苑曾是我的飲茶首選，每星期六都同太太一同來飲茶。每年聖誕亦都會同家人一同在此食晚飯。今年聖誕一行8 人訂左枱8:00鐘，都要等15分鐘先有位。這間酒家裝修後比以前光猛，但枱與枱的距離比以前窄。預訂了例湯，千業豆腐同過橋象拔蚌。係d咁既日子如果唔一早訂定，一定無得食。另外再order左茶香雞，蒜容豆苗，東山羊煲，海山骨(好似係咁既名)。過橋象拔蚌見人地食得多，自已都未試過。期實係用d熱魚湯淋上去D象拔蚌到、再加芽菜、油炸鬼。象拔蚌無相象中鮮甜,唔知是不是比D鮮甜既魚湯搶左D味。成為$680，叫做試過，不過下次應唔會再叫。東山羊煲 – 這個最掂。同一般酒樓羊腩煲D羊腩碎濕濕唔同，內有10數塊成人手掌咁大片既無骨羊腩片, 又軟又入味，YUMI千業豆腐同海山骨(應是蝦醬南乳炸排骨), 以前食過，水準依以咁好。茶香雞雖然好味, 但SIZE非常細. 當日應該用冰鮮雞, 因為無活雞賣MA, 你唔減價都應該比番隻大D既我啦,冰鮮雞平好多WOR服務水準比以前差了，可能因為人多關係。飲完湯，45分鐘後先有餸黎，叫8個白飯又失蹤………。埋單$2000。

Today, I went out for lunch with co-workers. We choose this place, because of their reputation, and we do not have to wait for a long time. After the meal, i really regret that we choose this place. The quality of those dim sum is not outstanding. The soup-filled dumpling with carb is too expensive. I remember the best soup-filled dumpling I ever tried is not that expensive when I compare with this restaurant. The soup-filled dumpling was not remarkable, it was dried, and they did not put enoug

一行五人來食午飯，早二日已經訂左位，我訂十二點半，佢竟叫我一點半裨返張檯佢！我話好丫！心諗：啋你都傻！飲茶傾計，一個鐘邊可以咁快食完？到時我仲食緊，唔通你趕我走？炸魚卷，真係幾好食！但太細件了！煎薄罉，嘩，佢卷成一卷，入面放左芝麻、砂糖、花生，我覺得麻麻。煎芋頭餅，我唔食芋頭，會胃痛的。牛肉、叉燒腸粉、燒賣、蝦餃都ok，水準之作。生煎飽無食到，因只有三件。鮑汁荷葉飯，味道都可以。砂鍋雲吞雞，味道一般。個女侍應幫我們分時，我同佢講只食雲吞，佢話好，點知都有裨雞我！我話唔要雞，佢仲問我咁點算！我唯有同佢講，佢仲有一碗未整，果碗只要雲吞！(我覺得成間酒樓，只有佢係最唔掂，如果唔係相貌娟好，我諗真係無可能留下來！因為我見個個侍應都好醒目，除左佢！)咁橋裨我見到姓宮的『粗眉仔』，佢以前係我公司飯堂做，依家佢係利苑做侍應。佢幾ok 架！又有禮貌又細心又醒目，希望下次見到佢的時候，佢升左做主任、經理‥‥‥。嘻嘻，最後我地坐到二點四十五分才走！(不過佢地都無催我地交檯！算佢地啦！)餐飯食左$550。

尋日一行七黎左呢度食晏, 目的就係歡送兩位工友! 第一次黎呢間食店, 入到去環境非常舒服, 感覺幾好, 坐底開左茶之後當然係腸下有咩好食啦, 最後柯打左幾少野食囉! 有蝦餃, 蝦腸, 蘿蔔糕, 珍珠雞, 燒賣, 滷水生腸同埋叉燒飽等等....師傅唔係每樣都有食, 皆因覺得唔係好夠夾, 但都試左幾款點心; 先講下蝦腸, 蝦肉勁爽口, 加上腸粉好滑, 點少少豉油, 好味呀; 蘿蔔糕又煎得好香, 料又夠加上有蘿蔔味, 正呀; 珍珠雞真係幾細隻, 冇咩特別, 不過都幾好味; 燒賣就幾細粒, 不過就好香冬菇味, 加上爽口, 唔錯; 滷水生腸份量真係少, 碟得嗰十件八件, 但生腸真係好爽口, 而滷水又唔會太濃太咸, 都幾好味!總括黎講食物質素唔差, 環境真係勁舒服, 服務態度殷勤有禮, 價錢唔算貴啦, 埋單六舊水到, 因為食得唔算多野, 試問咁大食嘅師傅又點夠喉? 都係嗰句, 飲茶始終同屋企人飲得開心d同放d, 有機會一定會再黎, 不過會同屋企人囉, 笑臉依賴值得一比!

喺正mummy公司對面嘅港式海鮮酒樓~可以話係我同mummy嘅飯堂啦~D嘢食好精致~食得放心~成日都有唔同嘅新菜式推介~環境好好~waiter同waitress嘅態度都好好~差唔多都識咗lu~點心好食又唔覺油膩~！強烈推介—燕窩蛋撻，蜜汁叉燒，脆皮雞，面醬A菜，臘味飯，仲有最正嘅——燕窩南瓜露+楊汁甘露!!海鮮都好正，不過我本人就首推清蒸東星斑~！蒜蓉粉絲蒸貴妃蚌都超好食，不過就唔係成日有...吃完飯之後記得要一小杯檸檬汁去油膩，雖然好酸但係好work！！中秋節呢度仲推出低糖低脂月餅~！btw有時食飯仲會撞到唔少名人~ 我同mummy嘅至愛飯堂~！

不嬲對利苑戾特別有好感，其環境既舒適，食物賣相既吸引，未吃已經令人食慾大增。平時，去利苑大多是食晚飯，是日就來品嚐佢精緻的點心。蝦餃、燒賣、牛肉、鳳爪、排骨、腸粉等例牌點心每樣都要，還有芝士酥、茶果和燒腩仔，盡量試多幾款呢度既點心。山竹牛肉不是用蒸籠上，而是放在精美的弧形碟，外觀更為吸引，牛肉味道好之餘肉質又唔會好散，亦唔怕過實，加上牛肉球裡面有些少的馬蹄粒，更為爽口。燒腩仔的擺盆方式最令我欣賞(如圖)。皮脆，但唔係硬，肉的肥瘦均勻，肉質鬆化，與那法式芥辣，十分匹配。燒賣也不錯，唔會話太多肉或太大隻蝦，份量的配合剛好，而且溫度亦夠，味道可口；茶果外皮煙煙韌韌，餡料香，又有口感，好過食粉果好多。芝士酥，應是用麵絲炸起做外皮，內裡是芝士溶，芝士味香之外，外皮脆卜卜，幾受我們歡迎。相反，排骨真係唔合格，直頭係唔熟，利苑竟有咁既出品，點心大佬要打屁股。因敏感關係，不敢挑戰蝦餃和蝦腸，不過望落都是精螢通透，相信也唔會差得去邊。同台的評語更是十分正面，可惜我無緣一試。點心之後便來甜品，楊枝甘露、芒果布丁、焗西米布丁等，大家SHARE食。呢度既甜品反而不太好，如楊枝甘露色水都未對辦，可用難食去形容，

20-2-08 (三)平日的晚市，這裏都很多客人，非常熱鬧。下午五時才去電訂位，幸好都留了座。醬油脆皮雞: 皮脆肉滑，最好是不鹹，雖然一隻要$240，但都頗大碟。九層塔葱爆鵝肝牛柳粒: 很香口，味濃，配白飯最好。南瓜香芋圍蝦煲: 材料很普通，為何這般味美，尤其芋頭又鬆化又香，南瓜又不會過腍，剛剛好，圍蝦可能先炸過，整個煲香味四溢，不過是一個迷你煲仔，很快掃清。瑤柱海味雜菜煲: 沒有怎麽特別，很熱腾騰，好吃。片皮鴨兩食(片鴨和葱爆鴨崧) : 今天鴨皮不是特脆，反而炒鴨崧用煲仔上，鴨件不太油腻，變咗做主角。不過始终味美的中菜都覺得味濃偏鹹，又唔飲酒，難道成晚都不斷喝茶，加白飯？三層肉: 通常到利宛飲茶都會叫，雖然份量迷你，也樂得少吃多滋味。蛋白杏仁茶：香滑，不太甜。鬆脆麻花: 大大碟，最抵食，不過媽咪吃後又說不夠鬆化，遠不及北角鳳城酒家好。Ｔ沒有出席，所以沒有照相。讓一切留在記憶中吧。雖然沒有叫貴價菜，服務也不錯。

actually i reserved the room FOR 1 MONTH AGO for 4 tables and they ahve mentioned that we can base on the set menu to choose without any additional surchaege for the room booking.However, they called me to reconfirm the menu and i choose the one with $3988 ( the cheaper one), they said the min. is $5000 per table for menu only and need to add tea chg, services chg and drink chgs.I dont know why they can inform the customer b4 two days of the event and said "WE WILL NOT OFFER YOU THE ROOM ANYWAY"

1-10-07 (一) 午餐與家人來飲茶，預先訂了一個燉響螺湯，鮮味濃郁，但價錢頗貴，($596/６人份量)每人只有兩小碗。其他點心都有水準，潤燒BB鴿、上素腐皮卷、义燒腸、生滾泥孟粥、小籠包……不錯不錯。

八月十日（星期五）呢排成日落雨，搞到心情都好似有d悶咁，朝早收到C既電話約我lunch，諗唔到食乜，就去番附近既利苑。C比我早到一步，哈哈，跟住响佢背後都唔知...　見到J同同事食飯，即刻上前傾兩句先...小籠包、香蔥蒸滑腸粉、鹿兒島烤包、蘿蔔絲酥餅之前已經食過無數次，水準當然一流啦，尤其是蘿蔔絲酥餅，鬆化香口，係利苑好出名既點心之一。素鵝就係第一次點，好味，不過略嫌太燶。大約一點幾，收到媽媽既電話先知原來就嚟掛八號波，真係天有不測之風雲嘞。最後點咗蛋白杏仁茶同C Share，一個字“正”。

嫲嫲75歲生晨，例牌在灣仔利苑設宴，Manager一早寫定名貴菜，有翅、有珊瑚蟹、有瀨尿蝦、有蘇尾、有燒鵝…非常豐富，務求劏到一地血。味道一貫隱陣，全晚的驚喜位，非名貴菜，反而是那非常罕有的鮮金針菜。市面上的金針菜，一般已被曬乾，口感乾硬，味道只限當配角；新鮮的金針菜呈鮮綠色，帶有一股濃厚的鮮甜，質地爽嫰，十分討好。令人較失望的是那燒鵝，很多肥膏，內質有點老。來灣仔利苑，純粹為方便行動不便的老人家，有得揀都去IFC啦！

望了很多回想去試試利苑. 但只有星期六有空, 但扁扁它又沒下午茶...好不容易,這個8/4日星期六準時1 點下班, 又約到人去.經過坐熱狗巴, 終去到灣仔利苑.坐下叫了一壼壽眉, 茶呢.一般啦跟著點了1) 蝦餃<<好味啦, 皮算薄, 總知味道剛剛好2) 燒賣<<沒肥肉又不會只有蝦..好味3) 羅白酥<<好味, 4) 合桃馬仔<<都失望, 奇華好過它, 粒粒太硬, 平日吃的馬仔入口會化呢, 它就像一粒一粒硬炸物粘在一起, 外表甜, 中心沒味, 最好吃是合桃吧5) 蟹粥<<很普通, 最失望, 賣38一碗6) xo龍鳯炒腸粉<<<ok 丫7) 炸芋盒<<<鬆, 油不多(看), 味道好, 以前愛去美心吃.但美心都退步8) 脆麻花<<<點心紙沒的.. 因為記得朋友有推介, 所以突別點, 不錯呢.. 不會太甜9) 野箘蒸餃..皮薄又有口感, 好透明. 因為第二日有去太古城的西苑, 也有吃餃, 皮相差太遠, 真的比較什麼叫好.有一個沙碢雲吞雞才88

團年飯為了遷就老人家，灣仔利苑是必然之選。大時大節，利苑一定會幫客人預先寫好拿脷菜單，人齊就比你過目，通常爸爸都照單全收。我們七位大人加一位細佬，張單七千幾，菜式如下：- 叉燒，熱辣軟熟，肥瘦適中- 燒豬，皮脆肉嫩，正宗BB豬，沒丁點肥膩，比近期吃過的喜萬年和新斗記還要好，不過嗜肥膏者未必欣賞- 肘子雞燉翅，針翅好粗，煲到好淋，但仍不失其口感，雞湯非常濃郁，確有水準- 片皮雞，比片皮鴨好吃輕盈千倍- 生菜雞菘，是晚炒得不夠乾身，但依然美味- 蛋白蒸老虎蝦，老虎蝦鮮甜，蛋白散發着海鮮味- 蒸老虎斑，另一貴價菜，眾人都滿意- BB津白併豆苗，津白超嫩，豆苗一般- 馬仔，媽媽最為喜歡，她說利苑的，不太甜亦特別鬆- 紅豆沙湯丸，起沙，甜味適中，湯丸超迷你，啱我回家後問爸價錢，聽罷嚇了我一跳，然後跟爸說，這餐會不會太貴？他冷靜地回答，說：「張單唔貴，利苑唔會留位。」，如此snobbish，服務一欄雖然當晚非常好，但也被我扣了不少分。相對IFC，灣仔確大鼻。

利苑的臘味煲仔飯一向有保證，昨晚我們的臘味排骨飯($49/位)就以超水準完成。飯身油潤分明，排骨軟稔剛熟，最出色係啲飯焦，大大塊兼香脆唔痴牙，難得難得。這裡的羊腩煲亦相當唔錯，羊肉差唔多全部連皮，肉質極稔，炆得夠入味，一點也不膻，啱哂怕膻的男友。