Life Break (Closed)

第1次食呢間💁🏻‍♀️冇伏🙅🏻‍♀️好食😋😋雞翼+肉眼扒+長腳蟹燴飯=清晒👍🏼同男朋友慶祝生日🎂要求甜品上畫一個白兵🤔點知有驚喜 因為畫得好靚😍😍

1. 黑松露長腳蟹肉燴飯（$168）超推，真係食唔停口，長腳蟹肉夠鮮甜，加埋燴飯同松露勁正！🤤🤤🤤彤樂評分：9.5/102. 松露芝士火鍋（$138）松露加上芝士，味道香濃，不過未必個個接受到。😅彤樂評分：7.5/103. 水牛城雞翼（$48）小食方面水牛城雞翼係幾唔錯嘅選擇，好大隻肉夠厚，配上醬汁都唔錯架！彤樂評分：8/104. 保雲酥三文魚扒（$168）比較乾，肉質唔夠滑，個人唔太鍾意。😟彤樂評分：5/10

蟲草花參雞絲天使麵，中式的蟲草花蒸雞拌天使麵，清香不油膩👍🏻👍🏻👍🏻！非常特別，而且價錢很相宜，我午餐去食＄70有找跟餐送的即磨咖啡也是很好一定要再去

放咗工, 想同老婆開開心心食個飯。見佢門面正正常常, 諗住都ok掛！？點知我實在太年輕了...正正常常架！淘寶既裝飾。你以為正常既枱凳。作為雞翼控, 當然要試下。賣相正常, 味道都係正常。但唔通晚餐淨係食雞翼咩。主角出場啦。埋牙一啖食落口, 濃嘅！！- 蒜 濃哂- 意粉 完全滲透咗蒜既濃味- 青口 食得出的唔新鮮- 所謂海鮮, 要用多少少字黎形容吓, 分別係蝦米咁大粒既蝦仁、墨魚圈、蜆。佢既劣食程度達頂級水評, 細個有無食過係「大昌」一大袋$2X蚊既雜錦海鮮？完全係同一個味囉！俾人伏咗去幫人交租囉！

今晚專程去接老公🍋放工，經過見到佢個名幾得意，就入去『Give LIFE a BREAK』啦 🙂舖內座位唔多，但感覺唔會好逼，當時有3枱客。個人認為裝飾略蠻太多，有啲累贅。😥我地都唔太餓，點左1個 pasta 🍝同 1 個 appetizer 就算。 水牛城雞翼🐥：1份4隻，份量對於我地啱啱好。肉厚肥美，可惜炸漿太厚，口感唔夠香脆，味道不過不失。😐蒜香辣海鮮意粉🍝：雖然意粉好彈牙，但係味道怪怪的。第一啖，苦嘅？🙄 再試真啲，雪藏雜錦海鮮粒，加上燶嘅洋蔥，難怪會苦。再試埋個青口，無味嘅？無蒜香味，無辣味，好想問一句『到底我食緊咩呀？！』😑總結：諗住『Give LIFE a BREAK』，結果只係想尖叫一句『Give me a break』。1個字：差！👎🏻 4個字：請都唔黎！😡 完！！！（吃貨人妻極度嬲嬲豬中）

每道食物味道都唔錯😋，西餐晚餐黎講價錢相宜，8個人每人160左右！👍🏼雖然不是在觀塘旺區，但行路過去都好近！ 最驚喜係店裡裝修好有風格，環境好清幽，又唔會限時食野，同朋友相聚嘅好地方。店員服務都好好👍🏼

生日朋友帶我去呢間慶生日。環境好靚，靜靜地既西餐廳。野食都好好味！而價錢亦好親民價。最滿意既係 最後竟然有個驚喜！😍😍就係朋友一早叫左餐廳，為我寫上祝褔！最重要既係，竟然仲有 美少女戰士！😍太厲害喇！😍完全唔捨得整到佢 !佢係以蜜糖漿，士多啤梨漿，朱古力醬，（藍色個個估唔到係咩漿） 畫成。餐廳真係好花心思！！😊簡直就係藝術品黎！而佢個心太軟 亦好好味。好滑好濃既朱古力味！😊食落太幸福了！謝謝餐廳的安排！😁

今日要去宜安街小巴站轉車，有少少肚餓所以決定喺附近食咗嘢先。見到Life break門口個Lunch menu唔算貴，入去試下無防。平平地叫過A餐，溫泉蛋肉醬飯。呢到嘅時候好香芝士味，因為面頭落咗勁多芝士粉。蛋同肉醬嘅份量都幾多，份量足以撈曬全碗飯。不過d飯就比較硬，就算撈咗咁濕嘅肉醬同蛋都系硬。不過只係48蚊所以唔敢有太多要求。去茶餐廳食餐飯都分分鐘要依個價。午餐期間仲不設加一服務費，真系48蚊就埋單走人，算系咁啦。

今日同朋友近近地屋企附近食lunch，朋友食過晚餐話ok,但我地今日去食lunch，我覺得唔。好。食。由於我盡量小食牛，而且見到隔離枱既辣野好似好辣。E餐既九層塔同墨魚又好似9唔搭8咁。所以得返B同C可以揀。其實菠菜同三文魚都唔似會好食，揀無可揀唯有B餐：百里香忌廉野菌闊麵 。另加8蚊可以有餐湯同麵包。餐都夠熱，而且味道ok,但老實講係乜湯真係飲唔出。個包，熱熱地都脆既，不過落埋牛油都無乜味，而且面頭好多粉主菜：百里香忌廉野菌闊麵 闊麵質地好硬，唔係彈牙好咬口果種硬，係硬骨骨煮唔透果種硬。説好的百里香味唔知去左邊。唯獨係野菌數量不小，汁既稀杰度都ok。餐飲方面，我想鬧人！話明係鮮橙汁，落單之前都特登問清楚係橙粉開水定真係鮮橙汁。問個侍應佢答唔出，之後待應問經理。經理答 ：< 橙汁先生>四個大字，我地話好之後佢先話要另加5蚊。ok，如果係真既橙汁先生的話我覺得是合理的。結果係唔係橙汁先生大家有眼睇。待應放底果下我真係o左咀。乜原來橙汁先生轉左係橙漿開水我都係第一次見識！！我份餐加湯加<橙汁先生>，81蚊結帳，因為午餐不收加一服務費。浪費我食物方面既quot

lunch time係觀塘搵下野食，見到依間，好鍾意個名life break,感覺係觀塘依面較殘舊的地方，有一處地方，可以休息一下雖然野食都係西餐，不過個名到裝潢我都幾鍾意，牆上的life is like又幾好，唔知點解我幾鐘意隻杯仔，感覺幾有feel 首先到的係凍榛子咖啡，之後就到主食西冷配黑松露菌汁，淡淡石油氣味，到感覺到用心烹調的西冷，不過認真地我都無諗過一百蚊到，塊西冷又幾高質，牛味都足夠，而且真係嫩口

一內進便有高大西裝型男款待⋯⋯因之前我也在此慶祝生日，所以知道慶生日叫甜品可給壽星驚喜，我千山萬水訂購了....好有紀念價值的公仔送給兩位孖生壽星，向餐廳提出可否劃比以往更高難度的圖畫（滅防車、滅防員）再放上我提供的公仔，在憑空口講沒提供圖像下....親切型男大廚也一一辦到，還要比我想像中好, 我們一家由父母到兩位壽星渡過一個充滿童年回憶驚喜溫馨的晚膳！真心值得推介的餐廳....食品優質，價錢超值，畫工非凡

已經係第三次黎呢間西餐食😛因為真係好味道。本身係觀塘行完，諗住求其搵一間食晚飯，點知間野咁高水準。價錢仲好平民價。所以成日都去幫襯。入到去，個feel都幾好，幾寧靜。雖然間舖唔大，但都唔會覺得好逼。同平日都幾多人下。所以最好都要book抬。我見好多位都留哂。好彩今次咁岩有張抬！今次叫左芥末墨汁意大利飯：個味好濃，好正。連啲魷魚都入味。好味道好快食完 😁 個鹅肝牛仔柳意粉都好味。上次係叫意大利飯。我都係比較鐘意意大利飯多啲. 😃兩樣都好好味……😋😋跟set仲有煙三文魚沙律同餐包食and餐飲。值得推介。😄

之前完全無打算係度食西餐見食評好多哈哈笑就試下啦打開餐牌選擇唔少價錢唔貴幾個晚餐set中 有鵝肝/牛排 叫左一個晚餐牛扒set $228牛扒比散叫細點110z 5成熟 散叫龍蝦汁海蝦天使麵$108天使麵免費轉其他 轉左寛麵散叫加＄40 有沙律餐湯飲品第一樣上枱既係沙津 賣相好有好多菜 有我喜歡既火箭菜 醋好味 甜甜地 係多左少少油 煙三文魚 不過味唔濃 似刺身 好有誠意 食材質素高 好好食跟住上餐湯麪包 跟埋牛油個白麪包熱辣辣 外脆內軟 椰菜花湯 我估薯仔洋蔥湯 估錯曬 味道不錯 都幾飽肚 主菜上左牛扒先 都幾大塊跟薯蓉仲有雜菜 份量好夠五成熟無血水 不過肉嫩紅面頭燒都香口 整體味道好 龍蝦汁大蝦寬麵 香噴噴個龍蝦汁唔係就咁龍蝦湯兩隻大蝦 唔係話超級新鮮肉質唔太彈牙 不過蝦味濃不過麪裡面 仲有好多海鮮魷魚 蜆仔 蝦仔 盛意十足剩食店員幫我打包冇加錢牛扒set跟甜品 估係雲呢嗱奶凍 清清地 唔太甜 有半舊士多啤梨 甜品有第二個胃 細細份 我食曬 餐飲叫凍檸茶熱檸茶叫凍既都冇另外加錢港式西餐既格局高級西餐既水準最重要性價比高一定會再番黎食好多人有卜抬架

觀塘宜安街，一向都是街坊心目中的食街、中式點心、街坊小炒、米線、川菜、日式拉麵...應有盡有。但轉手情況都好快，能夠做得住的食肆，一定要有實力。這間西餐廳已經開左幾年，應該都有過人之處，平日中午時段都要等位，所以一早在open rice 訂在位先。今日和朋友慶祝生日，要食好些。我們這些「牛魔王」牛扒一定少不了，「美國安格斯牛扒」要左3成熟，整體不錯，牛很嫩滑，牛肉味不重，伴碟的薯泥很驚喜，很香滑，牛油味香濃。「西班牙黑豚鞍扒」肉質很嫩滑，很不錯「黑松露長腳蟹肉燴飯」份量很足，黑松露味道濃郁「煙三文魚沙律」「白酒忌廉藍青口」不過不失，酒味不太突出，附送的蒜蓉包很不錯「黑芝麻窩夫配雪糕」可以寫上生日字句，窩夫即叫即做很香脆，芝麻味很突出。總括來說，價錢相宜，服務不錯，是會繼續支持的誠意小店

一年一度生日飯係非常之難搵餐廳既。朋友們係超級肉食者。突然搵到一間價錢不太貴，又可以book到位，最緊要係小朋友坐得舒服的椅。住左觀塘咁多年，都唔知宜安街有間西餐廳。不過西餐廳真係唔岩帶bb去，破壞哂人地既氣氛5大2小，總共叫左10樣食物加3杯飲料，再encore1樣。首先應該無女生不喜愛菇類。大啡菇有兩種味，我地各叫一個。芝士肉醬，配搭得非常好，不太膩，菇很軟，但又𣎴會太乾，汁鎖得很好。相反芝士軟芝士那個，友人説味道很單調。水牛雞翼，一碟4隻，由於我不吃雞翼，故不太清楚味道，但看貌相很大隻，也很香。Encore多一次，睇黎係幾好食。牛肉粒太大，切得不一樣。但入口即溶，超好味，煮得剛剛好，不太生，看不到血，但也很淋。其實想encore這碟，但大家不太愛吃鵝肝菠菜汁三文魚焗飯賣相唔太吸引，飯略嚴硬左d慢煮雞胸肉西牛油果他他正呀！雞胸肉因為用慢煮，口感非常嫩滑，入口即融。醬汁岀奇地配。本身encore，但奈何太飽了。值得推介！我的朋友太愛吃牛，每次聚會都會揀有牛食餐廳。9成肉眼。不太硬又不太生。非常好吃！有功夫！叫左2個焦糖燉蛋，焦糖略嫌太厚。蛋味濃，可以一試